“ ❤ ဤဘလော့ရဲ့ Post များကို အမြဲ Update ပြုလုပ်ပေးလျှက်ရှိပါသည် ❤ ”

Thursday, November 22, 2012

မန္တလေးတိုင်း မတ္တရာမြို့ မှထူးဆန်းသည့်အဖြူရောင် ညောင်ပင် တစ်ပင်

 
မန္တလေးတိုင်း မတ္တရာမြို့ အနီးတွင် အဖြူရောင် ညောင်ပင် တစ်ပင်
ပေါက်နေကြောင်း ဓါတ်ပုံနှင့်တကွ သတင်းရရှိပါသည်။ ဓါတ်ပုံအား မည်သူမဆို ကူးယူ ဖေါ်ပြနိုင်ပါသည်။
(မန္တလေးမြို့မှရသောသတင်း)


Myanmar Oasis ဖေ့ဘုတ်မှ ဗဟုသုတ ရရှိစေရန် ဖော်ပြပေးခြင်း ဖြစ်ပါသည်။
အေးချမ်းမွန်မှ Royal Hero Media တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။

Photo From :Royal Hero Medi

အ၀လွန် ရောဂါအကြောင်း

၁။ အ၀လွန်ရောဂါဆိုတာ ဘာလဲ။
ပုံမှန် ကိုယ်အလေးချိန်ထက်များပြီး ၀ခြင်း (Overweight) နဲ့ အ၀လွန်ရောဂါ (Obesity) ရယ်လို့ နှစ်မျိုးရှိပါတယ်။ ခန္ဓာကိုယ်ထုထည် စံနှုန်း Body Mass Index (BMI) နှင့် တိုင်းပါတယ်။ BMI=ခန္ဓာကိုယ်အလေးချိန် ကီလိုဂရမ် ဖြစ်ပါတယ်။ BMI ၁၈ မှ ၂၅ ကြားမှာရှိနေရင် ပုံမှန်ပါပဲ။ ၂၅ ထက်ကျော်သွားရင်၊ (အရပ်အမြင့်မီတာ)၂ ကိုယ်အလေးချိန်များတယ်လို့ သတ်မှတ်ပြီး၊ ၃၅ ထက်ကျော်သွားရင် အ၀လွန်တယ်လို့ သတ်မှတ်ပါတယ်။

၂။ အ၀လွန်ရင် ဘာအန္တရာယ်ရှိသလဲ။
အ၀လွန်ခြင်းရဲ့ နောက်ဆက်တွဲအဖြစ် သွေးချို၊ ဆီးချိုဖြစ်တက်တယ်။ သွေးတိုးရောဂါလည်း ပိုဖြစ်လွယ်တယ်။ လေဖြတ် ဖို့လည်း အခွင့်အလမ်းပိုများတယ်။ သူ့ခန္တာကိုယ်ထဲမှာ အဆီဓာတ်လည်း ပိုများတဲ့အတွက် နှလုံးသွေးကြောကျဉ်းရောဂါ ပိုဖြစ်နိုင် တယ်။ သည်းခြေအိတ်ကျောက်တည်တာလည်း ပိုဖြစ်တယ်။ အသည်းအဆီဖုံး ရောဂါလည်း ရနိုင်တယ်။ ကင်ဆာရောဂါတွေလည်း ပိုဖြစ်နိုင်တယ်။ ဥပမာ-ရင်သား ကင်ဆာ၊ အဆုတ်ကင်ဆာ၊ ဆီးကျိတ်ကင်ဆာတို့ဖြစ်တယ်။ ၀လွန်းတဲ့အတွက် မောတယ်။ အသက်ရှူမွန်းကျပ်တယ်ဆိုတာတွေလည်း ခံစားရတယ်။ ခြေထောက်မှာ သွေးကြောတွေ ထုံးနေတတ်တယ်။ ၀လွန်းတဲ့ အမျိုးသမီး တွေဆိုရင် ရာသီသွေးလည်းမမှန်ဘူး။ ကလေးမီးဖွားရလည်း ခက်တတ်ပါတယ်။ ကြွက်သားနဲ့ အဆစ်တွေလည်းနာမယ်။ စိတ်ဖိစီးမှု ဒဏ်ကိုလည်းမခံနိုင်ဘူး။ အိပ်လို့ရှိရင် ဟောက်သံထွက်ပြီး နှစ်နှစ်ခြိုက်ခြိုက် အိပ်မပျော်ဘူး။ အိပ်ရေးမ၀ဘူးလို့ အမြဲတမ်းပြောတယ် လူမှုဆက်ဆံရေးမှာလည်း နောက်ပြောင်ခြင်းခံကြရတယ်။ လိင်ဆက်ဆံချင်တဲ့ စိတ်တွေလည်းနည်းသွားလို့၊ အိမ်ထောင်ရေး အဆင်မပြေဘူး။ ၀တဲ့သူတွေကို အလုပ်မခန့်ချင်ကြဘူး။ ဘ၀သက်တမ်းလည်း တိုတယ်။ မ၀တဲ့လူတွေလောက်လည်း အသက် မရှည်ကြဘူး။

၃။ အ၀လွန်ရောဂါဖြစ်နိုင်ချေ ရှိသူများ။
လူတိုင်းမှာ ဖြစ်နိုင်ချေရှိပါတယ်။ ငါတော့မ၀နိုင်ဘူးဆိုပြီး အနေအထိုင်၊ အစားအသောက်မဆင်ခြင်ရင် တစ်ချိန်မှာ ၀လာလိမ့်မယ်။ ဖြစ်နိုင်ချေများတဲ့ အုပ်စုကတော့ လှုပ်ရှားမှုနည်းလွန်းတဲ့သူတွေ၊ ထိုင်ပြီး အလုပ်လုပ်ရတဲ့ အလုပ်သမားတွေ၊ အဆီ များတဲ့အစာစားသူတွေ၊ ဆီနဲ့အထပ်ထပ်ကြော်ထားတဲ့ အစားအစာတွေစားရင် ၀နိုင်ပါတယ်။ နေ့စဉ်စားနေတဲ့ အဆီဓာတ်က ၅% လောက်ပဲ ပါသင့်ပါတယ်။ (တကယ်စားနေတာက ၂၀% မှ ၃၀% ထိရှိပါတယ်) အချိုဓာတ် လွန်လွန်ကဲကဲစားတဲ့သူတွေ၊ အရက် သောက်သူတွေ၊ ဆေးလိပ်စွဲစွဲမြဲမြဲသောက်နေရာက ဖြတ်လိုက်ရင် တချို့မှာ ၀လာတက်ပါတယ်။ လည်ပင်းအကျိတ် သိုင်းရွိုက် ဂလင်းအားနည်းတဲ့သူတွေ၊ စိတ်ငြိမ်ဆေးသောက်နေရသူတွေ၊ သန္ဓေတားဆေးစားနေရသူတွေ၊ အချို့သော ဆီးချိုထိန်းဆေးနဲ့ စတီးရွိုက်ဆေး၊ အတက်ကျ ဆေးစားနေရသူတွေမှာလည်း ၀တက်ပါတယ်။ မျိုးရိုးထဲမှာ ၀တဲ့သူရှိခြင်း၊ ကိုယ်တွင်းရောဂါ တစ်ခုခု ရှိခြင်းကြောင့်လည်း ၀နိုင်ပါတယ်။ အမျိုးသမီးတွေက အိမ်တွင်းမှာပဲ နေရပြီး၊ လှုပ်ရှားမှုနည်းတဲ့အတွက် ယောက်ျားတွေထက် ပိုပြီး ၀လေ့ရှိပါတယ်။ အဖြစ်အများဆုံး အသက်အရွယ်ကတော့ စားနိုင်တဲ့အရွယ်တွေ ဖြစ်ပါတယ်။ ကလေးတွေမှာ ကြီးထွားဖွံ့ဖြိုးနေတဲ့ အတွက် သိပ်ပြဿနာ မရှိပေမယ့် ကလေးကို ၀ပါစေဆိုပြီး လွှတ်ထားလိုက်ရင်တော့ ကြီးလာရင်မထိန်းနိုင်တော့ဘူး။ မျက်စိအကျင့် ၀မ်းအချင့်ဆိုတဲ့အတိုင်း သူက များများစားမှ နေတတ်တော့တယ်။ ၁၈ နှစ်နဲ့ ၄၀ နှစ်ကြားမှာ ပိုပြီး တွေ့ရတယ်။ ဘူးသီးပုံဝလာတဲ့ သူတွေထက်၊ ဗိုက်ကြီးပဲစူထွက်လာတဲ့ ပန်းသီးပုံဝခြင်းဟာ ပိုဆိုးပါတယ်။

၎။ အ၀မလွန်အောင် ဘယ်လိုထိန်းမလဲ။
ပထမဆုံးအဆင့်ကရှိနေတဲ့ ကိုယ်အလေးချိန်ထပ်မတက်အောင် လုပ်ရပါမယ်။ ပြီးတော့မှ ကိုယ်အလေးချိန်ကျအောင် လုပ်ရပါမယ်။ ၀တဲ့သူတွေ ကိုယ်အလေးချိန်ချနိုင်ရင် ၀ခြင်းကြောင့် ဖြစ်နိုင်တဲ့ ရောဂါဖြစ်ပွားမှု အခွင့်အလမ်း ၂၀% ဆီးချို၊ သွေးချို ကြောင့်ဖြစ်တဲ့ နောက်ဆက်တွဲ ရောဂါဖြစ်ပွားနှုန်း ၃၀% ကျဆင်းသွားနိုင်ပါတယ်။ ကင်ဆာကြောင့် သေတဲ့နှုန်းလည်း ကျသွားမယ်။ လူလည်း ပေါ့ပေါ့ပါးပါးဖြစ်သွာမယ်။ ကိုယ့်ကိုယ်ကို ယုံကြည်မှုလည်း ဖြစ်လာမယ်။

၅။ ကိုယ်အလေးချိန် ဘယ်လိုချမလဲ။
အစားအသောက်ကို မျှတအောင် စားသောက်တတ်ဖို့ လိုပါတယ်။ တစ်နေ့တာ စားတဲ့အစာထဲမှာ ကာဘိုဟိုက်ဒရိတ် ဓာတ်ဖြစ်တဲ့ ဆန်၊ ဂျုံ၊ ပြောင်း၊ အာလူး၊ ကောက်ညှင်းအုပ်စုကို ၃၀% လောက်ပဲစားပါ။ အသား၊ ငါး၊ ပုစွန်၊ ပဲ၊ နို့ ၃၀% ရအောင် စားပါ။ အမျှင်ပါတဲ့ ဟင်းသီးဟင်းရွက် အသီးအနှံများများစားပါ။ အမျှင်ပါတဲ့အတွင် အဆာခံတယ်၊ ဓာတ်တိုးဆန့်ကျင်ပစ္စည်း (Antioxidant) တွေပါတဲ့ အတွက် နှလုံးသွေးကြောကျဉ်း ရောဂါကိုကာကွယ်တယ်။ အသားအရေကောင်းစေတယ်။ ကင်ဆာ ကာကွယ်တယ်။ တစ်နေ့ အသီးအနှံ ဟင်းသီးဟင်းရွက် ငါးမျိုးလောက် ပါအောင်စားနိုင်ရင်ကောင်းပါတယ်။ လက်ဖက်ရည်၊ ကော်ဖီ၊ နို့ဆီ၊ နွားနို့၊ သကြားလုံး၊ ချောကလက်၊ ထန်းလျက်နဲ့ လုပ်တဲ့ မုန့်မျိုးစုံ၊ အချိုရည်မျိုးစုံကို လျှော့စားပါ။ ၀က်ဆီ၊ အုန်းဆီ၊ ထောပတ်၊ မလိုင်၊ ဆီကြော်မုန့် အမျိုးမျိုးရှောင်ပါ။ အမူအကျင့်ကို ပြင်ဖို့လိုပါတယ်။ တစ်နေ့သုံးကြိမ်လောက်ပဲ စည်းကမ်းစနစ်တကျ စားပါ။ သရေစာနှင့် ဖြည့်စွက်စာတွေမစားပါနှင့်။ ထမင်းစားရင် ကြုံသလိုမစားဘဲ ဇွန်း၊ ခက်ရင်းနဲ့ ကျကျနနထိုင်ပြီးစားပါ။ ကြာကြာဝါးစား ပါ။ အချိန်ပေးပါ။ လက်နဲ့စားရင် အစာပိုဝင်ပါတယ်။ လက်နဲ့စားကျင့်ရှိရင် ဇွန်း၊ ခက်ရင်း၊ တူတို့နှင့် ပြောင်းစားသင့်ပါတယ်။ ကိုယ်လက်လှုပ်ရှားမှု ပိုပြီးလုပ်ပါ။ တောရုံတန်ရုံခရီးကို လမ်းလျှောက်ပါ။ အပေါ်ထပ်ကို လှေကားမှ လမ်းလျှောက်ပြီးတက်ပါ။ တီဗီ၊ ဗီဒီယို၊ ကွန်ပျူတာရှေ့မှာ အကြာကြီးထိုင်ပြီး သရေစာစားခြင်းကို ရှောင်ပါ။ ကိုယ်ကာယလေ့ကျင့်ခန်းတွေလည်း လုပ်စေချင်ပါတယ် အကောင်းဆုံးနဲ့ ဈေးအပေါဆုံးကတော့လမ်းလျှောက်၊ ရေကူး၊ တင်းနစ်ရိုက်စသည့် ကိုယ်နှင့် သင့်တော်ရာ တစ်ခုခုပြုလုပ်ပါ။ အိမ်ရှင်မတွေလည်း အိမ်မှုကိစ္စတွေကို သွက်သွက်ကလေးလုပ်ပါ။ တစ်နေ့ကို နာရီဝက်၊ တစ်ပတ်ကို ငါးရက်လောက်လုပ်ပါ။

၆။ ပိန်ဆေးတွေ စားသင့်သလား။
တချို့ပိန်ဆေးတွေကို နှလုံးရောဂါ ဖြစ်စေတယ်။ အဆုတ်ကို ထိခိုက်တယ်။ ကျန်းမာရေးကို ထိခိုက်တဲ့အတွက် ဈေးကွက် ကနေပြန်ပြီး ရုပ်သိမ်းသွားရတယ်။ ချက်ချင်းပိန်အောင်လုပ်တဲ့အတွက် ဆိုးကျိုးတွေရှိတယ်။ ဆရာဝန်နှင့်မတိုင်ပင်ဘဲ ကိုယ့်ဟာ ကိုယ် မသောက်သင့်ဘူး။ နှစ်နှစ်ထက်ကျော်ပြီးသောက်ရင် ဆိုးကျိုးတွေ အများကြီး ၀င်လာနိုင်တယ်။ ပိန်ဆေးသောက်တာကို အားမပေးချင်ဘူး။

၇။ ခေတ်မီကုထုံးဘာတွေရှိလဲ။
အရင်တုန်းကတော့ အစာမစားချင်အောင် မေးရိုးကို ၀ါယာကြိုးနဲ့တုပ်ပြီး ထိန်းချုပ်ပစ်တာမျိုးလုပ်ကြတယ်။ အစာအိမ်ကို သေသွားအောင် ခွဲစိတ်ဖြတ်တောက်ပစ်ကြတာလည်း ရှိတယ်။ တချို့ကျတော့ (Plastic Surgery) နည်းနဲ့ ၀မ်းဗိုက်ပေါ်က အဆီတွေကို လှီးထုတ်ကြတယ်။ BMI 40 ထက်ကျော်သွားပြီ ဆိုရင်တော့ (Plastic Surgery) လုပ်ဖို့ စဉ်းစားနိုင်ပါတယ်။ Liposuction အဆီတွေကို စုပ်ထုတ်တဲ့ နည်းကိုသုံးကြတဲ့ နည်းလည်းရှိတယ်။ ဒါတွေကလည်း ဆိုးကျိုးတွေမကင်းဘူး။

၈။ အဓိကကျတဲ့ အကြံပေးချက်။
ဝလာပြီဆိုတာနဲ့ စိတ်ဓာတ်မကျပါနဲ့။ ဒီထက်ဆက်မ၀အောင် ထိန်းနိုင်ပြီဆိုရင် ပထမအဆင့်အောင်မြင်လာပြီ။ ပိန်ချင်လို့ ဆိုပြီး လေ့ကျင့်ခန်း ပြင်းပြင်းထန်ထန်လုပ်တာလည်း အားမပေးပါဘူး။ အမြန်ပိန်အောင်လုပ်ရင် ခန္ဓာကိုယ်ရဲ့ အဆစ်တွေမခံနိုင်ပါ။ တစ်လကို ငါးပေါင်ထက်ပိုကျရင်တော့ အန္တရာယ်ရှိပါတယ်။ တဖြည်းဖြည်းချင်းပိန်သွားအောင် စိတ်ရှည်လက်ရှည်လုပ်သင့်ပါတယ်။ ၀တဲ့သူတွေကို တွေ့ရင် ကိုယ်ချင်းစာပြီး တက်နိုင်သလောက် ကူညီပေးသင့်ပါတယ်။ ပိန်ဆေးဆိုပြီး ကြော်ငြာတဲ့ဆေးတွေကို သေသေချာချာ မသိသေးဘဲ မသောက်စေချင်ပါဘူး။ ငါးကရတဲ့အဆီတွေက လူကိုအကျိုးပြုတဲ့အတွက် ငါးများများစားစေချင်တယ်။ ကြိုတင်ကာကွယ်ခြင်းဟာ ကုသခြင်း ထက်ပိုကောင်းတဲ့အတွက် မ၀သေးတဲ့ လူတွေဟာ မ၀အောင် ကြိုတင်ကာကွယ်ထားတာ အကောင်းဆုံးပါပဲ။
source:Health Digest
http://futurestars-myanmar.ning.com/profiles/blog/show?id=6405389%3ABlogPost%3A506201&xgs=1&xg_source=msg_share_post

ဟာသတိုများ(၁၀)

မေ့တတ်ပုံ
မစ္စဂျုန်း။ ။သင်္ဘောဝန်ထမ်းရေ…ကျွန်မ တစ်ခုခု မေ့နေတယ်ဆိုတာ သေချာတယ်။
ဒါပေမဲ့ ဘာမေ့နေသလဲဆိုတာတော့ ကျွန်မမသိဘူး။
သင်္ဘောဝန်ထမ်း။ ။ခင်ဗျားရဲ့ နိုင်ငံကူးလက်မှတ်ရော ရှိရဲ့လားဗျ။
မစ္စဂျုန်း။ ။ဟုတ်ကဲ့ ကျွန်မမှာရှိပါတယ်။ ပြီးတော့ သင်္ဘောလက်မှတ်လည်း
ရှိပါတယ်။ မေ့နေတယ်ဆိုတာ နောက်ထပ် ဘာများဖြစ်နိုင်မလဲ။
သင်္ဘောဝန်ထမ်း။ ။ခင်ဗျားရဲ့ ခရီးဆောင်အိတ်အားလုံးရော ရှိတယ်မဟုတ်လား။
မစ္စဂျုန်း။ ။ရှိတယ်လို့တော့ ထင်တာပဲ။ စစ်ကြည့်လိုက်ဦးမယ်နော်။
တစ်…နှစ်…သုံး…လေး…ငါး…။ ဟုတ်တယ် …အ်ိတ်တွေအားလုံး ရှိပါတယ်။
သင်္ဘောဝန်ထမ်း။ ။ဒါဆိုရင်တော့ ခင်ဗျားလိုအပ်နေတယ်ထင်တဲ့ အရာအားလုံး
ခင်ဗျားမှာ ရှိတယ်ထင်တာပဲ။
မစ္စဂျုန်း။ ။မဖြစ်နိုင်ပါဘူးရှင်။ တစ်ခုခုတော့ လိုနေသလိုပဲ။ ဒါပေမဲ့
ဘာလဲဆိုတာတော့ ကျွန်မ စဉ်းစားလို့မရသေးဘူး။
သင်္ဘောဝန်ထမ်း။ ။လောလောဆယ် ဒီအတွက် မပူပါနဲ့ဗျာ။ သင်္ဘောက ခုပဲထွက်တော့မယ်။
ဒါနဲ့ခင်ဗျားယောက်ျားကရော။
မစ္စဂျုန်း။ ။ဟုတ်ပါရဲ့။ ကျွန်မ ခုမှပဲသိတော့တယ်။ ကျွန်မ မေ့နေတယ်ဆိုတာ
ကျွန်မ ယောက်ျားပဲလေ။   
 
မပြရင် ရတာပဲ
တစ်နေ့က နကျယ်ကောင်တစ်ကောင် အိမ်ထဲဝင်လာသည်ကိုတွေ့တော့ ကျွန်မက
ယောက်ျားကို လှမ်းပြောလိုက်ပါသည်။
"ဒွန်ရေ…ဒီမှာ နကျယ်ကောင်တစ်ကောင်ရောက်လာတယ်။ ရှင့်ဆီမှာ
ပိုးသတ်ဆေးဘူးများ မရှိဘူးလား"
သူက ပန်းကန်ဆေးစင်အောက်တွင် ဘူးတစ်ဘူးရှိကြောင်း ပြောပါသည်။
"အချစ်ရေ…"ကျွန်မက ပြန်၍အော်ပြောလိုက်သည်။ " အဲဒါက ပုရွက်ဆိတ်တို့၊
ပိုးဟပ်တို့ ဖျန်းတဲ့ဆေးဘူးပါ။ နကျယ်ကောင်အတွက် မဟုတ်ပါဘူး"
ထို့အခါ ကျွန်မယောက်ျားက ပြန်အော်ပြောလိုက်ပြန်သည်။
"နကျယ်ကောင်ကို ဘူးပေါ်က အမှတ်အသား မပြလိုက်နဲ့" တဲ့။
                                      
ကိုယ့်စကားနဲ့ကိုယ်
"မေမေ…မေမေ… ဖေဖေက ခေါင်းပေါ်မှာ ဘာဖြစ်လို့များ ဆံပင်တွေ
အရမ်းနည်းနေရတာလဲ"ဟု ဂျွန်နီလေးက သူ့အမေကို မေးသည်။
"သူက အများကြီး စဉ်းစားတွေးခေါ်ရတယ်လေ" ဟု မိခင်က ပြန်ဖြေလိုက်သည်။
ခင်ပွန်း၏ ထိပ်ပြောင်မှုအပေါ် အကောင်းဆုံး အဖြေတစ်ခု ပေးနိုင်သည့်အတွက်
သူမက မိမိကိုယ်ကို ဂုဏ်ယူလိုက်မိသည်။
ထိုနောက်တွင် သားဖြစ်သူ၏စကားကြောင့် မိခင်ဖြစ်သူမှာ ဘာပြန်ပြောရမှန်းမသိ
ဖြစ်သွားတော့သည်။
"ဒါဆိုရင် မေမေကရော ဘာကြောင့်များ ဆံပင်တွေ အများကြီး ရှိနေရတာလဲ"
 
 စောင့်မှာပါ
ဆန်တာက ဆူတီတာအားပြောသည်။ "ငါနင့်ကို လက်ထပ်ယူချင်တယ်"
ဆူတီနာ။ ။ဒါပေမဲ့ ငါက နင့်ထက် အသက်တစ်နှစ် ကြီးတယ်လေ။
ဆန်တာ။ ။ ကိစ္စမရှိပါဘူး။ ဒါဆိုရင် နောက်နှစ်မှပဲ နင့်ကို လက်ထပ်ယူမယ်လေ။
 
ဆန့်ကျင်ဘက်လား
ကျွန်မ မင်္ဂလာပွဲတစ်ခု တက်ရောက်နေစဉ်က ဖြစ်သည်။ ငါးနှစ်အရွယ် ကျွန်မသားက "မေမေ…သတို့သမီးက ဘာဖြစ်လို့ အဖြူရောင်ဂါဝန် ဝတ်ရတာလဲ" ဟု မေးသည်။
"သူမရဲ့ အပျော်ဆုံးနေ့ဖြစ်လို့ အဖြူရောင်ဝတ်တာပေါ့ သားရယ်" ဟု ကျွန်မက အလွယ်တကူ ဖြေလိုက်ပါသည်။
ထို့နောက် သားငယ်က ဒုတိယမြောက်မေးခွန်းကို မေးပြန်သည်။
"ဒါဆိုရင် သတို့သားကရော ဘာဖြစ်လို့ အနက်ရောင်ဝတ်စုံ ဝတ်ရတာလဲဟင်"
 
သေချာစေချင်လို့
လူတစ်ယောက် မီးရထားရုံပိုင်ထံ ရောက်လာကာ မေးမြန်းလိုက်သည်။
"အမြန်ရထား ထွက်သွားပြီလားဗျ"
"ဟုတ်ကဲ့…ထွက်သွားပါပြီ"
"ဒါဆို လောကယ်ရထားရော…"
"ရှစ်နာရီခွဲတုန်းက ထွက်သွားပါတယ်"
"ကုန်တင်ရထားဆိုရင်ရော…"
"ဒီဘူတာကို ညသန်းခေါင်လောက်မှ ဖြတ်သွားမှာပါ"
"ဒါဆို ခုထွက်မဲ့ ရထားမရှိတော့ဘူးပေါ့"
"ဟုတ်ပါတယ်။ ဘာဖြစ်လို့လဲ။ ခင်ဗျား ရထားစီးပြီး အရေးတကြီး သွားစရာများရှိလို့လား" ဟု စိတ်တိုလာသည့် ရုံပိုင်က အော်လိုက်သည်။
ထို့အခါ သူက ပြန်ပြောလိုက်သည်။
"မဟုတ်ရပါဘူးဗျာ…. ကျွန်တော့် ရထားလမ်း ဖြတ်ကူးချင်လို့ပါ"
 
ဖိတ်ကျလို့
လူနာ။            ။ ဆရာရေ…ကျွန်တော့်ကို ကူညီပါဦးဗျာ။ ကျွန်တော့်လက်တွေ တုန်နေတာ ရပ်လို့မရလို့ပါ။
ဆရာဝန်။        ။ခင်ဗျား…အရက်တွေအများကြီး သောက်ထားတာမဟုတ်လား။
လူနာ။            ။မဟုတ်ပါဘူးဗျာ။ ဖိတ်ကျတာက အများစုပါ။
 
စားပြီသား
လူတစ်ယောက်သည် စောင့်ရှောက်ရေးဂေဟာရှိ အဒေါ်ဖြစ်သူထံ အလည်လာပါသည်။ အဒေါ်ဖြစ်သူ အိပ်ပျော်နေသဖြင့် သူသည် ကုလားထိုင်တစ်လုံးတွင်ထိုင်ကာ မဂ္ဂဇင်းအချို့ကို လှန်လှောကြည့်ရူပြီးနောက် စားပွဲပေါ်ရှိ ပန်းကန်တစ်လုံးထဲမှ မြေပဲစေ့များကို ကောက်ဝါးနေလိုက်သည်။ နောက်ဆုံးတွင် အဒေါ်ဖြစ်သူ နိုးလာပါသည်။
"စိတ်မကောင်းပါဘူး…အန်တီ။ ကျွန်တော် အန်တီရဲ့ မြေပဲစေ့တွေ စားလိုက်မိပြီ" ဟု သူကတောင်းပန်လိုက်သည်။
ထို့အခါ အန်တီဖြစ်သူ၏ ပြောစကားကြောင့် သူသည် ပျို့အန်ချင်စိတ် ပေါက်သွားတော့သည်။
"ရပါတယ် ငါ့တူရယ်။ အဲဒီက ချောကလက်တွေ အန်တီစုပ်စားပြီးမှတော့ မြေပဲစေ့တွေကို သံယောဇဉ် မတွယ်တော့ပါဘူးကွယ်"
 
နေလင်းအောင်

ထိုင်းစတိုင်လ် ငပိထမင်းကြော် နဲ့ ကျောက်ပွင့်သုပ်





ထိုင်းစတိုင်လ် ငပိထမင်းကြော်

ထိုင်းစတိုင် ငပိထမင်းကြော်လေးပါ။  ငပိထမင်းကြော်မှာ သရက်သီး၊ ငရုတ်သီးစိမ်း၊ သံပရာသီး

ကင်ဆာရောဂါ ကာကွယ်နိုင်အောင် ဂေါ်ဖီထုပ်စားပါ


ဂေါ်ဖီထုပ်၊ ပန်းဂေါ်ဖီနဲ့ ဘရိုကိုလီ(အစိမ်းရောင်ပန်းဂေါ်ဖီ)လိုမျိုး Cruciferous အမျိုးအစားဝင် ဟင်းသီးဟင်းရွက်တွေကို အနည်းဆုံး တစ်ပတ်တစ်ကြိမ်စားတာကြောင့် ကင်ဆာဖြစ်နိုင်ခြေကို ဖြတ်တောက်နိုင်ကြောင်း သုတေသီတွေက ဆိုပါတယ်။ ယခင်လေ့လာမှုအရလည်း ဘရိုကိုလီ၊ ပန်းဂေါ်ဖီ၊ ဂေါ်ဖီထုပ်၊ဂေါ်ဖီလုံး၊ ကန်စွန်းရွက်နဲ့ မုန်လာဥလိုမျိုး Cruciferousအမျိုးအစား ဟင်းသီးဟင်းရွက်တွေ စားတာကြောင့် ကင်ဆာဆဲလ်တွေကို သတ်ပစ်နိုင်ပြီး ဆေးဝါး အသစ်တွေထုတ်လုပ်နိုင်မယ်လို့ မျှော်လင့်ထားပါတယ်။ အထူးသဖြင့် ဘရိုကိုလီမှာပါဝင်တဲ့ ဆာဖိုရက်ဖိန်းဟာ ဆီးကျိတ်ကင်ဆာဆဲလ်တွေကို ဖျက်ဆီးပစ်နိုင်တယ်လို့ တွေ့ရှိခဲ့ပါတယ်။ ယခုလေ့လာမှုအရ Cruciferous အမျိုးအစား ဟင်းသီးဟင်းရွက်ကို အနည်းဆုံးတစ်ပတ်တစ်ကြိမ် စားသူတွေဟာ မစားသူတွေထက် ခံတွင်းကင်ဆာဖြစ်နိုင်ခြေ ၁၇ရာခိုင်နှုန်း၊ အစာမျြွိုပန်ကင်ဆာဖြစ်နိုင်ခြေ ၂၈ရာခိုင်နှုန်း၊ အူမကြီးနဲ့ သားမြတ်ကင်ဆာ ဖြစ်နိုင်ခြေ ၁၇ရာခိုင်နှုန်းနဲ့ ကျောက်ကပ်ကင်ဆာ ဖြစ်နိုင်ခြေ ၃၂ရာခိုင်နှုန်း လျှော့ချနိုင်ကြောင်း တွေ့ရှိခဲ့ပါတယ်။

http://www.swesonemedia.org/index.php?q=3049

နိဗ္ဗာန်၏ ဂုဏ်တော်တချို့

ခယဂုဏ်တော်
ထိုနိဗ္ဗာနဓာတ်တရားမြတ်ကို သောတာပတ္တိမဂ်ဖြင့် မြင်လိုက်သည်နှင့်တစ်ပြိုင်နက် ရာဂစသော ကိလေသာအချို့သည်လည်းကောင်း၊ ထိုကိလေသာရှိသူတိုင်း (၇-ဘ၀နောက်ရရှိမည့်) ရုပ်နာမ်တို့သည်လည်းကောင်း ကုန်ခန်းကြရတော့၏။ အထက်မဂ်များကို ရသောအခါလည်း ဤနည်းအတိုင်း ကိလေသာအပူတွေ ကုန်ရပေသည်။ ထို့ကြောင့် သန္တိဖြစ်သော ထိုနိဗ္ဗာန်သည် ကိလေသာတို့၏လည်းကောင်း၊ ရုပ်နာမ်တို့၏လည်းကောင်း ကုန်ခန်းကြောင်းခယဂုဏ်နှင့် ပြည့်စုံပါသည်။

ဝိရာဂဂုဏ်တော်
တပ်မက်ခြင်းသဘောကို ပါဠိလို “ရာဂ”ဟုခေါ်၏။ ထိုရာဂသည် ရုပ်နာမ် ခန္ဓာပေါ်၌လည်းကောင်း၊ ခန္ဓာနှင့်စပ်သော ပညတ်အပေါ်၌လည်းကောင်း ဖြစ်ရသော တရားတည်း။ ရုပ်နာမ်တို့၏ ကုန်ကြောင်းဖြစ်သော နိဗ္ဗာန်သည် ထိုရာဂနှင့် လုံးလုံး မစပ်တော့ရကား “၀ိရာဂ-ရာဂမရှိ”ဟူသော ဂုဏ်နှင့်လည်း ပြည့်စုံပါသည်။

အမတဂုဏ်တော်
“သေခြင်း” ဆိုသည်မှာ တစ်ဘ၀အတွက် နောက်ဆုံးပျက်ခြင်းတည်း။ ထိုအပျက်ဟူသည်လည်း အဖြစ်ရှိပြီးမှ ပေါ်လာ၏။ ပျက်ဖို့ ရှေးရူနေသော (ပျက်ဖို့ ပြင်နေသော) သဘောကို “အိုခြင်း ဆွေးမြေ့ခြင်း” ဟုခေါ်၏။ ပါဠိလို ဇာတိ၊ ဇရာ၊ မရဏ။ မြန်မာလို “ဖြစ်ခြင်း၊ ရင့်ခြင်း(အိုခြင်း)၊ သေခြင်း(ပျက်ခြင်း)” ဟူသော သဘောသည် ရုပ်တရား နာမ်တရားတို့၏ သဘောဖြစ်၏။ ရုပ်နာမ်အားလုံး ကုန်ဆုံးပြီးသော ထိုနိဗ္ဗာန်သည် သေခြင်း “မတ” မရှိရကား အမတဂုဏ်နှင့်လည်း ပြည့်စုံသည်။

ပဏီတဂုဏ်တော်
နိဗ္ဗာနဓာတ် တရားမြတ်သည် ရဟန္တာပုဂ္ဂိုလ်များအတွက် (စား၍ မ၀နိုင်အောင် အရသာရှိသော အစာကဲ့သို့) မကြာမကြာ အာရုံပြု၍ နေချင်စရာကောင်းလောက်အောင် အရသာရှိသော တရားတော်ဖြစ်၏။ ဗုဒ္ဓမြတ်စွာသည် (ဖလသမာပတ်ကို ၀င်စားကာ) ထိုနိဗ္ဗာန်ကို အာရုံပြု၍ မကြာမကြာ သီတင်းသုံးတော်မူလေ့ရှိ၏။ တရားဟောတော်မူတုန်းမှာပင် ပရိသတ်က သာဓုသာဓုခေါ်ပြီးမှ တရားကိုဆက်၍ ဟောတော်မူ၏။ နိဗ္ဗာန် တရားတော်သည် ရဟန္တာဖြစ်ပြီး ပုဂ္ဂိုလ်အတွက် ဤမျှလောက် အရသာရှိသော တရားထူး တရားမွန်ဖြစ်သောကြောင့် ပဏီတဂုဏ်နှင့်လည်း ပြည့်စုံပါသည်။

ယဒဇ္ဈဂါ (ယံ + အဇ္ဈဂါ)
ထိုနိဗ္ဗာန်တရားတော်ကို ဤသာသနာတော်၌ ဗုဒ္ဓမြတ်စွာသည် အစဆုံး သိတော်မူ၊ တွေ့မြင်တော်မူရ၏။ တွေ့မြင်ရာဋ္ဌာနနှင့် ကာလကား ဘုရားဖြစ်ရာ ဗောဓိရပ်၌သာ ကဆုန်လပြည့်ညဉ့် အာရုဏ်တက်တော့မည့်ဆဲဆဲ အချိန်အခါတည်း။

နိရောဓသစ္စာ
ထိုအချိန်ဝယ် ဗုဒ္ဓမြတ်စွာသည် ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဟူသော သစ္စာ ၄-ပါးကို ပိုင်းခြားထင်ထင် သိမြင်တော်မူ၏။ ထိုသို့ သိမြင်တော်မူရာဝယ် “နိရောဓသစ္စာ”ဟူသည် ဤနိဗ္ဗာနဓာတ် တရားမြတ်ပင်ဖြစ်၏။ ထိုအချိန်၌ မျက်စိအောက်သို့ ရောက်နေသော အရာဝတ္ထုကို မြင်ရသကဲ့သို့ ဗုဒ္ဓမြတ်စွာသည် မဂ်ဉာဏ်ဖြင့် ခယ၊ ၀ိရာဂ၊ အမတ ဂုဏ်အပေါင်းနှင့် ပြည့်စုံသော နိရောဓသစ္စာကို ထင်ထင်ရှားရှား မြင်တော်မူပါသည်။

ဥပမာဆောင် ထင်ရှားအောင်ပြပေအံ့ -
အဏှမြူဓာတ်၏ စွမ်းအားကို ရှာဖွေကြသော လောကီ ပညာရှင်တို့သည် အလွန်ကြိုးစားသောအခါ ထိုအဏှမြူအားကို တွေ့မြင်ကြရ၏။ ထိုတွေ့မြင်အပ်သော ထိုဓာတ်အားသည် သူတို့တွေ့မှ ဖြစ်သည်မဟုတ်။ နဂိုသဘာဝအတိုင်း ရှိသောအားဖြစ်သကဲ့သို့လည်းကောင်း၊ လေးနက်သော ကျမ်းစာ၏ အဓိပ္ပာယ် အမှန်သိရအောင် စဉ်းစားကြသော စာပေပညာရှင်တို့သည် ရက်ပေါင်းများစွာ အတော်ကြိုးစားသောအခါ ထိုအဓိပ္ပာယ်ကို သိရ၏။ ထိုသိအပ်သော အကြောင်းအရာ အဓိပ္ပာယ်စာသည် ထိုအချိန်မှ ဖြစ်ရသည်မဟုတ်ဘဲ နဂိုသဘာဝအတိုင်းပင် ရှိသကဲ့သို့လည်းကောင်း တရားထူးရအောင် အားထုတ်သော ယောဂီသူမွန်သည်လည်း နိဗ္ဗာန်နှင့်တကွ၊ သစ္စာ ၄-ပါးကို သိရအောင် တရားအားထုတ်သောအခါ အလွန့်အလွန် ကြိုးစားမှ ထိုတရားကို သိရ၏။ ထိုသိအပ်သော နိဗ္ဗာန်တရားသည် ထိုအချိန်မှ ဖြစ်ပေါ်လာသော တရားမဟုတ်။ သဘာဝအတိုင်း ရှိနေသော သန္တိသုခတရားသာ ဖြစ်ပါသည်။

သမံနတ္ထိ
ဓမ္မက္ခန္ဓာပေါင်း ရှစ်သောင်း လေးထောင်ဟူသော ပရိယတ်တရား၊ ကိလေသာတို့ကို သူ့နည်း သူ့ဟန်ဖြင့် ပယ်နိုင်သော ဈာန်တရား၊ မြေလျှိုမိုးပျံ ပုံသဏ္ဌာန် အမျိုးမျိုးကို ဖန်ဆင်းနိုင်ခြင်းစသော တန်ခိုးရှိသော အဘိညာဉ် တရား၊ ဆိုင်ရာ ကိလေသာတို့ကို အကြွင်းအကျန်မရှိအောင် ပယ်နိုင်သော မဂ်တရား ဖိုလ်တရား တို့သည် ဆိုင်ရာ အကျိုးအမျိုးမျိုးကို ပေးနိုင်ကြသော်လည်း နိဗ္ဗာန်နှင့် တန်းတူသောတရား တစ်ပါးမျှ မရှိပါချေ။

ဒိဋ္ဌဓမ္မိက နိဗ္ဗာန်
ဗုဒ္ဓမြတ်စွာ၏ စိတ်တော်၌ မကြာမကြာ ထင်ပေါ်နေသော နိဗ္ဗာန်ကို မျက်မှောက်ဘ၀၌ အာရုံပြုရသောကြောင့် “ဒိဋ္ဌိဓမ္မိက နိဗ္ဗာန်”ဟု ခေါ်၏။ ၀ိပါက်စိတ်များနှင့် ကမ္မဇရုပ်များကို “ဥပါဒိ” ဟု ခေါ်၏။ ထိုဥပါဒိ ရှိနေစဉ်အခါ၌ အာရုံပြုရသောကြောင့် “သဥပါဒိသေသနိဗ္ဗာန်”ဟုလည်း ခေါ်သည်။

သမ္ပရာယိက နိဗ္ဗာန်
ဗုဒ္ဓမြတ်စွာ ပရိနိဗ္ဗာန် စံတော်မူပြီးသောအခါ တည်ရှိရစ်သော ထိုနိဗ္ဗာန်ကိုပင် “သမ္ပရာယိက နိဗ္ဗာန်”ဟု ခေါ်၏။ ၀ိပါက် နာမက္ခန္ဓာနှင့် ကဋတ္တာရုပ်ဟူသော ကမ္မဇရုပ် အကြွင်းအကျန်မရှိသောကြောင့် “အနုပါဒိသေသနိဗ္ဗာန်”ဟုလည်း ခေါ်သည်။ ထို့ကြောင့် “ဗုဒ္ဓမြတ်စွာ ပရိနိဗ္ဗာန် စံတော်မူပြီးသော်လည်း ဗုဒ္ဓမြတ်စွာ သိတော်မူအပ်ပြီးသော အသင်္ခတ နိဗ္ဗာနဓာတ်သည်ကား ယနေ့တိုင်အောင် တည်ရှိနေသည်”ဟု မှတ်ပါ။ (ဣတိဝုတ္တကဋ္ဌကထာ၊ ဒုက၊ ဒုဝဂ်၊ နိဗ္ဗာနဓာတုသုတ် အဖွင့်)

အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။

http://goldenmyanmarparadise.ning.com/profiles/blog/show?id=5620648%3ABlogPost%3A1509950&xgs=1&xg_source=msg_share_post

စတော်ဘယ်ရီသီးနှင့် ကျန်းမာရေး

စတော်ဘယ်ရီသီး နီနီရဲရဲလေးတွေဟာ စားချင်စရာဆွဲဆောင်နေပြီး အရသာလည်း ရှိလှသလို
အာဟာရလည်း ပြည့်ဝပါတယ်။ ဒါကြောင့် အခုလို စတော်ဘယ်ရီသီးတွေ ပေါများတဲ့ ရာသီမှာ
စတော်ဘယ်ရီသီးမှာ ပါဝင်တဲ့ အာဟာရဓာတ်တွေနဲ့ စတော်ဘယ်ရီသီးတွေကို ကျန်းမာရေးနဲ့
ညီညွှတ်အောင်စနစ်တကျ သိမ်းဆည်းနည်းတွေကို ဖော်ပြလိုက်ပါ။

- စတော်ဘယ်ရီသီးမှာ သင့်ကျန်းမာရေးနဲ့ ကိုယ်ခံအားစနစ်ကို အကျိုးပြုမယ့် ဗီတာမင်စီ
ကြွယ်ဝစွာ ပါဝင်ပါတယ်။

- ဒါ့အပြင် ဓာတ်တိုးပစ္စည်း (Free radicals) တွေကို ဆန့်ကျင်တွန်းလှန်နိုင်တဲ့ အင်တီအောက်ဆီးဒင့်တွေနဲ့Phytonutrient တွေလည်း ပါဝင်ပါတယ်။Free radicals တွေဟာ ဆဲလ်တွေကို ထိခိုက်စေနိုင်ပြီး ကင်ဆာရောဂါအပါအဝင် ရောဂါအမျိုးမျိုးကို ဖြစ်စေနိုင်ပါတယ်။

- စတော်ဘယ်ရီသီးမှာ ဗီတာမင်ကေ၊ မန်းဂနိစ်၊ ဖောလစ်အက်စစ်၊ ပိုတက်စီယမ်၊ဗီတာမင် B2၊ B6၊ကော့ပါး၊ မဂ္ဂနီဆီယမ်နဲ့ အိုမီဂါသရီးဖက်တီးအက်စစ်တွေလည်းပါဝင်ပါတယ်။

- စတော်ဘယ်ရီသီးတွေဟာ အလွန်ပျက်စီးလွယ်တဲ့အတွက် လတ်လတ်ဆတ်ဆတ် စတော်ဘယ်ရီသီးတွေကိုဝယ်ပြီးရင် ကြာကြာထားလို့ မရဘဲ ရက်အနည်းငယ်အတွင်းစားဖို့လိုပါတယ်။

- စတော်ဘယ်ရီသီးတွေကို တစ်နှစ်ပတ်လုံး မရတဲ့အတွက် ပေါ်တဲ့ရာသီချိန်မှာသာ လတ်လတ်ဆတ်ဆတ်စားလို့ရပါတယ်။ တခြားအချိန်မှာတော့ စတော်ဘယ်ရီသီးတွေကို တာရှည်ခံအောင် ပြုပြင်အေးခဲထားတာကိုသာ စားနိုင်ပြီးအာဟာရဓာတ် အားလုံးမဆုံးရှုံးရင်တောင် အများအပြား ဆုံးရှုံးသွားရပါတယ်။

- စတော်ဘယ်ရီသီး ဝယ်တဲ့အခါ ပြည့်တင်းခိုင်မာပြီး မှိုကင်းစင်တာအရောင်နီရဲနေတာကို ရွေးဝယ်ပါ။ တခြားအသီးတွေနဲ့ မတူတာက စတော်ဘယ်ရီသီးတွေခူးဆွတ်ပြီးတဲ့အခါ ဆက်ပြီးမှည့်သွားတာမျိုး မရှိပါဘူး။ ဒါကြောင့် အမှည့်လွန်တာမဟုတ်ဘဲ အမှည့်ဆုံးနဲ့ အရောင်အနီဆုံးကို ရွေးဝယ်ရင် အရသာလည်းကောင်းပြီးအာဟာရပါဝင်မှုလည်း အများဆုံး ဖြစ်ပါမယ်။

- ယေဘုယျအားဖြင့် အလယ်အလတ် အရွယ်အစားရှိတဲ့ စတော်ဘယ်ရီသီးတွေဟာ
အရွယ်ကြီးတာတွေထက် ပိုချိုပြီး အရသာပိုကောင်းတတ်ပါတယ်။

-ထုပ်ပိုးထားတဲ့ စတော်ဘယ်ရီသီးတွေကို ဝယ်တဲ့အခါ အလွန်တင်းတင်းကျပ်ကျပ်ထုပ်ပိုးထားတာကို မဝယ်ပါနဲ့။ ကျပ်ကျပ်သိပ်သိပ် ထည့်ထားရင် စတော်ဘယ်ရီသီးတွေထိခိုက်ပျက်စီးနေတတ်တာကြောင့်ပါ။

- စတော်ဘယ်ရီသီးတွေကို ဝယ်ပြီးရင် ဂရုစိုက်ကိုင်တွယ်ပြီး သေချာသိမ်းဆည်းပါ။ တခြားသစ်သီးတွေလိုပဲစတော်ဘယ်ရီသီးတွေကို မစားခင် ဒါမှမဟုတ် မသိမ်းခင် သေသေချာချာ ရေဆေးသင့်ပါတယ်။ နာနေတဲ့ ဒါမှမဟုတ် မှိုတက်နေတဲ့ လက္ခဏာရှိတဲ့
စတော်ဘယ်ရီသီးတွေကို ချက်ချင်းလွှင့်ပစ်ပါ။ ချက်ချင်းမဖယ်မိရင် ဘေးနားက
တခြားစတော်ဘယ်ရီသီးတွေကိုပါ ကူးစက်သွားနိုင်ပါတယ်။

- စတော်ဘယ်ရီသီးတွေကို ခွက်တစ်ခုထဲမှာ ထည့်ပြီး ပလတ်စတစ်နဲ့ အုပ်ကာရေခဲသေတ္တာထဲမှာ သိမ်းဆည်းသင့်ပါတယ်။ လတ်လတ်ဆတ်ဆတ်စတော်ဘယ်ရီသီးတွေကို ရေခဲသေတ္တာထဲမှာ ရက်အနည်းငယ်ကြာအောင်သိမ်းဆည်းထား နိုင်ပါတယ်။

Ref: Good Health
source >>> http://myanmarnewszone.com/health/5635-strawberries-and-health.html
shared by>>>http://natureenergycare.blogspot.com/2012/11/blog-post_6561.html

ဟာသတိုများ(၉)

သတိ
တစ်ခါက သူဌေးကြီးတစ်ယောက်ရှိတယ် သူက မြင်းစီးရတာကိုအရမ်းကြိုက်တာ တစ်နေ့တော့
သူကို လူတစ်ယောက်က မြင်းတစ်ကောင်လာရောင်းတယ် အဲ့ဒီမြင်းလေက လူစကားနားလည်းတဲ့မြင်းလေး.........
မြင်းလေးက "ဘုရား..... ဘုရား" အော်ရင် အရမ်းအပြေးမြန်တယ် "ကန်တော့......ကန်တော့" လို့အော်လိုက်တာနဲ့ အော်တဲ့နေရာမှာတင် ရပ်သွားတယ်.......... အဲ့ဒါနဲ့ သူဌေးကြီးက ထို မြင်းလေကို ဝယ်လိုက်တယ်........
နောက်တစ်နေ့မှာ သူဌေးကြီးက ထိုမြင်းလေးနဲ့တောင်းကုန်းလေးတစ်မှာ မြင်းစီလေးကျင့်တယ်
သူဌေးကြီးပါးစပ်ကနေ့ "ဘုရား..... ဘုရား" လို့အော်ပြီး စီးနေတယ် စီးရင်းစီးရင်း နဲ့ ချောက်ကမ်းပါနားကိုရောက်သွားတယ်
သူဌေးကြီးက ကြောက်လန့်ပြီး "ကန်တော့...ကန်တော့" လို့အော်လိုက့်တော့ မြင်းကရပ်သွားတယ်
အဲ့ဒါနဲ့ သူဌေးကြီး အရမ်းလန့်သွားပြီး မိုးကောင်းကင်ကြည့်ကာသူ့ပါးစပ်ကနေ "ဟူး....ဘုရား...ဘုရား" လို့တလိုက်မိတယ်....
(.....သူငယ်ချင်းတုိ့စဉ်းစားကြည့်ပါ သူဌေးကြီးဘာဖြစ် သွားမလဲလို့)...

ထီးပါလား?
လူတစ်ယောက် ဘုရားသခင်ထံသို့ သူဧ။်အပြစ်ကို ၀န်ချတောင်းပန်သည်။
ဘုရားသခင်။ ။ မင်းမှာဘာအပြစ်ရှိလို့လဲ။
လူ။ ။ ကျွန်တော်အရင်တစ်ပတ်က ကျွန်တော့်သူငယ်ချင်းအိမ်ကို သွားလည်တယ်။
သူ့အိမ်ရောက်တော့ သူကမရှိဘူး။ အိမ်မှာသူ့မိန်းမပဲရှိတယ်။
အဲဒါနဲ့ကျွန်တော်ပြန်မယ် လုပ်တော့ .. မိုးက ၀ုန်းကနဲဆို ရွာချရော။ ထီးကလည်းမပါဘူး။ ဒါနဲ့ပဲ သူငယ်ချင်းမိန်းမက မိုးခိုရင်းကော်ဖီသောက်လိုက်ဆို ပြီး ကော်ဖီဖျော်တိုက်တယ်။ အဲ ... မိုးကလည်းတော်တော်နဲ့ မဆဲဘူး။
အဲဒါနဲ့ပဲ မထိန်းနိုင်ဖြစ်ပြီး သူငယ်ချင်းမိန်းမ နဲ့မှားသွားမိတယ်။ အဲဒါကြောင့် ခွင့်လွှတ်ပါ။
ဘုရားသခင်။ ။ ရပါတယ်။ ဒါကလူတိုင်းဖြစ်နိုင်တာပဲ။ ခွင့်လွှတ်ပါတယ်။
လူ။ ။ မပြီးသေးဘူး။ လွန်ခဲ့တဲ့သုံးရက်လောက် ကကျွန်တော် ယောက္ခမအိမ်ကို
သွားလည်တယ်။ မိန်းမကလည်း မအားလို့မလိုက်တော့ဘူးတဲ့။ ယောက္ခမ အိမ်ရောက်တော့
သူမရှိဘူး။ Party သွားတယ်တဲ့။ ကျွန်တော့်ခယ်မ တစ်ယောက်ပဲအိမ်မှာရှိတယ်။ အဲဒါနဲ့ မကောင်းပါဘူးလေ ဆိုပြီး ပြန်မယ်လုပ်တော့ မိုးကရွာကော။ ထီးမပါလာပြန်ဘူး။ ဒါနဲ့ခယ်မကလည်း ကော်ဖီဖျော်တိုက်တယ်။
မိုးကလည်းတော်တော်နဲ့မတိတ်ဘူး။ အဲဒီ့မှာပဲ မထိန်းနိုင်ပဲ မှားသွားမိသေးတယ်။
ဘုရားသခင်။ ။ အင်း......... နည်းနည်းတရားလွန်ပေမယ့် ခွင့်လွှတ်လိုက်ပါတယ်။
လူ။ ။ နောက်တစ်ခုကျန်သေးတယ်။ မနေ့က ကျွန်တော့်အဒေါ်အိမ်သွားတယ်။
အဒေါ်ဆိုတာ အဖွားရဲ့မွေးစားသမီးပါ။ ကျွန်တော်နဲ့တော့ ဘာမှမတော်ပါဘူး။
သူကလည်းအိမ်မှာမရှိဘူး။ သူ့ရဲ့သားပဲအိမ်မှာရှိတယ် ။
ကျွန်တော်ပြန်မယ်လုပ်တော့ မိုးကသဲသဲမဲမဲ ကိုချတော့တာပဲ။
အဲဒါနဲ့သူ့ရဲ့သားက ကော်ဖီဖျော်တိုက်တယ်။
ထီးမပါတော့ပြန်လို့မရဘူးပေါ့။ အဲဒီ့မှာပေါ့ ...
အဒေါ့်သားကနည်းနည်းနွဲ့နွဲ့လေး ဆိုတော့ကျွန်တော်လည်း ....................
ဘုရားသခင်။ ။ တော်တော် .. ဆက်မပြောနဲ့တော့။
ငါအကုန်လုံးကိုခွင့်လွှတ်တယ်။ ပြီးပြီမဟုတ်လား။ မြန်မြန်ပြန်တော့။
မင်းဒီကိုလာတာထီးလည်းမပါဘူး။ အခုအပြင်မှာမိုးအုံ့နေပြီ။.
( ဟီးဟီးးး ဘုရားသခင်တောင် ကျောချမ်းနေပြီ )
ဆိုဒ်ထဲကသူငယ်ချင်း(ယောကျာ်းလေး)တို့လည်း ထီးဆောင်ထားကြနော် တော်ကြာ ဘုရားသခင်
ကပြန်မောင်းထုတ်နေဦးမယ် ဟီးး ဟီးး ( စိတ်မဆိုးကြနဲ့နော် )...

စာမေးကောင်းတဲ့ အမေ
ဒီနေ့ကျွန်တော် အခွေကြည့်နေတုန်း အမေက စာအုပ်ကိုင်ဝင်လာပြီးပြောတယ် ‘‘ငါ့ကို
ဒီစကားလေးတွေရဲ့ အဓိပ္ပါယ် ပြောပြပေးစမ်းပါ။’’
အမေ။ ။ ဒီ ‘‘i don't know’’ ဆိုတာဘာအဓိပ္ပါယ်လဲ။
ကျွန်တော်။ ။ ‘‘ကျွန်တော်မသိဘူး။’’
အမေ။ ။ နင့်ကို တက္ကသိုလ်ထားတာ ၃၊ ၄ နှစ်ရှိနေပြီ။ နင် ဘာဖြစ်လို့ ဘာမှကို
မသိရတာလဲ။
ကျွန်တော်။ ။ မဟုတ်ဘူး။ ‘‘ကျွန်တော်မသိဘူး’’ ပါဆို။
အမေ။ ။ ဒါတောင် ၀န်မခံချင်ဘူး !!!$@%!#$^&%#$%@$%@#$%!^%^!^%$ ^#&..
(တချီဆော်လိုက်တယ်...)
အမေ။ ။နင် ငါ့ကို ဒါ ထပ်ပြီးပြောပြစမ်း။ ‘‘i know’’ ဆိုတာ ဘာအဓိပ္ပါယ်လဲ။ နင်
သိတယ်မဟုတ်လား။ ပြောပြစမ်း။
ကွန်တော်။ ။ဟုတ်ကဲ့။ ‘‘ကျွန်တော်သိတယ်။’’
အမေ။ ။ သိရင်မြန်မြန်ပြောလေ။
ကျွန်တော်။ ။ ‘‘ကွန်တော်သိတယ်’’ ဆိုနေမှ။
အမေ။ ။ နင်ပြဿနာရှာနေတာလား။ စောစောက အတီးခံရတာ နည်းတယ်ပေါ့၊ ဟုတ်လား။
ကျွန်တော်။ ။‘‘ကွန်တော်သိပါတယ်’’ ဆိုနေ။
အမေ။ ။သိရင်ပြောလေ။ မတတ်တာကို တတ်ချင်ယောင် မဆောင်နဲ့။
&*$%^@$#!%$@^%#*$^^^##$%
(တချီထပ်ဆော်ပလော်တီးလိုက်တယ်...)
အမေ။ ။နင်သတိကြပ်ကြပ်ထားနော်။ ပိုက်ဆံတွေ ဒီလောက်အကုန်ခံပြီး တက္ကသိုလ်ပို့တာ၊
ကြည့်ပါဦး အခုဘာဆိုဘာမှ မသိဘူး။ ဒီလောက် နည်းနည်းလေး တတ်တာနဲ့ မအေကို ဟိတ်ဟန်
လုပ်ချင်တယ်ပေါ့။ နင့်ကို နောက်ဆုံးတစ်ခုထပ်မေးမယ်။ ငါ့ကို ကောင်းကောင်း ရှင်းပြ။
မပြောနိုင်လို့ကတော့ နင့်ကို ထပ်ဆော်မယ်။ ငါ့ကို ဒါဘာသာပြန်ပြစမ်း။ ‘‘i know,
but i don't want to tell you’’ ဆိုတာ ဘာအဓိပ္ပါယ်လဲ။
ကျွန်တော် မူးလဲသွားတယ်။ ခေါင်းအုန်းယူပြီး ကိုယ့်ခေါင်းကို အချက် ၃၀ ရိုက်တယ။်
နံရံကို ခေါင်းနဲ့ အချက် ၄၀ ပြေးဆောင့်တယ်။ ကိုယ့်ပါးကို လက်နှစ်ဖက်နဲ့ အချက်
၅၀ လောက် အပြန်အလှန်ရိုက်တယ်။ ခြေထောက်နဲ့ စားပွဲစောင်းကို အချက် ၆၀ ကန်တယ်။
သွေးတွေအသားတွေ ထူပူလာတော့ အမေ့ကို မေးလိုက်တယ်။ ကဲ ကျေနပ်ပလား။ အဲဒီလဲကျရော
သူက ထပ်မေးပြန်တယ်။ ‘‘သားရယ်၊ i'm very annoyant, don't trouble me ဆိုတာ
ဘာအဓိပ္ပါယ်လဲကွယ်။’’
ကျွန်တော်။ ။‘‘ကျွန်တော် ဒေါသထွက်နေတယ်။ ကျွန်တော့်ကို လာမရှုပ်နဲ့။’’
အမေ။ ။‘‘အရိုက်ခံချင်တယ်ပေါ့။ မအေကို ဒီလို ပြောရလားဟဲ့’’ (အဲဒါနဲ့
ထပ်အဆော်ခံလိုက်ရတယ်။)
အမေ။ ။ ‘‘i hear nothing, repeat ဆိုတာ ဘာအဓိပ္ပါယ်လဲ’’။
ကျွန်တော်။ ။ ‘‘ကျွန်တော်ဘာမှမကြားရဘူး။ ပြန်ပြော။’’
အမေ။ ။ ‘‘i hear nothing, repeat.’’
ကျွန်တော်။ ။ ‘‘ကျွန်တော်ဘာမှမကြားရဘူး။ ပြန်ပြော။’’
(နောက်ဆုံး ထပ်အဆော်ခံရပြန်ရော။)
အမေ။ ။ ‘‘what do you say ဆိုတာကိုရော ဘယ်လို ရှင်းပြလို့ရလဲ။’’
ကျွန်တော်။ ။ ‘‘ဘာပြောတာလဲ’’ (တခါထပ် အဆော်ခံရပြန်တယ်။)
အမေ။ ။ ‘‘look up in the dictionary ဆိုတာ ဘာအဓိပ္ပါယ်လဲ။’’
ကျွန်တော်။ ။ ‘‘အဘိဓါန်မှာရှာ။’’
အမေ။ ။‘‘အဘိဓါန်မှာ ရှာတတ်မှတော့ ငါကနင့်ကို ဘာဖြစ်လို့မေးနေတော့မှာလဲ။’’
(ထပ်အဆော်ခံရ.)
အမေ။ ။ ‘‘you had better asked somebody ဆိုတာကိုရော ဘယ်လို ဘာသာပြန်မလဲ။’’
ကျွန်တော်။ ။‘‘တခြားလူကို မေးတာပိုကောင်းမယ်။’’
အမေ။ ။ ‘‘နင်က ငါ့သားဟဲ့။ ငါ တခြားလူမေးပြီး ဘာလုပ်ရမှာလဲ။
အရိုက်ခံချင်နေပြန်ပြီ။’’
ကျွန်တော်။ ။ ‘‘အမလေး၊ ဘုရားသခင် ကယ်တော်မူပါ။’’
အမေ။ ။ ‘‘မအေကို ပြဿနာရှာတဲ့ကောင် ဘုရားသခင်လဲ နင့်ကို မကယ်နိုင်ဘူး။’’
(ထပ်ဆော်ခံရ...)
အမေ။ ။‘‘ငါထပ်မေးမယ်။ use your head, then think it over ဆိုတာရော
ဘာအဓိပ္ပါယ်လဲ။’’
ကျွန်တော်။ ။ ‘‘ခေါင်းလေးဘာလေးသုံး။ ပြီးရင် သေချာထပ်စဉ်းစား။’’
အမေ။ ။ ‘‘အကောင်စုတ်၊ ငါ့ကိုများ ပြန်ပြောရတယ်လို့..’’ (တဆက်ထဲ
လက်ပါတော့မယ့်ဟန်ပြင်...)
ကျွန်တော်။ ။ ‘‘လောကမှာ အမေသာ အကောင်းဆုံးဆိုတဲ့ အဓိပ္ပါယ်ပါ။’’
(အမြန်ဖြေလိုက်ရတယ်။)
အမေ။ ။‘‘အင်း၊ ဒါမှ ဟုတ်တုတ်တုတ်ရှိသေးတယ်။ ခဏနေကျရင် အမေစားစရာကောင်းကောင်းလေး
လုပ်ပေးမယ်။ မနက်ဖြန်ကျမှ ထပ်မေးတော့မယ်။’’

http://www.fusarshinlay.net/profiles/blog/show?id=6384739%3ABlogPost%3A6252742&xgs=1&xg_source=msg_share_post

ကျန်းမာရေးအတွက် သတိပြုဖွယ် အချက်တစ်ချို့

မျက်နှာသစ်ရာတွင်


မျက်နှာသစ်ရာတွင် ဆပ်ပြာလျှော့သုံးပါ၊ ဖြစ်နိုင်လျှင် ဆပ်ပြာမသုံးပါနဲ့၊ ရေပူ ရေအေး တလှည့်စီဖြင့် မျက်နှာကိုပွတ်ပေးခြင်းသည် ပို၍ မျက်နှာအရေပြားကို ပိုမိုသန့်ရျင်း ကျန်းမာတင့်တယ်စေပါသည်၊ ပွတ်သည့်အခါတွင် အောက်မှအထက် အပြင်မှ အတွင်းသို့ ပွတ်ရပါမည်၊ နေ့စဉ် မျက်နှာသစ်သည့်အခါတွင်
များသောအားဖြင့် အထက်မှ အောက်သို့သာ ပွတ်လေ့ရှိသည်၊ ဤသို့ပြုခြင်းသည် သွေး
လည်ပတ်မှု လမ်းကြောင်းနှင့် ဆန့်ကျင်နေ၍ ပါးရေတွန့်ခြင်း၊ အရေပြားတွဲကျခြင်းတို့ကို ပိုမိုမြန်ဆန်စေပါသည်။

တုပ်ကွေးကာကွယ်ဖို့ လက်များများဆေးပါ

လူတယောက်၏ နှာခေါင်းပေါက်အတွင်းပိုင်းသည် စိုစွတ်နွေးထွေး၍ တုပ်ကွေးရောဂါဗိုင်းရပ်ပိုး ပွားများရန်
သင့်လျော်သောနေရာကောင်းတခုဖြစ်သည်။ရောဂါပိုးကပ်ငြိနေသော လက်ဖြင့် မျက်စိပွတ်မိပါက ပိုးမွှားများကို မျက်ရည်ပြွန်မှ တဆင့်နှာခေါင်းပေါက် အတွင်းပိုင်း သို့ ရောက်သွားစေနိုင်သည်၊ နှာခေါင်းပေါက် နှိုက်ခြင်းဖြင့်ပိုးမွှားများ ကိုတိုက်ရိုက်နှာခေါင်းပေါက်အတွင်း ပိုင်းသို့ အရောက်ပို့နိုင်ပါသည်၊ နှာခေါင်းပေါက်အတွင်းပိုင်းသို့ ရောဂါပိုးမွှား ရောက်ရှိပွားများနေလျှင် တုပ်ကွေးရောဂါကို ခံစားရဖွယ်ရှိသည်၊ ထို့ကြောင့် လက်များများဆေးခြင်းဖြင့် ပိုးမွှားကပ်ငြိခြင်းမှ ကာကွယ်ရမည်၊ ဖြစ်နိုင်လျှင် နှာခေါင်းပေါက်ကို လက်ဖြင့် မကလော်ဘဲ အပေါ်မှသာ ဖျစ်ညှစ် နှိပ်နယ်သင့်ပါသည်။

ရေနွေးဖြင့် ခြေဆေးပါ

လူ့ခန္ဓာကိုယ် ဖွဲ့စည်းပုံရှုထောင့်မှကြည့်လျှင် ခြေထောက်အစုံသည် နှလုံးမှ အဝေးဆုံးဖြစ် သည်၊ သွေးကြောများ ၏ အစွန်အဖျားများ ရှိသည်၊ ထို့ပြင် ခြေဖဝါး အရေပြားအောက် အဆီလွှာသည် ပါးလွှာသည်၊ အပူထိမ်းသိန်းနိုင်စွမ်း အားနည်းသည်၊ ခြေပိုင်းသည် ခန္ဓာကိုယ်တွင် အပူချိန်အနိမ့် ဆုံးနေရာဖြစ်သည်၊ခြေအစုံ အအေးမိလျှင် တကိုယ်လုံး တုံ့ပြန်အေးမှု ဖြစ်ပေါ်နိုင်သည်။အကယ်၍ အမျိုးသမီးများ ရာသီလာချိန်၊ ကိုယ်ဝန်ရှိချိန်တွင် ခြေအအေးမိပါက မီးယပ်ကိုင်၊ကိုယ်ဝန်ပျက်ကျ စသည်တို့ ဖြစ်တတ်သည်၊ ထို့ကြောင့် မည်သည့်ရာသီ တွင်မဆို ခြေထောက် ဆေးမည်ဆိုပါ က အေးသောရေကို မသုံးဘဲ နွေးသောရေကို အသုံးပြုသင့်ပါသည်။

ထမင်းစားပြီး ချက်ချင်း ရေမချိုးသင့်



ထမင်းစားပြီးလျှင်ပြီးချင်း ရေချိုးလျှင်လည်း ကျန်းမာရေးနှင့် မညီပေ၊ စားသောက်ပြီးချိန်တွင် လူ့ခန္ဓာကိုယ်တွင်းရှိ အစာချေစနစ်သည် ဝန်ပိပြီး အစာအိမ်နှင့် အူလမ်းကြောင်းသို့ သွေးများ ပိုမိုရောက်ရှိနေသည်၊ ထိုအချိန်၌ ရေချိုးပါက အရေပြားသို့လည်း သွေးကြောများ ကျယ်ပြန့်မှုကြောင့် သွေးများ ပိုမိုရောက်ရှိပြီး ဦးနှောက်သို့ သွေးရောက်မနည်းသွားပါမည်။ ထို့ကြောင့်
အသက်ကြီးသူနှင့်နှလုံသွေးကြောရောဂါရှိသူများ ပိုမို၍ ဂရုပြုသင့်ပါသည်။

ရေချိုးချိန် တိုရမည်

ရေပူချိုးချိန်ကြာလျှင် ခေါင်းမူး၊ မျက်စိပြာ၊ ရင်ဝမွန်းကျပ်၊ နှလုံးခုန်နှုန်းမြန်၊ သွေးတိုး စသည့် ရေပူချိုးခြင်း အဆိပ်သင့်ရောဂါစုံ ရတတ်ပါသည်။ရေအေးချိုးချိန်ကြာလျှင်လည်း အအေးမိရောဂါ ရတတ်ပါသည်၊ ထို့ကြောင့် ကျန်းမာရေးနှင့်ညီရန် ရေချိုးချိန် တိုရပါမည်။

ကိုယ်တိုက်ဆပ်ပြာ အသုံးလွန်ခြင်း
လူ့ခန္ဓာကိုယ် အရေပြားပေါ်တွင် ချွေးထုတ်ပြွန်များ အပြည့်ရှိသည်၊ ယင်းပြွန်များမှ အဆီများနှင့် ချွေးများကို ထုတ်ပေးလေ့ရှိပြီး အရေပြားနှင့် ဆံပင် အမွှေးအမှင်များကို စိုစွတ်နူးညံ့စေသည်၊ ကိုယ်ခန္ဓာအပူချိန်ကို ထိမ်းသိန်းပေးထား သည်၊ ထို့ပြင် ယင်းတို့သည် ပူးပေါင်း၍ အက်စစ်ဂုဏ် သတ္တိ ကိုပြုပြီး ရောဂါပိုးမွှားကို သေစေနိုင်သည်၊ ထို့ကြောင့် ဆပ်ပြာအသုံးများလျှင် အရေပြားအဆီကို များစွာလျော့နည်းသွားစေနိုင်ပြီး ရောဂါပိုးမွှား ကာကွယ်အား ကျဆင်းသွားနိုင်သည်၊ အရေပြား ရုန်းပြန်အား လျော့နည်းသွားစေနိုင်ပြီး အိုလွယ်စေနိုင်ပါသည်။

Posted by အိမ့်မှူးသော်

ကာမေသုမိစ္ဆာစာရကံ


လောကမှာ ကျင်လည်ကျက်စားနေကြတဲ့ သတ္တ၀ါမှန်သမျှဟာ သတိလက်လွတ်မှုကြောင့် မမှားသင့်တဲ့ အမှားလေးတွေ မှားနေကြပါတယ်။ တချို့အမှားလေးတွေကျတော့ မိမိဘက်က မှန်တယ်ထင်ရပေမဲ့ အများအမြင်မှာတော့ မှားတဲ့အရာဖြစ်နေပါတယ်။ ယနေ့ခေတ်တွင် လူငယ်များဟာ ကာမကိစ္စများနဲ့ပတ်သတ်ပြီး မှားသင့်တဲ့အရာလား၊ မမှားသင့်တဲ့အရာလားဆိုတာ ခွဲခြားဝေဖန်ခြင်း လေ့လာခြင်းမရှိဘဲ စိတ်ကိုအလိုလိုက်ကာ အလွယ်တကူ မှားယွင်းနေကြပါတယ်။ တကယ်ဆို ကာမအမှုဟာ မိမိအတွက် အပြစ်နဲ့အကျိုး ဘယ်ဟာက ပိုများသလဲဆိုတာ စဉ်းစားဖို့လိုပါတယ်။
ဒါပြင် ယခုခေတ်လူငယ်များ ကျုးလွန်နေကြတဲ့ ကာမမှုများဟာ များသောအားဖြင့် ကာမေသုမိစ္ဆာစာရကံနဲ့ မကင်းဘူးဖြစ်နေပါတယ်။ မိမိတို့ဟာ ဘယ်လိုမိန်းမယောက်ျားနဲ့ ကျုးလွန်ရင် ကာမေသုမိစ္ဆာစာရကံ ထိုက်မလဲဆိုတာ သေချာမသိကြပါ။ တချို့ကျတော့လည်း သိသိကြီးနဲ့ မိုက်နေကြတာလည်း ဖြစ်ပါမယ်။ အဲဒီလိုမိုက်နေတာဟာ ကာမေသုမိစ္ဆာစာရကံရဲ့ ဆိုးကျိုးများကို မိမိတို့က သေချာမစဉ်းစား မလေ့လာထားလို့ပါ။ တကယ်တမ်း လေ့လာဆင်ခြင် စဉ်းစားမယ်ဆိုရင် ဒီကာမေသုမိစ္ဆာစာရကံရဲ့အကျိုးဟာ မျက်မှောက်တမလွန်နှစ်ဘ၀လုံး
အတွက် ဘယ်လောက်အန္တရာယ်များတယ်ဆိုတာ သိပါလိမ့်မယ်။
ခုတော့ အဲဒီလိုမသိတဲ့အတွက် ယနေ့ခေတ်လူငယ်များဟာ ကာမကိစ္စကို အလွယ်တကူ ဘာမှမဖြစ်ဟုထင်နေပြီး ကျုးလွန်နေကြပါတယ်။ ဒါဟာလည်း တခြားနိုင်ငံက ကံတရား အကျိုးပေးကို မယုံကြည်ကြတဲ့လူတွေရဲ့ လုပ်ရပ်များကို အတုယူလို့လည်း မမှားသင့်တာ မှားနေကြတာပါ။ မိန်းကလေးများကလည်း မိမိတို့ဣနြေ္ဒသိက္ခာကိုမထိန်းဘဲ ဒီလိုပြုကျင့်ခံရတာဟာ ထည့်တွက်စရာမလိုပါလို့ထင်ထားသော် လည်း နောက်ပိုင်းမဖုံးနိုင်မဖိနိုင်ဖြစ်လာတဲ့အခါ သူတစ်ပါးအသက်ကို အလွယ်တကူသတ်ဖြတ်ကြပါတယ်။ အဲဒီတော့ တစ်မှုကနေ နှစ်မှုထိ အဆင့်တိုးကာ မကောင်းမှုများ ဖြစ်လာပါတယ်။ အဲဒီလို လူသားတိုင်းမှာ မကောင်းမှုတွေများလာမယ်ဆိုရင် သဘာဝကပ်ဆိုးတွေကလည်း ဖြစ်လာမှာပါ။ အဲဒီတော့ သဘာဝကပ်ဆိုးတွေက လွတ်ကင်းပြီး နောက်နောင်ဘ၀တွေမှာလည်း ဆင်းရဲဒုက္ခမရောက်ရအောင် ကာမအမှုအမှားများမှ ရှောင်ကြဉ်ရပါမယ်။
ယနေ့ခေတ်လူငယ်များ ကာမကိစ္စကျုးလွန်တဲ့အခါ မိမိကျုးလွန်တဲ့လူဟာ ကာမေသုမိစ္ဆာစာရကံ ထိုက်မထိုက်ကို သေချာသိရှိနားလည်ဖို့အတွက် ကာမေသုမိစ္ဆာစာရကံ ထိုက်ကြောင်း
အင်္ဂါလေးပါးကို ရေးသားတင်ပြပေးပါမယ်။
၁။ မသွားလာအပ်တဲ့ အရာဌာနဖြစ်ခြင်း။
၂။ မှီဝဲလိုသော စိတ်ရှိခြင်း။
၃။ မဂ်ခေါ်လိင်ဖြင့် လိင်ထဲသို့ သွင်းခြင်း။
၎။ သာဒိယနံ - သာယာခြင်း။ ဒီအင်္ဂါ (၄)ရပ်လုံးပြည့်စုံရင် ကာမေသုမိစ္ဆာစာရကံထိုက်ပါတယ်။ ဒီလေးပါးထဲက အင်္ဂါတစ်ပါးပါး ချို့ယွင်းရင်တော့ ကံမထိုက်ပါ။ ဒါပေမဲ့ တစ်ပါးပါးကျုးလွန်မိရင် အကုသိုလ်အပြစ်လေးတော့ ဖြစ်ပါတယ်။ အထက်ဖော်ပြထားတဲ့ အင်္ဂါလေးချက်မှာ နံပါတ်တစ်အရ
‘‘မိန်းမနှစ်ကျိပ်၊ ပျော်ကြောင်းသိပ်လည်း၊ မအိပ်လေရာ’’ဆိုတဲ့အတိုင်း အမိစောင့် ရှောက်ရှောက်တဲ့မိန်းမ အဖစောင့်ရှောက်တဲ့မိန်းမစတဲ့ မိန်းမအမျိုအစား(၂၀)နဲ့ကိုပင် ယောက်ျားများဟာ မကျုးလွန်မိအောင် စောင့်ထိန်းရပါမယ်တဲ့။ အဲဒီမိန်းမအမျိုးအစား(၂၀)ကို အနှစ်ချုပ်လိုက်မယ်ဆိုရင် ကာမပိုင်မရှိသေးတဲ့အပျိုနှင့် စေ့စပ်ကြောင်းလမ်းထားသူ အပါအ၀င် ကာမပိုင် လင်ယောက်ျားရှိပြီးဖြစ်တဲ့ မိန်းမဟု နှစ်မျိုးရပါတယ်။
နံပါတ်တစ်ဖြစ်တဲ့ ကာမပိုင်မရှိသေးတဲ့ မိန်းကလေးများနဲ့ကျူးလွန်ရင် ယောက်ျားမှာသာ ကံထိုက်ပြီး မိန်းကလေးမှာ ကံမထိုက်ပါဘူးတဲ့။ မိန်းကလေးများ ဘာ့ကြောင့်ကံမထိုက်သလဲဆိုတော့ သူတို့ကာမကို သူတို့ပိုင်ဆိုင်နေတဲ့အချိန် ဖြစ်လို့ပါ။ ယောက်ျားများအား သွေးဆောင်မာယာများလို့ ယောက်ျားလေးများက ကျုးလွန်မိရင်တော့ မိန်းကလေးများမှာ အကုသိုလ်အပြစ် ဖြစ်ပါတယ်။ ကာမေသုမိစ္ဆာစာရကံကျုးလွန်တဲ့အခါ အလိုတူမဟုတ်ဘဲ အနိုင်အထက်ပြုကျင့်ရင် အပြစ်ကြီးပြီး နှစ်ဦးသဘောတူလို့ ကျူးလွန်ရင်တော့ အပြစ်ငယ်ပါတယ်။ နှစ်ဦးသဘောတူ ကျုးလွန်တဲ့အခါမှာလည်း ကိလေသာအားကြီး,မကြီး၊ လုံ့လအနည်းအများလိုက်ပြီး အပြစ်အကြီး အသေး ကွာခြားပါတယ်။
အမျိုးသားဘက်ကလည်း လွတ်လပ်သူမှန်ကန်မယ် အမျိုးသမီးဘက်ကလည်း စေ့စပ်ထားသူ, ငွေပေးထားသူ စတဲ့ ပိုင်ဆိုင်သူမရှိသေးဘူး။ ဒါပေမဲ့ မိဘသဘောမတူလို့ ခိုးထွက်ပြေးပြီး နှစ်ဦးသဘောတူ ရုံးတက်လက်မှတ်ထိုးကာ လွတ်လပ်စွာမယားအမှတ်နဲ့ ပေါင်းသင်းဆက်ဆံရင် ဆန္ဒ၀ါသီနီ-အလိုတူနေလို့ မယားအရာမြောက်တဲ့အတွက် ကံမထိုက်ပါ။ ဒီနေရာမှာ လက်မှတ်ထိုးတဲ့ရုံးဌာနဟာ နိုင်ငံတော်က လုပ်ပိုင်ခွင့်ပေးထားတဲ့ နေရာဖြစ်ဖို့ လိုပါတယ်။ ဘာဖြစ်လို့လဲဆိုတော့ နိုင်ငံတော်အုပ်ချုပ်သူများ ဆိုတာ ပြည်သူများရဲ့အုပ်ထိန်းသူများ ဖြစ်ပါတယ်။ ဒါကြောင့် ရုံးတက်လက်မှတ်ထိုးတာဟာ တရားဝင်ဖြစ်သွားလို့ ကံမထိုက်တာပါ။ တကယ်လို့ မိမိတို့က တရားဝင်လက်ထက်ယူမယ်ဆိုတဲ့ ဆုံးဖြတ်ချက်ရှိပြီး နှစ်ဦးသဘောတူ လွတ်လပ်တဲ့ရည်းစားများ ကျုးလွန်မိကြရင် လက်ထက်မယ်ဆိုတဲ့ ဆုံးဖြတ်ချက်ကြောင့် အပြစ်သေးပါတယ်။ ဒါပေမဲ့ လက်မထက်ဖြစ်ခဲ့ဘူးဆိုရင်တော့ ကံထိုက်တဲ့အတွက် အပြစ်ကြီးပါလိမ့်မယ်။
ယောက်ျားလေးများပြည့်တန်ဆာမနှင့် ဆက်ဆံတဲ့အခါ ကိုယ့်ထက်အရင် ငွေပေးထားသူ ရှိပါက နောက်ယောက်ျား ကံထိုက်ပါတယ်။ ပြည့်တန်းဆာမလည်း ငွေလက်ခံထားသူနဲ့ မပြီးပြတ်ခင် အခြားယောက်ျားကို လက်ခံမယ်ပါက ကံထိုက်ပါတယ်။ ကာမပိုင်ရှိတဲ့သူဟာ လူဇာတ်မဟုတ်တဲ့ တိရိစ္ဆာန်တို့နဲ့ကျူးလွန်ရာရင်လည်း ကာမေသုမိစ္ဆာစာရဖြစ်ပါတယ်။ ဘူရိဒတ်နဂါးမင်းကြီးဟာ သီလဆောက်တည်ကြောင်း၊ ယုန်, ဖျံ, မြေခွေး, မျောက်တို့သည်လည်း သီလဆောက်တည်ကြောင်းကို ကျမ်းဂန်တို့၌ လာရှိတဲ့အတွက် တိရစ္ဆာန်များမှာလည်း ငါးပါးရှစ်ပါးစတဲ့ သီလများရှိကြပါတယ်။ ဒါကြောင့် တိရိစ္ဆာန်နဲ့ကျုးလွန်ရင်လည်း ကံထိုက်ပါတယ်။ ကောသလဘုရင်ရဲ့ မိဖုရားကြီးဖြစ်တဲ့ မလ္လိကာဟာ ခွေထီးနဲ့ဖောက်ပြန်မှုကို သာယာမိခဲ့လို့ ကာမေသုမိစ္ဆာစာရကံ အပြစ်ဖြစ်ခဲ့ရတာပါ။ အရူးမကို မိဘစသည်တို့ကလည်းကောင်း၊ တစ်ယောက်ယောက်ကလည်းကောင်း အုပ်ထိန်းသူရှိရင် ကျုးလွန်သူမှာ ကာမေသုမိစ္ဆာစာရကံ ထိုက်ပါတယ်။
ယောက်ျားချင်းချင်းသော်လည်း ၀စ္စမဂ်၊ မုခမဂ်တို့ကိုကျူးလွန်ရင် ကာမေသုမိစ္ဆာစာရ ကံထိုက်တယ်လို့ ဆရာကြီးတော်များ မိန့်ဆိုခဲ့ပါတယ်။ ထုံးစံဓမ္မတာမို့သာ မိန်းမကို ကာမေသုမိစ္ဆာ စာရအရ ယူကြတာပါ။ ယောက်ျားကိုလည်း ကာမေသုမိစ္ဆာစာရအရ ယူရပါမယ်။ ဒါကြောင့် ယောက်ျားချင်းချင်း ကျုးလွန်ရာတွင်လည်း မိန်းကလေးများနည်းတူ အုပ်ထိန်းသူရှိသူမယ် ကာမပိုင်ရှိမယ်ဆိုရင် ကံထိုက်ပါတယ်။
စွယ်စုံကျော်ထင်ကျမ်းတွင် `မိစ္ဆာဖြစ်ဖွယ်၊ အိမ်ရှင်ဝယ်၊ လေးသွယ်ရှိ၏ အဘယ်နည်း´ဆိုတဲ့ ကြည့်ကန်ရှင်ကြီးရဲ့အမေးကို ကျီးသဲလေးထပ်ဆရာတော်က အောက်ပါအတိုင်း ဖြေတော်မူခဲ့ပါတယ်။
၁။ ကိုယ်ဝန် အလွန်ရင့်၍ မပြုသင့်တဲ့အခါ။
၂။ မိဘဆရာ သူတကာတို့ မြင်လောက်တဲ့နေရာမှာ ကျင့်တဲ့အခါ။
၃။ ကျင့်ရိုးကျင့်စဉ်မဟုတ်တဲ့ နည်းများဖြင့်ကျင့်တဲ့အခါ။
၎။ဆေးဝါးမှီဝဲ ရှိမြဲအင်္ဂါထက် လွန်ပြီးကျင့်တဲ့အခါ မိမိမယားပင်ဖြစ်သော်လည်း ကာမေသုမိစ္ဆာစာရကံ ထိုက်ပါတယ်တဲ့။ ဒီလေးချက်ဟာ အဓိကကတော့ ကံထိုက်ကြောင်း အင်္ဂါလေးပါးထဲက နံပါတ်အတွက် သီးသန့်ဖွင့်ဆိုပြတာပါ။ ကာမေသုမိစ္ဆာစာရကံထိုက်ကြောင်း အင်္ဂါလေးချက်ရှိရာမှာ နံပါတ်တစ်အချက်ကလွဲရင် ကျန်တဲ့အချက်သုံးချက်ဟာ ရှင်းလင်းပါတယ်။ ဒါကြောင့် ဆရာတော်ကြီးများ၊ အဋ္ဌကထာ၊ ဋီကာဆရာတော်များက နံပါတ်တစ်ကိုပဲ အဓိကနားလည်အောင် ဖွင့်ပြကြခြင်း ဖြစ်ပါတယ်။
ဒါကြောင့် မိမိတို့ဟာ သူတစ်ပါးသားသမီးဇနီးလင်များကို ကျုးလွန်ချင်တဲ့စိတ်ပေါ်လာရင် ငါကျုးလွန်မဲ့မိန်းကလေးနေရာမှာ ငါ့ရဲ့ မိခင်၊ အမ၊ နှမကို သူများကကျုးလွန်မယ်ဆိုရင် ငါဘယ်လိုခံစားရမလဲ။ ငါကျုးလွန်မဲ့ ယောက်ျားလေးဟာ သူများလင် သူများချစ်သူဖြစ်နေရင်ရော အဲဒီလူဘယ်လိုခံစားရမလဲ။ အဲဒီလူနေရာမှာ ငါဆိုရင်ရော ဘယ်လိုခံစားရမလဲစတာတွေ တွေးတောကြည့်ရပါမယ်။ အဲဒီလိုတွေးတော တဲ့အခါမှာ မိမိရဲ့မောင်နှမဆွေမျိုးသားချင်းများနဲ့ နှိုင်းယှဉ်ကြည့်ရင် မိမိစိတ်ရဲ့ခံစားချက်အတိုင်း တစ်ဘက်လူမှာလည်း သူနဲ့ဆက်စပ်သူများ ဘယ်လိုခံစားရမယ်ဆိုတာ တွေးဆကြံဆနိုင်ပါလိမ့်မယ်။ အဲဒီလိုသာ ရှေးနောက်စဉ်းစားတွေးခေါ်မယ်၊ မိမိစိတ်ကို သတိဖြင့်ထိန်းချုပ်မယ်ဆိုရင် ကာမေသုမိစ္ဆာစာရအမှုများမှ ရှောင်ကြဉ်နိုင်မှာပါ။
မိမိတို့ လူသားများဟာ ဒီကာမကိစ္စကို ရှောင်ကြဉ်ဖို့ခဲယဉ်းတယ်လို့ ထင်နေကြပါတယ်။ တကယ်တော့ မိမိစိတ်သာ အဓိကကျပါတယ်။ မိမိစိတ်ကို မိမိထိန်းနိုင်မယ်ဆိုရင် ဒါတွေမဖြစ်အောင် ထိန်းသိမ်းလို့ ရပါတယ်။ ရှေးဆရာတော်ကြီးများက ကာမရောဂါ ကိုယ်တွင်းနာ ကို ဟီရိဩတ္တပ် ပညာညှပ်၍ နှိပ်ကွပ်နိုင်ပါတယ်လို့ မိန့်ဆိုထားတာ ရှိပါတယ်။ အဲဒီလို မိမိတို့က ကာမကိစ္စဟာ ဟီရိသြတ္တပ္ပကင်းမဲ့တဲ့အလုပ်ဖြစ်တဲ့အတွက် မိမိတရားဝင်ယူထားသူမှလွဲ၍ တခြားသူများကို မပြစ်မှားမိအောင် ပညာဉာဏ်ကို သတိဖြင့် ထိန်းချုပ်ထားရပါမယ်။ လူသားများ မှာ မိမိတရားဝင်ယူထားတဲ့ ဇနီးမယားလင်တို့နဲ့ ကျုးလွန်လို့ ရပါတယ်။ ရဟန်းသံဃာများမှာ ဘယ်သူနဲ့မှ ကျုးလွန်လို့မရပါဘူး။ ကိလေသာမကင်းသေးတဲ့ လူအတူတူရဟန်းသံဃာများတောင် ကာမကိစ္စကို ထိန်းနိုင်သေးရင် လူသားများလည်း မိမိတရားဝင်ကျုးလွန်လို့ရတဲ့ဟာမှတစ်ပါး တခြားဟာကို မကျုးလွန်မိအောင် စောင့်ထိန်းနိုင်ရမှာပါ။
ငါတို့လူတွေက ဒါတွေမစောင့်ထိန်းနိုင်လို့ ဒီလိုနေတာကွဆိုရင်လည်း တရားဝင်ယူပြီး ကျုးလွန်လို့ရတာနဲ့ မလုံလောက်သေးဘဲ စိတ်တိုင်းကျ ကာမေသုမိစ္ဆာစာရကံ ကျုးလွန်နေမယ် ဆိုရင်တော့ နောက်နောင်ဘ၀တွေမှာ ကိုယ့်အလှည့်ကျမှာမို့ ခံနိုင်ရည်ရှိအောင် ပြင်ဆင်ထားရပါ လိမ့်မယ်။ မိမိက ကံကောင်းလို့မြင့်မြတ်တဲ့ ယောက်ျားဘ၀လေးရလာတာကို နောက်ဘ၀တွေမှာ ထပ်ကံကောင်းအောင်မလုပ်ဘဲ မြင့်တဲ့ဖိုဓာတ်ဘ၀ကနေ ယုတ်နိမ့်တဲ့ မဓာတ်ဘ၀ကိုရောက်အောင် လုပ်နေမယ်ဆိုရင် ကိုယ်အလှည့်လည်း ခံရဦးမယ်ဆိုတာ မမေ့ဖို့လိုပါတယ်။ ကိုယ်ယောက်ျားဘ၀ ရတုန်းကတော့ ထင်တိုင်းကျဲလာခဲ့ပြီး ကိုယ့်အလှည့်ကျမှ ကြောက်ပါပြီမဖြစ်ကြပါစေနဲ့။ အဲဒီလို မဖြစ်အောင် ယခုရရှိနေတဲ့ လူ့ဘ၀လေးမှာ မမှားသင့်တာ မမှားရအောင် သတိထားနေထိုင်ဖို့ လိုပါတယ်။
မိန်းကလေးများကလည်း မိမိတို့ အရင်ဘ၀တွေက မကောင်းတာလုပ်ခဲ့လို့ ယခုမျက် မှောက်မှာ ယုတ်နိမ့်တဲ့ဘ၀ရနေတာကို ကျေနပ်မနေဘဲ နောက်နောင်ဘ၀တွေမှာ မြင့်မြတ်တဲ့ ယောက်ျားဘ၀ရအောင် ကြိုးစားဖို့လိုပါတယ်။ ဘယ်လိုပဲ ယောက်ျားနှင့်မိန်းမတန်းတူ ယှဉ်နိုင်ပါ တယ်ပြောပါစေ ယုတ်နိမ့်တဲ့ဘ၀၊ အနိမ်ခံရတဲ့ဘ၀၊ အနိမ့်ကျင့်ခံရတဲ့ဘ၀ကတော့ မလွတ်တာ အမှန်ပါ။ အဲဒါကြောင့်မို့ မိန်းမဘ၀ကနေ ယောက်ျားဘ၀ရဖို့အတွက် ယခုဘ၀မှာ မိန်းကလေး ဣနြေ္ဒနှင့်နေပြီး မမှားသင့်တာ မမှားရအောင် သတိထားနေထိုင်ရပါမယ်။
ဒါကြောင့် လူသားအားလုံး ရရှိလာတဲ့လူ့ဘ၀လေးမှာ မမှားသင့်တဲ့အမှားများ မပြုလုပ်မိ အောင် သတိထားဆင်ခြင်ကာ နောက်အနာဂတ်ဘ၀များ ကောင်းစားရေးကိုသာ အဓိကထား လုပ်ဖို့လိုပါတယ်။ ယခု မိမိတို့ဟာ လူ့ဘ၀ကိုရနေပြီမို့ ဒီဘ၀မှာ ကြုံရမဲ့ဆင်းရဲဒုက္ခဟာ အသေး အဖွဲ့လေးပဲ ဖြစ်ပါ တယ်။ နောက်ဘ၀များစွာဟာ မိမိဘယ်လိုဘ၀တွေရောက်ပြီး ဘယ်လို ဆင်းရဲတွေကြုံရဦးမလဲဆိုတာ မသိနိုင်ပါ။ ဒါကြောင့် မသိနိုင်သေးတဲ့ဘ၀ကို ချမ်းသာမှုတွေနဲ့ ရင်ဆိုင်ရအောင် ယခုကတည်းက ပြင်ဆင်ထားဖို့ လိုပါတယ်။ တကယ်လို့ မိမိတို့က အမှားတွေပဲ လုပ်ပြီး လူ့ဘ၀ကြီးကိုဖြတ်သန်းသွားမယ်ဆိုရင် ဒုသနသော လေးယောက်ကဲ့သို့ နောက်မှနောင်တ တွေရနေပါလိမ့်မယ်။ အဲဒီလိုနောင်တတွေမရဖို့ရန် ယခုကတည်းက မမှားသင့်တာမမှားရအောင် သတိထားကြပါကုန်။

အရှင်ကောမလ(ခ)ဆန်နီနေမင်း
http://futurestars-myanmar.ning.com/profiles/blog/show?id=6405389%3ABlogPost%3A512169&xgs=1&xg_source=msg_share_post

နားနှင့်ပက်သက်ပြီး မလုပ်သင့်သောအရာများ



နားတွေမှာ သူဘာသာသန့်စင်စေခြင်းနဲ့ သူဘာသာ ကာကွယ်နိုင်ခြင်းဆိုတဲ့ သဘာဝသတ္တိရှိပြီးသားပါ။ ဒါ့ကြောင့် နားတွေကို မမှန်ကန်တဲ့နည်းတွေနဲ့ သန့်စင်ဆေးကြောမှု ပြုလုပ်တဲ့အခါ နားမှာ ထိခိုက်ဒဏ်ရာရခြင်းနဲ့ နားတွင်း ကူးစက်ပိုးဝင်ခြင်းဆိုတဲ့ ပြဿနာတွေ ဖြစ်စေနိုင်ပါတယ်။
နားဖာချေးကို မကလော်ပါနဲ့ နားဖားချေးတွေဟာ နားရဲ့သူ့ဘာသာ သန့်စင်စေတဲ့ လုပ်ငန်းစဉ်ကို ကောင်းကောင်း အလုပ်လုပ်နိုင်အောင် ဆောင်ရွက်ပေးပါတယ်။ နားဖာချေးတွေဟာ ဆိုးဆိုးဝါးဝါးပိတ်ဆို့ မနေရင် ကလော်ပြီး မဖယ်ရှားသင့်ပါဘူး။ အပြင် နားစည်အရေပြားရှိ ဂလင်းကနေ ထုတ်ပေးလေ့ရှိတဲ့ နာဖာချေးတွေဟာ အရေးကြီးတဲ့ လုပ်ငန်းဆောင်တာ တွေကို လုပ်ဆောင်နေပါတယ်။
နားစည်ရဲ့ အရေပြားကို ကာကွယ်ဖုံးအုပ်ပေးခြင်း၊ ရေကို တွန်းထုတ်ခြင်းနဲ့ နားတွင်းပိုးဝင်တာနဲ့ ထိခိုက်ဒဏ်ရာမဖြစ်အောင် ကာကွယ်ပေးခြင်းစတဲ့ လုပ်ငန်းတွေအပြင် နားအတွင်း အရေပြားခြောက်သွေ့ ယားယံခြင်းမဖြစ်အောင် ထိန်းသိမ်းပေးပါတယ်။ ဒါ့ပြင် နားဖာချေးဟာ အပြင်ကနေဝင်လာတဲ့ ဖုန်နဲ့ ပိုးမွှားတွေကို နားစည်ထဲမရောက်အောင် သယ်ယူထားပေးပါတယ်။ အများအားဖြင့် နားဖာချေးဟာ သူ့အလိုလို ထွက်သွားလေ့ရှိပါတယ်။ ဒါပေမဲ့ တချို့လူတွေမှာတော့ အလိုလို ထွက်မသွားတဲ့အတွက် နားဖာချေးကို ကလော်ပြီး ဖယ်ထုတ်ရတတ်ပါတယ်။
နားစည်ထဲ ဘာမှ မထည့်ပါနဲ့ နားအတွင်းထဲကို ဝါဂွမ်းစ၊ လက်ချောင်း၊ ကလစ်လို ချွန်ထက်တဲ့ အရာတွေ မထည့်ပါနဲ့။ နားအတွင်းထဲ ပြင်ပပစ္စည်းထည့်တာဟာ နားစည်ရဲ့ နူးညံ့တဲ့ အရေပြားကို ထိခိုက်ပျက်စီးစေသလို အခန့်မသင့်ရင် နားစည်ကို ပေါက်ပြဲစေပါတယ်။ လူအများစုဟာ နားဖာချေးထွက်သွားအောင် နားထဲကို ပြင်ပပစ္စည်းထည့်ပြီး ကလော်ထုတ်တတ်ကြပါတယ်။ နားဖာချေး သိပ်မရှိဘဲ ပြင်ပပစ္စည်းဟာ နားစည်အထိရောက်သွားရင် နားကို မသက်မသာ ဖြစ်စေကာ ယာယီနားမကြားတော့တာမျိုး ဖြစ်သွားတတ်ပါတယ်။ နားစည် အရေပြားခြစ်မိခြင်းနဲ့ နှာချေးဟာ နားစည်အတွင်းထဲအထိ ရောက်ရှိသွားခြင်းတွေကြောင့် နားတွင်းကူးစက်ပိုးဝင်တဲ့ အန္တရာယ်လဲ များပါတယ်။
နားအတွင်းထဲ မဆေးကြောပါနဲ့ နားရဲ့ အပြင်ဘက်ပိုင်း ညစ်ပတ်နေရင် ဆပ်ပြာနဲ့ ရေစိုစွတ်နေတဲ့ နူးညံ့တဲ့ အဝတ်စသုံးပြီး ဆေးကြောပေးပါ။ ဒါပေမဲ့ နားအတွင်းထဲကိုတော့ အဝတ်စ၊ လက်ချောင်းနဲ့ တခြားဘာမှ ထည့်ပြီး မဆေးကြောပါနဲ့။ ကလေးရဲ့ နားကို ဆေးကြော သန့်စင်ပေးချင်ရင်လည်း ဝါဂွမ်းစကို ဆပ်ပြာမပါတဲ့ ရေထဲထည့်ပြီး ဆေးကြောပေးလို့ ရပါတယ်။ ဒါပေမဲ့ နားကို ခြောက်သွေ့အောင် ပြန်ပြုလုပ်ဖို့ အရေးကြီးပါတယ်။ ရေကူးတဲ့သူတွေမှာ နားခြောက်သွေ့အောင် အထူးဂရုစိုက်ဖို့ လိုပါတယ်။ တကယ်လို့ နားတွင်းပိုးဝင်ပြီး နာကျင်နေရင်တော့ ဆရာဝန်နဲ့ပြပါ။
နားထဲက ပြင်ပပစ္စည်းကို အတင်းမဖယ်ရှားပါနဲ့ လူကြီးတွေကော ကလေးတွေမှာပါ နားထဲ ပြင်ပပစ္စည်းဝင်နိုင်ပါတယ်။ လူကြီးတွေမှာတော့ နားကပ်ကျွတ်ပြီး မတော်တဆ နားထဲ ဝင်သွားတာဖြစ်တတ်ပြီး ကလေးတွေကတော့ စနောက်ချင်စိတ်၊ စပ်စုလိုစိတ်နဲ့ အခြားကလေးရဲ့နားထဲဒါမှမဟုတ် ကိုယ့်နားထဲ ပြင်ပပစ္စည်းထည့်တတ်ကြပါတယ်။
ပဲစေ့လို၊ ခဲဖျက်လို ပစ္စည်းတွေဆိုရင် သူ့အလိုလို ပြန်ထွက်သွားဖို့မလွယ်ပါဘူး။ အင်းဆက်ပိုးမွှားတွေလည်း နားထဲရောက်ပြီး ပိတ်မိနေတာမျိုး ရှိတတ်ပါတယ်။ အဲဒီအချိန်မှာ ကိုယ့်ဘာသာ ပြင်ပပစ္စည်းကို ဖယ်ရှားဖို့ မကြိုးစားပါနဲ့။ ဆရာဝန်ထံ ချက်ချင်းသွားပါ။ ဆရာဝန်က နားထဲက ပြင်ပပစ္စည်းကို အထူးကိရိယာနဲ့ ဖယ်ရှားပေးမယ့် အပြင် နားထဲမှာ ထိခိုက်ဒဏ်ရာရှိ၊ မရှိ ဆန်းစစ်ကြည့်ရှုတာ လိုအပ်သလို ကုသပေးပါလိမ့်မယ်။
နားထဲ နားဖာချေးပိတ်ဆို့နေခြင်း နားထဲ နားဖာချေး အလွန်အမင်း ပိတ်ဆို့နေပြီး ဖယ်ရှားဖို့လိုတဲ့ အခြေအနေတွေရှိပါတယ်။ ဖယ်ရှားဖို့ လိုတဲ့ လက္ခဏာရပ်တွေကတော့ နားအကြားအာရုံ ဆုံးရှုံးခြင်း၊ နားကိုက်ခြင်း၊ နားအူခြင်း၊ နားထဲပြည့်နေသလို ခံစားရခြင်း စတာတွေပါပဲ ဖြစ်ပါတယ်။ အဲဒီအခါ မိမိဘာသာ နားထဲက နားဖာချေး ထုတ်တာမျိုး မလုပ်ဘဲ နား၊ နှာခေါင်း၊ လည်ချောင်း အထူးကုဆရာဝန်နဲ့ ပြသလိုက်ပါ။
From forward mail
Posted by အိမ့်မှူးသော်
http://futurestars-myanmar.ning.com/profiles/blog/show?id=6405389%3ABlogPost%3A512291&xgs=1&xg_source=msg_share_post

အူမကြီး ကင်ဆာ အကြောင်းသိကောင်းစရာ

Bowel cancer အူကင်ဆာလို့ ခေါ်တာဟာ Colorectal cancers ဖြစ်တယ်။ Colon cancer အူမကြီး-ကင်ဆာ နဲ့ Rectal cancer အစာဟောင်းအိမ်-ကင်ဆာကို ပေါင်းခေါ်ထားတာ ဖြစ်တယ်။ အမျိုးသားတွေမှာ တတိယမြောက် နဲ့ အမျိုးသမီးတွေမှာ စတုတ္ထမြောက် အဖြစ်အများဆုံး ကင်ဆာဖြစ်တယ်။ ဖွံ့ဖြိုးတိုးတက်နိုင်ငံတွေမှာ ပိုဖြစ်တယ်။ ၆ဝ% ရှိတယ်။ ၂ဝဝဂ လေ့လာမှုအရ တကမ္ဘာလုံးမှာ လူနာသစ်ပေါင်း ၁့၂၃ သန်းရှိပြီး၊ ၆ သိန်းကျော် သေဆုံးရတယ်။ Colon cancer အူမကြီး-ကင်ဆာ အများစုက ကင်ဆာမဟုတ်တဲ့ Polyps အသားပိုကနေစတယ်။
ဖြစ်ကာစမှာ အူမကြီးရဲ့ အတွင်းဆုံးလွှာကနေဖြစ်ပြီး စောစောမသိလို့ ဆေးမကုရင် အူမကြီးရဲ့ ကြွက်သားလွှာအထိ ရောက်လာမယ်။ အူနံရံမှာသာ ဖြစ်နေသေးရင် ကုရတာလွယ်တယ်။ ခွဲစိတ်မယ်။ နောက်ကျမှသိရင်တော့ အသက် ရှည်နိုင်သမျှ ရှည်အောင် Chemotherapy ဆေးပေးကုသမယ်။
Cause ဘာလို့ဖြစ်သလဲ
• အသက်ကြီးမှ ဖြစ်တာများတယ်။
• ယောက်ျားတွေမှာ ပိုဖြစ်တယ်။
• အမျိုးထဲမှာ တယောက်မက ဖြစ်တတ်တယ်။ ဒါပေမဲ့ ၇၅-၉၅% ဟာ မျိုးဗီဇနဲ့ မပတ်သက်တာ တွေ့ရတယ်။
• လူနေမှုပုံစံ (အစားအသောက်၊ အရက်သောက်၊ ဆေးလိပ်သောက်) ကြောင့်လဲ ဖြစ်နိုင်တယ်။
• Inflammatory bowel disease (Ulcerative colitis and Crohn's disease) ရှိနေသူတွေမှာ ပိုဖြစ်တယ်။
o Crohn's disease ရှိသူထဲက ၁ဝ နှစ်အတွင်း ၂%၊ ၂ဝ နှစ်အတွင်း ၈% နဲ့ ၃ဝ နှစ်အတွင်း ၁၈% အူမကြီး-ကင်ဆာ လာဖြစ်တယ်။
o Ulcerative colitis ရှိနေသူထဲက ၂ဝ% ဟာ ၁ဝ နှစ်နေရင် အူမကြီး-ကင်ဆာဖြစ်လာတယ်။
Diagnosis ရောဂါသေခြာအောင် Sigmoidoscopy or Colonoscopy စမ်းရင်းနဲ့ Tumor biopsy အသားစ ဖြတ်ယူ စစ်ဆေးတာ လုပ်ရတယ်။ Barium enema စအိုကနေ ဆေးသွင်းပြီး ဓါတ်မှန်ရိုက်တာလဲ လုပ်တယ်။ ရောဂါ ဘယ်အထိ ပြန့်နေသလဲ သိအောင် CT scan လုပ်ရတယ်။ ရောဂါဗေဒအရပြောရရင် ၉၅% က Adenocarcinoma အမျိုးအစားဖြစ်ပြီး ကျန်တာက Lymphoma နဲ့ Squamous cell carcinoma အမျိုးအစားဖြစ်တယ်။
အူမကြီးဆိုတာ ညာဘက်အထက်တန်းနေတာ၊ ကန့်လန့်တန်းနေတာ နဲ့ ဘယ်ဘက်အောက်တန်းနေတာဆိုပြီး ရှိတယ်။ ညာဘက်ဖြစ်တာမျိုးက အူလမ်းပိတ်တာ ဖြစ်ခဲတယ်။ သွေးယိုရာကနေ သွေးအားနည်းနေတာ များတယ်။ ဘယ်ဘက်က ဖြစ်တာ ဆိုရင် အူလမ်းပိတ်တတ်တယ်။
• အထဲမှာ ရောဂါစနေပေမဲ့ ဘာမှမခံစားရဘူး။ ဒါကြောင့် သိရင် နောက်ကျနေတတ်တယ်။
• သိသာတဲ့ ရောဂါ လက္ခဏာတွေက
o စအိုကနေ သွေးယိုမယ်၊ ဝမ်းသွားရင်း သွေးပါမယ်။
o ကြာတော့ သွေးအားနည်းလာမယ်။
o လူက ပိန်လာမယ်။ အားယုတ်မယ်။
o ဝမ်းသွားရတာ အရင်လိုမဟုတ်တာဖြစ်မယ်။ ဝမ်းချုပ်တာ၊ ဝမ်းလျှောတာတွေ ဖြစ်မယ်။ ဝမ်းချုပ်တာ များတယ်။ ဝမ်းသွားပြီးပေမဲ့ မကုန်သေးသလိုခံစားရနိုင်တယ်။
o အစားအသောက် ပျက်မယ်။
o ကိုယ်ပူမယ်။
o ပျို့-အန်ချင်တာ ဖြစ်မယ်။ ဗိုက်အောင့်၊ လေထိုး အနေရခက်မယ်။
Risk factors ဘယ်လိုလူမျိုးတွေမျာ သတိထားရမလဲ
• Older age ကင်ဆာ ၉ဝ% ဟာ အသက် ၅ဝ ကျော်တွေဖြစ်တယ်။
• African-American race အာဖရိကနွယ်ဖွါးတွေမှာ ပိုဖြစ်တယ်။
• colorectal polyps ကင်ဆာမဟုတ်တဲ့ အသားပိုရှိနေသူ။
• Ulcerative colitis and Crohn's disease ရောဂါရှိနေသး၊
• Inherited syndromes မျိုးရိုးရှိသူ။
• Low-fiber, high-fat diet အဆီများများစားပြီး အသီအနှံစားနည်းသူ။
• A sedentary lifestyle ကိုယ်လက်လှုတ်ရှားမှု နည်းသူတွေ
• Diabetes ဆီးချိုရှိသူ။
• Obesity ကိုယ်ခန္ဓာဝသူ။
• Smoking ဆေးလိပ်သောက်သူ။
• Alcohol အရက်သောက်သူ။
• Radiation therapy for cancer ကင်ဆာတခုခုအတွက် ဓါတ်ကင်ရသူ။
Stages of colon cancer အဆင့်ခွဲခြားခြင်း
1. အဆင့် (၁) အူမကြီးနံရံ အတွင်းဆုံးလွှာမှာသာရှိသေးသူ။
2. အဆင့် (၂) အူမကြီးနံရံတခုလုံးမှာဖြစ်နေသူ။
3. အဆင့် (၃) အူမကြီးနံရံအပြင် အနီးအနားက တက်စေ့တွေအထိရောက်နေသူ။
4. အဆင့် (၄) အူမကြီးနံရံ၊ အနီးအနားက တက်စေ့တွေအပြင် အသဲ၊ အဆုပ်စတာတွေအထိ ရောက်နေသူ။
Treatments and drugs ဘယ်လိုကုသမလဲ
• Surgery for early-stage colon cancer စောသေးတာအတွက် ခွဲစိတ်ကုသနည်း။ အသားပိုအဆင့်သာ ရှိသေးမယ်၊ ကင်ဆာကသေးမယ်၊ နေရာတခုလေးမှာသာကွက်ဖြစ်မယ်ဆိုရင် ခွဲစိတ်ထုတ်ပြစ်မယ်။ Colonoscopy ကရိယာနဲ့စစ်ဆေးရင်း လုပ်မယ်။
• အရွယ်အစားပိုကြီးတာဆိုရင် Laparoscopic surgery ကရိယာသုံးပြီး ခွဲထုတ်မယ်။
• Surgery for invasive colon cancer နောက်ကျလာပြီဖြစ်တဲ့ ကင်ဆာကို ခွဲစိတ်နည်း။ Partial colectomy ဖြစ်နေတဲ့နေရာက်ို ဖြတ်ထုတ်မယ်။ ဘေးက ကောင်းနေသေးတဲ့ နေရာကိုပါ ထုတ်မယ်။ တက်စေ့လဲ ထုတ်မယ်။ ထိပ်စနှစ်ဘက်ကို ဆက်ပေးလို့ရရင် ဆက်ပေးမယ်။
• ဒါမှမဟုတ် ဝမ်းသွားလမ်းကို ဗိုက်ကနေအသစ်လုပ်ပေးမယ်။ တခါတလေ Temporary colostomy ယာယီ အဲလိုလုပ်ရပြီး။ တခါတလေ Permanent colostomy ရာသက်ပန် လုပ်ပေးရတယ်။
• နောက်ကျနေတဲ့ အူလမ်းပိတ်နေတဲ့ ကင်ဆာဆိုရင် အူလမ်းပွင့်အောင် ခွဲစိတ်တာလုပ်မယ်။ ရောဂါကို တိုက်ရိုက် ကုတဲ့သဘောတော့ မဟုတ်ဘူး။
• တကယ်လို့ အသဲအထိ ရောက်နေတာ တွေ့ရပေမဲ့ လူက ခံနိုင်ရည်ကောင်းနေရင် ကူးစက်နေတဲ့နေရာက ကင်ဆာ အကျိတ်ကို ထုတ်ပေးမယ်။
• Chemotherapy ဆေးပေးကုသနည်းကို ခွဲစိတ်တာ မလုပ်ခင်ဖြစ်ဖြစ် လုပ်ပြီးမှဖြစ်ဖြစ် တွဲလုပ်တာလဲရှိတယ်။ Chemotherapy ဆိုတာ ကင်ဆာ (ဆဲလ်) တွေကို သေစေဘို့ဖြစ်တယ်။ Radiation therapy ဓါတ်ကင်တာနဲ့ တွဲပေးရတာလဲ ရှိတယ်။ 5-flourauracil (5-FU) ဆေးကိုသုံးတာများတယ်။
• Radiation therapy ဓါတ်ကင်တယ်ဆိုတာ X-rays ဓါတ်မှန်ရောင်ခြည်နဲ့ ကင်ဆာ (ဆဲလ်) တွေကို သေစေတာဖြစ်တယ်။ ခွဲစိတ်ထုတ်ပေမဲ့ ကျန်နေနိုင်တာကို သေစေမယ်။ အရွယ်အစားကိုလဲ သေးစေလို့ ပိတ်နေတာ၊ ဖိနေတာရှိရင် သက်သာစေမယ်။ ရောဂါ စောစောပိုင်းအဆင့်အတွက် မသုံးဘူး။ ခွဲစိတ်တာ၊ ဆေးပေးတာ နဲ့ ဓါတ်ကင်တာ တွဲလုပ်ရတာတွေလဲရှိတယ်။
• Targeted drug therapy ဆေးပေးနည်းတမျိုးလဲရှိတယ်။ ရောဂါ နောက်ပိုင်းရောက်နေသူတွေအတွက် Bevacizumab (Avastin), Cetuximab (Erbitux) and Panitumumab (Vectibix) ဆေးတွေကိုသုံးတယ်။
ဘယ်လောက်ကြာကြာ နေနိုင်မလဲ
• ရောဂါ ဘယ်လောက်စေစောသိသလဲ။ ဘယ်အတိုင်းအတာအထိ ကုသမှုခံယူသလဲအပေါ်မူတည်တယ်။
• အူမကြီးနံရံမှာသာဖြစ်နေသူက ခွဲစိတ်ကုသမှုခံယူလိုက်ရင် အသက်ကြာကြာရှင်ဘို့ ၈ဝ% ရှိမယ်။
• နောက်ကျမှသိရ-ကုရသူဆိုရင် ၅ နှစ်သက်တမ်းနေနိုင်မှု ၁ဝ% ရှိမယ်။
• ကင်ဆာက တက်စေ့တွေအထိ ရောက်နေသူတွေမှာ ၅ နှစ်သက်တမ်းနှုန်း ၆၅% ရှိတယ်။
• တခြားအင်္ဂါတွေအထိ ရောက်နေသူတွေမှာ ၈% ရှိတယ်။
အူမကြီးကင်ဆာ ဘယ်လိုကာကွယ်မလဲ
• စောစောသိအောင်လုပ်ပါ။
• Digital rectal examination စအိုလမ်းကို စမ်းသပ်ခြင်း နဲ့ Stool occult blood testing ဝမ်းထဲမှာ မျက်စိနဲ့ မမြင်ရတဲ့သွေး ပါနေ-မနေ စစ်ဆေးတာ လုပ်ရမယ်။ ဝမ်းထဲမှာ အဲလိုစစ်မှ သွေးတွေ့သူတွေထဲက ၃ဝ-၄၅% ဟာ Colon polyp အသားပိုအဆင့် နဲ့ ၃-၅% ဟာ Colon cancer ကင်ဆာ ရှိနေတာ တွေ့ရတယ်။
• Stool occult blood အပေါင်းပြသူတွေကို Barium enema x-rays, colonoscopies တွေဆက်လုပ်ရမယ်။
• ဝမ်းထဲသွေး ပါ-မပါစစ်လို့ အနုတ်ပြတိုင်းလဲ ကင်ဆာ မရှိဘူးလို့ အသေအခြာ မပြောနိုင်သေးဘူး။ ၂ဝ% လောက်မှာ အဲလိုဖြစ်တယ်။
• ဝမ်းသွေးစစ်တာ အောင်ပေမဲ့ ဖြစ်နိုင်ခြေစာရင်းထဲပါနေသူတွေကို Flexible sigmoidoscopies or Colonoscopies တွေပါ လုပ်သင့်တယ်။
• အသက် ၅ဝ ကျော်ရင် ၃-၅ နှစ်တခါလုပ်ဘို့ လမ်းညွှန်တယ်။
• Genetic counseling and testing မျိုးဗီဇစစ်ဆေးနည်းတွေ အသစ်ပေါ်လာပြီ။ သွေးစစ်တာပါ။ FAP, AFAP, MYH, and HNPCC တွေရှိသူတွေကို Hereditary colon cancer syndromes လို့ခေါ်တယ်။
• Diet and colon cancer အူမကြီးကင်ဆာနဲ့ အစားအစာ
o အဆီလျှော့ပါ။ အသား၊ ဥ၊ နို့ထွက်အစားအစာတွေ၊ သားသုံးဆီတွေကနေ ရတာတွေကို လျှော့ပါ။
o Fiber (ဖိုက်ဘာ) ဆိုတာ ဟင်းသီးဟင်းရွက်၊ အသီးအနှံတွေ၊ အဖြူဆွတ်နေအောင်လုပ်မထားတဲ့ ဆန်-ဂျုံမှုံ့တွေနဲ့ လုပ်တဲ့ အစာတွေက ရတယ်။ (ဖိုက်ဘာ) က ကျေချက်-ပျော်ဝင်မသွားနိုင်ဘူး။ ဝမ်းထဲမှာ အတိုင်းသားလို ပါနေမယ်။ အစာထဲက potential carcinogens ကင်ဆာဖြစ်စေနိုင်တာတွေကို ဖယ်ထုတ်ပေးမယ်။ ဝမ်းသွားလွယ်စေလို့ အဲလိုဓါတ်တွေ အထဲမှာ ကြာကြာမနေစေနိုင်ဘူး။
Dr. တင့်ဆွေ
၁၉-၆-၂ဝ၁၂
http://futurestars-myanmar.ning.com/profiles/blog/show?id=6405389%3ABlogPost%3A512433&xgs=1&xg_source=msg_share_post