ဆေးဖက်ဝင် ကင်ပွန်းချဉ်

ပူပြင်း ခြောက်သွေ့သော နွေကာလနှင့် လိုက်ဖက်သော အစာလည်းဆေး၊ ဆေးလည်း အစာ တစ်မျိုးမှာ ကင်ပွန်းချဉ် ဖြစ်သည်။ ကျန်းမာသူ အတွက် အာဟာရဖြစ်ပြီး မကျန်းမာသူ အတွက် ဆေးဝါးဓာတ်စာ ဖြစ်သည့် ကင်ပွန်းချဉ်ကို အဖိုးနည်းဝန်ပါ သူသူငါငါ လွယ်ကူစွာ စားသုံး နိုင်သည်။

ကင်ပွန်းချဉ်ပင်သည် နွယ်ယောင်ပင်ယောင် ချုံပင်မျိုး ဖြစ်သည်။ ပျော့ပျောင်းသော ပင်စည်နှင့် အရွက်တံတို့တွင် ဆူးရှိသည်။ အခက်စိမ်းများ၌ နီမှိုင်းမှိုင်း အရောင်အဆင်း ရှိသည်။ အရွက် သေး ငယ်ပြီး ရွက်ထိပ် ဝိုင်းသည်။ အသီးမှာ သီးတောင့်ရှည် မျိုးပြား၍ ဖြောင့်သည်။ အစေ့များ ကြားတွင် အဆစ်များ ဖြစ်ကာ ချိုင့်ဝင်နေသည်။ မြန်မာနိုင်ငံ အနှံ့အပြား သဘာဝ အလျောက် အလေ့ကျ ပေါက်သော စားသုံးပင် ဖြစ်သည်။

ကင်ပွန်းချဉ်သည် အသည်းအတွက် အစွမ်းထက် အသုံးဝင်သည်။ ကင်ပွန်းချဉ်ကို ဟင်းချို ချက်သောက်ခြင်း၊ အချဉ်ချက်ပြုတ် စားခြင်း၊ ကြော်စားခြင်း၊ မီးကင်စားခြင်းများ ပြုနိုင်သည်။ အရွက်နုကို ငရုတ်ကောင်း အရည်တွင် စိမ်၍ ဆား၊ မန်းကျည်းသီး၊ ငရုတ်သီးနှင့် ရောထောင်းပြီး တိုက်ကျွေးလျှင် အသည်းရောင်အသား ဝါရောဂါ၊ သည်းခြေ ရောဂါတို့ကို သက်သာ စေသည်။ အရွက်နုကို ကြိတ်ပြီး အသည်းရောင်သည့် နေရာကို စိတ်ရှည် လက်ရှည် လိမ်းပေးပါက ရောဂါ သက်သာသည်။

အရွက်နုကို ညက်အောင်ထောင်း တစ်ညသိပ်ပြီး သကြား အနည်းငယ် ထည့်၍ ရေကျက် အေးနှင့် နေ့စဉ်မှန်မှန် သောက်ပေးလျှင် အဖျဉ်းရောဂါ ပျောက်သည်။

ကိုယ်ဖော ကိုယ်ရောင် အူရောင် မြင်းသရိုက် လေနာမြစ် ခြောက်နာ စသည် တို့ကိုလည်း နိုင်သည်။

ကင်ပွန်းချဉ်ရွက်ကို ရေနွေးဖျောပြီး သောက်က ဝမ်းချုပ်လေချုပ် ပျောက်ကင်း၍ ဝမ်းပျော့ ဝမ်းမှန် စေသည်။ ဝမ်းဗိုက်လေပွ လေထခြင်းကို တန့်စေသည်။ လေနာ လေအောင့်လေထိုး လေစူး သက်သာသည်။ ကင်ပွန်းရွက် ဟင်းချိုသည် လူနှင့် အခါခပ်သိမ်း တည့်သည်။ ကိုယ်တွင်း အပူကို ငြိမ်းစေသည်။ ကျောက်ကပ်ကို အားပေးသဖြင့် ဆီးရွှင်သည်။ ဆီးပူဆီး အောင့်ညောင်းကျ ပန်းသေ ပန်းညှိုးမှ အစကောင်းမွန်သည်။ သွေးသားကို သန့်စင်စေသဖြင့် ရုပ်ဆင်းအင်္ဂါ နုပျိုကြည်လင်ကာ အဆီကျ ပေါ့ပါး စေပါသည်။

ငှက်ဖျားရောဂါ၊ အစာအိမ်ရောဂါ၊ သွေးနှင့် ဆိုင်သော ရောဂါ၊ အဖြူကွက်ထ ရောဂါရှိသူတို့ အနေဖြင့် ကင်ပွန်းချဉ် အမြဲစားသုံး သင့်သည်။ နှလုံးရောဂါ ရှိသူအား ကင်ပွန်းချဉ် ငါးကျပ်သား၊ ထန်းလျက် ၁ဝ ကျပ်သား၊ ဆားအသင့်အတင့်နှင့် ကျို၍ တစ်နေ့သုံးကြိမ် မှီဝဲ စေသင့်သည်။ နာလန်ထစ လူမမာအား ကင်ပွန်းရွက် ဟင်းချိုနှင့် ထမင်းပူပူတွင် နှပ်ထားသော ငါးပုပ်ခြောက်တို့ အတူ ကျွေးပါက စားရသူ လူမမာ အလွန်အဆင် ပြေသည်။ ကင်ပွန်းရွက်ကို အသားငါး တစ်မျိုးမျိုးနှင့် ရောနှော၍ ကြော်စားလျှင် ထမင်းမြိန်ပါသည်။ အစာလမ်းကြောင်း မကောင်းသူများ၊ အစာမကြေ ရောဂါ ရှိသူများနှင့် အူရောင်ရောဂါ ရှိသူများ အတွက် ကင်ပွန်းချဉ်ကို အချဉ်ချက်ပြုတ် စားပေးရန် လိုသည်။

ကင်ပွန်းရွက်နုကို အမှုန့်ရအောင် လှီးပြီး ကြက်သွန်ဖြူ၊ ဆိတ်ဖူး၊ နနွင်း၊ ဆား၊ ငါးပိ၊ ပုစွန် ခြောက်မှုန့်၊ သီဟိုဠ်စေ့ သင့်ရုံထည့်၍ ဆီဖြင့် နှံ့အောင်နယ်ပါ။ ဂျုံမှုန့်နှင့် အနေတော် ဆုပ်နယ်၍ မီးပြထားသော ရဲယိုရွက်နှင့် ထုပ်ပါ။ ငှက်ပျောရွက်ဖြင့် ထပ်မံ ထုပ်ပြီးနောက် ညှပ်ဖြင့် အထက်အောက်လှန် မီးကင်လျှင် အနံ့သင်းသင်း ကင်ပွန်းရွက်ကင်ကို ရသည်။ နေမကောင်းသူများ၊ ခံတွင်း ပျက်သူများကို ဓာတ်စာဆေးဝါး အဖြစ် စားသုံး စေနိုင်သည်။

ကင်ပွန်းရွက် ရင့်ရင့်ကို ဆားအနည်းငယ်နှင့် ညက်ညက်ထောင်း၊ သတ္တုရည် ညှစ်ယူပါ။ အရည်ကို အနည်အဖတ် မပါအောင် သန့်ရှင်းသော အဝတ်ပါးပါးနှင့် စစ်ယူ၍ မျက်စဉ်း ခတ်လျှင် မျက်စိနာ၊ မျက်ရိုးကိုက် ကင်းစင်သည်။ မျက်ရည်ပူနှင့် အခိုးအငွေ့ထွက် သဖြင့် မျက်စိ ကြည်လင်သည်။

ကင်ပွန်းသီးကို ပြုတ်၍ ဝမ်းပျော့ဆေး အဖြစ် သုံးနိုင်ပြီး အသီးကို ကြိတ်၍လည်း အရေပြား ရောဂါများကို လိမ်းပေး နိုင်သည်။ စိန်နှင့် သံပရာစား မိပါက ကင်ပွန်းသီး ပြုတ်ရည် လက်ဖက်ရည် ပန်းကန်တစ်လုံးခန့် တိုက်ပေးပါက ပြန်အန် ထွက်စေသည်။ မြွေဆိပ်ကုဆေး ဖော်စပ်ရာ၌ ကင်ပွန်းသီးကို အသုံးချ နိုင်သည်။ 

ကင်ပွန်းသီး ပြုတ်ရည်ကို တရော်ပင် အခေါက်နှင့် တွဲ၍ အမျိုးသမီးများက ဆံပင်သန်ဆေး အဖြစ် ခေါင်းလျှော်လေ့ ရှိကြသည်။ ကင်ပွန်းသီး ပြုတ်ရည်က ဆံပင်တွင် ကပ်ငြိနေသော ကြေးညှော်ကို တိုက်ချပေးသည့် အပြင် ဦးရေကို အေးစေသဖြင့် အနံ့အသက် ကင်းသန့်ရှင်းပြီး ဆံပင်သန်စွမ်း ဖြောင့်စင်း မည်းနက်သည်။ မြန်မာနှစ်ဦး နှစ်သစ်ချိန်ခါ ခေါင်းလျှော်ဓလေ့ အစဉ်အလာတွင်  တရော်ကင်ပွန်း အသုံးပြုသည်ကို တွေ့ရသည်။

ဆေးဖက်ဝင် ကင်ပွန်းချဉ်၏ ရုက္ခဗေဒ အမည်မှာ အေကာစီယာ ကွန်စင်းနား (Acacia concinna) ဖြစ်သည်။ သမားလက်စွဲခေါ် ဆေးအဘိဓာန် အဖွင့်ကျမ်းတွင် ''ကင်ပွန်း ရွက်သည် အပူကြောင့် ဖြစ်သော အခိုးအကင်းကို လည်းကောင်း၊ ဝမ်းရပ်ခြင်းကို လည်းကောင်း ပြုတတ်၏။ သည်းခြေကို ငြိမ်းစေ၏''ဟု ဖော်ပြထားသည်။ ဤသို့ ပူပြင်းသော ရာသီဥတုနှင့် လိုက်ဖက် လှသော ဆေးဖက်ဝင် ကင်ပွန်းချဉ်ကို ကျန်းမာသုတ အဖြစ် ရေးသား တင်ပြ လိုက်ရပါသည်။     ။

မြ၀တီ

ရေခဲလူသား

နယ်သာလန်နိုင်ငံမှ ဒတ်ခ်ျလူမျိုး အမျိုးသားတစ်ဦး ဖြစ်ပါတယ်။ Wim Hof လို့အမည်ရပါတယ်။

ရေခဲရေနဲ့ အမြဲရေချိုးပြီး အာတိတ်ရေခဲပြင်မှာလည်း ရေကူးခဲ့သူ ဖြစ် ပါတယ်။ ဒါကြောင့် ဂင်းနစ်စာအုပ်မှာ ၁၈ ခုအထိ မှတ်တမ်းတင်နိုင်ခဲ့တဲ့ အံ့မခန်း လူသား ဖြစ်ပါတယ်။

၂၀၀၇ ခုနှစ်တုန်းကလည်း ဧဝရက်တောင်ကို ဘောင်းဘီတို တစ်ထဲတည်း ဝတ်ပြီး တက်ခဲ့ပါသေးတယ်။ ခြေထောက်ဒဏ်ရာကြောင့်သာ စံချိန်တင် မအောင်မြင်ခဲ့ပါဘူး။ ခြေထောက်ဒဏ်ရာ ရခဲ့ပြီး ခြေနှစ်ချောင်းလုံး သေသွား မယ်လို့ ဆေးပညာအရ တွက်ချက်ဟောပြောခဲ့ပေမယ့် ထင်သလို မဟုတ်ပါ ဘူး။ သေပြီလို့ ထင်ရတဲ့ ခြေထောက်တွေဟာ သူ့ပါသူ ပြန်လည် အသက်ရှင် လာပါတယ်။

သာမန်လူ မခံနိုင်လောက်တဲ့ အအေးဒဏ်ပြင်းဒေသမှာ ကိုယ်လုံးတီးနေနိုင် ပါတယ်။ ရေခဲတိုက်ထဲမှာလည်း အသက်ရှင်နိုင်သူ ဖြစ်ပါ တယ်။ ချေထား တဲ့ ရေခဲတုံးတွေကြားမှာ ဝင်စိမ်နေတဲ့ Wim Hof ကို ယခုလို မြင်တွေ့ ရပါတယ်။
---
Ref:amazeworld
ရိုးရာလေး ထူးဆန်းထွေလာ
-
http://www.yoyarlay.com/entertainment/123-discovery/35670-ice-man-in-europe

အေးချမ်းမွန် Credit & Copy From > YoYarLay< Thank For Your Post
သက်ဆိုင်ရာသတင်းဌာန၏ မူရင်းရေးသားချက် သာဖြစ်သည်

ငွေတစ်သန်းယူမလား? ငါ့သမီးယူမလား?(ဟာသ)

တစ်ခါတုန်းက သဋ္ဌေးကြီး တစ်ယောက်ရှိသတဲ့။ သူက မိကျောင်းတွေမွေးရတာကို ၀ါသနာထုံလေတော့ သူ့အိမ်မှာ ရေကန်ကြီးတူးပြီး မိကျောင်းတွေ မွေးထားလေသတဲ့။

သဋ္ဌေးကြီးမှာက သမီးလေးတစ်ယောက်ရှိလေသတဲ့။ တစ်နေ့တော့ သူ့အိမ်မှာ ပါတီ အကြီးကြီးတစ်ခုလုပ်ပြီး သဋ္ဌေးကြီးက ကြေငြာသတဲ့။ အခု ပါတီမှာ ရှိနေတဲ့ ယောင်္ကျားလေးများ ဟော့ဒီက မိကျောင်းအပြည့်ရေကန်ကြီးထဲကို ဖြတ်ကူးနိုင်တဲ့လူကို ငွေတစ်သန်းဖြစ်ဖြစ် ငါ့သမီးဖြစ်ဖြစ် ကြိုက်တာကို ရွေးချယ်ခွင့်ပြုမယ်။

သူ့စကားဆုံးတာနဲ့ “ဗွမ်း” ဆိုတဲ့ အသံကြားလိုက်ရပြီး လူရွယ်လေးတစ်ယောက်ဟာ ဒရောသောပါး ကြောက်လန့်တကြားနဲ့ ရေကန်ကို အသည်းအသန်ကို ဖြတ်ကူးနေလေသတဲ့။

သဋ္ဌေးကြီးလည်း အံသြသွားတာပေ့ါ။ ပါတီကလူတွေကလည်း လူငယ်လေးကို လက်ခုပ်တွေ တီးပြီးတော့ အားပေးကြတာပေါ့။ အဲ့ဒီလိုနဲက နောက်ဆုံးမှာ လူငယ်ကလေးဟာ ထိခိုက်ဒဏ်ရာ အနည်းငယ်ရတာကလွဲလို့ အောင်အောင်မြင်မြင်နဲ့ပဲ မိကျောင်းအပြည့်နဲ့ ရေကန်ကြီးကို ဖြတ်ကူးလာနိုင်သတဲ့။

သဋ္ဌေကြီးက ပြောသတဲ့ “မယုံနိုင်စရာကောင်းလောက်အောင်ကိုပဲ တယ်ရဲ့ရင်တဲ့ သူငယ်ပဲ။ ကဲကဲ ကျုပ်ရဲ့ ကတိအတိုင်း မောင်ရင် ကျုပ်သမီးကို ယူမလား၊ ငွေတစ်သန်းကို ယူမလား ကြိုက်ရာရွေးပေတော့”

အဲ့ဒီမှာတင်လူငယ်က ဒေါသတကြီးနဲ့ “ဒီမှာ နားထောင်၊ ကျုပ်ခင်ဗျား သမီးကိုလည်း မလိုချင်ဘူး၊ ငွေတစ်သန်းလည်း မလိုချင်ဘူး။ သိချင်တာ တစ်ခုဘဲရှိတယ်။ ဘယ်သကောင့်သားက အားယားပြီး ကျုပ်ကို ဒီကန်ထဲကို တွန်းချလိုက်တာလဲ”

မူရင်းရေးသူအမည်မပါပါဘူး..မူးရင်းရေးသူတိုင်းဘာသာပြန်သူတိုင်းအား လေးစားလျှက်

Shwe Eaim Si

Myanmar Online News

ဒီအထဲမှာ မှောင်တယ်ဗျ(ဟာသ)

အိမ်ထောင်ရှိ အမျိုးသမီးတစ်ယောက်ဟာ သူ့ ယောက်ျားအလုပ်သွားချိန်မှာ တခြားအမျိုးသားတစ်ယောက်နဲ့  အချိန်းအဆက်လုပ်နေပါတယ်။ တစ်နေ့  သူတို့ နှစ်ယောက်သားအိပ်ခန်းထဲမှာ ကြိတ်ပုန်းခုပ် နေကြတုန်း သားဖြစ်သူ ၁၃ နှစ်သားဟာ သူတို့ ကို တွေ့သွားပြီး အခန်းထဲက ဘီရိုမှာ ဝင်ပုန်းနေခဲ့ပါတယ်။

သိပ်မကြာပါဘူး အမျိုးသားက အိမ်ပြန်ရောက်လာတော့ ဖောက်ပြန်တဲ့ မိန်းမဟာ သူ့ချစ်သူကို သူ့ သား ပုန်းနေတဲ့ ဘီရိုထဲမှာ ဖွက်ပါတယ်။ အထဲမှာ သူ့ သားရှိတာကိုလဲမသိဘူးပေါ့။ ဒီလူဝင်လာတော့ ကောင်လေးကစပြီး

"ဒီအထဲမှာ မှောင်တယ်ဗျနော်..."

"အေးကွ"

"ကျွန်တော့မှာ ဘေ့စ်ဘောလုံးတစ်လုံးရှိတယ်ဗျ"

"သြော်.. အေး.. ကောင်းတာပေါ့ကွာ"

"အဲဒီဘောလုံးကို ကျွန်တော်ပြန်ရောင်း မလို့ ။ ခင်ဗျားဝယ်မလား"

"မဝယ်ချင်ပါဘူးကွာ။ ငါမှ မကစားတတ်တာ"

"အဖေအပြင်မှာ ရှိတယ်နော်... ခင်ဗျားသဘောပေါက်တယ်မဟုတ်လား"

"သြော်... အေး... အေး... အေးပါကွာ။ ကဲ မင်း ဘောလုံးက ဘယ်လောက်မို့ လို့ လဲ"

"ဒေါ်လာ ၂၅၀"

"အမေလေး... များလိုက်တာကွာ"

"အပြင်မှာ..."

"ကဲ.. ကဲ.. ပေးပေး.. ရော့ ၂၅၀"

နောက် သုံးပတ်လောက်နေတော့ အဲဒီလို ဖြစ်ရပ်မျိုး နောက်တစ်ခါ ထပ်ဖြစ်ပါတယ်။
ကောင်လေးကလဲ အခန်းဘီရိုထဲမှာ ဝင်ပုန်းနေပြီး သူ့ အမေကလဲ သူ့ ချစ်သူကိုဘီရိုထဲကို ဝှက်ပြန်ပါတယ်။

"ဒီအထဲမှာ မှော်တယ်ဗျ နော်..."

"အေး... အေးကွ"

"ကျွန်တော်မှာ ဘေ့စ်ဘော လက်အိတ်တစ်စုံ ရှိသေးတယ်ဗျ"

ပြီးခဲ့တဲ့ တစ်ခေါက်တုန်းက ဘောလုံးတစ်လုံးကို ဒေါ်လာ ၂၅၀ နဲ့ ဝယ်လိုက်ရတဲ့ သူ
့အဖြစ်ကို သူ ပြန်တွေး သဘောပေါက်မိပြီး စိတ်မရှည်စွာနဲ့ 

"ကဲ.. ကဲ.. အခုတစ်ခေါက် ငါဘယ်လောက် ပေးရမှာလဲ"

"ဒေါ်လာ ၇၅၀"

"အိုကေလေ..."

နောက်တစ်ရက် နှစ်ရက်လောက်နေတော့ အဖေက သားကို ဘေ့စ်ဘောကစားဖို့  ဘောလုံးနဲ့ လက်အိတ်သွားအယူ ခိုင်းပါတယ်။

"အဖေ.. အဲဒီနှစ်ခုလုံးအိမ်မှာ မရှိတော့ဘူး။ သား ရောင်းလိုက်ပြီ"

"ဘာ.. ဘယ်လို... ဘယ်လောက်ရလို့ မို့  မင်းကရောင်းလိုက်တာလဲ"

"ဒေါ်လာ ၁၀၀၀ နဲ့ အဖေ"

"အိုးးး များလိုက်တာ သားရယ်... ဒီပစ္စည်းတွေက ဒီလောက်မှ မတန်တာပဲ။ မင်းက
ဒါသူများကို သက်သက် လူလည်ကျသလို ဖြစ်သွားတာပေါ့။ ဒါအပြစ်ဖြစ်တယ်ကွ... မဖြစ်ဘူးမဖြစ်ဘူး... မင်းကို ဘုရားကျောင်း ခေါ်သွားရမယ်။ မင်း အပြစ်တွေကို ဘုန်းတော်ကြီး
ဆီသွားပြီး အာပတ်ဖြေရမယ်"

ဒီလိုနဲ့  သားအဖနှစ်ယောက် ဘုရားကျောင်းကို ရောက်လာကြတာပေါ့... အဖေကသားကိုအာပတ်ဖြေဖို့  အခန်းလေးထဲက ခုံမှာ ထိုင်ခိုင်းပြီး တံခါးကို ပိတ်လို့  အပြင်မှာ
စောင့်နေတယ်။ အခန်းထဲမှာ ထိုင်နေတုန်း ကောင်းလေးက ...

"ဒီအထဲမှာ မှောင်တယ်ဗျ နော်" လို့ ဆိုလိုက်တော့...

အာပတ်ဖြေပေးဖို့  စောင့်နေတဲ့ ဘုန်းတော်ကြီးက...

"ခွေးမသား... ဒါ ငါ့ပိုင်နက်ကွ... ဒီတစ်ချီတော့ မင်း.. ငါ့ကို ဒီအချိုးမျိုး
လာချိုးလို့  မရတော့ဘူး" ... တဲ့

ဟာသနန်းတော်(facebook)

သား ယောင်္ကျားလေးများ ထိန်းကျောင်းခြင်း

ပြီးခဲ့တဲ့ တပတ်က စိတ်ဉာဏ်ရည် မြင့်မားစေဖို့ အတွက် ကလေးများကို ငယ်စဉ်ကတည်းက သင်ကြား စောင့်ရှောက်ဖို့ လိုတယ်ဆိုတဲ့ အကြောင်း ကျမ တင်ပြဆွေးနွေးခဲ့ပါတယ်။

ဒီတပတ်မှာတော့ သားယောက်ျားလေးများရဲ့ စိတ်ပိုင်းဆိုင်ရာ ထိန်းသိမ်းနိုင်မှု စွမ်းရည် မြင့်မားစေဖို့ အတွက် မိဘများအနေနဲ့ ဘယ်လို ထိန်းသိမ်းပြုစု စောင့်ရှောက်ပေးရမယ် ဆိုတဲ့ အကြောင်းကို ကျမ တင်ပြ ဆွေးနွေးချင်ပါ တယ်။ ကိုယ့်ရဲ့ စိတ်ပိုင်းဆိုင်ရာကို မှန်ကန်စွာနဲ့ ထိန်းသိမ်းနိုင်မှု ရှိခြင်း ဆိုတဲ့ စွမ်းရည်ဟာ လူတဦးချင်းစီ အတွက်ရော၊ လူမှု အဖွဲ့စည်း အတွက်ပါ အင်မတန်မှ အရေးကြီးတဲ့ စွမ်းရည် တခုပါ။ ဒီ စွမ်းရည်လေးကို ရရှိစေဖို့ အတွက် နောင်တချိန်မှာ လူကြီးဖြစ်လာမယ့် ကလေးတို့ကို ငယ်ငယ် ကတည်းက လေ့ကျင့်ပေးဖို့ လိုပါတယ်။


ခေတ်ဘုန်းသစ်သည် စာရေးဆရာမ ပန်းရိပ်ဖြူ၏ ကလောင်ခွဲ ဖြစ်သည်။
ခေတ်ဘုန်းသစ် ကလောင် အမည်ဖြင့် ကလေးစာပေ၊ ပုံပြင်၊ ကဗျာများ
ရေးသားနေသကဲ့သို့ ပန်းရိပ်ဖြူ ကလောင်အမည်ဖြင့် ရသစာပေ ၀တ္ထုတို၊ ၀တ္ထုရှည်နှင့် ကဗျာများ ရေးသားလျက် ရှိသည်။

မပြောသင့် မပြောအပ်တဲ့ အရာကို မပြောဖို့၊ ကိုယ်ချင်းစာတရား ရှိဖို့၊ ကိုယ့်ရဲ့ လောဘ ဒေါသ စတာတွေကို ပတ်ဝန်းကျင်ကို ရိုက်ခတ်စေတဲ့ အထိ မပေါက်ကွဲမိစေဖို့ စတာတွေကို ထိန်းချုပ်နိုင်ဖို့ အတွက် ဟိုးငယ်စဉ်ကလေး ဘ၀ကတည်းကို က မိဘဆရာများက ကလေးတို့ကို သင်ကြားပေးကြရမှာပါ။

သင်ကြားပေးတဲ့ နေရာမှာလည်း နည်းလမ်းမှန်ကန်ဖို့ လိုပါတယ်။ ကျမတို့ ရဲ့ မြန်မာ လူမှုအသိုင်းဝိုင်းမှာ တော်တော် များများ လက်ခံထားတဲ့ အယူဆတခု ရှိပါတယ်။ ဒါကတော့ ယောက်ျားလေး မငိုရဘူး ဆိုတဲ့ အယူအဆပါ။ ယောက်ျားလေး ကလေးငယ်ငယ်လေးတွေကို မိဘများက “မင်း ယောင်္ကျား မဟုတ်ဘူးလား။ မငိုနဲ့” ဆိုပြီး တားမြစ် တတ်ကြပါတယ်။ အမှန်တော့ ဒါဟာ အင်မတန်မှ မှားယွင်းတဲ့ တားမြစ်ချက် တခုပါပဲ။ ၀မ်းနည်းမှု၊ ဒေါသထွက်မှု၊ အားငယ်မှု၊ ကြောက်ရွံမှု စတာတွေ အားလုံးဟာ လူသားရဲ့ ခံစားချက် များပေမို့ ယောက်ျားလေးမှာ ရော၊ မိန်းကလေး မှာပါ အတူတူပါပဲ။ ယောင်္ကျားလေး မငိုရဘူးလို့ တားမြစ်လိုက်တဲ့ အတွက် ယောင်္ကျားလေးများမှာ သူတို့ရဲ့ ၀မ်းနည်းမှုကို ငိုကြွေးခြင်းနဲ့ ဖြေသိမ့်လို့ မရရှာတော့ပါဘူး။ ငါယောက်ျားပဲ ငါဝမ်းမနည်းဘူး ဆိုပြီးတော့ ကိုယ့်ရဲ့ ခံစားချက်ကို ကိုယ့်ဘာသာလိမ်ညာ တတ်လာပါတယ်။ ဒီလို ခံစားချက်ကို လိမ်ညာခြင်းကနေ တဆင့် ကိုယ်ဒေါသ ထွက် နေရင်တောင်မှ ကိုယ့်ဘာသာကိုယ် ဒေါသထွက်နေမှန်း မသိလိုက်ဘဲ စိတ်နောက် ကိုယ်ပါ လုပ်တတ်တဲ့ အပြုအမူတွေ ဖြစ်လာကြတာပါပဲ။

တချို့ ပြောတတ်ကြ ပါတယ်။ မျက်လုံးထဲမှာ ရုတ်တရက် ဘာမှ မမြင်တော့ဘူး ဖြစ်သွားတယ်။ ဒါကြောင့်မို့ လုပ်လိုက်မိတယ် ဆိုတာမျိုးပါ။ ဒါဟာ ကိုယ့်ကိုယ့်ကို အတွက် ရော ကိုယ့်ရဲ့မိသားစု၊ ကိုယ့်ရဲ့ ပတ်ဝန်းကျင်၊ ကိုယ့်ရဲ့လူမှု အသိုင်းဝိုင်းနဲ့ နိုင်ငံအတွက်ပါ အင်မတန်မှ အန္တရာယ် ရှိတဲ့ စိတ်ပိုင်းဆိုင်ရာ ချို့တဲ့မှုပါ။ အထူးသဖြင့် ရာထူးကြီးကြီး ယူထားတဲ့လူတွေ၊ လုပ်ပိုင်ခွင့် များများ ရထားတဲ့ လူတွေ အတွက် စိတ်ပိုင်း ဆိုင်ရာ ထိန်းချုပ်နိုင်မှု စွမ်းရည်က ပိုပြီးတော့ လိုအပ်လှပါတယ်။

အမှန်တော့ မိန်းကလေးနဲ့ ယောက်ျားလေးမှာ ကျမတို့ ထင်ထားသလိုမျိုး မိန်းကလေးက ယောက်ျားလေးထက် စိတ်ပိုင်းဆိုင်ရာ လှုပ်ရှားခံစားမှု စွမ်းရည် မပိုပါဘူး။ တကယ်တော့ ယောက်ျားလေးများဟာ မိန်းကလေးများထက် စိတ်ပိုင်းဆိုင်ရာ လှုပ်ရှား ခံစားမှု စွမ်းရည် ပိုပြင်းထန် ကြပါတယ်။ ယောက်ျားလေးများက မိန်းကလေးများထက် ပိုခံစားနိုင်၊ ပိုဝမ်းနည်းနိုင်၊ ပိုဒေါသထွက်နိုင်၊ ပိုပြီးတော့ နာကျင်နိုင်ကြတာပါ။ ဘာကြောင့်များ မိန်းကလေးများက ပိုပြီးတော့ ခံစားနိုင်တယ်လို့ ပတ်ဝန်းကျင်မှာ ထင်ရသလဲ ဆိုရင်ဖြင့် ခံစားမှုကို ထုတ်ဖော်ပြတဲ့ နေရာမှာ သဘာဝချင်း ကွာခြားသွားလို့ ပါပဲ။

မိန်းကလေးများက သူတို့ ၀မ်းနည်းရင်၊ ဒေါသထွက်ရင် သူတို့ ယုံကြည် စိတ်ချရတဲ့ လူ (မိဘ၊ သူငယ်ချင်း) စတဲ့ လူတွေ ဆီကို သွားပြီးတော့ ရင်ဖွင့်တတ်ကြပါတယ်။ ယောက်ျားလေးများကတော့ အဲဒီလိုမျိုး ပြောဆိုရင်ဖွင့် တာမျိုး မရှိကြပါဘူး။ သူတို့ ၀မ်းနည်းရင်ပဲ ဖြစ်ဖြစ် ဒေါသထွက်ရင်ပဲ ဖြစ်ဖြစ် စိတ်လှုပ်ရှား ခံစားရတဲ့ အခါမျိုးမှာ ကားလျှောက်မောင်း ပစ်တာမျိုး၊ ဘောလုံးကန်တာမျိုး၊ လမ်းလျှောက် ပစ်လိုက်တာမျိုးနဲ့ ဖြေသိမ့်တတ်ကြ ပါတယ်။

မိဘများ အနေနဲ့ ကလေးတို့ ၀မ်းနည်းတဲ့အခါ၊ ဒေါသထွက်တဲ့အခါ မျိုးတွေမှာ သူတို့ ခံစားနေရတဲ့ ၀မ်းနည်းမှု၊ ဒေါသ စတာတွေ ကို အသိအမှတ် ပြုပေးဖို့ လိုပါတယ်။ အနည်းဆုံး ဘာမှ မပြောတတ်ရင် တောင်မှ ကလေးကို ထွေးပွေ့ ဖက်ထားမယ် ဆိုရင်ဖြင့် သူတို့ရဲ့ စိတ်ဆိုး ဒေါသထွက်မှု၊ ၀မ်းနည်းမှုတို့ ပြေပျောက်သွားနိုင်ပါတယ်။

သူတို့ ဖြစ်လာတဲ့ ပြဿနာ၊ သူတို့ခံစားရတဲ့ ခံစားချက်တွေကို ပြောပြတဲ့ အခါမျိုးမှာလည်း ကလေး တို့ကို အပြစ်မတင်ဘဲ ကိုယ်ချင်းစာစိတ်နဲ့ ငြိမ်ငြိမ်သက်သက် နားထောင်ပေးဖို့လိုပါတယ်။ ပြီးရင်တော့ ဘာကြောင့် ဘယ်လို ဖြစ်ရတယ် ဆိုတာကို အပြစ်တင် ဝေဖန်တာ မပါဘဲနဲ့ သူတို့လေးတွေနဲ့ အတူတူ ကူညီ စဉ်းစားပေးရ ပါမယ်။

ဒါဆိုရင်ဖြင့် ကိုယ့်ရဲ့ စိတ်လှုပ်ရှား ခံစားမှုကို သိတဲ့၊ ထိန်းသိမ်းနိုင်စွမ်းရှိတဲ့ စိတ်ဉာဏ်ရည် မြင့်တဲ့ ကလေးတွေ ဖြစ်လာ ကြမှာ အမှန်ပါပဲ။ လူ့လောက မှာ လူတိုင်း လူတိုင်းဟာ ဒေါသနဲ့ မကင်းပါဘူး။ ၀မ်းလည်း နည်းတတ်ကြ ပါတယ်။ စိတ်ဆိုးတယ်၊ ဒေါသထွက်တယ်၊ ၀မ်းနည်းတယ်၊ ကြောက်တယ်ဆိုတာ လူ့စိတ်အခြေခံ မှာကိုက ပါလာတဲ့ အရာတွေပါ။ ဒါပေမယ့် ဒီစိတ်ပိုင်းဆိုင်ရာ ခံစားမှုတွေ ကို အဆုံးစွန် လွှတ်ပေး လိုက်တဲ့ အထိ မဖြစ်စေဖို့ ဆိုတာ ကတော့ တဦးချင်းစီရဲ့ စိတ်ပိုင်းဆိုင်ရာ ဉာဏ်ရည်နဲ့ ဆိုင်ပါတယ်။

စိတ်ဉာဏ်ရည် မြင့်မားသူများဟာ လူတဖက်သားကို လည်း ကိုယ်ချင်းစာ တရားမြင့်မားတတ်ကြ ပါတယ်။ ကိုယ့်ရဲ့ စိတ်ခံစားမှုကို ကိုယ်သိသလို၊ လူအများရဲ့ စိတ်ခံစားမှုကို လည်း နားလည် ခံစားသိမြင် နိုင်စွမ်းရှိတာမို့ လူ့လောကအတွက်၊ လူ့အသိုင်းဝိုင်းအတွက် အင်မတန်မှ အဖိုးတန်တဲ့ လူမျိုးတွေ ဖြစ်ကြပါတယ်။ ဒါကြောင့်မို့ တချိန်မှာ နိုင်ငံရဲ့ တာဝန်ကို ထမ်းဆောင်ကြရမယ့် သားယောင်္ကျားလေးများကို စိတ်ဉာဏ်ရည် မြင့်မားတဲ့ ယောင်္ကျားကောင်းများ ဖြစ်စေဖို့ အတွက် မိဘ ဆရာများ အနေနဲ့ ငယ်စဉ်ကတည်းက ကလေးတို့ကို လေ့ကျင့် ပေးကြပါဦး လို့ အကြံပြုလိုက်ပါတယ်။

ဧရာဝတီ

တကယ်တော့ ယောက်ျားလေးများဟာ မိန်းကလေးများထက် စိတ်ပိုင်းဆိုင်ရာ လှုပ်ရှား ခံစားမှု စွမ်းရည် ပိုပြင်းထန် ကြပါတယ် (ဓာတ်ပုံ – childrenandfamiliesbill.wordpress.com)

Myanmar Online News

အမေရိကန် နိုင်ငံတွင် သားအဖ နှစ်ဦး တစ်ချိန်တည်း၌ ဘွဲ့အတူ ရရှိ

အမေရိကန် ပြည်ထောင်စု ဂျော်ဂျီယာ ပြည်နယ် အတွင်းရှိ မိုးဟောက်စ် ကောလိပ်တွင် သားအဖ နှစ်ဦးသည် မေ ၁၉ ရက်က တစ်ပြိုင်နက်တည်း ဘွဲ့အတူ ရရှိခဲ့ကြ သည်ဟု အင်တာနက် သတင်း တစ်ပုဒ်အရ သိရသည်။
သားအဖ နှစ်ဦးအနက် ဖခင်ဖြစ်သူ ဒိုရီယန်ဂျွိုင်နာ ဆီနီယာမှာ အသက် ၄၆ နှစ် ရှိပြီဖြစ်ပြီး သားဖြစ်သူ ဒိုရီယန် ဂျွိုင်နာ ဂျူနီယာမှာ အသက် ၂၃ နှစ်ရှိကြောင်း သိရသည်။

ဖခင် ဖြစ်သူမှာ ၁၉၈၈ ခုနှစ်တွင် မိုးဟောက်စ် ကောလိပ်၌ ကျောင်းသားတစ်ဦး ဖြစ်ခဲ့ပြီး ကျောင်းမပြီးဆုံးခင် လုပ်ငန်းခွင် ထဲသို့ ၀င်ရောက်ခဲ့ကာ ကွန်ပျူတာ များဖြင့် အသက် မွေး ၀မ်းကျောင်း ပြုလုပ်ခဲ့သည့် အပြင် သတင်းအချက် အလက်နှင့် ဘဏ္ဍာရေး ဆိုင်ရာ ထိပ်တန်းခွဲခြမ်း လေ့လာသူ တစ်ဦးလည်း ဖြစ်သည်ဟု သိရသည်။

ဖခင် ဖြစ်သူသည် ၂၀၁၀ ပြည့်နှစ်တွင် ၎င်း၏ မပြီးဆုံး သေးသော ပညာရေးကို အဆုံးသတ်ရန် အတွက် မိုးဟောက်စ် ကောလိပ်သို့ ပြန်လည် တက်ရောက်ခဲ့ခြင်း ဖြစ်ကြောင်းနှင့် သာမန် လူတစ်ဦး လုပ်ဆောင်ရန် ခက်ခဲသည့် ကိစ္စကို လုပ်ဆောင် နိုင်ခဲ့ခြင်းကြောင့် ဖခင်အတွက် မိမိ အနေဖြင့် အလွန် ဂုဏ်ယူကြောင်း သားဖြစ်သူက ပြောကြားခဲ့သည်။

မြ၀တီ

Suspended Coffee(ဆိုင်းငံ့ထားသောကော်ဖီတစ်ခွက်)

ကျွန်တော်တို့သူငယ်ချင်းနှစ်ယောက်ကော်ဖီဆိုင်တစ်ခုထဲကိုဝင်ပြီးကော်ဖီနှစ်ခွက်မှာတယ်..ပြီးတော့ မလှမ်းမကမ်းမှာရှိတဲ့စားပွဲမှာထိုင်ဖို့လျှောက်သွားလိုက်တယ်... စားပွဲမှာနေရာယူဖို့ပြင်ဆင်နေတုန်းပဲ ဆိုင်ထဲကို ရုပ်ရည်သန့်သန့်ပြန့်ပြန့်နဲ့ နှစ်ယောက်ဝင်လာပြီး ကော်ဖီမှာပါတယ်...မှာပုံက ကော်ဖီငါးခွက် ၂ခွက် ကကျွန်တော်တို့သောက်ဖို့ သုံးခွက်ကိုတော့ suspended(ဆိုင်းငံ့)ထားပေးပါ.. ကျွန်တော်လည်းမှာထားတဲ့ကော်ဖီမလာသေးတာကတစ်ကြောင်း ကျွန်တော့်ရှေ့တည့်တည့်မှာရောက် နေတာတစ်ကြောင်းကြောင့် ဆက်ကြည့်နေမိတယ်..သူတို့ ကော်ဖီငါးခွက်ဖိုးရှင်းတယ်...ပြီးတော့ ကော်ဖီနှစ်ခွက်ယူပြီး ပြန်ထွက်သွားတယ်.. ကျွန်တော့်သူငယ်ချင်းကိုမေးမိတယ်..အဲ့ဒီ Suspended(ဆိုင်းငံ့) ထားတဲ့ကော်ဖီတွေကဘာလုပ်တာလဲဆိုတော့...သူကလည်း ငါ့သူငယ်ချင်းမင်းဆက်စောင့်ကြည့်ကွာ တွေ့လိမ့်မယ်လို့ပြောတော့ ကျွန်တော်လည်းဘာမှဆက်မမေးမိဘဲ ရောက်လာတဲ့ကော်ဖီကို သောက်နေလိုက်တယ်...စိတ်ထဲမှာတော့ ဘာပါလိမ့်ဆိုတာကိုစဉ်းစားနေမိတယ်... နောက်တော့ မိန်းကလေးနှစ်ယောက်ရောက်လာတယ်..ကော်ဖီနှစ်ခွက်မှာတယ်..ပိုက်ဆံရှင်းပြီးပြန်ထွက်သွားတယ်...နောက်တစ်ခါ ရှေ့နေသုံးယောက်ရောက်လာတယ်...ကော်ဖီ(၇)ခွက်မှာတယ်..၃ခွက်က ငါတို့အတွက် ကျန်တဲ့လေးခွက်က suspended(ဆိုင်းငံ့) လို့ပြောပြီး ပိုက်ဆံရှင်းတယ်... ကျွန်တော် တော်တော်လေးကိုစိတ်ဝင်စားမိနေပြီ...ဒီ suspended (ဆိုင်းငံ့)ကော်ဖီဆိုတာဘာလဲ??? အတွေးတွေများရင် ဆိုင်ရှေ့က ရှုခင်းအလှအပလေးတွေနဲ့ ဖြတ်လျှောက်သွားတဲ့လူတွေကို ကြည့်နေမိတယ်...အဲ့ဒီအချိန်မှာပဲ အ၀တ်အစားနွမ်းနွမ်းပါးပါးနဲ့ သူတောင်းစားပုံစံလူတစ်ယောက် ဆိုင်ထဲဝင်လာတယ်...မ၀ံ့မရဲနဲ့ counter နားကပ်သွားပြီး Suspended Coffee(ဆိုင်းငံ့) ကော်ဖီလေးများ ရှိသလားဗျာ..တဲ့...ကျွန်တော်ကောင်းကောင်းသဘောပေါက်သွား တယ်...ဆိုင်ရှင်က ပြုံးပြပြီး ကော်ဖီတစ်ခွက်ပေးလိုက်တယ်...ဆိုင်လေးရဲ့ ချောင်ကျကျတစ်နေရာမှာ အဲ့ဒီပုဂ္ဂိုလ်ကော်ဖီ ထိုင်သောက်နေလေရဲ့....ကျွန်တော် အားလုံးကိုရှင်းသွားပါပြီ..လူတွေက သူတို့ စား သောက်ဖို့အပြင် နွမ်းပါးတဲ့သူတွေနဲ့ မတတ်နိုင်တဲ့သူတွေအတွက် coffee နဲ့ စားစရာသောက် စရာတွေကို Suspended (ဆိုင်းငံ့)အဖြစ် ငွေကြိုရှင်းခဲ့ကြတာပါ...

ဒီရိုးရာဓလေ့ဟာ အီတလီနိုင်ငံ (Naples City)ကနေစခဲ့တာဖြစ်ပြီးတော့ အခုတော့ နိုင်ငံတော်တော်များများကိုပြန့် နှံ့လို့နေပါပြီ..တစ်ချို့နေရာတွေမှာဆိုရင် ကော်ဖီတင်မကပဲ Sandwich ဒါမှမဟုတ် စားစရာတွေတောင် Suspended အနေနဲ့ရှိနေပါပြီ...

ကျွန်တော်ဒီစာလေးကိုဖတ်မိတဲ့အချိန်တုန်းက မျက်ရည်တောင်လည်မိတယ်..သူတို့ရဲ့ လူသားချင်းစာ နာမှု..ကြင်နာမှု၊နွေးထွေးမှု မေတ္တာဓာတ်တွေကို ကျွန်တော့်စိတ်ကို လှုပ်ခတ်စေလို့ ကျွန်တော် ဘာသာပြန်ပြီး တင်ပေးလိုက်ပါတယ်.. ကျွန်တော်တို့ဗုဒ္ဒဘာသာမြန်မာနိုင်ငံမှာလဲ ဒီလို ချစ်စရာကောင်းတဲ့ အလေ့အထလေးတွေရှိရင်အရမ်းကောင်းမှာပဲလို့ကျွန်တော်တွေးမိတယ်... ညှိုးနွမ်းနေတဲ့မျက်နှာတွေနဲ့ ကလေးငယ်တွေ..သက်ကြီးရွယ်အိုတွေ ညီငယ်ညီမငယ် အဖေအိုအမေအိုကြီးတွေ လမ်းဘေးမှာ အော်ဟစ် ညည်းညူတောင်းခံနေမယ့်အစား ထမင်းဆိုင်တစ်ဆိုင်သွားပြီး ငွေကြိုရှင်းထားတဲ့ ထမင်း တစ်ထုတ်လောက်ရှိမလားဆိုပြီး တောင်းခံ ရတာ ပိုပြီးသိက္ခာရှိမယ်ထင်တယ်...
ပြောနေတာကြာတယ်..လက်ထဲမှာ ပိုက်ဆံ၃၀၀-၄၀၀ လောက်ပိုနေလို့ ထမင်းတစ်ထုတ်နဲ့ အရွက်ကြော်သို့ ကြက်ဥကြော်လောက်နဲ့ ငွေကြိုရှင်းထားရင်း ဗိုက်ဆာနေတဲ့ ညီငယ်ညီမငယ်တွေနဲ့ သက်ကြီးရွယ်အိုတွေကို ကြင်နာမှုနဲ့ နွေးထွေးမှုနဲ့ ကုသိုလ်ယူတဲ့ အလေ့အထလေးတွေ စတင်လိုက်ကြရအောင်ဗျာ...
ထမင်းဆိုင်၊လက်ဖက်ရည်ဆိုင်ပိုင်ရှင်တွေ တစ်ခြား မုန့်နဲ့စားသောက်စရာပိုင်ရှင်တွေ ကလည်း ဒီကုသိုလ်ရတဲ့ ဓလေ့...အလေ့အထလေး မြန်မာနိုင်ငံမှာဖြစ်မြောက်သွားအောင် တောင်းတဲ့သူတွေ များရှိခဲ့ရင် မျက်နှာမရှုံ့ဘဲ ကြင်နာတဲ့အကြည့်နဲ့ ၀န်ဆောင်မှုပေးနိုင်ကြပါစေလို့ ကျွန်တော် တောင်းဆိုပါတယ်...

ဒီPost လေးကို Like လုပ်ပါ..Share ပါ...ဒီအလေ့အထလေးကို မြန်မာနိုင်ငံမှာဖြစ်မြောက်လာအောင် တစ်ယောက်တစ်အား ၂၀၀-၃၀၀ ကစလို့ ၀ိုင်းဝန်း ကူညီကြပါလို့ပြောချင်ပါတယ်...

Facts:
• This story has been circulating over the internet
recently with unknown origin.
• No accounts for how long or widespread the
Italian tradition of "suspended coffee" or "caffè
sospeso" might be.
• A March 2013 report from Agence France Presse
about it also described the practice as an old Italian
tradition that had since taken root in Bulgaria.
• The image commonly used to accompany the
"suspended coffee" tradition posted on social media
sites is an unrelated photo by Washington Post last
March 2012 featuring a homeless man named Cal
Walker sipping a coffee at a diner.
• The latest example of embracing this Italian
tradition is Bulgaria with more than 150 coffee
shops across the country devoted to helping the
poor ones.

credit to : Steven Linn

ရယ်မောစရာများနဲ့ဘ၀အပန်းဖြေမယ်

စိတ်ဖိစီးမှုလျော့နည်းအောင်

လူတော်တော်များများပြောနေကြတဲ့ stress ဆိုတာကို ကြားဖူးမယ်
ထင်တယ်။ stress ဆိုပြီး နားထောင်ရတာ ကောင်းပေမဲ့ တကယ်တော့ ခံရတော်တော်ခက်တဲ့ ဝေဒနာတစ်ခုပါပဲ။ လူတိုင်းလူတိုင်း stress နဲ့ 
ရင်းနှီးပါတယ်။ ဘာလို့လဲဆိုတော့ စိတ်ဖိစီးမှုက ကျွန်တော်တို့ ပတ်ဝန်း
ကျင်မှာ အမြဲရှိနေပြီး လူတိုင်းဟာ ခံစားနေရလို့ ပါပဲ။ ပြင်ပက ၀င်လာတဲ့ ဖိအားတွေ၊ ကိုယ်လိုချင်တဲ့အရာကို ကြိုးစားပြီးရယူနေရတဲ့ အခါမျိုးမှာ အများဆုံးခံစားနေရပါတယ်။ များသောအားဖြင့် အလုပ်ကြောင့်၊ လူမှုဆက်ဆံရေးကြောင့်၊ ငွေရေးကြေးကြောင့် စိတ်ဖိစီးမှုတွေရရှိနေ
ရပါတယ်။ စိတ်ဖိစီးမှုများနေတဲ့ လူတစ်ယောက်ဟာ ပျော်ရွှင်နိုင်ဖို့ ခက်ခဲ
ပါတယ်။ဒီတစ်ခါ စိတ်ဖိစီးမှုတွေကို တတ်နိုင်သလောက် လျှော့
ချကြည့်ရအောင်.....

၁။ ဘယ်အကြောင်းအရာတွေက ကိုယ့်ကို အများဆုံးစိတ်ဖိစီးမှု
ပေးနိုင်လဲဆိုတာကိုသိရအောင်စာရွက်ပေါ်မှာချရေးကြည့်ပါ။
သိသွားရင် လျှော့ချဖို့ ကြိုးစားပါ။

၂။ စိတ်ဖိစီးမှုတွေအရမ်းများလာတဲ့အခါ အသက်ကိုခပ်ပြင်းပြင်းလေးနဲ့ ၁၀ကြိမ်လောက်ရှူလိုက်ပါ။

၃။ အားကစားတစ်ခုခုကိုပြင်းပြင်းထန်ထန်လုပ်ကြည့်ပါ။

၎။ ခေါင်းကိုက်စေတဲ့ ကိစ္စမျိုးတွေနဲ့ ကြုံလာတဲ့အခါ ၁၅မိနစ်လောက်ကို လုံးဝbreak လုပ်လိုက်ပါ။

၅။ caffeine ဓာတ်ပါတဲ့ အရည်တစ်ခုခုကိုသောက်လိုက်ပါ။ ဥပမာ... ကော်ဖီတစ်ခွက်လောက်ဖြစ်ဖြစ်ပေါ့။

၆။ စိတ်ဖီစီးစေတဲ့အကြောင်းတွေထဲကမှ မလိုအပ်ဘူးလို့ ထင်တဲ့ ကိစ္စတွေကိုမေ့ပစ်လိုက်ပါ။

၇။ ဘယ်အရာကိုပဲလုပ်လုပ် မလုပ်ခင် plan ချထားပါ။ ဒါကလည်း စိတ်ဖိစီးမှုတွေကို လျှော့ချပေးနိုင်မှာပါ။

၈။ နှစ်နှစ်ခြိုက်ခြိုက်အိပ်ပျော်အောင်အိပ်ပါ။အိပ်ရေးဝအောင်မအိပ်ဘူး
ဆိုရင်လည်း စိတ်ဖိစီးမှုတွေဖြစ်လာနိုင်ပါတယ်။

၉။ ထွက်ပေါက်တစ်ခုခုရှာပါ။ ဥပမာ- ပန်းချီဆွဲတာပဲဖြစ်ဖြစ်၊ ဖုန်းပြော
တာပဲဖြစ်ဖြစ်၊ မြူးကြွတဲ့ တေးသီချင်းတွေကြား ကခုန်တာပဲဖြစ်ဖြစ်ပေါ့.....

၁၀။ အကောင်းဆုံးနည်းနဲ့  အထိရောက်ဆုံးနည်းကတော့ တရားထိုင်
တာပါပဲ။ ကိုယ့်စိတ်တွေကို ငြိမ်သက်အောင်ပြုလုပ်ခြင်းကလည်း စိတ်ဖိစီးမှုတွေကိုလျှော့ချပေးနိုင်ပါတယ်။

laypyay(ကနောင်)

မြ၀တီ

လူတွေသေဆုံး ပြီးပြီးခြင်း ဘယ် အရာ ရှင်ပြီးကျန်သေးသလဲ?

 

(၁) နှလုံး က ဆယ်မိနစ် အထိ ရှင်တယ်။
(၂) ဦးနှောက် က မိနစ် နှစ်ဆယ် အထိ ရှင်တယ်။
(၃) မျက်လုံး က လေးနာရီ အထိ ရှင်တယ်။
(၄) အရေပြားက ငါးရက် အထိ ရှင်တယ်။
(၅) အရိုးက ရက်သုံးဆယ် အထိ ရှင်တယ်။


(((ကောင်းတဲ့ အကျင့်သီလ ကတော့ တမလွန် အထိ ရှင်တယ်)))

 

Today Myanmar(facebook)

ရှေ့ဆက်သွားနိုင်ဖို့ သင် စွန့်လွှတ်ရမယ့် အရာ(၁၀)ခု

ဘ၀ကို ရှေ့ဆက်သွားနိုင်ဖို့ဆိုရင် သင်ဟာ ဒီအရာ (၁၀)ခုကို စွန့်လွှတ်ရပါလိမ့်မယ်။

၁။ အခြားသူများ၏ အမြင်များဖြင့် သင့်ဘ၀ကို ထိန်းချုပ်ခွင့်ပြုခြင်း

အရေးကြီးတာက တခြားသူတွေ ဘယ်လိုထင်တယ်ဆိုတာ မဟုတ်ပါဘူး။ သင့်ကိုယ်သင် ဘယ်လိုထင်တယ်ဆိုတာကသာ အရေးကြီးပါတယ်။
သင်ဟာ သင့်ကိုယ်တိုင်အတွက်၊ သင့်ဘ၀အတွက် အကောင်းဆုံးအရာကို လုပ်ရပါမယ်။

၂။ အတိတ်ကအမှားများကို ရှက်ရွံ့နေခြင်း

သင့်ရဲ့ အတိတ်ဆိုတာ သင့်ရဲ့အနာဂတ်နဲ့ ညီမျှခြင်းမဟုတ်ပါဘူး။
အရေးပါတာကတော့ သင် အခု လုပ်နေတဲ့အရာပဲဖြစ်ပါတယ်။

၃။ ကိုယ် ဘာလိုချင်တယ်ဆိုတာကို တိတိကျကျ မဆုံးဖြတ်နိုင်ခြင်း

သင်ဘယ်ကိုသွားချင်တယ်ဆိုတာ မဆုံးဖြတ်နိုင်မချင်း သင် ဘယ်ကိုမှ ရောက်မှာမဟုတ်ပါဘူး။
သင် ဘာကိုလိုချင်တယ်ဆိုတာကို သိအောင် ဆုံးဖြတ်ပါ။ အဲဒီအရာနောက်ကို စိတ်ရောကိုယ်ပါ လိုက်ပါ။

၎။ သင့်အတွက် အရေးပါသော ရည်မှန်းချက်များကို အချိန်ဆွဲနေခြင်း

ဘ၀မှာ အဓိက ရွေးချယ်စရာ နှစ်ခုရှိပါတယ်။ (၁) အဖြစ်အပျက်တွေကို သူ့အရှိအတိုင်းပဲ လိုက်ခံလိုက်တာ (၂) သင်ဟာ အဲဒီအဖြစ်အပျက်တွေကို ပြောင်းလဲနိုင်တယ်လို့ ယုံကြည်တာ။
သစ်ပင်တစ်ပင်ကို စိုက်ခဲ့ဖို့ အကောင်းဆုံးအချိန်ကတော့ လွန်ခဲ့တဲ့အနှစ် (၂၀)လောက်ကပေါ့။ ဒုတိယအကောင်းဆုံးအချိန်ကတော့ အခုအချိန်ပါ။

၅။ ဘာမှမလုပ်ဖို့ ရွေးချယ်လိုက်ခြင်း

သင် ဘယ်အချိန်မှာသေမယ်၊ ဘယ်လိုသေမယ်ဆိုတာကို ရွေးချယ်လို့မရပါဘူး။
သင် ရွေးချယ်လို့ရတာကတော့ အခု ဘယ်လိုရှင်သန်မလဲဆိုတာပဲ ဖြစ်ပါတယ်။
နေ့ရက်တိုင်းဟာ သင် ရွေးချယ်နိုင်တဲ့ အခွင့်အရေးပါပဲ။

၆။ သင့်လိုအပ်ချက် အမြဲမှန်ခြင်း

အောင်မြင်မှုကို ရည်မှန်းပါ။ ဒါပေမယ့် သင့်ရဲ့ ရှုံးနိမ့်ပိုင်ခွင့်ကိုလည်း လက်မလွှတ်ပါနဲ့။
ဘာဖြစ်လို့လည်းဆိုတော့ သင့်ရဲ့ ရှုံးနိမ့်ပိုင်ခွင့်ကို လက်လွှတ်လိုက်ရင် သင်ဟာ အကြောင်းအရာသစ်တွေ သင်ယူနိုင်ခွင့်ကိုပါ ဆုံးရှုံးသွားလို့ပါပဲ။

၇။ ဖြေရှင်းလို့ရသော ပြဿနာများကို ရှောင်ပြေးခြင်း

ရှောင်ပြေးနေတာကို ရပ်လိုက်ပါ။
ပြဿနာတွေကို ရင်ဆိုင်လိုက်ပါ။ ဖြေရှင်းပါ။ ဆက်သွယ်ပြောဆိုပါ။ တန်ဖိုးထားပါ။ ခွင့်လွှတ်ပါ။
သင့်ဘ၀အတွက် ထိုက်တန်တဲ့သူတွေကို ချစ်ခင်ပါ။

၈။ ဆုံးဖြတ်ချက်များအစား ဆင်ခြေများကို ပြုလုပ်ခြင်း

ရေရှည် ရှုံးနိမ့်မှု အများစုဟာ ဆင်ခြေတွေရဲ့ ရလာဒ်ပဲဖြစ်ပါတယ်။

၉။ သင့်ဘ၀၏ ကောင်းသောအချက်များကို သတိမပြုခြင်း

သင်ရှာတာကိုပဲ သင်တွေ့တာပါ။
သင့်ရဲ့ဘ၀မှာ ရှိနေတဲ့အရာတွေကို တန်ဖိုးမထားတတ်ဘူးဆိုရင် သင်ဟာ ပျော်ရွှင်ဖို့အတွက် ခက်ခဲနေပါလိမ့်မယ်။

၁၀။ လက်ရှိအချိန်ကို တန်ဖိုးမထားခြင်း

ဘ၀ရဲ့ အကြီးမားဆုံးအစိတ်အပိုင်းတွေဟာ အရာသေးသေးလေးတွေနဲ့ အစပြုတယ်ဆိုတာကို သတိမထားမိဘဲ ကျနော်တို့ဟာ ကြီးကြီးမားမားတစ်ခုခုကို လုပ်ဖို့ပဲ ကြိုးစားနေတတ်ကြပါတယ်။

Credit To:Your Life Success

မြ၀တီ

မျက်စိမှုန်နေပြီလား

မျက်စိ မှုန်ရခြင်းသည် အကြောင်းရင်း များစွာကြောင့် ဖြစ်နိုင်သည်။

အောက်ပါရောဂါ လက္ခဏာ များကို လေ့လာပြီး မျက်စိမှုန် ပြဿနာကို အကြမ်းဖျင်း စစ်ဆေးနိုင်သည်။

(၁) အဝေးမှုန်ခြင်း (Myopia)

မိခင်၊ ဖခင်တစ်ဦးဦး အဝေးမှုန် ပါက သားသမီးများပါ အဝေးမှုန် တတ်သည်။ အနီးကပ် အာရုံစူးစိုက် ကြည့်ရှုဖန်များလျှင် အဝေးမှုန်လာ တတ်သည်။ အဝေးမှုန်ခြင်းကို မျက်မှန်၊ မျက်ကပ်မှန် တပ်ဆင်ခြင်းနှင့် ခွဲစိတ်ခြင်းတို့ဖြင့် ကုသနိုင်သည်။

(၂) အနီးမှုန်ခြင်း (Hyperopia)

ကျွန်ုပ်တို့ အတော်များများသည် မွေးစဉ်ကတည်းက အနီး မှုန်လာကြသည်။ အသက် ကြီးလာသည်နှင့် ကလေးဘ၀မှာပင် အမြင်အာရုံပုံမှန် ဖြစ်လာ တတ်သည်။ သို့သော် အနီးမှုန်ခြင်း ဆက်လက် ဖြစ်ပေါ်နေသူများ၌ အဝေးရှိ အရာဝတ္ထုများသာ ရှင်းရှင်းလင်းလင်း မြင်ရပြီး စာဖတ်လျှင်၊ သိုးမွေးထိုးလျှင် မမြင်ရတော့ဘဲ ခေါင်းကိုက်ခြင်း၊ မျက်ရိုး ကိုက်ခြင်းများ ခံစား ရတတ်သည်။ မျက်မှန်၊ မျက်ကပ်မှန် တပ်ဆင်ခြင်းနှင့် ခွဲစိတ် ခြင်းတို့ဖြင့် ကုသနိုင်သည်။

(၃) သက်ကြီးမှုန် (Presbyopia)

အသက် (၄၀) ကျော်သည်နှင့် အနီးမှုန်၊ အဝေးမြင် ဖြစ်လာခြင်းကို သက်ကြီးမှုန် (Presbyopia) ဟုခေါ်သည်။ စာကြည့်မျက်မှန်နှင့် ဘိုင်ဖို ကယ်မျက်မှန်များ တပ်ဆင်နိုင် သည်။

(၄) မြင်လွှာဆုံချက်မညီခြင်း (Astigmatism)

မျက်ကြည်လွှာ အခုံး ပုံမမှန်လျှင် ပုံရိပ်ဆုံချက် မညီဘဲ မြင်လွှာပေါ် တကွဲတပြား ကျရောက်လေ့ရှိရာ မျက်စိ မှုန်ခြင်းနှင့်အတူ ခေါင်းကိုက် ခြင်း၊ နုံးခြင်း၊ မျက်ရိုးကိုက်ခြင်းတို့ ခံစားရနိုင်သည်။

(၅) အတွင်းတိမ် (Glaucoma)

အတွင်းတိမ်ကြောင့် အမြင် အာရုံကြော (Optic Nerve)ကို ဖိအား ကြာရှည် သက်ရောက်လျှင် အမြင်အာရုံကြော ပျက်စီးပြီး မျက်စိ ကွယ်တတ်သည်။ အမြင်အာရုံချို့ တဲ့လာမှ အတွင်းတိမ် ဖြစ်ကြောင်း သိရလေ့ရှိရာ အတွင်းတိမ်ကို စောစီးစွာ သိရှိနိုင်ရန် အသက် (၄၀)ကျော် သည်နှင့် တစ်နှစ်လျှင် အနည်းဆုံး တစ်ကြိမ် မျက်စိစမ်းသင့်သည်။

(၆) ရေတိမ် (Cataract)

အသက်အရွယ် ရလာသည်နှင့် မျက်စိ မှန်ဘီလူးတွင် ပရိုတင်းများစု ပုံလာသည့်အခါ မြင်လွှာပေါ်တွင် ပုံရိပ်များစု ဆုံမကျတော့ဘဲ မျက်စိ မှုန်ခြင်း၊ ညအခါ၌ အရောင်များ မူမမှန်ခြင်းတို့ ဖြစ်တတ်သည်။ အလွန်ထူ ထပ်လျက်ရှိသော ရေတိမ်များကို စက်ဝိုင်း တစ်ခုအဖြစ် သာမန်မျက်စိနှင့်ပင် မြင်နိုင်သည်။

သီဟ

credit to Health Updates Journal

ကြောင်ပိုင်ဆိုင်ခြင်း၏ ကျန်းမာရေး အကျိုးကျေးဇူး

ကြောင်မွေးခြင်းဖြင့်လည်း ကျန်းမာရေး အကျိုးကျေးဇူး ထူးများ ရရှိပါတယ်။

အဓိကကတော့ သွေးပေါင်ချိန် အတက်အကျ များမှုကို ကာကွယ် ပေး ပါတယ်။ ကြောင်ကို အစာကျွေးခြင်းဖြင့် မိမိမှာ ရှိတဲ့ စိတ်ဖိအား၊ စိတ်ကျရောဂါ ဝေဒနာများကို သက်သာ ပျောက် ကင်း စေပါတယ်။ ဒါ့အပြင် အခြားသော ဖျားနာ ရောဂါ အတော်များများကို လည်း ပျောက်ကင်းစေ ပါတယ်။

လက်ရှိ အမေရိကန်မှာ ၄၀ ရာခိုင်နှုန်းသော နေထိုင်သူများက ကြောင်မွေး ထားပါတယ်။ ဒါကြောင့် ကြောင်မွေးခြင်းဖြင့် ရနိုင်တဲ့ ကျန်းမာရေး အကျိုးကျေးဇူးကို အမေရိကန် ဆေးပညာရှင်များ ရှာဖွေဖော်ထုတ် ခဲ့ခြင်း ဖြစ်ကြောင်း သိရပါတယ်။
--
Ref: medicfacts
အေးချမ်းမွန် Credit & Copy From > YoYarLay< Thank For Your Post
သက်ဆိုင်ရာသတင်းဌာန၏ မူရင်းရေးသားချက် သာဖြစ်သည်

“Super Sex Bug” ဆူပါပိုး အစိုးရိမ်မကြီးပါနဲ့

New sex superbug could be global killer "(ဆူပါဘဂ်) သစ်ဟာ တကမ္ဘာလုံးမှာ သေစေလာက်အောင် ကြောက်စရာ ကောင်းတယ်" ဆိုတဲ့သတင်းကို ၁-၅-၂ဝ၁၃ နေ့က “ဆန်း” သတင်းစာမှာ စပြီးရေး လိုက်ပါတယ်။ ဒိနောက်မှာ Sex Superbug could be worse than AIDS "(အေအိုင်ဒီအက်စ်) ထက်ဆိုးတဲ့ (ဆူပါဘဂ်)" ဆိုတဲ့သတင်းကို ၂-၅-၂ဝ၁၃ နေ့က CNBC ကနေရေးလိုက်ပါတယ်။ ဒိနောက်မှာ Worse than AIDS - sex superbug discovered in Japan "(အေအိုင်ဒီအကစ်) ထက်ဆိုးတဲ့ လိင် (ဆူပါဘဂ်) ဂျပန်မှာတွေ့တယ်" လို့ ၆-၅-၂ဝ၁၃ နေ့မှာ ထပ်ထွက်လာပါတယ်။ မြန်မာ့သတင်းလောကထဲလဲ ရောက်လာပါပြီ၊
MRTV 4 ကနေ ၁၈-၅-၂ဝ၁၃ မှာ တင်ဆက်သွားပါတယ်။

HIV ပိုးက ဗိုင်းရပ်စ်ဖြစ်ပြီး ဒီပိုးသစ် “Super Sex Bug” ဆိုတာက ဗက်တီးရီးယားဖြစ်ပါတယ်။ ကူးစက်တာမြန်လွန်းလို့ ပိုဆိုးတာပါ။ ပိုးနာမည်ကတော့ HO41 ဖြစ်ပါတယ်။ ၂ဝဝ၉ ကတည်းက ဂျပန်မှာ လိင်လုပ်ငန်းလုပ်နေတဲ့ ၃၁ နှစ်အရွယ် အမျိုးသမီးဆီကနေ စတွေ့ ထားတာပါ။ ဒိနောက် ပိုးဟာ ဟာဝိုင်ယီကို ၂ဝ၁၁ ထဲမှာ ရောက်ပါတယ်။ HO41 ပိုးဟာ ပဋိဇီဝဆေးတွေမှန်သမျှ မတိုးလို့ဆိုးတာလဲပါတယ်။

တိတိကျကျပြောရရင် HO-41 ကို ၁၂-၇-၂ဝ၁၁ နေ့မှာ ကနေဒါနိုင်ငံ ကွိဘက်မှာ ၄ ရက်တာကျင်းပတဲ့ International Society for Sexually Transmitted Disease Research (ISSTDR) နိုင်ငံတကာ လိင်ကတဆင့် ကူးစက်ရောဂါများ အသိုင်းအဝိုင်းကွန်ဖရင့်အပြီးမှာ ထုတ်ဖေါ်လိုက် တာဖြစ်ပါတယ်။

အမှန်က ဒီပိုးဟာ ဂနိုးရီးယား (ဆီးပူညောင်းကျ) ရောဂါပိုးသစ်ဖြစ်ပါတယ်။ ပိုးကူးစက်တာခံရရင် ရှော့ခ် ရမယ်။ ရက်ပိုင်းအတွင်းမှာ သေနိုင်တယ်။ ပိုးရှိနေပေမဲ့ အမျိုးသမီးတွေမှာ ၅ဝ%၊ အမျိုးသားတွေမှာ ၂-၅%
ရောဂါလက္ခဏာ မပြဘဲရှိတတ်လို့ ကာကွယ်ရေးလုပ်ရတာ ခက်ပါတယ်။ ဂနိုးရီးယားပိုးက ဆေးယဉ်တာတွေ များများလာတာ အမှန်ဖြစ်တယ်။ Ceftriaxone ထိုးဆေးကို တခြားဆေးနဲ့ တွဲသုံးလာရတယ်။ Azithromycin ဒါမှမဟုတ် Doxycycline ပေးလေ့ရှိတယ်။ (ကွန်ဒွမ်) ကို စနစ်တကျ သုံးတာနဲ့ အတော်များများကာကွယ်နိုင်တယ်။ “လိုက်နာနိုင်ရင်တော့ အကောင်းဆုံးနည်းက လိင်မဆက်ဆံပါနဲ့။”

Superbugs ဆူပါဘဂ်အဆင့်လို့ သတ်မှတ်ခံထားရတဲ့ ဆေးမတိုးတဲ့ပိုးပေါင်း (၆) မျိုးရှိပါတယ်။
1. Klebsiella pneumonia နူမိုးနီးယားဖြစ်စေတဲ့ပိုး၊
2. Methicillin-resistant Staphylococcus aureus အနာဖြစ်စေတဲ့ပိုး၊
3. Clostridium difficile လေမကြိုက်တဲ့ အခွံနဲ့နေတဲ့ပိုး၊
4. Extensively Drug Resistant Tuberculosis တီဘီ၊
5. Drug-resistant Gonorrhea ဆေးမတိုးတဲ့ ဂနိုးရီးယား နဲ့
6. Shiga toxin-producing Escherichia coli အဆိပ်ထွက်စေတဲ့ (အီး-ကိုလိုင်) ပိုးတွေ ဖြစ်ပါတယ်။

အမေရိကားမှာ STDs လိင်ကတဆင့် ကူးစက်ခံရသူပေါင်း တနှစ်မှာ သန်း ၂ဝ ရှိတယ်။ ဂနိုးရီးယားလူနာ ၇ သိန်းပါတယ်။ ဆေးကုသစရိတ်က ၁၆ ဘီလျန်ရှိပါတယ်။ ဒါကြောင့် အမေရိကန်ကွန်ဂရက်မှာ ဒီပိုးကို တိုက်ဖျက်ဘို့အတွက် ဒေါ်လာ ၅၄ သန်း တောင်းလိုက်ပါသတဲ့။

တချို့မီဒီယာသမားတွေက (ကျွန်တော်တို့နိုင်မှာသာ မဟုတ်ပါ) ဖတ်တဲ့သူ မျက်လုံးပြူးစေမှာမျိုးကို တင်ချင်တဲ့ ဝါသနာ ရှိကြတယ်။ ဆေးသုတေသန သစ်တွေကို သတင်းစာ၊သတင်းဌာနကြီးတိုင်းကနေ နေ့တိုင်း တင်ပေးနေတာကို ကျေးဇူးတင်ပါတယ်။ ဒါပေမဲ့ “သုတေသနဆိုတိုင်း မကိုင်းရှိုင်းပါနဲ့” လို့ စာလေးတပုဒ်ရေးထားရတယ်။ ခေါင်းစဉ်လေးသာ ဖတ်ပြီး စိတ်ပျက်စရာ၊ အားတက်စရာတွေဖြစ်နိုင်ပေမဲ့ အခုမှစတွေ့တိုင်း လက်တွေ့နယ်မှာ အသုံးမကျသေးပါ။

မဆိုးတဲ့သတင်းကိုလဲ သိထားပါ။ AIDS ထက်ဆိုးတယ်လို့ တခြား ဆရာဝန်တွေက လက်မခံပါ။ ခုထိတော့ ဒီပိုးကနေ သေတယ်လို့ သတင်းမထွက်သေးပါ။ ဟာဝိုင်ယီ၊ ကာလီဖိုးနီးယားနဲ့ နော်ဝေမှာ ဆင်တာတာတွေ တွေ့ပေမဲ့ လူနာတွေကို ပဋိဇီဝဆေးတွေနဲ့
နိုင်အောင်ကုနိုင်ထားတာမို့ ပိုးဟာ ဂျပန်မှာသာရှိသေးတယ်လို့ ယူဆနိုင်ပါတယ်။ ဥပမာ နယူးယော့ခ်က ဒေါက်တာ (ဘရုစ် ဟာ့ရှ်) ကလက်မခံပါ။ ပိုးဝင်လို့ (ရှော့ခ်) ရပြီး သေနိုင်ပေမဲ့ ၁% သာ ဖြစ်နိုင်တယ်။ AIDS မှာဆိုရင် ၉၈% သေနိုင်တယ်။ ခိုင်းနှိုင်းမှုလွန်ကဲလွန်းပါသတဲ့။

ဒေါက်တာတင့်ဆွေ
၂ဝ-၅-၂ဝ၁၃

မြ၀တီ

ဆယ်ကျော်သက်များ အိပ်ရေးဝဝ အိပ်ဖို့လို

ဆယ်ကျော်သက် ရွယ်တို့တွင် စိတ်ကောက်ခြင်း၊ စူအောင့်ခြင်းနှင့် သုန်မှုန် နေခြင်းတို့ကို ဖြစ်ပေါ်ရသည့် အကြောင်းမှာ အိပ်ရေး မဝသောကြောင့် ဖြစ်ကြောင်း သိရသည်။
ကျွမ်းကျင် သူတို့၏ အဆိုအရ ဆယ်ကျော်သက် လူငယ်များ စိတ်ဆိုး ဒေါသထွက်ခြင်း၊ စကား နည်းခြင်းတို့ ဖြစ်ပေါ်နေပါက သူတို့ အနေဖြင့် ကောင်းစွာ အနားယူခဲ့ခြင်း မရှိသောကြောင့် ဖြစ်သည် ဟုဆိုသည်။ ထိုသို့သော ဆယ်ကျော်သက်တို့ကို မည်ကဲ့သို့ သင့်တင့် လျောက်ပတ်စွာ အိပ်ရမည် ဆိုသည်ကို အသိပညာ ပေးရမည် ဟုလည်း ဆိုသည်။

ဆယ်ကျော်သက် လူငယ်တို့ကို တစ်နေ့လျှင် အနည်းဆုံး ကိုးနာရီခန့် အိပ်စက်ရမည် ဖြစ်သကဲ့သို့ ညဘက်တွင် မိုဘိုင်းလ်ဖုန်း၊ လက်တော့ပ် အသုံးပြုခြင်းနှင့် ဂိမ်းကစားခြင်းတို့မှ ရှောင်ကြဉ် ရမည် ဖြစ်ကြောင်း စာသင်ကျောင်း များတွင် သင်ကြား ပေးရမည် ဟုဆိုသည်။ အိပ်ရေးဝဝ လင်လင် အိပ်စက် ခဲ့ရသော ကျောင်းသားများသည် ပညာရေးနှင့် အားကစားတွင် ထူးချွန် ထက်မြက်လေ့ ရှိသည်ဟှု ကျွမ်းကျင်သူ တို့က ပြောကြား ခဲ့ကြောင်း သိရသည်။

 

မြ၀တီ