အရက်ကို တာရှည် အလွန်အမင်းသောက်ခြင်း၏ ကျန်းမာရေးဆိုးကျိုး ၁၂ ရပ်

 

အရက် အလွန်အကျွံသောက်ပြီး အမူးလွန်တာကြောင့် အသည်းခြောက် ရောဂါလို ရောဂါတွေအပြင် ကားတိုက်တာကြောင့် ထိခိုက်မှုတွေလည်း ဖြစ်နိုင်ခြေ ရှိပါတယ်။လေ့လာမှုတွေအရ အရက်ကို အချိန်ကြာကြာနဲ့ အလွန်အကျွံ သောက်တာကြောင့် အောက်ပါ ဆိုးကျိုးတွေကို ဖြစ်စေနိုင်တယ်လို့ ဆိုပါတယ်။

၁. သွေးအားနည်းရောဂါ
အရက်ကို အလွန်အမင်း သောက်တာကြောင့် သွေးနီဥကနေ အောက်ဆီဂျင် သယ်ယူနိုင်မှု ပမာဏ ပုံမှန်အောက် လျော့နည်းသွားနိုင်ပါတယ်။ ဒီအခြေအနေကို သွေးအားနည်းရောဂါလို့ ခေါ်ပြီး ပင်ပန်းနုံးချည့်တာ၊ အသက်ရှူမဝတာနဲ့ ခေါင်းထဲ ရီတီတီ ဖြစ်တာစတဲ့ လက္ခဏာတွေကို ခံစားရနိုင်ပါတယ်။
၂. ကင်ဆာရောဂါ
“အရက်ကို အလေ့အထ တစ်ရပ်လို ပုံမှန်သောက်နေရင်တောင် ကင်ဆာဖြစ်နိုင်တဲ့ အန္တရာယ်ကို မြင့်တက်စေနိုင်ပါတယ်” လို့ တိုရွန်တိုတက္ကသိုလ်က ဂျာဂန်က ရှင်းပြပါတယ်။ ခန္ဓာကိုယ်က အယ်လ်ကိုဟောကို ကင်ဆာဖြစ်စေနိုင်တဲ့ အစီတယ်ဒီဟိုက်အဖြစ် ကူးပြောင်းတာကြောင့် ကင်ဆာဖြစ်နိုင်ခြေ မြင့်တက်တာ ဖြစ်တယ်လို့ သိပ္ပံပညာရှင်တွေက ယုံကြည်ကြပါတယ်။ အရက်ကို အလွန်အမင်း သောက်သူတွေရဲ့ ပါးစပ်၊ လည်ချောင်း၊ အသံအိုး၊ အစာရေမျိုပြွန်၊ အသည်း၊ ရင်သားနဲ့ အူမကြီးနေရာတွေမှာ ကင်ဆာ ဖြစ်နိုင်ခြေ ရှိပါတယ်။ ဆေးလိပ်သောက်တဲ့ အရက် အလွန်အကျွံသောက်သူတွေက ကင်ဆာဖြစ်နိုင်ခြေ ပိုမြင့်တက်နေပါတယ်။
၃. နှလုံးသွေးကြောရောဂါ
အရက် အလွန်အကျွံ သောက်တာကြောင့် အဆီခဲတွေ စုပုံပြီး သွေးကြောတွေမှာ သွေးခဲစုပုံနိုင်ခြေများကာ နှလုံးရောဂါထတာနဲ့ လေဖြတ်တာတို့ ဖြစ်စေနိုင်ပါတယ်။ အရက်ကို အလွန်အမင်း သောက်တာကြောင့် အရင်က နှလုံးရောဂါထပြီး အသက်ရှင်ခဲ့သူတွေမှာ သေဆုံးနိုင်ခြေ နှစ်ဆပိုများတယ်လို့ ဟားဗတ်လေ့လာသူတွေက ဆိုပါတယ်။
၎. အသည်းခြောက်ရောဂါ
အယ်လ်ကိုဟောဟာ အသည်းဆဲလ်တွေကို အန္တရာယ် ဖြစ်စေနိုင်ပါတယ်။ အရက်ကို အလွန်အမင်း သောက်သူတွေမှာ အသည်းက ပုံမှန်လုပ်ငန်းဆောင်တာတွေ မလုပ်နိုင်ဘဲ အကြီးအကျယ် ထိခိုက်ကာ အသည်းခြောက်ရောဂါကို ဖြစ်စေနိုင်ပါတယ်။
၅. သက်ကြီးအတိတ်မေ့ရောဂါ
အသက်ကြီးလာတဲ့အခါ ဦးနှောက် အရွယ်အစားက ယေဘုယျအားဖြင့် ကျုံ့လာပါတယ်။ ယေဘုယျအားဖြင့် တစ်ရာစုကြာတိုင်း ၁ ဒသမ ၉ ရာခိုင်နှုန်းနဲ့ ကျုံ့လာနေပါတယ်။ ဒါက ပုံမှန်ပါပဲ။ အရက်ကို အလွန်အမင်း သောက်သူတွေမှာတော့ ဦးနှောက် အဓိက နေရာတွေမှာ ပိုကျုံ့လာပြီး မှတ်ဉာဏ်ဆုံးရှုံးမှုနဲ့ သက်ကြီး အတိတ်မေ့ ဝေဒနာတွေ ဖြစ်တတ်ပါတယ်။
၆. စိတ်ဓာတ်ကျခြင်း
အရက် အလွန်အမင်းသောက်တာနဲ့ စိတ်ဓာတ်ကျတာက အပြန်အလှန် ဆက်စပ်မှု ရှိနေပါတယ်။ သီအိုရီတစ်ခု အရ စိတ်ဓာတ်ကျနေတဲ့ လူတွေဟာ စိတ်ပိုင်းဆိုင်ရာ နာကျင်မှုကို ကုသနိုင်ဖို့ မိမိဘာသာ အရက်နဲ့ ကုသဖို့ ကြိုးစားတတ်ကြပါတယ်။ တကယ်တော့ အရက်ကို စွဲသွားပြီး အလွန်အကျွံ သောက်တာကြောင့် စိတ်ဓာတ်ကျဝေဒနာ ဖြစ်တတ်ပါတယ်။
၇. တက်ခြင်း
အရက် အလွန်အကျွံ သောက်တာက အတက်ရောဂါ (Epilepsy) ဖြစ်နိုင်တဲ့ အကြောင်းရင်း တစ်ရပ်ဖြစ်ပြီး အတက်ရောဂါ (Epilepsy) မရှိတဲ့သူတွေမှာတောင် တက်တာမျိုး ဖြစ်စေနိုင်ပါတယ်။ အယ်လ်ကိုဟောဟာ အတက်ရောဂါ ကုသရာမှာ သုံးတဲ့ ဆေးဝါးတွေရဲ့ လုပ်ငန်းဆောင်တာကိုလည်း အဟန့်အတား ဖြစ်စေနိုင်လို့ပါ။
၈. ဂေါက်အဆစ်ရောင်နာ
အရက်နဲ့ အစားအသောက် တချို့ကလည်း ဂေါက်အဆစ်ရောင်နာနဲ့ ဆက်စပ်မှု ရှိပါတယ်။ အယ်လ်ကိုဟောဟာ ဂေါက်အဆစ်ရောင်ရောဂါ ရှိသူတွေမှာ ဝေဒနာ ပိုဆိုးစေနိုင်ပါတယ်။
၉. သွေးတိုးခြင်း
အယ်လ်ကိုဟောဟာ စိတ်ဖိစီးမှု တုံ့ပြန်ဖို့ သွေးကြောတွေကို ကျဉ်းလိုက်၊ ကျယ်လိုက်လုပ်တာနဲ့ အပူချိန်ကို ထိန်းချုပ်တဲ့ Sympathetic Nervous System ကို ဟန့်တားနိုင်ပါတယ်။ အရက် အလွန်အမင်း သောက်တာကြောင့် သွေးဖိအားကို တိုးစေနိုင်ပါတယ်။ သွေးတိုးတာ ကြာလာရင် ကျောက်ကပ်ရောဂါ၊ နှလုံးရောဂါနဲ့ လေဖြတ်တာစတဲ့ ကျန်းမာရေး ပြဿနာတွေကို ဆက်ဖြစ်လာစေနိုင်ပါတယ်။
၁၀. ကူးစက်ရောဂါများ
အရက်ကို အလွန်အမင်းသောက်တာကြောင့် ကိုယ်ခံစွမ်းအားစနစ်ကို ဖိနှိပ်ထားတဲ့အပြင် ဆင်ခြင်ထိန်းချုပ်နိုင်စွမ်း လျော့နည်းကာ တီဘီ၊ နမိုးနီးယား၊ HIV နဲ့ တခြား လိင်မှတစ်ဆင့် ကူးစက်ပိုးတွေကို ကူးစက်ခံရနိုင်ပါတယ်။
၁၁. နာ့ဗ်ကြောထိခိုက်ခြင်း
အရက် အလွန်အကျွံ သောက်တာကြောင့် နာ့ဗ်ကြော ထိခိုက်မှု ဖြစ်စေနိုင်ပြီး ခြေလက်တွေမှာ အပ်နဲ့ ထိုးသလို ကြွက်သားအားနည်းတာ၊ ဝမ်းချုပ်တာ၊ ဆီးမထိန်းနိုင်တာ၊ ပန်းသေပန်းညှိုးဖြစ်တာနဲ့ တခြားပြဿနာတွေကို ဖြစ်စေနိုင်ပါတယ်။ အရက်ကြောင့် နာ့ဗ်ကြောဆဲလ်တွေ ထိခိုက်ရတဲ့ အကြောင်းရင်းက အရက် အလွန်အမင်းသောက်သူတွေမှာ အာဟာရချို့တဲ့မှုဖြစ်ပြီး နာ့ဗ်ကြောရဲ့ လုပ်ငန်းဆောင်တာတွေကို ထိခိုက်စေနိုင်လို့ပါ။
၁၂. ပန်ကရိယရောင်ခြင်း
အရက် အလွန်အမင်း သောက်တာကြောင့် အစာအိမ်ရောင်စေတဲ့ အပြင် ပန်ကရိယကိုလည်း ရောင်ရမ်းစေနိုင်ပါတယ်။ ပန်ကရိယ ရောင်ရမ်းတာကြောင့် အစာခြေစနစ်ရဲ့ လုပ်ငန်းဆောင်တာတွေ ထိခိုက်ပြီး ဗိုက်အောင့်တာနဲ့ ဝမ်းလျှောတာတို့ ဖြစ်စေနိုင်ပါတယ်။ နာတာရှည် ပန်ကရိယ ရောင်ရမ်းမှု တချို့ဟာ သည်းခြေကျောက်တည်တာကြောင့် ဖြစ်တတ်ပေမယ့် အရက်သောက်တာနဲ့လည်း ဆက်စပ်မှု ရှိပါတယ်။
ကေအမ်
Good Health Journal

http://forverfriends.ning.com/profiles/blog/show?id=2863689%3ABlogPost%3A7267034&xgs=1&xg_source=msg_share_post

ဒူဘိုင်းတွင် တည်ဆောက်မည့် ရေအောက်ဟိုတယ်

Deep Ocean Technology မှ ဒီဇိုင်းဆွဲ ဖန်တီးထားခြင်း ဖြစ်ပြီး

ယူအေအီးနိုင်ငံ၊ ဒူဘိုင်းမြို့ မှာ တည်ဆောက်မယ့်

ရေအောက် ဟိုတယ်ဖြစ်ပါတယ်။

 

http://www.mmcfamily.org/profiles/blog/show?id=3003595%3ABlogPost%3A1697390&xgs=1&xg_source=msg_share_post

ထူးထူးဆန်းဆန်းကျောက်တောင်ကြီးအတွင်းကဟိုတယ်

Cappadocia ဒေသဟာ တူရကီနိုင်ငံရဲ့ အလည်မှာတည်ရှိပြီး လေရေ တိုက်စားမှုကြောင့် ပုံသဏ္ဍာန် အမျိုးမျိုးနဲ့ မျက်စိတစ်ဆုံး ကြည့်၍ မဆုံးနိုင်အောင် များပြား လှတဲ့ ကျောက်ဆောင် ကျောက်သားများ၊ ကျောက် တိုင်ကြီးများကို တွေ့ရှိနိုင်တဲ့ ထူးဆန်းသော ဒေသဖြစ်ပါတယ်။ အချို့သော ကျောက်ဆောင်များဟာ သဘာဝရေကန်များ၊ စမ်းချောင်းများထဲမှာပါ ဖြစ်ပေါ် တည်ရှိနေကြပါတယ်။ Cappadocia ဒေသမှာ လွန်ခဲ့တဲ့ နှစ်ပေါင်း တစ်သောင်းကျော်လောက် ကတည်းက လူတွေ အခြေချ နေထိုင်ခဲ့ကြပြီလို့ ဆိုပါတယ်။ အဲဒီဒေသမှာ နေထိုင်ကြတဲ့ ဒေသခံများဟာ ခပ်ပျော့ပျော့ ဖြစ်နေတဲ့ ကျောက်သား ကျောက်ဆောင်များကို ထွင်းထုပြီးမှ နေအိမ်များ၊ ဘုရားရှိခိုးကျောင်းများ၊ ဘာသာရေး အဆောက်အဦးများ၊ ဟိုတယ်များ အဖြစ် ဆောက်လုပ်နေထိုင် အသုံးပြုကြပါတယ်။ ၄င်းဒေသမှာ အင်မတန်မှ သာယာတဲ့ ရှုခင်းများက ဝိုင်းရံလို့ နေပါတယ်။
Cappadocia ဒေသမှာ ရှိတဲ့ ဟိုတယ်တွေထဲမှာ ကျောက်တောင်ကိုထွင်းဖောက်လို့ တည်ဆောက်ထားတဲ့ Elkep Evi ဟိုတယ်ဟာ အကောင်းဆုံး ဟိုတယ်တစ်ခုအဖြစ် ပါဝင်ပါတယ်။ ၄င်းဟိုတယ်မှာ ခန်းနားလှပတဲ့ အခန်းအပြင် အဆင်များရှိပါတယ်။ Elkep Evi လှိုဏ်ဂူဟိုတယ်ရဲ့ ကျောက်တောင်နံရံကို ထွင်းထားတဲ့ အခန်းများဟာ ပျားရည်ဆမ်းခရီး ထွက်ကြတဲ့ မင်္ဂလာမောင်မယ်များ၊ အပန်းဖြေအနားယူကြတဲ့ မိသားစုများ၊ သဘာဝရှုခင်း လေ့လာလိုသူများ၊ ကျန်းမာရေးအတွက် လေကောင်းလေသန့် ရှုရှိုက်လိုသူများ အတွက် အလွန်အဆင်ပြေတဲ့ နေရာဖြစ်ပါတယ်။
Elkep Evi ကျောက်ဂူဟိုတယ်မှာ ကျောက်ထွင်းဂူ အိမ်များသဖွယ် ပြင်ဆင်ထားတဲ့ အခန်းနဲ့အတူ အဆင့်အတန်းမီ အိပ်ရာအသုံးအဆောင် ပစ္စည်းများကို ထားရှိပါတယ်။ အိပ်ခန်းများသာမက၊ ဧည့်ခန်း၊ စားသောက်ခန်း စသည်တို့ဟာလည်း ကျောက်တောင်ကြီးအတွင်းမှာ တည်ရှိပါတယ်။ တူရကီလူမျိုးတွေရဲ့ ရိုးရာ အစားအစာများဖြစ်တဲ့ အိမ်တွင်းဖြစ် တူရကီပဲန်ကိတ်၊ သံလွင်သီး၊ ချိစ်၊ လတ်ဆတ်သောပေါင်မုန့် ယိုမျိုစုံနဲ့ လတ်လတ် ဆတ်ဆတ် ညှစ်ထားတဲ့ လိမ္မော်ရည်၊ လက်ဖက်ရည် (သို့မဟုတ်) ကော်ဖီတို့ကို နံနက်ခင်းစာအဖြစ် ဟိုတယ်ရဲ့ အမြင့်ဆုံးကုန်းထိပ်မှာ တည်ရှိတဲ့ ဥယျာဉ်ထဲမှာ စားသောက်နိုင်မှာ ဖြစ်ပါတယ်။ Cappadocia ကို ရောက်သူတိုင်း သဘာဝရဲ့ အလှအပများကို လှည့်လှည်ကြည့်ရှုရင်း တူရကီအစားအစာများကို စားသောက်ရတာဟာ အင်မတန်မှ နှစ်သစ်ဖို့ ကောင်းပြီး မမေ့နိုင်အောင် ဖြစ်ရပါတယ်လို့ ဆိုကြပါတယ်။

http://crazybag.ning.com/profiles/blog/show?id=4800960%3ABlogPost%3A1391919&xgs=1&xg_source=msg_share_post

နံပတ်တွေရဲ့ဗေဒင်

တကယ်လို့..မင်းဟာ..လတွေရဲ့. 1st, 10th, 19th, 28th မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၁) သမား...

တကယ်လို့..မင်းဟာ..လတွေရဲ့. 2nd, 11th, 20th, 29th မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၂) သမား...

တကယ်လို့..မင်းဟာ..လတွေရဲ့. 3rd, 12th, 21st, 30th မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၃) သမား...

တကယ်လို့..မင်းဟာ..လတွေရဲ့. 4th, 13th, 22nd, 31st မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၄) သမား...

တကယ်လို့..မင်းဟာ..လတွေရဲ့. 5th, 14th, 23rd မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၅) သမား...

တကယ်လို့..မင်းဟာ..လတွေရဲ့. 6th, 15th, 24th မှာ မွေးဖွားခဲ့မယ်ဆိုရင်.. ==

မင်းဟာ.. နံပါတ် (၆) သမား...

ဘ၀နဲ့ရင်းပြီးကောက်ရခဲ့တဲ့.ဒသနစာစုများ

(၁) အမြင့်ရောက်လို့အမြင်ကျယ်တာထက်...အမြင်ကျယ်ပြီးအမြင့်ရောက်တာ...ပိုကောင်းပါတယ်...
 (၂) ကောင်းတဲ့အလုပ်ကို...လုပ်ဖို့ဆိုရင်..ဘယ်တော့မှ...အချိန်နောက်မကျဘူး...
  (၃) လုပ်သင့်တာကို...မလုပ်မိရင်...မလုပ်သင့်တာတွေ..လုပ်မိသွားတတ်တယ်..
  (၄) အရာရာကိုအောင်မြင်ဖို့...မိမိရဲ့အရာရောက်မှုကို...မြှင့်တင်ပေးရမယ်...
   (၅) မေတ္တာပို့နေရုံနဲ့...မရဘူး..ရင်ထဲမှာမေတ္တာဓါတ်...အရင်ရှိအောင်လုပ်ပါ...
   (၆) ဖြစ်ချင်တာတွေ..ဦးစားပေးလွန်းလို့...ဖြစ်သင့်တာတွေဆုံးရှုံးခဲ့ပြီးပြီ..ဖြစ်သင့်တာကို..ဦးစားပေးမှ
        ဖြစ်ချင်တာတွေ..တဖြည်းဖြည်း..ဖြစ်လာမှာပါ...
   (၇) အခက်ခဲဆိုတာ..ဥာဏ်နည်းတဲ့သူတွေအတွက်..ဘ၀တစ်ခုလုံးကျိုးပြတ်သွားနိုင်ပေမဲ့..ဥာဏ်ထက်တဲ့
         သူတွေတွက်တော့...တိုးတက်သွားနိုင်တဲ့..လှေခါးထစ်ဖြစ်တယ်...
   (၈) ဘာမဆို...ရှုပ်လို့ရှင်းရတာထက်...မရှုပ်အောင်နေတာ..အကောင်းဆုံးပဲ...
   (၉) စဉ်းစားတယ်ဆိုတာ..မသိသေးလို့ပါ...သိတဲ့သူက..မစဉ်းစားတော့ဘူး...
   (၁၀) အခြေအနေကပေးလာတဲ့...ဘ၀အသိကို..အသုံးချနိုင်တဲ့..လက်တွေ့ အသိဖြစ်အောင်ကြိုးစားပါ..
   (၁၁) မသင့်တော်တဲ့..နေရာရောက်နေရင်တောင်..သင့်တော်တဲ့..ဘ၀ထဲကအသိနဲ့အကျင့်ကောင်းကို..
          လွှင့်မပစ်ပါနဲ့...
   (၁၂) ပညာဆိုတာကောင်းပေမဲ့...ပညာရှိချင်တာလား...ပညာပြချင်တာလား..ခွဲခြားသိပါ...
   (၁၃) ငယ်ငယ်တုန်းကထမင်းဝါးပြီးခွံ့ ကျွေးတာသိရဲ့နဲ့..ကြီးလာတော့မိဘတွေရဲ့..ပါးစပ်ကအစာကို..
           အန်ဖတ်ထင်သွားတတ်တယ်...
   (၁၄) သနားစရာကို..သနားတာဟာကောင်းတဲ့အလုပ်ပါ..ဒါပေမဲ့..ဟန်ဆောင်တာကို...မသိရင်တော့..
          လူညံ့ဖြစ်သွားပြီနော်...
   (၁၅) အလုပ်ဆိုတာ..မပျော်ရင်..မအောင်မြင်ဘူး..ပျော်လွန်းရင်လဲ..အလုပ်မဖြစ်တော့ဘူး...
   (၁၆) အသိပေးဆုံးမမဲ့သူကို..ရှာပါ...ကိုယ့်စကားနားထောင်မဲ့သူကို...မရှာပါနဲ့...
   (၁ရ) အပြစ်ရှိလို့..ကဲ့ရဲ့တာနဲ့...လူကိုကဲ့ရဲ့တာ...ခွဲခြားသိပါ...
   (၁၈) အပြစ်ဆိုတာ..မကောင်းပါဘူး..ကောင်းချင်ရင်တော့..အပြစ်မလုပ်မိစေနဲ့...
   (၁၉) ချိန်ဆတတ်တာကောင်းပါတယ်..သူများနဲ့ချိန်ဆရင်...မာန..မိမိဘာသာချိန်ဆရင်...ပညာ....
   (၂၀) မိမိအားနည်းချက်ကို..ကြည့်ပြီး..စိတ်မပျက်မိစေနဲ့..မိမိအားသာချက်ကိုကြည့်ပြီး..အထင်မကြီးမိစေနဲ့..
          အရာရာတိုင်း..သူ့တန်ဖိုးနဲ့သူ...ရှိတယ်...

http://www.zwekapinmyae.com/profiles/blog/show?id=2879352%3ABlogPost%3A724387&xgs=1&xg_source=msg_share_post

နုပျိုချင်ရင် ဒါတွေကိုစား

ခန္ဓာကိုယ် အိုမင်းရင့်ရော်ခြင်းကို တားဆီးရန် ပဉ္စလက်နည်းတွေ မရှိပါဘူး။ အသက်ကြီးလာတာနဲ့အမျှ စိုးရိမ်ရတဲ့
ကျန်းမာရေးပြဿနာတွေ မဖြစ်အောင် ကာကွယ်ဖို့ရာ ထာဝရနုပျိုစေတယ်ဆိုတဲ့ လျှို့ဝှက်ချက်တွေကို ရှာဖွေနေခြင်း
ထက် မှန်ကန်တဲ့ အစားအစာကို ရွေးချယ်စားသောက်ခြင်းက ပိုပြီးကာကွယ်နိုင်ပါတယ်။

လူတွေဟာ အိုမင်းရင့်ရော်လာတဲ့ ဖြစ်စဉ်ကို တတ်နိုင်သမျှ နှေးကွေးအောင် လုပ်ချင်ကြပါတယ်။ လွန်ခဲ့တဲ့ နှစ်များစွာ
အတွင်းမှာ ရင့်ရော်လာတဲ့ မျက်နှာအရေးအကြောင်းတွေအတွက် အဆင့်မြင့် နည်းပညာတွေနဲ့ ထုတ်လုပ်ထားတဲ့ လိမ်းဆေးတွေအပေါ်မှာ အချိန်ရော ငွေပါ အများကြီး မြှုပ်နှံရင်းနှီးခဲ့ကြသော်လည်းပဲ ခန္ဓာကိုယ် ရင့်ရော်အိုမင်းမှုကို ထူးခြားစွာနှေးကွေးစေနိုင်မှာဖြစ်တဲ့ အစားအစာများ အပေါ်မှာတော့ ငွေကြေးအနည်းငယ်မျှသာ သုံးစွဲခဲ့ကြပါတယ်။


ကိုယ်ကာယလေ့ကျင့်ခန်း ပုံမှန်ပြုလုပ်ခြင်းနှင့် ဆေးလိပ်မသောက်ခြင်းတို့ဟာ သင့်ကို ကျန်းမာစွာ ရှိနေစေမှာတော့ သိသာထင်ရှားမှာပါပဲ။ ဒါပေမယ့်---အဲဒါဟာ အပြီးသတ်ကျရင် အိုမင်းရင့်ရော်မှုကို တိုက်ခိုက်ပေးသော အရေးကြီးအာဟာရဓာတ်များ ပါဝင်သော အစားအစာများကို စားခြင်းဖြင့်သာ ရရှိနိုင်ပါတယ်။ အများသိပြီးဖြစ်တဲ့ ဖျော်ဖြေရေးသရုပ်ဆောင် အနုပညာရှင်တွေရဲ့ ကောင်းမွန်တဲ့ စားသောက်မှုပုံစံ တခုရဲ့ အဓိက အချက်များကတော့ အဲဒီအစာထဲမှာရောဂါများကို ခုခံတိုက်ခိုက်ပေးသော သတ္တိထူးများရှိပြီး ကင်ဆာ နှလုံးရောဂါ စသည်တို့ကို ကာကွယ်ပေးနိုင်ကြောင်းသက်သေအထောက်အထားများ ရရှိပြီးဖြစ်တဲ့ အစားအစာများ ဖြစ်ပါတယ်။ အဲဒီ အစားအစာတွေထဲက အကောင်းဆုံး၁၀-မျိုးကို ရွေးချယ် ထားပါတယ်။ အဲဒီ အစားအစာတွေကတော့ အောက်ပါအတိုင်း ဖြစ်ပါတယ်။

ခရမ်းချဉ်သီး---
ခရမ်းချဉ်သီးထဲမှာ ရောဂါတွေကို ခုခံတိုက်ခိုက်ပေးနိုင်တဲ့ ဓာတ်တိုး ဆန့်ကျင်ပစ္စည်းဖြစ်တဲ့ လိုင်ကိုပင်း Lycopene ဆိုတဲ့ခရမ်းချဉ်သီးကို အနီရောင်ဖြစ်စေတဲ့ ပစ္စည်းပါဝင်တာကို တွေ့ရှိရမှာဖြစ်ပါတယ်။ ဒါပေမယ့် ခရမ်းချဉ်သီး စားရမှာလား၊“ခရမ်းချဉ်သီးဆော့စ်ကို စားရမှားလား”ဆိုတဲ့ မေးခွန်းကို ဖြေရရင် အံ့သြစရာ ကောင်းတာကတော့ ခရမ်းချဉ်သီးကို ချက်ပြုတ်ခြင်း သို့မဟုတ်-တာရှည်ခံအောင် ပြုပြင်ထုတ်လုပ်ထားခြင်းကသာလျှင် ကျန်းမာရေးနဲ့ အညီညွတ်ဆုံး စားသောက်နည်း ဖြစ်နေတာကို တွေ့ရပါတယ်။ ခရမ်းချဉ်သီးကို အပူပေးပြီး ချက်ပြုတ်ခြင်းက လိုင်ကိုပင်းဓာတ်ကို ထွက်စေပါတယ်။ခရမ်းချဉ်သီးဆော့စ်လို တာရှည်ခံအောင် ပြုပြင်ထားတဲ့ အစားအစာတွေထဲမှာ လိုင်ကိုပင် မြောက်များစွာ ပါဝင်ပါတယ်။အဲဒီထဲကို သံလွင်ဆီ နည်းနည်းလောက် ခပ်ထည့်ပြီးစားရင် အစာလမ်းကြောင်းမှ လိုင်ကိုပင်း စုပ်ယူမှုကို ပိုမိုများပြား စေကြောင်း တွေ့ရှိထားပါတယ်။ သူစားတဲ့အစာထဲမှာ လိုင်ကိုပင်း ပါဝင်မှုနည်းတဲ့ သက်လတ်ပိုင်း အရွယ်ရှိတဲ့ ယောက်ျားတယောက်ဟာ နှလုံးတိုက်ခိုက်ခံရခြင်းနဲ့ လေဖြတ်ခြင်းကို သုံးဆမျှပိုပြီး ခံစားရတတ်ပါတယ်။ ဂျာမဏီနိုင်ငံမှာ လေ့လာမှုအရလည်း လိုင်ကိုပင်းဟာ အရေပြားရင့်ရော်မှုကို ကာကွယ်နိုင်ကြောင်းတွေ့ရှိထားရပါတယ်။ ခရမ်းချဉ်သီးအနှစ် တနေ့လျှင် ၃၃-ဂ၇မ်=၂-ကျပ်သားခန့် စားသုံးပေးလျှင်နေလောင်ဒဏ်ကြောင့် အရေပြားပျက်စီးခြင်းကို ၄၀% အထိ ကာကွယ်နိုင်ကြောင်း တွေ့ရှိထားရပါတယ်။

မြန်မာ့အစားအစာဖြစ်တဲ့ ခရမ်းချဉ်သီးချက်မှာ ဆီအနည်းငယ်မျှသာပြန်အောင် ချက်စားပါက

လိုင်ကိုပင်း စုပ်ယူမှု ပိုကောင်းစေပါတယ်။

ထောပတ်သီး---
ထောပတ်သီးဟာ ပိုတက်ဆီယမ်သတ္တုဓာတ် ကြွယ်ဝစွာပါဝင်သော အစားအစာများထဲမှာ တခုအပါအဝင် ဖြစ်ပါတယ်။ဟင်းနုနွယ်ရွက်နှင့် ဟင်းသီးဟင်းရွက် အစိမ်းရင့်များ သစ်သီးခြောက်များထဲမှာလည်း ပါဝင်ပါတယ်။ ပိုတက်ဆီယမ်ကသွေးပေါင်ချိန်ကို ထူးထူးခြားခြား ကျစေတဲ့အပြင် လေဖြတ်ခြင်းအန္တရာယ်ကိုလည်း လျော့ပါးစေပါတယ်။ အမျိုးသား၈၀၀-နဲ့ အမျိုးသမီး ၅၀-တို့ရဲ့ အစားအစာ စာရင်းကို လေ့လာချက်အရ နေ့စဉ်စားတဲ့ အစားအစာထဲမှာ ပိုတက်ဆီယမ်ဓာတ် ပါဝင်အောင် အနည်းငယ်လောက် ပိုထည့်လိုက်ခြင်းဖြင့် လေဖြတ်ပြီး သေဆုံးတဲ့ အန္တရာယ် ၄၀% ကျသွားကြောင်းတွေ့ရပါတယ်။ ထောပတ်သီးထဲမှာ ကိုလက်စထရော လျော့နည်းစေသော သတ္တိလည်းရှိတယ်။ အိုမင်းရင့်ရော်မှုကို နှေးစေသော ဗီတာမင်အီးလည်း ပါရှိတယ်။


အစေ့အဆန်များ---
အစေ့အဆန်တွေထဲမှာ ကယ်လိုရီအများကြီးပါပြီး အဆီဓာတ်တွေ အပြည့်လည်း ဖြစ်တယ်။ သတင်းတခုတွင် ဖော်ပြချက်အရ ၂၀%-ထက် နည်းသော လူတွေဟာ ဆားမပါတဲ့ အစေ့အဆန်တွေကို ပုံမှန်စားနေကြကြောင်း သိရပါတယ်။ဒါတောင်မှ အဲဒီလူတွေမှာ ကျန်းမာရေး တိုးတက်ကောင်းမွန်လာကြောင်းနဲ့ အိုမင်းရင့်ရော်မှု နှေးကွေးစေခြင်းဆိုတဲ့အကျိုးကျေးဇူးတွေ ရရှိလာကြောင်းအထောက်အထားတွေတွေ့နေရပါတယ်။ အမေရိကန် ဆေးပညာအသင်း ဂျာနယ်ထဲမှာ ဖော်ပြထားချက်အရ အစေ့အဆန်နေ့စဉ်စားသုံးသူတွေမှာ ဆီးချို၊ သွေးချို၊ ရောဂါအမျိုးအစား နံပါတ် ၂-ဖြစ်ပွားမှုအန္တရာယ်နည်းပါးခြင်းနှင့် ဆက်စပ်မှုရှိကြောင်း တွေ့ရှိရပါတယ်။ အမျိုးသမီး (၈၃၀၀၀)ကျော်ကို ၁၄-နှစ်ကြာ လေ့လာပြီးတဲ့နောက် တပတ်လျှင် အနည်းဆုံး အစေ့အဆန် (၂၅)ဂရမ် စားသူတွေဟာ ဆီးချို သွေးချိုရောဂါအမျိုးအစားအမှတ်(၂)ဖြစ်ပွားမှု ၂၀%-လျော့နည်းကြောင်း တွေ့ရှိထားတယ်။ နှလုံးရောဂါ ကာကွယ်နိုင်ကြောင်းကိုလည်းလော့လာမှုများစွာက ညွှန်ပြနေတယ်။ အချို့သော အစေအဆန်များဟာ ထူးခြားတဲ့ ကာကွယ်မှုသတ္တိရှိတယ်။ ဗန္ဓာစေ့ထဲမှာ ဗီတာမင်အီး ကြွယ်ဝစွာ ပါဝင်ပြီး အိုမင်းရင့်ရော်မှုကို နှေးကွေးစေတယ်။ အယ်လ်ဇိုင်းမားလို့ခေါ်တဲ့ သူငယ်ပြန်ရောဂါတမျိုးဟာလည်း ဗီတာမင်အီး နေ့စဉ်စားသုံးသူတွေထဲမှာ ဖြစ်ပွားမှု နည်းပါးကြောင်း တွေ့ထားရတယ်။

ဟင်းနုနွယ်ရွက်---

သက်ကြီးရွယ်အို အချို့ မျက်စိအမြင် ချို့ယွင်းပြီး မျက်လုံးကွယ်သည်အထိ ဖြစ်စေရတဲ့ ပြဿနာဟာ အသက်ကြီးသူတွေရှောင်လွှဲလို့မရနိုင်သော ကိစ္စတရပ်အဖြစ် ထင်မှတ်ထားကြပါတယ်။ ဒါပေမယ့် ဟင်းနုနွယ် ရွက်ဟာ အဲဒီလို အဖြစ်မျိုးကိုကာကွယ်ဖို့အတွက် အရေးပါသော နေရာမှ ပါဝင်လျက်ရှိနေပါတယ်။ ဟင်းနုနွယ် ရွက်ထဲမှာ ကာရိုတင်နိုက်-လို့ခေါ်တဲ့ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်တယ်။ ဒီပစ္စည်းတွေဟာ မျက်လုံးရဲ့ မြင်လွှာနဲ့ မျက်လုံးမှန်ဘီလူးထဲမှာတွေ့ရလေ့ရှိသော ပစ္စည်းများဖြစ်တယ်။ အမေရိကန်မှာ လုပ်ခဲ့တဲ့ လေ့လာမှုတခုအရ ကာရိုတင်နိုက် များစွာပါဝင်သောအစားအစာတွေကို စားပေးခြင်းနှင့် အသက်ကြီးလို့ မြင်လွှာပျက်စီးပြီး မျက်စိကွယ်ရတဲ့ရောဂါ AGE RELATEDMACULAR DEGENERATION ဖြစ်ပွားမှုနှင့် ဆက်စပ်လျက်ရှိကြောင်း တွေ့ရှိခဲ့ရပါတယ်။ ဒီရောဂါဟာ အသက် ၅၀-ကျော် လူတွေမျက်စိကွယ်ရခြင်းရဲ့ ဦးဆောင်အကြောင်းရင်းတခု ဖြစ်ပါတယ်။ အခြားသော လေ့လာချက်များအရလည်း
ကာရိုတင်နိုက်ပါတဲ့ အစားအစာများ စားပေးခြင်းဖြင့် အတွင်းတိမ်ဖြစ်ပွားမှု အန္တရာယ်လျော့ပါးသွားကြောင်းလည်း သိရပါတယ်။ အတွင်းတိမ်ဆိုတာကတော့ အသက် ၇၅-နှစ်ကျော်လာတဲ့ သူတိုင်း ဖြစ်ပွားလေ့ရှိတဲ့ ပြဿနာတခု ဖြစ်ပါတယ်။


လက်ဖက်၊ လက်ဖက်ခြောက်၊ လက်ဖက်ရည်---
မကြာသေးမီ အချိန်များကစပြီး လက်ဖက်ရည်ဟာ ကျန်းမာခြင်းနှင့် အသက်ရှည်ခြင်းတို့အတွက် အံ့သြဖွယ်ရာ
ကောင်းလောက်အောင် အထောက်အကူပေးနိုင်သော ပစ္စည်းတခုအဖြစ် ကျော်ကြားလာပါတယ်။ ဒါပေမယ့် ကျန်းမာရေးအတွက် သော့ချက်ကျတဲ့ သတင်းအချက်အလက်တခုကတော့ လူတိုင်းမသိကြသေးခြင်းပဲ ဖြစ်နေပါတယ်။ အဲဒါကတော့လက်ဖက်ခြောက်ကို ရေနွေးပွက်ပွက်ဆူထဲမှာ ၃-မိနစ်မှ ၅-မိနစ်ခန့် နှပ်ထားပြီးမှသာ အကောင်းဆုံးအကျိုးကျေးဇူးကိုရနိုင်တယ်ဆိုတဲ့ အချက်ပါပဲ။

လက်ဖက်ခြောက်ဟာ အစာအိမ် ကင်ဆာ၊ အစာရေမျို ကင်ဆာ၊ အဆုတ် ကင်ဆာ ဖြစ်ပွားမှု လျော့ကျခြင်းနဲ့ ဆက်စပ်မှုရှိကြောင်းလည်း တွေ့ထားရတယ်။ ဒါ့အပြင် မကြာသေးမီကပဲ လက်ဖက်ရည်ကြမ်း သောက်တဲ့လူတွေမှာ ကင်ဆာဖြစ်ပွားမှု အန္တရာယ်နှေးကွေးစေတယ်ဆိုတာကိုလည်း သိထားရပါတယ်။ လက်ဖက်ခြောက် ထဲမှာပါတဲ့ ဓာတ်တိုး ဆန့်ကျင်ပစ္စည်း တွေက နှလုံးကို ကာကွယ်ပေးနိုင်တယ်လို့ သိရပါတယ်။


တနေ့လျှင် လက်ဖက်ရည်ကြမ်း (သို့) လက်ဖက်ရည် သောက်တဲ့အခါ သကြားနဲ့ နို့ဆီမထည့်ဘဲ အချိုခြောက် သက်သက်နဲ့ နှပ်ထားတဲ့ လက်ဖက်ရည်ကို သုံးခွက်သောက်တယ်ဆိုရင်ပဲ နှလုံးတိုက်ခိုက်ခံရမှု ၁၁% ကျဆင်းသွားစေကြောင်းတွေ့ထားရတယ်လို့ ဆိုတယ်။

 
နောက်လေ့လာမှုတခုက လက်ဖက်ခြောက်ဟာ ဆီးချို သွေးချိုရောဂါကိုလည်း ကာကွယ်နိုင်သတဲ့။ အကြောင်းကတော့လက်ဖက်ခြောက်ထဲမှာ ပါတဲ့ ဓာတ်ပေါင်းတွေဟာ အင်ဆူလင်ရဲ့ အာနိသင်ကို ၁၅%-တိုးမြင့်ပေးစေနိုင်တယ်။ ဒါပေမယ့်နို့ထည့်သောက်ရင်တော့ အကျိုးသက်ရောက်မှု နည်းသွားပါတယ်။ ဒါ့အပြင် လက်ဖက်ခြောက်ဟာ အရိုးပါးရောဂါကိုလည်း ကာကွယ်နိုင်ကြောင်း သိရတယ်။ သက်ကြီးရွယ်အိုတွေထဲမှာလက်ဖက်ရည်သောက်တဲ့သူတွေကမသောက်တဲ့လူတွေထက် ကျောရိုးနဲ့ တင်ပဆုံရိုး သိပ်သည်းဆကို တိုင်းပြီးတဲ့အခါ ၅%-ပိုများတာကို တွေ့ရပါတယ်။ ဆိုလိုတာကအဲ့ဒီသူတွေဟာ အရိုးကျိုးမှု အခွင့်အလမ်း ၁၀%-မှ ၁၅%- ထိ လျော့နည်းသွားခြင်းကြောင့် ဖြစ်တယ်။

http://www.mmcfamily.org/profiles/blog/show?id=3003595%3ABlogPost%3A1700540&xgs=1&xg_source=msg_share_post

ဘီလ်ဂိတ်ပြောတဲ့ အကြံဥာဏ် (၁၁)ခု

ဘွဲ့နှင်းသဘင်တစ်ခုမှာ ဘွဲ့ရကျောင်းသားတွေအတွက် ဘီလ်ကိတ်က ဒီလိုအကြံဥာဏ် ပေး ဟောပြောခဲ့ပါတယ်။

၁) လူ့ဘဝက မမျှတဘူး။ ဒါကို လက်ခံနိုင်အောင် ကြိုးစားပါ။

၂) ဒီလောကက ကိုယ့်လေးစားကြည်ညိုမှုကို အသိအမှတ်ပြုမှာ မဟုတ်ဘူး။ အကျိုးသက်ရောက်မှုကို အရင်လုပ် ပြီးမှ ကိုယ့်ရဲ့ခံစားချက်ကို ဆန်းစစ်ဖို့ လောကကြီးက ပိုမျှော်လင့်တယ်။

၃) ကျောင်းကနေခွါတာနဲ့ လခကောင်းမရနိုင်ဘူး။ ချက်ချင်း ဟမ်းဖုန်းချိတ်ထားတဲ့ ကွပ်ကဲသူ မဖြစ်နိုင်ဘူး။ နှစ်ခုစလုံးအတွက် ကြိုးပမ်းအားထုတ်မှ ရနိုင်တယ်။

၎) ကျောင်းက ဆရာတွေကို ဆိုးတယ်လို့ ခင်ဗျားတို့ထင်ခဲ့ရင် တစ်နေ့ခင်ဗျားတို့ ကုမ္ပဏီသူဌေးတွေ ဖြစ်လာတဲ့အချိန်ကျရင် သိလိမ့်မယ်။ သူဌေးတွေက အလုပ်ကို အကြွေးမထားဘူး။

၅) ဟမ်ဘာဂါဆိုင်မှာ အလုပ်လုပ်လို့ ကိုယ့်ကို အသုံးမကျဘူးလို့ မထင်နဲ့။ ခင်ဗျား ဘိုးဘွားတွေက ဟမ်ဘာဂါအလုပ်အတွက် အဓိပ္ပါယ်တစ်ခု ဖွင့်လိုက်မယ်။ အဲဒါက "အခွင့်အရေး" တဲ့။

၆) ခင်ဗျား ဘာမှဖြစ်မလာတာ ခင်ဗျားမိဘတွေရဲ့ အမှားမဟုတ်ဘူး။ ဒါကြောင့် ကိုယ်လုပ်တဲ့ အမှားအတွက် ဒေါသထွက်မနေနဲ့။ အမှားထဲက သင်ယူပါ။

၇) ခင်ဗျားမမွေးဖွားခင် ခင်ဗျားမိဘတွေက အခုလိုထိုင်းမှိုင်းနေတာ မဟုတ်ဘူး။

သူတို့ အခုလို ထိုင်းမှိုင်းရတာက ခင်ဗျားအသုံးစရိတ်အတွက် ရှာနေလို့၊ ခင်ဗျားရဲ့ အဝတ်တွေ လျှော်ရလို့၊ ကိုယ့်ကိုယ်ကိုတော်ကြောင်း အပြောကြီးတဲ့ ခင်ဗျားရဲ့စကားကို နားထောင်နေရလို့ဖြစ်တယ်။ ဒါကြောင့် ခင်ဗျားမိဘတို့ခေတ်က ဖျက်ဆီးခဲ့တဲ့ အပူပိုင်းဇုံသစ်တောကို ခင်ဗျားပြုပြင်ကယ်တင်ဖို့ မကြိုးစားခင် ခင်ဗျားရဲ့ အိပ်ရာကိုအရင်သန့်ရှင်းလိုက်ပါ။

၈) ကျောင်းမှာ နိုင်သူနဲ့ ရှုံးသူဆိုတာရှိတယ်။ ဘဝမှာ မရှိဘူး။ ကျောင်းကခင်ဗျားကို အခွင့်အရေး မပြတ်ပေးပြီး အဖြေမှန်ရဖို့ ရှာခိုင်းလိမ့်မယ်။တကယ့်လက်တွေ့ဘဝမှာတော့ ဒီလိုမရှိဘူး။

၉) တီဗွီထဲ သရုပ်ဆောင်တာတွေက တကယ့်ဘဝတွေ မဟုတ်ဘူး။ တကယ့်ဘဝက လူတိုင်း ကော်ဖီဆိုင်ကို ကျောခိုင်းပြီး အလုပ်ထဲ ဝင်ရတာချည်းပဲ။

၁ဝ) စာဂျပိုးတွေကို တလေးတစား ဆက်ဆံပါ။ တစ်ချိန်ချိန် သူတို့ထဲက တစ်ယောက်ဆီမှာ ခင်ဗျား အလုပ်လုပ်ဖြစ်လိမ့်မယ်။

၁၁) လူ့ဘဝမှာ သင်ကြားချိန်ကာလ မသတ်မှတ်ဘူး။ ပိတ်ရက်မရှိဘူး။ ဘယ်အလုပ်ရှင်ကမှ ခင်ဗျားလုပ်ချင်တာကို ညှိနှိုင်းပေးမှာမဟုတ်ဘူး။ဒါကြောင့် ကိုယ့်အားလပ်ချိန်ကို အသုံးပြုပါ။

သိရသမျှ မျှဝေရာအရပ် မှ

စိတ်ကျရောဂါကို သက်သာလျော့ပါး စေမည့် အစားအသောက်များ

စိတ်ညစ် စိတ်ဓါတ်ကျခြင်း ဟူသည် ပုံမှန် လူမှုဘဝတွင် တွေ့ကြုံရမည့် သာမန် အတွေ့အကြုံ တစ်ခုသာ ဖြစ်သည်။ သို့သော် စိတ်ညစ် စိတ်ပျက်ကာ လက်မှိုင်ချခြင်းများသည် အချိန်ကာလ ကြာရှည် ဖြစ်ပေါ်လာပြီး ဘဝတွင် ယခင်ကကဲ့သို့ ပျော်ရွှင်ဖွယ်ရာ ခံစားမှုမျိုးကို ပြန်မရဟု ခံစားလာရသည် ဆိုပါစို့ ၎င်းသည် စိတ်ကျရောဂါ ဖြစ်ပွားရန် အစပျိုးလာခြင်း ဖြစ်သည်။
စိတ်ကျရောဂါအား သက်သာပျောက်ကင်းရန် အရင်းနှီးဆုံး မိတ်ဆွေ တစ်ဦးအား ဖွင့်ဟခြင်းမှ အစပြု၍ စိတ်ရောဂါ အထူးကု ဆရာဝန်နှင့် ဆွေးနွေး တိုင်ပင်ခြင်းအထိ နည်းလမ်းများစွာ ရှိသလို စိတ်ကျရောဂါကို သက်သာ လျော့ပါးစေပြီး သင့်၏ ကိုယ်ရော စိတ်ပါ ကျန်းမာရေးကို အထောက်အကူ ပြုမည့် အစားအစာများ ဖြည်စွက် စားသောက်ခြင်းသည်လည်း နည်းလမ်းကောင်း တစ်ခု ဖြစ်ပါသည်။ ဆင်ဟွာ သတင်းဌာနမှ ကောက်နှုတ်ထားသော စိတ်ကျရောဂါအား သက်သာလျော့ပါးစေမည့် အစားအသောက်များကို မြို့တော်ပုသိမ် ပရိသတ်များအတွက် ဖော်ပြလိုက်ပါသည်။
ပေါင်မုန့်ညို

ငါး

သောက်ရေသန့်

နွားနို့

ငှက်ပျောသီး

ချောကလက်

ဘဲသွေးခဲ

ရွှေဖရုံသီး

ငရုပ်သီး

ကြက်သွန်ဖြူ


http://www.futuresky-peace.com/profiles/blog/show?id=6375524%3ABlogPost%3A2721847&xgs=1&xg_source=msg_share_post

အအေးမိ တုပ်ကွေး ဘယ်လိုကာကွယ်ကုသ သလဲ

အအေးမိ တုပ်ကွေး ဘယ်လို ကာကွယ်ကုသ သလဲ ........................
အခုလို ရာသီဥတု အကူးအ ပြောင်း ကာလဟာ နေမကောင်းဖြစ် ဖို့ အလွယ်ဆုံး ကာလပါ။ နေတွေ ချစ် ချစ် တောက်ပူလို့ လူက နေပူထဲ ထွက် ရင် အသားပါ စပ်ဖျင်းဖျင်း ဖြစ်တဲ့ အထိ ဖြစ်ရတယ်။ မိုးရွာ ပြန်တော့ လည်း သွန်ချ သလိုပဲ။ လေက လည်း ပါလိုက်တာ၊ မာန်အပြည့်။ လူတွေ က ပူနေရာ ကနေ ချက်ချင်း အေးသွား တော့ နေရထိုင်ရ ကမောက်က မဖြစ် ရပါတယ်။
ဘယ်လို အကြောင်းနဲ့ပဲဖြစ်ဖြစ် နေထိုင် မကောင်းဖြစ်ပြီ ဆိုရင်တော့ ကာကွယ်ဖို့ နည်းလမ်း တွေ ပြောပါ့ မယ်။ ကိုယ်တိုင် ဖြစ်နေပြီ ဆိုရင်လည်း အမြန်ဆုံး ပျောက်အောင် ချက်ချင်း လုပ်သင့် ပါပြီ။

ခန္ဓာကိုယ်ကို အနားပေးပါ

အနားယူ ပေးလိုက်တဲ့ အတွက် ခန္ဓာကိုယ် က အားပြန်ပြည့် လာပြီး ရောဂါပိုး တွေကို သူ့ဘာသာ တိုက် ထုတ် ပေးပါလိမ့်မယ်။

အစာမာမစားနဲ့

အရမ်းကို ၀ါးရတဲ့ အစားအစာ၊ ကြေခဲတဲ့ အစာတွေကို ရှောင်ပါ။ စွပ် ပြုတ် ပူပူနွေးနွေး၊ လက်ဖက်ရည်၊ အဖျော် ယမကာ တွေက အစာကျေ ညက်ဖို့ လွယ်ပါ တယ်။

အကောင်းမြင်ပါ

စိတ်ဖိစီးရင်လည်း နေမကောင်း ဖြစ်တာ မို့လို့ နေမကောင်း မဖြစ် အောင် အရာရာကို အကောင်းမြင် စိတ်နဲ့ ကြည့်ပြီး နေထိုင်တတ်ဖို့ လည်း လိုပါတယ်။

ဗီတာမင်စီ များများစားပါ

ဗီတာမင်စီက အအေးမိတုပ် ကွေး ခံစားရမှု မပြင်းထန်အောင် ကာ ကွယ်ပေး နိုင်တယ်။ ဖြစ်ရင် လည်း မြန်မြန် သက်သာ စေတယ်။
အခန်းကို စိုစွတ်အောင် လုပ်ပေးပါ
အအေးမိ တုပ်ကွေးရောဂါဖြစ် စေတဲ့ ဗိုင်းရပ်စ်က ခြောက်သွေ့တဲ့ နေရာ တွေကို ကြိုက်တတ် တာမို့ အခန်းကို စိုထိုင်းထိုင်း ဖြစ်အောင် ထားသင့် ပါတယ်။ နောက်ပြီး ခြောက် သွေ့တဲ့ လေက နှာခေါင်းပိတ်တာ၊ လည်ချောင်းယား ယံတာတို့ ဖြစ်စေ ပါတယ်။

လက်ကို မကြာခဏဆေးပေးပါ

အများသုံး ဘတ်စ်ကား စီးနေရ သူ၊ ရထားစီးနေရသူ၊ အများနဲ့ဆိုင် တဲ့ နေရာတွေမှာ အလုပ်လုပ် နေတဲ့ သူ ဆိုရင်တော့ ရောဂါပိုး တွေ ကူး စက် လွယ်တာမို့ ရောဂါ ကူးစက် နိုင်မှု ကို ကာကွယ်တဲ့ အနေနဲ့ လက်ကို မကြာခဏ ဆေးပေး ရပါမယ်။ ဆေး ကြောတဲ့ နေရာမှာလည်း ဆပ်ပြာ နဲ့ အနည်းဆုံး ၁၅ စက္ကန့်ကြာ တိုက်ရ မယ်။ လက်ဆေး ရမယ့် နည်းစနစ် အတိုင်း မှန်မှန်ကန်ကန် ဆေးရမှာ ဖြစ်ပါတယ်။

အရည်များများသောက်ပါ

အရည်ဓာတ် ခန်းခြောက်ရင် ရောဂါ အပျောက် နှေးတတ်လို့ အရည် ဓာတ် မခန်း ခြောက်အောင် ရေ၊ ဖျော် ရည်၊ ဟင်းချိုတွေ သောက် ရမှာဖြစ် ပါတယ်။ အရည် ဆိုပေမယ့် ကော်ဖီ တို့၊ အရက် တို့ကတော့ အရည်ဓာတ် ခန်းခြောက်မှု ပိုမြန်လို့ မသောက် ရပါဘူး။

လေ့ကျင့်ခန်းလုပ်ပါ

ကျန်းမာရေး လေ့ကျင့်ခန်းတွေ ဟာ နှလုံးခုန် မြန်စေပြီး အသက်ရှူ မြန်စေ ပါတယ်။ ဒါကြောင့် အဆုတ် ထဲက အောက်ဆီဂျင် တွေကို သွေး ကြောထဲ မြန်မြန် ရောက်စေ ပါတယ်။ ဒီလို လေ့ကျင့်ခန်း တွေဟာ ရောဂါ နှိမ်နင်းတဲ့ ဆဲလ်တွေကိုလည်း တိုးပွား စေပါတယ်။

နေပူစာလှုံပါ

နံနက်ခင်း နေရောင်ခြည် အောက်မှာ ခဏတဖြုတ် လမ်း လျှောက်ပေးပါ။

အနားယူပါ

စိတ်ညစ် စရာတွေ ဖြစ်လာရင် ခေါင်းထဲက မြန်မြန် ထုတ်ပါ။ ခန္ဓာ ကိုယ်ရဲ့ ရောဂါ ကာကွယ် နိုင်စွမ်းကို လျော့ကျ တာမို့ စိတ်ညစ်၊ စိတ်ဖိစီး လာရင် အသက်ပြင်းပြင်း ရှူတာ၊ ယောဂ ကျင့်တာတို့ လုပ်ပြီး စိတ်ကို သက်သာရာ ရအောင် ထားရပါမယ်။ ညဥ့်နက် အထိ အလုပ်လုပ် တာမျိုး လည်းရှောင်ပြီး အနားယူ ရပါမယ်။ စိတ်ညစ်မခံပါနဲ့။

အသားအရေထိန်းသိမ်းပါ

အပြင်မှာ အေးပြီး ကိုယ်တွင်း မှာ ပူနေရင် အသားပတ်တာ၊ နှုတ် ခမ်းကွဲ တာမျိုး ဖြစ်တတ်ပါတယ်။ လိမ်းဆေး တွေတော့ လိမ်းလို့ရပါ တယ်။ ဒါပေမယ့် အစားအသောက် ပုံစံ ပြင်တာက ပိုကောင်းပါတယ်။ ရေများများ သောက်တာ၊ ငါးစားတာ၊ နောက်ပြီး မက်မွန်စေ့ စတာမျိုးပေါ့။ ခန္ဓာကိုယ် အလေးချိန် မများတဲ့သူမျိုး ကတော့ အစာထဲမှာ အဆီဓာတ် များ တဲ့ဟာတွေ စားပေးပြီး အဆီဓာတ် ကို ထိန်းပေး သင့်ပါတယ်။ အဆီ ဓာတ်က အရေပြား ဆဲလ်အပါအ ၀င် ဆဲလ်အားလုံးကို အားဖြည့်ပေး နိုင်ပါတယ်။MG MANDALAY

အိပ်ရေး၀၀အိပ်ပါ

နေ၀င်တာနဲ့ ခန္ဓာကိုယ်က အလုပ်လုပ် နေတဲ့ဆဲလ်တွေက ရပ် လေ့ ရှိပါတယ်။ ဒါကို အနားမပေး ဘဲ ဆက်လုပ် နေရင် ခန္ဓာကိုယ် ခုခံ အားကျပြီး ရောဂါအလွယ် ၀င်ရောက် နိုင်ပါတယ်။ ဒါကြောင့် စောစောအိပ်၊ စောစောထ၊ အိပ်ရေး၀၀ အိပ်လို့ ဆိုတာပါ။
ဒီနည်း တွေကတော့ ရောဂါဖြစ် လာရင် ဆေးသောက်ရင်း နဲ့ ပြုစုကု သရမယ့် အချက် တွေပေါ့။ ဆရာဝန် တွေက ဒါကို လိုက်ပြောပြ နေမှာ မဟုတ်ဘူးလေ။ ကာကွယ်နိုင်ဖို့ လည်း နည်း အချို့ပြောပြပေးပါ့မယ်။

ကာကွယ်ဖို့

အိပ်ရေး၀၀ အိပ်ပါ။ ခန္ဓာကိုယ် မှာ လိုအပ်တာ တွေကို အိပ်ချိန်မှာ သူ့အလိုလို ပြုပြင်မှာမို့ အနားယူဖို့ လိုပါတယ်။
အစာစား ရင် အချဉ်ဖောက် တဲ့ အစာ၊ (အချဉ် ဆိုပေမယ့် သန့်ရှင်း တာမျိုးပါ။ သရက်သီး၊ သံပရာသီး၊ လက်လုပ် ချဉ်ဆိုလည်း သန့်ရှင်းရင် ခန္ဓာကိုယ်အတွက် စားပေး သင့်ပါ တယ်) အရည်ပါတာ စားပေးရပါ မယ်။ ဒါတွေက အစာခြေ စနစ်ကို ကောင်းမွန်စေပါတယ်။
ပျော်ပျော်ရွှင်ရွှင် ရယ်ရယ်မော မောနေပါ။ အနည်းဆုံး တစ်နေ့တစ် ခေါက် နှစ်နှစ်ခြိုက်ခြိုက် ရယ်ပါ။ ခန္ဓာကိုယ် ကိုယ်ခံအား ကို တိုးပွားစေ ပါတယ်။
အချိုတွေ၊ အက်ဆစ်ဖြစ်စေ တာကို ရှောင်ပါ။
ဗီတာမင်စီ ကြွယ်ဝတဲ့အစား အစာ စားပေးပါ။ ဗီတာမင်စီ ဆေး လုံးတွေထက် ဗီတာမင်စီကြွယ်ဝတဲ့ အစား တွေက ပိုကောင်းပါတယ်။
ဒီလောက်ဆို မိုးရာသီ အတွက် ဘယ်လို နေထိုင်သင့်တယ် ဆိုတာကို သိလောက်ပါပြီ။ ရောဂါ ကင်းရှင်းပြီး ပျော်ပျော်ရွှင်ရွှင် နေထိုင် နိုင်ဖို့ ဒီနည်း တွေကို သုံးဖြစ် အောင် သုံးကြည့်ပါ နော်။


http://forverfriends.ning.com/profiles/blog/show?id=2863689%3ABlogPost%3A7271761&xgs=1&xg_source=msg_share_post
Health