အိပ်ပျော်ရင်း သွားကြိတ်ခြင်းဆိုင်ရာ အချက်အလက်များ

သွားကြိတ်တာဟာ အိပ်ပျော်သွားတဲ့ အချိန်မှာ မသိဘဲ အပေါ်သွားနဲ့ အောက်သွားတို့ ထိတွေ့ကာ အသံ မြည်အောင် ကြိတ်တာမျိုး ဖြစ်ပါတယ်။ အိပ်ပျော်ရင်း သွားကြိတ်တာက မပြင်း ထန်ရင် ကုသစရာ မလိုအပ်ပါဘူး။
ဒါပေမယ့် သွားကြိတ်တာက မကြာခဏ ဖြစ်နေရင် နောက်ဆက်တွဲ အနေနဲ့ မေးရိုး ပြဿနာ၊ ခေါင်းကိုက်ခြင်း၊ သွားထိခိုက် ပျက်စီးခြင်းနဲ့ တခြား ပြဿနာတွေ ဖြစ်စေ နိုင်ပါတယ်။ အထူးသဖြင့် သင်ဟာ အိပ်ရင်း မကြာခဏ သွားကြိတ်နေတာကို ကိုယ့်ကိုယ်ကိုယ် သတိထားမိရင် ပြင်းထန် ဆိုးဝါးတဲ့ နောက်ဆက်တွဲ ပြဿနာ ကြုံတွေ့ ရတတ်ပါတယ်။
အိပ်ပျော်ရင်း သွားကြိတ်နေသလား
အိပ်ပျော်ရင်း သွားကြိတ်ခြင်း ရှိ၊ မရှိ အောက်ပါ အချက်တွေအရ သိနိုင်ပါတယ်။ - သင့်သွားကြိတ်သံကြောင်း အတူအိပ်တဲ့သူ နိုးလာရင်
- သင်ဟာ တစ်ယောက်တည်း အိပ်တဲ့သူဆိုရင် သွားပဲ့တာ၊ သွားထိခိုက်ပျက်စီးတာတွေ အလိုလိုနေရင်း ဖြစ်ပေါ်လာရင်
သွားတွေဟာ ထိလွယ် ရှလွယ် ဖြစ်နေရင်
- မေးရိုးနာကျင်နေရင် ဒါမှ မဟုတ် မေးရိုးကြွက်သား လှုပ်ရှားမှုကြောင့် နားကိုက်နေရင်
အကြောင်းရင်းမရှိဘဲ ခေါင်းကိုက်နေရင်
- (သွားကြိတ်ရင်း လျှာကို ထိမိတာကြောင့်) လျှာဟာ အလိုလိုနေရင်း နာကျင်နေရင်
ဆရာဝန်နဲ့ ဘယ်အချိန် ပြသင့်သလဲ
- သွားတွေ ပျက်စီးထိခိုက်ပြီး ထိလွယ်ရှလွယ် ဖြစ်နေရင်
- မေးရိုး၊ မျက်နှာနဲ့ နားတွေ အကြောင်းရင်းမရှိဘဲ နာကျင်နေရင်
- အိပ်ရင်း သွားကြိတ်သံကြောင့် အိပ်မရကြောင်း အတူအိပ်သူက ပြောလာရင် ဆရာဝန်နဲ့ ပြသင့်ပါတယ်။
အိပ်ရင်း သွားကြိတ်ခြင်း ဖြစ်စေသော အကြောင်းရင်းများ
အိပ်ရင်း သွားကြိတ်ရတဲ့အကြောင်းရင်းတွေကို သေသေချာချာတော့ မသိကြသေးပါဘူး။ သွားကြိတ်ခြင်း ဖြစ်စေနိုင်တဲ့ အကြောင်းရင်းတွေကတော့-
- စိတ်ပူပန်သောကနဲ့ စိတ်ဖိစီးမှုများခြင်း
- ဒေါသနဲ့ မခံချင်စိတ်ကို မျိုသိပ်ချိုးနှိမ်ထားခြင်း
- အထက်သွားနဲ့ အောက်သွား အံချော်ခြင်း
- အိပ်စက်မှု ပုံစံမမှန်ခြင်း
- ကလေးတွေမှာ သွားပေါက်တာနဲ့ နားကိုက်တာကြောင့် နာကျင်ခြင်းကို တုံ့ပြန်ခြင်း
- ကလေးတွေမှာ မေးရိုးနဲ့ သွားတွေ ကြီးထွားဖွံ့ဖြိုးခြင်း
- စိတ်ကျရောဂါ ကုသဆေးတစ်ချို့ အပါအဝင် စိတ်ရောဂါကုဆေးတွေရဲ့ ဆိုးကျိုး တစ်ချို့ ခံစားရခြင်းတွေ ဖြစ်ကြပါတယ်။
အိပ်ရင်း သွားကြိတ်ခြင်း ကင်းဝေးစေရန်
တေးဂီတ နားဆင်ခြင်း၊ ကြက်သီးနွေးရေချိုးခြင်း၊ အားကစားလုပ်ခြင်း စတာတွေဟာ စိတ်အပန်းဖြေစေပြီး သွားကြိတ်ခြင်း သက်သာလျော့ပါးစေပါတယ်။
အခန်းဖော်ကို မေးပါ
သင်အိပ်နေရင်း သွားကြိတ်သံ ထွက်သလားဆိုတာ သင့်အခန်းဖော် ဒါမှ မဟုတ် အတူ အိပ်သူကို မေးပါ။ သင့်သွားကြိတ်သံကို ကြားရတာနဲ့ သင့်ကို နှိုးဖို့ ပြောပါ။
ခံတွင်း ကျန်းမာရေးကို စစ်ဆေးပါ
သွားနဲ့ ခံတွင်း ကျန်းမာရေးကို စစ်ဆေးတာဟာ သွားကြိတ်တဲ့ ပြဿနာကို ကာကွယ် ကုသရေးမှာ အရေးပါဝင်ပါတယ်။ အထူးသဖြင့် သင်က အခန်းထဲမှာ တစ်ယောက်တည်း အိပ်တဲ့သူဆိုရင် သင့်သွားကြိတ်သံကို တခြားသူတွေ သတိပြုမိဖို့ မလွယ်ပါဘူး။ အဲဒီ အခါမှာ သွားဆရာဝန်ကသာ သင့်ခံတွင်း ကျန်းမာရေး စစ်ဆေးပြီး သင်ဟာ အိပ်ရင်း သွားကြိတ်ခြင်း ရှိ၊ မရှိ အဖြေရှာနိုင်မှာပါ။
Tips
ကလေးငယ်တွေမှာ အိပ်ရင်း သွားကြိတ်တာ အဖြစ်များပေမယ့် လူပျိုဖော်၊ အပျိုဖော် ဝင်စအရွယ်မှာ သူ့အလိုလို သက်သာပျောက်ကင်းသွားတတ်ပါတယ်။
Ref: Good Health
http://www.mmitpalace.com/profiles/blog/show?id=6456788%3ABlogPost%3A331997&xgs=1&xg_source=msg_share_post