ဦးနှောက်အကြောင်း သင်မသိသေးသော အချက်များ

ဦးနှောက်မှာ နာ့ဗ်ဆဲလ်ပေါင်း ၁၀၀ ခန့် ရှိပါတယ်။ တစ်ခါတစ်ရံမှာ မယုံကြည်နိုင်လောက်အောင် ဦးနှောက်က စွမ်းဆောင်နိုင်ပေမယ့် တစ်ခါတစ်ရံမှာ အခင်ဆုံး သူငယ်ချင်းရဲ့မွေးနေ့
ကိုတောင် မေ့နေတတ်ပါတယ်။ ဦးနှောက်က သုံးပေါင်ခန့်ပဲ လေးပေမယ့် ခန္ဓာကိုယ် စွမ်းအင်ရဲ့ ၂၀ ရာခိုင်နှုန်းကို အသုံးပြုနေပါတယ်။
(၁) Google က ဦးနှောက်ရဲ့ မှတ်သားမှုကို အားနည်းအောင် လုပ်နေပါတယ်
ကိုလံဘီယာ တက္ကသိုလ်ရဲ့ လေ့လာမှု တစ်ရပ်အရ လူအများစုဟာ အင်တာနက်ကို ပိုမှီခိုလာပြီး ကိုယ့်ကိုယ်ကိုယ် အားကိုးမှု နည်းလာပါတယ်။ Google အသုံးများတာကြောင့် စိတ်ကူးတွေ၊ တွေးခေါ်ပုံတွေကို ကောင်းကောင်း သိနားလည်လာပေမယ့် မှတ်ဉာဏ်က ပိုမို လျော့နည်းလာပါတယ်။
(၂) တချို့ လူတွေက အဆင်သင့် အစာတွေကို စွဲလမ်းကြတယ်၊ တချို့က မစားချင်ကြဘူး
လေ့လာမှု တစ်ခုအရ လူတွေကြိုက်တဲ့ အစားအသောက်နဲ့ စိတ်လှုပ်ရှားမှုဖြစ်တဲ့ ဦးနှောက် အစိတ်အပိုင်းတွေကို လေ့လာခဲ့ကြရာ ဒါက ဒိုပါမင်းဟော်မုန်းနဲ့ ဆက်စပ်မှု ရှိတာကို တွေ့ရပါတယ်။ ဒိုပါမင်းဟော်မုန်းဟာ စိတ်တက်ကြွမှု၊ စိတ်ကြည်နူးမှုတို့နဲ့ ဆက်စပ်နေပြီး ဒိုပါမင်း လက်ခံတဲ့ Receptor လျော့နည်းလေလေ၊ ပျော်ရွှင်ဖို့ရာအတွက် အဆင်သင့် အစာတွေ ပိုလိုအပ်လေလေ ဖြစ်တာကို တွေ့ရပါတယ်။
(၃) သီချင်းနားဆင်တာက အတိတ်ကို ပြန်အောက်မေ့စေတယ်
တေးဂီတ၊ အတိတ်ကို လွမ်းဆွတ်မှုနဲ့ လူသားတို့အကြား ဆက်စပ်မှု ရှိပါတယ်။ ၂၀၁၀ လေ့လာမှုအရ အဓိပ္ပာယ်ရှိတဲ့ တေးသီချင်း နားထောင်ပေးရင် ကလေးဘ၀မှာ ရရှိခဲ့တဲ့ ချစ်ခင်ကြည်နူးဖွယ်ရာ အခိုက်အတန့်ကို အောက်မေ့သတိရပြီး ပျော်ရွှင်မှုကို ရရှိစေတယ်လို့ သိရပါတယ်။
(၄) ဦးနှောက်က အနာဂတ် ကာလကို ခန့်မှန်းနိုင်တယ်
၂၀၁၂ လေ့လာမှုမှ တွေ့ရှိချက်အရ ဦးနှောက်ရဲ့ အရှေ့ဘက်ကျတဲ့ အစိတ်အပိုင်း Frontopolar Cortex ဟာ အတိတ်ကာလ အတွေ့အကြုံကို အခြေခံပြီး အနာဂတ်မှာ ကြုံရမယ့် အရာတွေကို ခန့်မှန်းနိုင်ပါတယ်။ ဒါက ဦးနှောက်ရဲ့ ရေတိုခန့်မှန်းမှုဖြစ်ပြီး အနာဂတ် အကြောင်းကို နည်းလမ်းတကျ တွေးခေါ်နိုင်ပါတယ်။
(၅) အဖော်ကောင်းရင် ပိုဈေးဝယ်ဖြစ်
လေ့လာမှု အသစ်နှစ်ခုအရ စိတ်ဖိစီးမှုများနေချိန်၊ အိပ်ရေးပျက်နေချိန်နဲ့ သတိလက်လွတ် ဖြစ်နေချိန်တွေမှာ ဈေးဝယ်ထွက်လိုစိတ် ပြင်းပြမှု အရှိဆုံး ဖြစ်တယ်လို့ သိရပါတယ်။ နောက်လေ့လာမှု တစ်ခုအရ သိရတာက ဆွဲဆောင်မှုရှိပြီး အရည်အချင်းရှိတဲ့ ဈေးဝယ်အဖော်ပါရင် ပိုပြီး ဈေးကြီးတဲ့ အသုံးအဆောင်ကို ဝယ်ယူဖြစ်နိုင်ခြေ ပိုများကြောင်း သိရပါတယ်။
(၆) တစ်ခါတစ်ရံ သင့်စိတ်ခံစားမှုကို ယုံကြည်သင့်တယ်လို့ထင်တယ်
အသိစိတ်ဟာ ကောင်းတဲ့ ရွေးချယ်မှုကိုချည်း အမြဲ ဦးတည်မနေပါဘူး။ လေ့လာမှု တစ်ရပ်အရ ရိုးစင်းတဲ့ ဆုံးဖြတ်ချက်ကိုချဖို့ ဦးနှောက်ကို အသုံးပြုတာနဲ့ ပိုရှုပ်ထွေးတဲ့ အရာအတွက် ဆုံးဖြတ်ချက်ချဖို့ စိတ်ခံစားမှုကို အသုံးပြုတဲ့ ကျောင်းသားတွေက ပိုမိုပျော်ရွှင်မှု ရှိကြကြောင်း သိရပါတယ်။
(၇) ဦးနှောက်ဂိမ်းတွေက သီချင်း နားထောင်တာလောက် မှတ်ဉာဏ်အပေါ် ထိရောက်မှု မရှိပါဘူး
လတ်တလော လေ့လာမှု တစ်ရပ်အရ အသက် ၁၈-၆၀ နှစ်ကြား ပါဝင်အစမ်းသပ်ခံသူ ၁၁၄၃၀ ဦးကို လေ့လာခဲ့ရာ တစ်နေ့မှာ ၁၀ မိနစ်ခန့် အွန်လိုင်းဂိမ်းတွေကို တစ်ပတ် သုံးကြိမ်နဲ့ ခြောက်ပတ်ကြာ လုပ်ဆောင်စေခဲ့ပါတယ်။ ဒီစမ်းသပ်မှုတွေကို လုပ်ဆောင်ခဲ့ပြီးတာတောင် မှတ်ဉာဏ်တိုးတက်မှုနဲ့ လေ့လာမှုစွမ်းရည် တိုးတက်မှု မရှိခဲ့ဘူးလို့ လေ့လာသူတွေက ယုံကြည်ကြပါတယ်။ တကယ်တမ်း မှတ်ဉာဏ် ကောင်းလိုတယ်ဆိုရင် တေးသီချင်းတွေကို များများ နားထောင်သင့်ပါတယ်။ တေးသီချင်းတွေကို နားထောင်တာကြောင့် မှတ်ဉာဏ် ပိုကောင်းပြီး အာရုံစူးစိုက်မှု ပိုကောင်းတာကို တွေ့ရကြောင်း စတန်းဖို့ဒ် တက္ကသိုလ်မှ လေ့လာတွေ့ရှိရပါတယ်။
(၈) ဦးနှောက်ကို ကောင်းတဲ့နည်းတွေနဲ့ အလွယ်တကူ လှုံ့ဆော်နိုင်ပါတယ်
စွဲလမ်းမှု ဇီဝဗေဒ လေ့လာမှုအရ မကြာခဏ နေပူဆာလှုံတာဟာ ဆေးစွဲတာလိုပဲ ဦးနှောက်ကို တူညီတဲ့ တုံ့ပြန်မှုတွေ ပေးပေမယ့် ဉာဏ်ကောင်းစေတာမျိုးတော့ မဟုတ်ပါဘူး။ အစာကို အလွန်အကြူးစားတာ၊ ဖေ့စ်ဘွတ်ခ်လို လူမှုရေးကွန်ရက် အသုံးများတာ၊ တခြားစွဲလမ်းစေတဲ့ လုပ်ဆောင်မှုတွေ လုပ်တာတွေက ဦးနှောက်ကို လှုံ့ဆော်မှု မပေးနိုင်ပါဘူး။ လေ့ကျင့်ခန်းလုပ်တာ၊ သူငယ်ချင်းတွေနဲ့ တွေ့ဆုံတာ၊ အပန်းပြေတာ စတဲ့နည်းကောင်းတွေနဲ့ပဲ ဦးနှောက်ကို လှုံ့ဆော်နိုင်ပါတယ်။
(၉) အမျိုးသမီးတွေက ဦးနှောက်သေးတာကြောင့် စိတ်ခံစားမှု ပိုဖြစ်လွယ်
ရုပ်ပိုင်းဆိုင်ရာအရ ပြောရရင် အမျိုးသမီးတွေရဲ့ ဦးနှောက်ထက် အမျိုးသားတွေရဲ့ ဦးနှောက်က ၁၀ ရာခိုင်နှုန်း ပိုကြီးပါတယ်။ အမျိုးသားနဲ့ အမျိုးသမီးတွေက ကိုယ်လုံးကိုယ်ထည်ချင်းလည်း မတူကြပါဘူး။ စိတ်ခံစားမှုပိုင်း ယှဉ်လိုက်ရင် အမျိုးသမီးတွေက စိတ်ဝေဒနာ ပိုခံစားလွယ်ပြီး အမျိုးသားတွေက အာရုံစူးစိုက်မှု ချို့တဲ့ရောဂါ ပိုရလွယ်ကာ ဘာသာစကား တတ်ကျွမ်းမှု ပိုနည်းပါတယ်။
(၁၀) ဦးနှောက်က အသက် ၂၀ အရွယ်မှာ အကောင်းဆုံး
မှတ်ဉာဏ်ဟာ အသက် ၂၇ နှစ် ဝန်းကျင်မှာ စတင် ကျဆင်းလာပါတယ်။ ဒါပေမဲ့ အသက် ၄၅ နှစ်အထိ ဦးနှောက်ရဲ့ လုပ်ငန်းဆောင်တာက ကျဆင်းမှု မရှိသေးပါဘူး။ တကယ်လို့ ဘလူးဘယ်ရီသီးလို မှတ်ဉာဏ်ကောင်းစေတဲ့ အစာခုနစ်မျိုးကို စားပေးရင် မှတ်ဉာဏ်ကောင်းစေပြီး အယ်လ်ဇိုင်းမားရောဂါ ဖြစ်နိုင်ခြေ လျော့ကျစေပါတယ်။
ဇွန်ခိုင်ဦး (ဆေးဝါးတက္ကသိုလ်)
http://forverfriends.ning.com/profiles/blog/show?id=2863689%3ABlogPost%3A8053101&xgs=1&xg_source=msg_share_post