သင့်ရဲ့တစ်နေ့တာကို ခွန်အားရှိရှိ စတင်နိုင်ဖို့ နည်းလမ်း ၉ ခု

ဒီ ရိုးရှင်းတဲ့ နည်းလမ်း ၉ ခုကို ပြုလုပ်ခြင်းဖြင့် သင့်ရဲ့ တစ်နေ့တာလုံးမှာ ခွန်အားရှိနေအောင် ပြုလုပ်နိုင်ပါတယ်။

စောစောထပါ။ ကြားရတာ တစ်မျိုးကြီး ဖြစ်နေနိုင်တယ်ဆိုတာ ကျနော် သိပါတယ်။ ဒါပေမယ့် မနက်စောစောပိုင်းမှာ အချိန်ပို မိနစ်အနည်းငယ်လောက် ရခြင်းဟာ တစ်နေ့တာလုံးမှာ သင့်ကို ခွန်အားရှိနေစေဖို့ အထောက်အကူဖြစ်စေပါတယ်။ ကျနော်ဟာ မနက်တိုင်း ၅ နာရီမှာ အိပ်ရာထပါတယ်။ နံနက်ခင်းဟာ လှပ တိတ်ဆိတ်နေပြီး ကျနော်ဟာ အလုပ်မစခင်မှာ ကိုယ့်ကိုယ်ကိုယ် ခွန်အားဖြည့်နိုင်ပါတယ်။

အိပ်ရေး၀၀ အိပ်ပါ။ အိပ်ရာစောစောထတာနဲ့အတူ သင်ဟာ လုံလောက်တဲ့ အိပ်ရေးကို ရရှိဖို့လည်း သေချာပါစေ။ လုံလောက်တဲ့ အိပ်ချိန်ပမာဏဟာ တစ်ယောက်နဲ့တစ်ယောက် မတူကြပါဘူး။ ဒီတော့ ဘယ်နာရီ အိပ်ရမယ်ဆိုတာ ကျနော် အတိအကျမပြောနိုင်ပါဘူး။ ဒါပေမယ့် အနည်းဆုံး ၆ နာရီလောက် အိပ်ကြည့်ပါ။

ရေသောက်ပါ။ ဟုတ်ပါတယ်။ သင် အိပ်ရာထတာနဲ့ ရေအေးအေးတစ်ခွက်လောက် သောက်လိုက်ပါ။ ဒါက နာရီအတန်ကြာ အိပ်ပျော်နေတဲ့ သင့်ရဲ့ ကိုယ်န္ဓာကို စတင် လည်ပတ်စေပါတယ်။ ဒီနေရာမှာလည်း လူတိုင်းဟာ သူတို့နဲ့ သင့်တော်တဲ့ ရေပမာဏ အသီးသီး ရှိကြပါတယ်။ လူအများစုကတော့ တစ်ရက်ကို ရေ ၂ လီတာ (ရေသန့်ဘူး နှစ်ဘူးစာ) လောက် သောက်သင့်တယ်လို့ ဆိုကြပါတယ်။

လှုပ်ရှားပါ။ လေ့ကျင့်ခန်းလုပ်ခြင်းဟာ တစ်နေ့တာကို မီးထွန်းညှိပေးလိုက်သလိုပါပဲ။ သင့်ရဲ့ ပထမဆုံး အစားအစာကို မစားမီ နံနက်ခင်းမှာ လေ့ကျင့်ခန်း လုပ်ခြင်းဟာ အများကြီး တန်ဖိုးရှိပါတယ်။ တစ်နေ့တာအတွက် သင့်ခန္ဓာကိုယ်ရဲ့ ဇီဝဖြစ်စဉ်တွေကို အရှိန်ရစေပါတယ်။

စိတ်ဓာတ်ခွန်အားဖြစ်စေမယ့် အရာများ။ နံနက်ခင်းမှာ သင့်အတွက် စိတ်ဓာတ်ခွန်အားဖြစ်စေမယ့် စာတွေ၊ Blog တွေကို ဖတ်ပါ။ ဒါက တစ်နေ့တာလုံးအတွက် သင့်ကို စိတ်ဓာတ်ခွန်အား ဖြစ်စေပါတယ်။ ဒါမှမဟုတ် သင်လေ့ကျင့်ခန်း လုပ်နေချိန်မှာလည်း စိတ်ဓာတ်ခွန်အားဖြစ်စေမယ့် ဟောပြောမှု အသံဖိုင်တွေ၊ audio-books တွေကို နားထောင်နိုင်ပါတယ်။

နံနက်စာ စားပါ။ နံနက်စာကို လုံးဝ မစားဘဲ မနေပါနဲ့။ နံနက်စာဟာ သင့်ရဲ့ အင်ဂျင်ကို အားဖြည့်ဖို့ အခွင့်အရေးပါပဲ။

တစ်နေ့တာအတွက် အစီအစဉ်ဆွဲပါ။ သင်ဟာ အိမ်မှာပဲနေမှာဖြစ်ဖြစ်၊ အလုပ်ကို သွားမှာပဲဖြစ်ဖြစ် အရင်ဆုံး သင့်ရဲ့ တစ်နေ့တာကို အစီအစဉ်ဆွဲပါ။ သင့်ရဲ့ ရည်မှန်းချက်တွေကို ရှင်းရှင်းလင်းလင်း သိမြင်ခြင်းဟာ သင့်အတွက် စိတ်ဓာတ်ခွန်အားကို ဖြစ်စေပါတယ်။

အရေးကြီးတာအရင်လုပ်။ အခုဆိုရင် သင့်မှာ ဒီနေ့အတွက် ရည်မှန်းချက်တွေ ရေးပြီးပြီ။ ဒီအချိန်ဟာ သင့်အတွက် အရေးအကြီးဆုံးအရာကို စလုပ်ရမယ့်အချိန်ပါပဲ။ ဒါက သင့်ရဲ့ စိတ်ကို တက်ကြွစေပါလိမ့်မယ်။

အသက်ရှူပါ။ နက်နက်ရှိုင်းရှိုင်း ရှူပါ။ ဒီဟာက အင်မတန် အံ့သြစရာကောင်းပါတယ်။ ထိုင်ခုံတစ်လုံးမှာ သက်သောင့်သက်သာ ထိုင်ပါ။ ဒါမှမဟုတ် လဲလျောင်းပါ။ စိတ်ထဲမှာ တစ်ကနေ ငါးအထိ ရေတွက်ရင်း အသက်ကို ရှူသွင်းပါ။ အဲဒီနောက် ငါးအထိ ရေတွက်ရင်း အသက်အောင့်ထားပါ။ ပြီးတော့ ငါးအထိ ရေတွက်ရင်း အသက်ကို ရှူထုတ်လိုက်ပါ။ ဒါကို ငါးကြိမ်တိုင်တိုင်လုပ်ပါ။

အဲဒီအချက်တွေက တစ်ခု နှစ်ခုလောက်ကို ရွေးလိုက်ပါ။ အခုချက်ချင်းပဲ စလုပ်ပါ။ အဲဒီနည်းလမ်းတွေထဲက တစ်ချို့ကို စမ်းလုပ်ကြည့်ပါ။ သင် ဘယ်လို ခံစားရသလဲဆိုတာ ကြည့်ပါ။ သင် နှစ်သက်သလား? ဒါဆိုရင်တော့ သင့်ရဲ့ နေ့စဉ် အချိန်ဇယားမှာ အဲဒီအရာတွေကို ထည့်ထားလိုက်ပါ။

သင့်ရဲ့ ခွန်အားကို တိုးမြှင့်တာဟာ သင့်ရဲ့ အလုပ်များလှတဲ့တစ်နေ့တာမှာ သင့်ကို အများကြီး စွမ်းဆောင်နိုင်စေပါလိမ့်မယ်။ ဒါ့အပြင် သင်ဟာ သင့်ရဲ့ဘ၀ကို အမှန်တကယ် ကျေနပ်ပျော်ရွှင်နိုင်ပါလိမ့်မယ်။

http://on.fb.me/14bZP6P

သော်တာမောင်

Myanmar News Update