မြန်မာနိုင်ငံရှိ ၀က်မွေးမြူသူတစ်ဦးထံသို့တစ်နေ့သောအခါလူကြီးလူကောင်းတစ်ဦး ရောက်ရှိလာပြီးစုံစမ်းလေ၏ ။
" ခင်ဗျားရဲ့ဝက်တွေကို ဘယ်လိုအစာတွေကျွေးသလဲဗျ "
" ကျွန်တော့်ဝက်တွေကို ထမင်းကျန်၊ ဟင်းကျန်တွေနဲ့ဟင်းသီးဟင်းရွက်အပုပ်တွေရောစပ်ပြီးကျွေးပါတယ် "
" ကြားရတာစိတ်မကောင်းစရာပဲ၊ ကျွန်တော်က မြန်မာ့တိရိစ္ဆာန်များမွေးမြူဆောင့်ရှောက်ရေးအဖွဲ့ကအရာရှိပါ ။
အခုလိုကျန်းမာရေးနဲ့မညီညွတ်တဲ့အစာတွေကျွေးမှုအတွက်ခင်ဗျားကို ဒဏ်ငွေ ၅ သောင်း ရိုက်ရပါလိမ့်မယ် "
ဒဏ်ငွေဆောင်ပြီး ( ၃ ) လခန့်ကြာပြန်သော်................
နောက်ထပ်လူကြီးလူကောင်းတစ်ဦးရောက်လာပြီး စုံးစမ်းပြန်၏ ။
"ခင်ဗျားဝက်တွေကို ဘယ်လိုအစာတွေကျွေးသလဲဗျ "
" ဟုတ်ကဲ့၊ ပေါင်မုန့်၊ ပူတင်း၊ အာလူး၊ကြက်ပေါင်းနဲ့ဗိုက်တာမင်အားဆေးတွေ ရောစပ်ပြီး လူတွေ စားသလို ကျွေးပါတယ်ခင်ဗျာ "
" အားပါး၊ အံ့သြစရာပဲ၊ ကျွန်တော်က အရာရှိပါ။။ကမ္ဘာကြီးရဲ့လူဦးရေလေးပုံတစ်ပုံလောက် နှစ်စဉ်အငတ်ဘေးကြုံနေရတာကိုတောင်မှ
ခင်ဗျားကခြိုးခြုံမှုမရှိဘဲ ဖြုန်းတီးပစ်နေတာအဲဒီအတွက်ခင်ဗျားကို ငွေ ၅ သောင်း ဒဏ်ငွေရိုက်ပါတယ် "
ဒဏ်ငွေဆောင်ပြီး များမကြာမီနောက်တစ်ဦးလာပြန်လေ၏ ။
" ခင်ဗျားဝက်တွေကို ဘယ်လိုအစာတွေကျွေးပါသလဲခင်ဗျား "
ဝက်မွေးမြူရေးသမားမှာ တော်တော်စိတ်ညစ်နေ၏။ နောက်ဆုံး ပြောလိုက်တာက....
" တစ်ကောင်ကို ငွေ နှစ်ထောင် စီပေးပြီး ကြိုက်တာဝယ်စားလို့ ပြောလိုက်တယ် "
တိန်
ရီမောပျော်ရွှင်ပါစေ....
ကိုလုံ....
No comments:
Post a Comment