ကိုယ်ဝန်ဆောင်ချိန် အရေပြားယားယံမှု ဖြစ်ရသော အကြောင်းရင်းများ
-ကြီးထွားလာတဲ့ သန္ဓေသားကြောင့် ဝမ်းဗိုက်အရေပြားဟာ တဖြည်းဖြည်း ဆွဲဆန့်လာပါတယ်။ အလားတူ မိခင်နို့ထွက်ရှိဖို့ ပြင်ဆင်နေတဲ့ ရင်သားတစ်ဝိုက် အရေပြားကလည်း ကြီးလာပါတယ်။ ဒီအချက်တွေက အရေပြား ယားယံစေတဲ့ အဓိက အချက်တွေပါ။
-ကိုယ်ဝန်ဆောင်ချိန်အတွင်း ခန္ဓာကိုယ်မှာ အပြောင်းအလဲမျိုးစုံ ဖြစ်လာပါတယ်။ အီစထရိုဂျင် ဟော်မုန်းထွက်ရှိမှုကလည်း အပြောင်းအလဲ ဖြစ်လာတဲ့အတွက် လက်ဖဝါး၊ ခြေဖဝါးတွေ ယားယံလာတတ်ပါတယ်။ ဒီယားယံမှုက ယာယီပဲဖြစ်ပြီး ကလေးမွေးပြီးချိန်မှာ သက်သာသွားလေ့ ရှိပါတယ်။
-တချို့ အမျိုးသမီးတွေက ကိုယ်ဝန်ဆောင်ချိန်အတွင်း ချွေးအလွန်ထွက်ပါတယ်။ အဲဒီအခါ ဝမ်းဗိုက်မှာ အနီပြင်တွေ ဖြစ်လာလေ့ရှိပြီး ယားယံတတ်ပါတယ်။ ဒီအခြေအနေမှာ ဆရာဝန်နဲ့ ပြသင့်ပါတယ်။
-ကိုယ်ဝန် တတိယ သုံးလပတ်အတွင်းမှာ ကိုယ်ဝန်ဆောင် အမျိုးသမီး ၁၅၀ အနက် တစ်ဦးမှာ ဝမ်းဗိုက်၊ ပေါင်၊ တင်ပါးနဲ့ လက်မောင်းတွေမှာ ယားယံတဲ့ အနီကွက်ကြီးတွေ ပေါ်လာတတ်ပါတယ်။ ဒါက ဘာအန္တရာယ်မှ မရှိပေမယ့် အလွန် ယားယံတတ်ပါတယ်။ သားဦး ကိုယ်ဝန်ဆောင်သူ ဒါမှမဟုတ် အမြွှာ ကိုယ်ဝန်ဆောင်သူတွေမှာ အဖြစ်များပါတယ်။
-ကိုယ်ဝန်ဆောင်ချိန် ဝမ်းဗိုက်တစ်ဝိုက်မှာ ရေယုန်လို အရည်ကြည်ဖုတွေ ဖြစ်ပေါ်ကာ ယားယံတတ်ပါတယ်။ ဒါဟာ ခန္ဓာကိုယ်ရဲ့ တခြားအစိတ်အပိုင်းတွေအထိ ပျံ့နှံ့တတ်ပြီး ကိုယ်ဝန်ဆောင်ချိန်မှာပဲ ယာယီ ဖြစ်တတ်တာပါ။
-ကိုယ်ဝန်ဆောင်ချိန်မှာ အသည်းရောဂါ တချို့ကြောင့်လည်း လက်နဲ့ခြေတွေ ယားယံရတတ်ပါတယ်။ တကယ်လို့ ယားယံတာက အသားဝါတာ၊ ပျို့ချင် အန်ချင်ဖြစ်တာနဲ့ ပျို့အန်တာတို့နဲ့ တွဲဖြစ်ရင် ဆရာဝန်နဲ့ ပြဖို့ လိုအပ်ပါတယ်။
ကိုယ်ဝန်ဆောင်ချိန် ယားယံမှု သက်သာစေရန် အိမ်တွင်းကုထုံးများ
-ကိုယ်ဝန်ဆောင်ချိန်မှာ အရေပြားယားယံမှု သက်သာစေဖို့ ကြက်သီးနွေးရေကို ကြာကြာ မချိုးသင့်ပါဘူး။ ကြက်သီးနွေးရေနဲ့ ကြာကြာ ချိုးတာက အရေပြား ခြောက်သွေ့ပြီး ယားယံတတ်ပါတယ်။ ဒါကြောင့် ယားယံနေတဲ့ အရေပြားကို ကုသဖို့ရာအတွက် ဂျုံမှုန့်အကြမ်း ထည့်ထားတဲ့ ကြက်သီးနွေးရေ ချိုးပေးပါ။
-ရေချိုးတဲ့အခါ တိုက်တဲ့ ဆပ်ပြာသုံးရာမှာ အယ်လ်ကိုဟောပါတဲ့ ဆပ်ပြာကို မသုံးပါနဲ့။ နူးညံ့ပြီး အမွှေးနံ့ မပါတဲ့ အစိုဓာတ်ထိန်း ဆပ်ပြာကို ရွေးသုံးပေးပါ။ အနံ့မွှေးလွန်းတဲ့ ဆပ်ပြာတိုက်ရင် ယားယံမှုကို ပိုဆိုးစေပါတယ်။
-ကိုယ်ဝန်ဆောင်ချိန်အတွင်း ပေါ့ပါးတဲ့ ချည်သားဝတ်စုံကို ဝတ်ပေးပါ။ တင်းကျပ်တဲ့ အဝတ်အစားတွေကို အရေပြားကို ပွတ်တိုက်မှု ဖြစ်စေပြီး ယားယံမှုကို ပိုဆိုးစေတာကြောင့် ရှောင်သင့်ပါတယ်။
-အရေပြား ခြောက်သွေ့မှုကြောင့် ယားယံမှုကို ပိုဆိုးစေနိုင်ပါတယ်။ ဒါကြောင့် အရေပြားကို အမြဲတမ်း စိုပြည်နေအောင် အစိုဓာတ် ထိန်းပေးသင့်ပါတယ်။ အထူးသဖြင့် ရှားစောင်းလက်ပပ် ဒါမှမဟုတ် ယားတဲ့နေရာကို Cocoa Butter ပါဝင်တဲ့ ခရမ် လိမ်းပေးပါ။
-အရေပြား ယားယံမှု သက်သာစေဖို့ အရေပြားကို ခပ်ကြမ်းကြမ်း မပွတ်ပါနဲ့။ ယားတဲ့အခါ အယားသက်သာအောင် ကလမင်းလိုးရှင်း (Calamine Lotion) လိမ်းပေးပါ။
http://www.facebook.com/MyawadyNews?ref=stream
No comments:
Post a Comment