မျက်လုံးများ ရီဝေနေသော လူတစ်ယောက်က ခပ်ညည်းညည်းဆိုသည် ..
“ ငါတော့ ဒုက္ခရောက်နေပီကွာ၊ မနက်က ပိုက်ဆံမရှိတာနဲ့ အိမ်ကမိန်းမကို အရက်နဲ့လဲလိုက်မိတယ် ”
“ ဘာလဲ - အခု မင်းမိန်းမကို သတိရနေပြီပေါ့လေ..လုပ်တုန်းကလုပ်ပီး နောင်တရမနေပါနဲ့ကွာ ”
“ နောင်တရလို့မဟုတ်ပါဘူးကွာ..အခုငါအရက်ထပ်သောက်ချင်နေတာ..မနက်တုန်းက လဲလိုက်တာ စောများ စောသွားသလားလို့ ”
မထူးပါဘူး
တက္ကသိုလ်တွင် တစ်ခန်းတည်း အတူနေခဲ့ကြသူ သူငယ်ချင်းနှစ်ဦး ၁၀ နှစ်ကြာခန့်ကွဲကွာနေပြီးမှ ပြန်လည် ဆုံတွေ့ကြရာ...
မောင်မောင် “ တကယ့်ကိုကြာသွားတာပဲ..ဘယ်လိုလဲ ကျောင်းတုန်းက မင်းနဲ့တွဲနေတဲ့ကောင်မလေးနဲ့ လက်ထပ်ဖြစ်သလား..ဒါမှမဟုတ် ကိုယ်တိုင်ဘဲ ထမင်းဟင်းချက်၊ အိမ်သန့်ရှင်းရေးတွေ လုပ်နေတုန်းဘဲလား..”
အောင်အောင် “ အေးကွာ နှစ်ခုလုံးဘဲ..ကောင်မလေးနဲ့လည်း လက်ထပ်ဖြစ်ပါရဲ့..ထမင်းဟင်းချက်၊ အိမ်သန့်ရှင်းရေးတွေလည်း လုပ်နေရပါရဲ့ကွာ”
တော်သေးတာပေါ့
ဇိုးသမားတစ်ယောက် ဆေးစစ်ခံရန် ဆရာဝန်ထ့ရောက်လာသည်..ဆရာဝန်က သေသေချာချာ စစ်ဆေးပြီးနောက် ..
“ ရှင်းပါတယ်ဗျာ ခင်ဗျားဒီလောက်ထိ ပိန်ချုံးနေတာ အရက်ကြောင့်ပေါ့ဗျာ ”
“ တော်သေးတာပေါ့ဗျာ..မိန်းမက ကျွန်တော့်ကြောင့်ချည်း ပြောပြောနေတာ ဆရာရဲ့ .. ”
ပြန်ထားပေးမလို့
မောင်ထွန်းလင်းတစ်ယောက် မှည့်ဝင်းလျက်ရှိသော သရက်ပင်ကြီးပေါ်သို့ တက်လျက်တန်းလန်း ခြံပိုင်ရှင် ဦးကြီးက တွေ့သွားလေသည်..
ခြံပိုင်ရှင် .. “ဟေ့..ဟေ့ အပင်ပေါ်ဘာတက်လုပ်နေတာလဲ၊ စားချင်ရင်လည်း တောင်းပြုစားမှပေါ့ကွဲ့..”
မောင်ထွန်းလင်း..“ ဦးရဲ့ သရက်သီးတစ်လုံး ပြုတ်ကျနေတာတွေ့လို့ ပြန်ထားပေးမလို့ပါခင်ဗျာ့..”
ခုထိ မသိကြသေးဘူးလား
သင်္ချာအိမ်စာတွက်နေသော သားငယ်ဖြစ်သူက တစ်နေရာအရောက်တွင် စိတ်ရှုပ်သွားဟန်ဖြင့် ဖခင်ကို အားကိုးတကြီး လှမ်း၍အကူညီတောင်းလေသည်..
“ ဖေဖေ - ဘုံဆခွဲကိန်းအငယ်ဆုံးဆိုတာ ဘာလဲဟင်၊ ဆရာက အိမ်စာပေးလိုက်လို့ ”
“ ဟေ - သူတို့ ခုထိ မသိကြသေးဘူးလား .. ဖေဖေ ကျောင်းနေတုန်းကလည်း သူတို့ ဒါကိုဘဲ တောက်လျှောက် မေးနေကြတာကွ ”
Post - မြ၀တီ
No comments:
Post a Comment