ပရိတ် နှင့် ပရိတ်ရွတ်ဖတ်ခြင်း သဘောတရားများ

ပရိတ် ဟူသည် ပရိတ္တဟူသည့် ပါဋ္ဌိမှဆင်းသက်လာခြင်းဖြစ်သည်။ အကာအကွယ်၊ အရံအတားဟု
ဆိုလိုကြောင်း သိထားကြပါတယ်။ ဘုရားရှင် ဟောကြားခဲ့သော သုတ်တော် ဒေသနာတော်များထဲမှာ ဆရာတော်များက ထုတ်နှုတ်ရွတ်ဖတ်ပူဇော်စေတာဖြစ်ပါတယ်။

ပရိတ်ကြီး(၁၁)သုတ်ကိုစီစစ်လျှင်
ပရိတ်ကြီး(၁၁)သုတ်၏ အရင်းအမြစ်ကို စီစစ်ရင် အောက်ပါအတိုင်း တွေ့ရပါမယ်။
၁။ မင်္ဂလသုတ် - ခုဒ္ဒကနိကာယ်၊ ခုဒ္ဒကပါဌပါဠိတော် နှင့် သုတ္တ နိပါတ်ပါဠိတော်။
၂။ ရတနာသုတ် - ခုဒ္ဒကနိကာယ်၊ ခုဒ္ဒကပါဌပါဠိတော် နှင့် သုတ္တ နိပါတ်ပါဠိတော်။
၃။ မေတ္တသုတ် - ခုဒ္ဒကနိကာယ်၊ ခုဒ္ဒကပါဌပါဠိတော် နှင့် သုတ္တ နိပါတ်ပါဠိတော်။
၎။ ခန္ဓသုတ် - ဝိနယပိဋက စူဋ္ဌဝဂ္ဂပါဠိ၊ အင်္ဂုတ္တရ နိကာယ၊ တိကနိပါတ ပါဠိ၊ တိကနိပတ်။
၅။ မောရသုတ် - ခုဒ္ဒက နိကာယ၊ ဇာတက ပဠိ၊ ဧကက နိပါတ်။
၆။ ဝဋ္ဋသုတ် - ခုဒ္ဒကနိကာယ၊ စရိယာပိဋက ပါဠိ၊ ဇာတကပါဠိ၊ ဧကက နိပါတ်။
၇။ ဓဇဂ္ဂသုတ် - သံယုတ္တနိကာယ၊ သတ္တ သံယုတ်။
၈။ အာဋာနာဋိယသုတ် - ဒီဃနိကာယ၊ ပါထိ ကဝဂ္ဂ ပါဠိ။
၉။ အင်္ဂုလိမာလသုတ် - မဇ္ဈှမနိကာယ၊ မဇ္စျိမ မဏ္ဏာသ ပါဠိ။
၁၀။ ဗောဇ္ဈင်္ဂသုတ် - သံယုတ္တနိကာယ၊ ဗောဇ္ဈင်္ဂသံယုတ်။
၁၁။ ပုဗ္ဗာဏှသုတ် - အင်္ဂုတ္တရနိကာယ၊ တိကနိပါတ် ပါဠိ တို့၌ အသီးသီး ပါဝင်နေကြောင်း တွေ့ရှိရပေသည်။
ဒါဆိုရင်တော့ ပရိတ်တော်တွေကို မူရင်းပိဋကတ်တော်တွေမှာ တိုက်ရိုက်လေ့လာလို့ရပါပြီ။
ပရိတ်ဟာ ဓမ္မလည်း ဖြစ်ရမယ် ။ အကာအကွယ်လည်းဖြစ်ရမယ်။လောကီ ၊လောကုတ်ကိုလည်း အကျိုးပြုရမယ်… လို့ဆိုပါတယ်။ ပရိတ်ရွတ်ဖတ် ပူဇော်ခြင်းရဲ့ အကျိုးကျေးဇူးကို အာဋာနာဋိယသုတ် တော်ရဲ့ အဆုံးနားမှာ အချုပ်အားဖြင့် တွေ့ပါမယ်။

မြန်မာဆရာတော်တွေကတော့ နတ်တွေစောင့်ရှောက်မယ်၊အနာရောပါကင်း ၊အဆင်းလှ၊ စိုးရိမ်မှုကင်း၊ ဘေးရန်ကင်း၊ အသက်ရှည်ခြင်းတွေ ဖြစ်မယ်လို့ ဆိုပါတယ်။သီဟိုရ်ကဆရာတော်တွေကတော့
အာဋာနာဋိယသုတ် တော်ရဲ့ အဆုံးနားမှာ နည်းနည်းမူခွဲပြီး ရွတ်ဆိုတယ် လို့ သိရပါတယ် ။
ဒါတွေကတော့ ပရိတ်စာအုပ်တွေမှာပါနေကျ သတိပြုစရာတွေပါ ။

ပရိတ်ရွတ်သူအင်္ဂါ(၃)ပါး
၁။ ပုဒ်၊ ပါဌ်၊ အက္ခရာ ပီသမှန်ကန်အောင်ရွတ်ဆိုခြင်း။
၂။ အနက်အဓိပ္ပာယ်ကိုသိရှိနားလည်ခြင်း။
၃။ ပရိတ်နာသူတို့ အပေါ်၌ သနားကရုဏာရှိခြင်း။

ပရိတ်နာသူအင်္ဂါ(၃)ပါး
၁။ ပဉ္စနန္တရိယ ကံကြီးငါးပါးမှ လွတ်ကင်းခြင်း။
၂။ ကံ၊ ကံ၏ အကျိုးကို ပစ်ပယ်သော (နိယတ) မိစ္ဆာဒီဋ္ဌိ အယူမရှိခြင်း။
၃။ ပရိတ်တော်ကို ယုံကြည်ခြင်း။

ပရိတ်ဒေသနာတော်များကို ရွတ်ဖတ်ကြမည့် ပုဂ္ဂိုလ်များသည် အောက်ပါတို့ကို လိုက်နာ ဆောင်ရွက်သင့်
ပါတယ်။
၁။ ခန္ဓာကိုယ်ကို သန့်ရှင်းစင်ကြယ်စွာ ရေချိုးခြင်း။
၂။ လျှော်ဖွတ်ပြီး သန့်ရှင်းသော အဝတ်ကို ဝတ်ဆင်ခြင်း။
၃။ သင့်တင့်မျှတရုံသာ စားသောက်ထားခြင်း။
၎။ ပတ်ဝန်းကျင်ဆူညံမှုမဖြစ်ရန် စီမံထားခြင်းပြု၍ အာရုံပြုသင့်ပါတယ်။
ထို့အပြင် ပါဠိတော်များကို ပီသအောင် ရွတ်ဆို၍ ဋ္ဌာန်ကရိုဏ်းကျစေခြင်း၊ ယုံကြည်မှုရှိခြင်း၊ အနက်အဓိပ္ပါယ်ကို နားလည်ခြင်း၊ ပရိတ်နာသူတို့ အပေါ်ဝယ် မေတ္တာဂရုဏာတရားထား၍ လာဘ်လာဘကို မမျှော်ကိုးခြင်းစသည့်တို့ဖြင့်လည်း ပြည့်စုံရမယ် ဆိုပါတယ်။

ပရိတ်နာသူတို့၌ ရှိရမည့် အင်္ဂါရပ်သုံးပါးမှာ -
၁။ လေးစားကြည်ညိုစွာ နာကြားခြင်း။
၂။ အယူမှားသော မိစ္ဆာဒိဋ္ဌိ ဝါဒတို့မှ ကင်းလွတ်ခြင်း။
၃။ စူးစိုက်ယုံကြည် စွဲမြဲစွာ မှတ်သားခြင်း။
ထိုအင်္ဂါရပ်များနှင့် ပြည့်စုံမှသာ ပရိတ်တော် ဒေသနာ နာရကျိုးအပြည့်အဝ ရရှိနိုင်ပါမယ်။
ဒီတော့ ပရိတ်တော်တွေရဲ့ လိုရင်း ရည်ရွယ်ချက်နဲ့ ဖြစ်စဉ်ကို အရင်လေ့လာကြရအောင် ။ ပြီးမှ အချို့
ဆွေးနွေးလို့ကောင်းတဲ့ သုတ်တော်တစ်ခုခြင်းကို အကျယ်ပြောကြတာပေါ့ ။

( ပရိတ်တွေ ဖြစ်ပေါ်လာပုံ ၀တ္ထုတွေကတော့ တော်တော်များများသိပြီးသား ဖြစ်ပါလိမ့်မယ်။ အားလုံးကို
အကျယ်မရေးချင်တော့ပါ။ ပရိတ်ကြီး (၁၁)သုတ် စာအုပ်တွေမှာ ပါပါတယ်။ အချို့သုတ်တွေမှာတော့
ဗဟုသုတရစရာလေးတွေ ပါနေလို့ ဖြစ်စဉ်ကိုပါ ပြန်ရေးပါမယ် )

၁။ မင်္ဂလသုတ် -
အ - မင်္ဂလာတွေ ၊ဒု - မင်္ဂလာ တွေကို ဘ၀မှာ မဖြစ်စေဖို့ သု-မင်္ဂလာတွေပဲ ဖြစ်စေဖို့
မင်္ဂလသုတ်ကိုရွတ်ကြရတယ် လို့ဆိုပါတယ်။ မင်္ဂလသုတ် ဟာ ဘ၀နေနည်းပါပဲ ။ ကျွန်တော်သဘောကတော့ရွတ်ဆိုခြင်းဟာ ဘုရားရှင် ရဲ့ နှုတ်တော်က ထွက်လာတဲ့ ဓမ္မခန္မာတွေကို ပူဇော်တာဖြစ်လို့ ကုသိုလ်ရတာကိုလက်ခံပါတယ်။ ဒါပေမယ့် မင်္ဂလသုတ်ကိုရွတ်ဆိုခြင်းထက် လက်တွေ့လုပ်ဆောင်ခြင်းကို ပိုပြီးသဘောကျပါတယ်။အသေ၀နာစ ဗာလာနံ လို့ရွတ်နေပြီး ၊ ရာဇ၀တ်သားကို ပုခုံးဖက်ပေါင်းသင်းနေရင် သု-မင်္ဂလာထက် အ -
မင်္ဂလာပဲဖြစ်ဖို့ သေချာပါတယ်။ ရွတ်ဆိုခြင်းက အကျိုးနည်းသွားပါမယ်။ကျင့်ကြံနေထိုင်ခြင်း အရေးကြီးပါမယ်။ဘုရားရှင်ဟောတော်မူခဲ့တဲ့ သုတ်တော်တွေမှာ ဦးတည်ချက် တစ်ခုကို အကျဉ်း၊ အကျယ် စသည်ချဉ်းကပ် ဟောပြောတာမျိုးများပါတယ်။ မင်္ဂလသုတ်ကတော့ အကြောင်းအရာများပြီး လောကီ နေနည်းမှသည် နိဗ္ဗာန်အထိ အကြောင်းအရာ စုံလှပါတယ်။ ပိဋကတ်(၃)ပုံ၏ အနှစ်ချုပ် လို့လည်း ဆိုကြပါတယ်။ လူမိုက်နဲ့ပေါင်းမိတာနဲ့ ပညာရှိကို ချဉ်းကပ်မှီဝဲခြင်း၊ ပူဇော်ထိုက်သူကို ပူုဇော်ခြင်း စတဲ့ နောက်ဆက်တွဲ အချက်တွေ ပါပျက်ဆီးသွားပြီး ၊ နောက်ဆုံး နိဗ္ဗာန် ၊ မဂ်၊ဖိုလ်တွေ နဲ့ပါ ဝေးသွားတဲ့ အကြောင်းကို အစီအစဉ်ကျကျ ဟောပြောထားကြောင်း တွေ့ရပါမယ်။
မင်္ဂလသုတ်ဟာ အကျယ်ရေးလို့ ၊ဆွေးနွေးလို့ သိပ်ကောင်းပါတယ်။

၂။ ရတနသုတ် -
ဝေသာလီမှာ ငတ်မွတ်ဆင်းရဲပြီး လူတွေသေကြတယ် ။ဒီတော့ သေသူတွေရဲ့ အပုပ်နံ့တွေကြောင့်
ဘီလူးတွေ၊သူရဲ သဘက်တွေ မြို့ထဲ ၀င်လာပြီး စားကြသောက်ကြနဲ့လူတွေမှာ ဒုက္ခရောက်ရပြန်တယ်။ ဒါကြောင့်ဘုရားရှင်က ညီတော်အာနန္ဒာကို ရတနာသုတ် သင်ပေးပြီး ရွတ်စေပါတယ်။ ပရိတ်ရေ ဖြန်းစေပါတယ်။ဘုရားရှင်ရဲ့ဗျာဒိတ်ခံ ပါရမီဖြည့်ခဲ့ရသော ဖြစ်စဉ်များကို အောက်မေ့ ဆင်ခြင်ပြီးမှ ဘုရားဂုဏ်တော် ၊တရား ဂုဏ်တော် ၊သံဃာဂုဏ်တော် တွေကို ရွတ်ဆိုခြင်းသာဖြစ်ပါတယ်။ စကြာဝဠာ ကမ္ဘာတစ်သိန်းအထိ ဘုရားရှင်ရဲ့ အာဏာတော် ထိရောက်
ဖော်ကျူးတယ်လို့လည်း ဆိုပါတယ်။ရတနသုတ်ဟာလည်း အကျယ်ရေးလို့ ၊ဆွေးနွေးလို့ သိပ်ကောင်းပါတယ်။

၃။ မေတ္တသုတ် -
ရွတ်ဆိုခြင်းထက် လက်တွေ့လုပ်ဆောင်ခြင်းကို ပိုပြီးဦးစားပေးတဲ့ သုတ်တော်လို့ထင်ပါတယ်။ဒါပေမယ့် ဒီသုတ်တော်ကို ရွတ်ဆိုခြင်းကလဲ အကျိုးရှိကြောင်း ဘုရားရှင်က Recommend ပေးထားပါတယ်။
မေတ္တသုတ်ကို အသေးစိတ်လေ့လာရင် အရံအတားအဖြစ် ရွတ်ဆိုခြင်းထက် ၊ မေတ္တာဘာဝနာကို ပွားများဖို့
ကျင့်စဉ်ဖြစ်နေပါတယ်။လိုအပ်တဲ့ အချက် (၁၅)ချက်နဲ့ တကွ လိုက်နာကျင့်ကြံစရာတွေကို
တိတိကျကျလမ်းညွှန်ထားတဲ့ သုတ်တော်ဖြစ်နေပါတယ်။ ရွတ်ဆိုအော်ဟစ်နေုခြင်းထက် ၊ မေတ္တာဘာဝနာကို
ပွားများပြီး မေတ္တာပို့နေခြင်းဟာ လိုရင်းဖြစ်ပါတယ။်အကျယ်ရေးလို့ ၊ဆွေးနွေးလို့ သိပ်ကောင်းတဲ့ သုတ်တော်ပါပဲ။
စာအုပ်တွေ ၊ဆရာတော်တွေ ဟောပြောတာတွေ အများကြီးကို ရှိပါတယ်။

၎။ ခန္ဓသုတ် -
မြွေနဲ့ အခြား အဆိပ်ရှိသတ္တ၀ါတွေကို သီးသန့် မိတ်ဆွေဖွဲ့ ၊မေတ္တာပို့ တဲ့ သုတ်တော်ဖြစ်ပါတယ်။

၅။ မောရသုတ်
လူတွေရဲ့ အန္တရာယ်ကို ကြောက်တဲပ ဥဒေါင်းမင်း ဟာ နေထွက်လာရင် ရှိခိုးခြင်းကြောင့် အန္တရာယ်မှ
ကင်းလွတ်တဲ့ သုတ်တော်ဖြစ်ပါတယ်။ ဒီနေရာမှာ သက်မဲ့ နေမင်းကို ရှိခိုးတာ မဟုတ်ဘဲ ၊ နေမင်းကို တိုင်တည်ပြီး
လောကကို ဥာဏ်အလင်းပေးတဲ့ ဘုရားရှင်တွေကို ရှိခိုးတာဖြစ်ပါတယ်။

၆။ ဝဋ္ဋသုတ်
မဖောက်မပြန်မှန်ကန် တဲ့ သစ္စာတရားကို ဖော်ကျူးတဲ့ သုတ်တော် ဖြစ်ပါတယ်။

၇။ ဓဇဂ္ဂသုတ်
ကြောက်စိတ်ပေါ်နေတဲ့ အခါ ဘုရားဂုဏ်တော် ၊တရား ဂုဏ်တော် ၊သံဃာ ဂုဏ်တော် တွေကို အမှတ်ထား
ရွတ်ဆို ပူဇော်ခြင်းဖြစ်ပါတယ်။ အရံအတား လဲ ဖြစ်၊ ကုသိုလ်လည်း ရစေတဲ့ သုတ်တော် ဖြစ်ပါတယ်။

၈။ အာဋာနာဋိယသုတ်
မကောင်းသော နတ်ဆိုးများ၏ရန်မှ ရှောင်ရှားရန် ၄င်း ၊ နတ်ကောင်းနတ်မြတ်တို့ စောင့်ရှောက်ရန်၎င်း
ဘုရားရှိခိုးခြင်း ကိုဖော်ကျူးသော သုတ်တော်ဖြစ်ပါတယ်။

၉။ အင်္ဂုလိမာလသုတ်
အရိယာ ရဟန်းတစ်ပါးရဲ့ သစ္စာတရားကို ဖော်ကျူးတဲ့ သုတ်တော် ဖြစ်ပါတယ်။

၁၀။ ဗောဇ္ဈင်္ဂသုတ်
သတိ၊ပညာ၊၀ီရိယ၊ ပီတိ ၊ ပဿဒ္မိ ၊သမာဓိ ၊ ဥပေက္ခာ စသော ဗောဇ္ဈင် တရား (၇)ပါး ကို
တိုင်တည်ရွတ်ဆိုသော သစ္စာတရားကို ဖော်ကျူးတဲ့ သုတ်တော် ဖြစ်ပါတယ်။

၁၁။ ပုဗ္ဗာဏှသုတ်
ကိုယ်၊နှုတ်၊စိတ် (၃)ပါးကို ကောင်းမွန်မြင့်မြတ်အောင် ကြိုးစားနေထိုင်လျှင် အချိန်တိုင်းဟာ ကောင်းသော
နက္ခတ် ၊ကောင်းသော နိမိတ်များသာ ဖြစ်နေမည့် အကြောင်း ရတနာ (၃)ပါးကို အခြေခံ တိုင်တည် သစ္စာတရားကို
ဖော်ကျူးတဲ့ သုတ်တော် ဖြစ်ပါတယ်။

ဒါဆိုရင် -
ပရိတ်ကြီး (၁၁) သုတ်ကို ပြန် သုံးသပ်တဲ့ အခါ
(၁) မင်္ဂလာ ကျင့်စဉ် (မှန်ကန်သော ဘ၀ နေနည်း)
(၂) ရတနာ့ ဂုဏ်တော် များ
(၃) ဘုရားရှိခိုး
(၄) မေတ္တာ
(၅) သစ္စာ တွေပဲ ဖြစ်နေကြောင်း တွေ့ရပါတယ်။
ဒီတော့ ရွတ်ဆိုဖို့ထက် ကျင့်ကြံ ဖို့ကို ဦးစားပေးတဲ့ သုတ်တော်တွေကို ကျင့်ကြံဖို့နဲ့ ၊ ရွတ်ဆို ခြင်းဖြင့်
ကုသိုလ်ရမယ့် သုတ်တော်တွေကို အမှားနည်းအောင် ပီပီပြင်ပြင် ရွတ်ဆိုရင်း အရံအတား ဖြစ်စေကြောင်း ရှေးဦးစွာ
သတိပြုမိပါတယ်။
——————–—————–—————–—————–—————–————–

နောက်တစ်ခုကတော့ - ထေရ၀ါဒ ဗုဒ္မဘာသာဆိုတာ any time , any where, any person ဘယ်သူက
ဘယ်အချိန်မှာပဲ ကျင့်ကျင့် အကျိုးထူးစေမယ့် သစ္စာဓမ္မတွေ ဖြစ်ပါတယ်။ ဥပမာ - ဘုရားဂုဏ်တော် တွေက်ို အရဟံ ၊
သမ္မာသမ္ဗုဒေါ ၊၀ိဇ္ဖာစရဏ သမ္ပန္နော…………….လို့ လက်ရှိအစဉ်အတိုင်း မရွတ်ဆိုဘဲ ၊ ကိုယ်ကြိုက်သလို ဘဂ၀ါ ၊
လောက၀ိဒူ ၊ အရဟံ စသည် ရွတ်ဆို နှလုံးသွင်းရင်လည်း ဂုဏ်တော်ပွားများမှု အနုဿတိ ရဲ့ စွမ်းအားတွေ
မလျော့ပါဘူး။

တနင်္လာသားမို့ အရဟံ ဂုဏ်တော်ကို တနင်္လာဂြိုလ်သက် အတိုင်း ရှစ်ကြိမ်ရွတ်ရမယ်။ (၀ါ) ပုတီး
(၈) ပတ်ပဲ စိပ်ရမယ် ၊ (၀ါ) တနင်္လာနေ့မှာဘဲ ရွတ်ရမယ် ဆိုတာမျိုးတွေ သတ်မှတ်လိုက်ရင်တော့ ထေရ၀ါဒ
ဗုဒ္မဘာသာ မဟုတ်တော့ပါဘူး။ ဓမ္မစေတီ ဦးကောသလ္လ စကားနဲ့ ပြောရရင်တော့ ” This is no Theravada ” ပါပဲ ။
ကြီး(၉)ကြီးကို အချိန်နဲ့ မီအောင် ပင်ပင်ပန်းပန်း လိုက် ကန်တော့ရတဲ့ အဓိဋ္ဌာန်တွေ ၊ သာမညကို ဘယ်နှခေါက်
သွားရင် ထူးခြားမယ်ဆိုတာတွေ ဟာ ထေရ၀ါဒကနေ တည့်တည့်ကြီးကို သွေဖည်နေကြပါတယ်။
ဘုရားဟော တရားတော်တွေကို ဥုံ ၊ သြောင်း ဘာ၊ညာတွေ ထည့်ပြီး မရွတ်ဆို ဖို့လည်း
အရေးကြီးပါတယ်။ ဒါတွေ ထည့်လိုက်တာနဲ့ ထေရ၀ါဒမဟုတ်တော့ဘူး ဆိုတာ သတိရသင့်ပါတယ်။
ဒီလိုပါပဲ …. ပရိတ်တော်တွေကိုလည်း ဘယ်နေ့မှာ ဘာရွတ်ရမယ်လို့ ၀တ်ရွတ်အသင်းများ
အချိန်အစဉ်ပြေအောင် စီမံရလျှင် ပြဿနာမဟုတ်သော်လည်း ၊ ထိုနေ့တွင် ရွတ်ဖတ်မှ အကျိုးကျေးဇူးပိုရမည်
ဆိုတာမျိုး တွေးခေါ်စီမံလိုက်လျှင် ” This is no Theravada ” ပါပဲ ။ … ဗုဒ္ဓ၏ဒေသနာတော်များသည်
ဘယ်နေ့ဘယ်အချိန်ရွတ်ရွတ် ရွတ်ဖတ်ကောင်းသည်သာဖြစ်ပါသည်။) ဒီစာကြောင်း အရေးကြီးပါတယ်။
ပရိတ်တော် ရွတ်နည်းစာအုပ်တွေမှာ ပါလေ့ပါထရှိတဲ့ သမန္တာ စက္က၀ါဠေသု ….. မှ စပြီး နာနာဥပ ဒ ၀
တောဝါ အာရက္ခံ ဂဏှ န္တု ။ အထိ စကားရပ်များကတော့ ဘုရားဟော ပါဠိတော်များ မဟုတ်ပါ ။ နတ်များကို ပင့်ဖိတ်ခြင်း သာ ဖြစ်ပါတယ်။ ဘုရားရှင် ပွင့်တော်မူစဉ်ကာလမှာ လူတွေထဲက ကျွတ်တမ်းဝင်သူတွေထက် နတ်၊ဗြဟ္မာမှ ကျွတ်တမ်း ၀င်သူ တွေဟာ မရေနိုင်အောင် များပါတယ်။ သူတော်ကောင်းနတ်၊ဗြဟ္မာတွေဟာ ဘုရားရှင်ရဲ့ တရားတော် တွေကို လွန်စွာကြည်ညို လေးစားကြပါတယ်၊ နာယူရန်လည်း အစဉ်မျှော်လင့်နေတတ်ပါတယ်။
ဘုရားရှင် ပရိနိဗ္ဗာန်စံဝင်တာဟာ သူတို့အတွက် ရက်ပိုင်း မျှသာ ( ဥပမာ တာဝတိ’ သာ အတွက် ၂၅ ရက်ကျော်ရုံ ) ရှိသေးလို့ ဘုရားရှင်ရဲ့ အသံတော်တွေ ၊ တရားတော်တွေကို သတိရ တမ်းတနေကြတုန်းရှိပါလိမ့်မယ်။ ဒါကြောင့်မို့ နတ်တွေရဲ့ ကောင်းသော အလိုဆန္ဒကို ဖြည့်ဆည်းရင်း ၊ ကိုယ်ကလည်း သူတို့၏ အစောင့်အရှောက်ကို ရယူနိုင်ရန် လေးလေးစားစား ပင့်ဖိတ်ကြရပါတယ်။

သူတော်ကောင်းနတ်၊ဗြဟ္မာတွေ ရောက်လာရင် သူတို့ထက် ဘုန်း၊ကံနည်းပြီး လူတွေကို ဘေးဥပါဒ်ပေးတတ်တဲ့ နတ်ဆိုးတွေ ၊ သူရဲ ၊သဘက် …စသည် တွေဟာ ပြေးရှောင်ကြရတယ်လို့ ဆိုပါတယ် ။ ဒါကြောင့်လည်း လူသားတွေမှာ အနာရောဂါ၊ဘေးအန္တရာယ်တွေကနေ လွတ်ကင်းကြရပါတယ်။
နတ်ပင့်ရာမှာထိရောက်မှန်ကန်ဖို့လည်း လိုပါတယ်။
(၁) ပင့်ဖိတ်သံကို နတ်များ သတိပြုမိရမယ်၊
(၂) ဘုရားဟော တရားတော်ကို မှန်မှန်ကန်ကန်ရွတ်ဖတ်တာလည်း ဖြစ်ရမယ်၊
(၃) ရွတ်ဖတ်သူကလည်း စည်းစနစ်တကျ ရွတ်ဖတ်တာ ဖြစ်မယ်……..ဆိုရင် သူတော်ကောင်းနတ်၊ဗြဟ္မာတွေတရားနာဖို့ ကြွရောက်ကြမယ်လို့ ယုံကြည်နိုင်ပါတယ်။

http://forverfriends.ning.com/profiles/blog/show?id=2863689%3ABlogPost%3A8093224&xgs=1&xg_source=msg_share_post