♠ တာဝန်သိမှ လူပီသ♠ ထာဝစဉ်မခွဲခြား လူတန်းစား
♠ လူဆိုလျှင်
♠ မုဒိတာပွား ကျင့်ဝတ်များ
♠ ပြုံးပါမနှေး လူမှုဆက်ဆံရေး
♠ အသိနှင့်ယှဉ် သတိနှင့်ပြင်
တာဝန်သိမှ လူပီသ
---------------------
* အစာရေစာငတ်ပြတ်နေသူအား တတ်နိုင်သမျှကျွေးမွေးပါ.။
* အ၀တ်အစားမရှိသူအား အ၀တ်အစားဆင်မြန်းပေးပါ.။
* အရိပ်အာဝါသ မရှိသူအား အရိပ်အာဝါသ ရရှိစေရန် ကူညီပေးပါ.။
* တရားသဖြင့် လာရောက်တောင်းခံသူအား တတ်နိုင်သမျှ ကူညီပါ.။
ထာဝစဉ် မခွဲခြား လူတန်းစား
-------------------------------
လူသားအားလုံးသည် ကမ္ဘ့ာအိမ်ထောင်စုဝင်တွေပါ..
* လူသားအချင်းချင်း အဆင့်အတန်းမခွဲခြားပါနှင့် ၊ ဆင်းရဲချမ်းသာ မခွဲခြားပါနှင့်.။
* အသားအရောင် မခွဲခြားပါနှင့်.။
* လူမျိုးဘာသာကို အခြေခံပြီး ခွဲခြားဆက်ဆံမှု မပြုပါနှင့်.။
ဘာသာတရားတိုင်းသည် လူသားအားလုံးကို ကောင်းရာသို့သာ ညွှန်ပြသည်.။
* အသားဖြူသူကလည်း အသားမဲသူထက် မမြင့်မြတ်ပါ.။
* အသားမဲသူကလည်း အသားဖြူသူထက် မနိမ့်ကျပါ.။
* ကျင့်ဝတ်သိက္ခာစောင့်ထိန်းသူသာ အမြင့်မြတ်ဆုံးလူပါ.။
* မတည်မြဲတဲ့ သင်္ခါရသဘောတရားကို နှလုံးသွင်းကာ စစ်မှန်တဲ့လူအဖြစ်နှင့် လူ့လောကမှ ခွဲခွာခြင်းဟာ အကောင်းဆုံးသော လူသားပါ.။
လူဆိုလျှင်
-----------
* ကိုယ်ချင်းစာတရား ထားတတ်ပါ.။
* လူကိုလူလို မြင်တတ်ပါ.။
* သနားကြင်နာစိတ် မွေးမြူပါ.။
* ယဉ်ကျေးသိမ်မွေ့စွာ ဆက်ဆံပါ.။
* တစ်ပါးသူအား အထင်မသေးပါနှင့်.။
မုဒိတာပွား ကျင့်ဝတ်များ
--------------------------
* လူတိုင်းအပေါ် စေတနာကောင်းထားပါ.။
* ခုနစ်ရက်သားသမီးများနှင့် ဝေနေယျသတ္တ၀ါအပေါင်းတို့အပေါ် မေတ္တာပို့သလျက်ရှိနေပါ.။
* လူတိုင်းအပေါ် အကောင်းမြင်ဝါဒနှင့်မြင်ပါ.၊ အဆိုးမြင်ဝါဒအား ဖျောက်ဖျက်ပါ.။
* လူတိုင်းအတွက် တိုးတက်အောင်မြင်နေမှုကို လိုလားပါ.၊ မနာလိုဝန်တိုမှုကို ရှောင်ရှားပါ.။
* ဘ၀င်မြင့်မှုကို ရှောင်ပြီး ဘ၀မြင့်အောင် ကြိုးစားပါ.။
ပြုံးပါမနှေး လူမှုဆက်ဆံရေး
------------------------------
* လူတိုင်းအား ပြုံးရွှင်စွာ ဆက်ဆံပါ ၊ လူတိုင်းက အသင့်အားပြုံးရွှင်စွာ ဆက်ဆံပါလိမ့်မည်.။
* နေရာတိုင်းမှာ မိမိကိုယ်ကို နှိမ့်ချနေထိုင် ဆက်ဆံမှုပြုပါ.၊ အသင့်အား လူတိုင်းက ချစ်ခင်လေးစားပါလိမ့်မည်.။
* အခွင့်အရေးပေးတတ်သူအဖြစ် သင်ကျင့်ကြံနေထိုင်ပါက လူတိုင်းက အသင့်အား အခွင့်အရေးပေးကာ အလေးထားဆက်ဆံပါလိမ့်မည်.။
* ရွှေဂုဏ် ၊ မျိုးဂုဏ် ၊ ရာထူးဂုဏ်ဖြင့် မောက်မာရင့်သီး ရိုင်းစိုင်းစွာဆက်ဆံပါက အသင့်အား မုန်းကြောက်ရိုသေမှုနဲ့သာ ပြန်လည်ဆက်ဆံပါလိမ့်မည်.။
* ပြုံးရွှင်စွာ ဆက်ဆံခြင်းသည် မင်္ဂလာတစ်ပါးဖြစ်ပြီး ရင့်သီးရိုင်းစိုင်းစွာ ဆက်ဆံခြင်းသည် လူ့ကျင့်ဝတ်ဖြင့် ဆန့်ကျင်ဘက်ဖြစ်သည်.။
အသိနှင့်ယှဉ် သတိနှင့်ပြင်
----------------------------
* တစ်နေ့သေရမည် ဆိုတဲ့ အသိရှိပါလျက် တမလွန်ဘ၀အတွက် ကောင်းမှုကုသိုလ်ပြုရန် သတိမမေ့ပါနဲ့.။
* တစ်နေ့သေရမည် ကိုသိပါလျှက် တဖက်သားအပေါ် မတရားညှဉ်းပန်းနှိပ်စက်မှု မပြုမိရန် သတိရှိပါ.။
* တစ်နေ့သေရမည် ကိုသိပါလျှက် တစ်ပါးသူ၏ဥစ္စာပစ္စည်းကို မတရားရယူခြင်း မပြုမိရန် သတိရှိပါ.။
*တစ်နေ့သေရမည် ကိုသိပါလျှက် မတည်မြဲတဲ့ သင်္ခါရလူ့လောကပြီးကို ခင်မင်တွယ်တာပြီး အပျော်အပါးတွေနဲ့ အချိန်မဖြုန်းမိစေရန် သတိရှိပါ.။
* တစ်နေ့သေရမည် ကိုသိပါလျှက် မိဘ ၊ ဆရာသမား ၊ကျေးဇူးရှင်များအား အစဉ်တစိုက် ဂါဝရတရား ရှေ့ထားဆက်ဆံရန် သတိရှိပါ.။
No comments:
Post a Comment