ရခိုင်မုန့်တီဟုသာ သတ်မှတ်ခေါ်ဆိုထားပေမယ့် ကရင်ပြည်နယ်၊မွန်ပြည်နယ် စသည့် ဒေသတို့တွင်လည်း
မုန့်ဟင်းခါးဟုခေါ်ဆိုလေ့ မရှိပဲ မုန့်တီဟုသာ သတ်မှတ်ခေါ်ဆိုလေ့ရှိသည်။ ထိုဒေသအခေါ်အရတော့
ယနေ့မေချက်မည့် ဟင်းလျာသည် ကရင်တပင်တိုင်မုန့်တီဖြစ်ပါတယ်။
ငါးပိနံ့လေးအနည်းငယ်ကဲ၏။ငါးပိနံ့အား မနှစ်သက်ပါက မိမိဟင်းလျာတွင် လျှော့ချက်နိုင်ပါသည်။
သို့မဟုတ် မျှင်ငါးပိကိုသာ အသုံးပြုနိုင်ပါသည်။ ကရင်ဟင်းခါး အရသာစစ်စစ်ကို သုံးဆောင်ချင်လျှင်တော့
ငပိရည်ကျိုကို မဖြစ်မနေအသုံးပြုရပါလိမ့်မည်။
ကရင်တပင်တိုင်မုန့်တီသည် ဆီ လုံးဝမသုံးသည့် အတွက်ကြောင့် ဆီရှောင်သူများနှင့်လည်း အထူးသင့်လျော်ပါသည်။
ပါဝင်ပစ္စည်းများ
၁။ ငါး တစ်ဆယ်သား
၂။ငါးပိ ရည်ကျို အစိမ်း (မချက်ရသေးသော) စားပွဲတင်ဇွန်း တစ်ဇွန်း
၃။မျှင်ငါးပိ စားပွဲတင်ဇွန်း တစ်ဇွန်း
၎။စပါးလင် ၂ ပင်
၅။ ကြက်သွန်နီ ၂၀သားခန့်
၆။ငရုတ်သီးစိမ်း နို့ဆီဗူးတစ်ဝက်ခန့်(အစပ်ကို မိမိစိတ်ကြိုက်အနေထားသာ သုံးပါ)
၇။ငရုတ်ကောင်း အနည်းငယ်
၈။နံနွင်းမှုန့်အနည်းငယ်
၉။ဆား သင့်တင့်ယုံ
၁၀။ မုန့်ဟင်းခါးခြောက် တစ်ထုပ်(အစိုဖတ် ဝယ်၍မရသောကြောင့်)။
ဒီနေ့ ငှက်ပျောအူတိုင်လေး ဝယ်၍ရသောကြောင့် ငှက်ပျောအူတိုင်လေးကို ပါးပါးလေး လှီးကာ
ဆားအနည်းငယ် ထည့်ထားသော ရေထဲစိတ်၍ အသင့်ပြင်ထားတယ်။
ပြုပြင်ချက်ပြုတ်နည်း
၁။ ပထမဦးစွာမုန့်ဟင်းခါးဖတ်များကို ရေနှင့်ခေတ္တစိတ်ထားပေး၍ ပျော့ပျောင်းလာလျှင် ရေများများနှင့်ပြုတ်ကာ
ရေစစ်ထားပေးပါ။
ထမင်းပေါင်းအိုးထဲမှာ အဖုံးဖွင့်ပြီ ပြုတ်လိုက်တယ်။ အချိန်ကုန်သက်သာအောင်လို့။
၂။ငါးများကို အညစ်အကြေးစင်အောင်ဆေးကာ နနွင်း၊စပါးလင် ၊ မျှင်ငါးပိ၊ငါးငပိ တို့နှင့်အတူ ရေအနည်းငယ်ထည့်၍
မီးဖိုပေါ်တင်ကာ တည်ထားလိုက်ပါ။
ငါးများ ကျက်ကာ ပျော့ပျောင်းနူးညံ့လာလျှင် အိုးပေါ်မှ ဖယ်၍ အရေစစ်ကာ အသားများနွှင်ပေးရပါမည်။
၃။ ငါးအသားနွှင်နေချိန်တွင် စောစောက ကျန်ရစ်ခဲ့သည့်ငါးပြုတ်ရည်ကို ရေထပ်ရောကာကြက်သွန်နီ၊
ငှက်ပျောအူများနှင့်မီးဖိုပေါ် ပြန်လည်တင်ထားကာ ချက်ပြုတ်ထားသည်။စပါးလင်အဟောင်းကို
ပြန်လည်မသုံးချင်လျှင် အသစ်တစ်ချောင်း ကို ထုချေကာ ထပ်ထည့်ထားလိုက်ပါ။
၎။ ငါးများနွှင်ပြီးသောအခါ ငါးအသားများကို ဟင်းရည်အိုးထဲသို့ ထည့်လိုက်ပါ။(ကြော်ရန်မလိုပါ)
၅။ငရုတ်သီးစိမ်း၊ကြက်သွန်ဖြူ၊ငရုတ်ကောင်းတို့ကို ထောင်း၍ အရည်ပွက်ပွက်ဆူနေသော ဟင်းရည်အိုးထဲသို့
ထည့်မွှေလိုက်ပါက ငရုတ်သီးစိမ်းနံ့သင်းသင်းနှင့် မုန့်တီရည်လေးရပါပြီ။
အပေါ့အငန်ကို မိမိစိတ်ကြိုက် ပြင်ဆင်ပြီးလျှင် ကရင်တပင်တိုင်မုန့်တီ(ခေါ်) မုန့်ဟင်းခါးလေး
စားသုံးရန်အသင့်ဖြစ်ပါပြီ။
http://www.mmcfamily.org/profiles/blog/show?id=3003595%3ABlogPost%3A1818245&xgs=1&xg_source=msg_share_post
No comments:
Post a Comment