**** အသက်မဲ့သွားတဲ့ မနက်ဖြန်ညများ ****

ရူးမိုက်ခဲ့ အတိတ်တစ်ခုကြောင့်
ဆူးစိုက်ဝင်နေတဲ့ ရင်ထဲက မြှားတစ်စင်း
ဘယ်အချိန်ထိ နာကျင်နေဦးမှာလဲ ...

ယိုင်နဲ့နဲ့ ငါ့ဘ၀ထဲ
အားကိုးတကြီး မျှော်လင့်မိခဲ့သူလည်း
အခုတော့ .. ခါးသီးမှုတွေနဲ့အတူ အသက်မဲ့သွားခဲ့ပြန်ပြီလေ ...

အသုံးချခံဖို့ ငါ့ဘ၀ကိုပေးလိုက်ပြီးမှ
အသုံးမကျတဲ့ ငါ့ကိုယ်ငါလို့ အပြစ်တင်မိချိန်
သုံးမရရဲ့ မနက်ဖြန်တွေထဲ ငါအသက်ဆက်မရှင်ချင်တော့ဘူး ...

ဘယ်သူ့ကိုမှလည်း ..
မခေါ်ချင်တော့ဘူး .. မပြောချင်တော့ဘူး ..
ဟန်မဆောင်ချင်တော့ဘူး .. မပြုံးပြချင်တော့ဘူး ..

ဘယ်သူမှ မသိ ဘယ်သူမှ မရှိတဲ့နေရာမှာ
တိတ်တဆိတ်နဲ့ ထာဝရ အိပ်စက်လိုက်ချင်တယ် ...
လှုပ်နှိုးမဲ့သူ မလာပါစေနဲ့ ...

အော် ... တကယ်တော့ ငါဟာ
အသက်မဲ့တဲ့ အိပ်မရညတွေနဲ့အတူ
မနက်ဖြန်တွေတိုင်း ရူးသွပ်နေရဦးမယ့် သူပါလား ...

အောင်ကျော်မြင့်(akmyint.kooo@gmail.com)

ကြက်သွန်ဖြူစားပြီး မနံအောင်

(၁) နို့သောက်ပါ
နွားနို့တွင်ပါဝင်သော အဆီ ဓါတ်က ကြက်သွန်ဖြူ၏ ဆာလဖာ ဓါတ်ကို ချေဖျက်ပေးပြီး အနံ့ဆိုးများမှ ကင်းဝေးစေသည်။

(၂) လက်ဖက်စိမ်းရည် (Green tea) သောက်ပါ
လက်ဖက်စိမ်း၏ ပိုလီဖီနောဒြပ် ပေါင်းများက ကြက်သွန်ဖြူ၏အနံ့ကို လျော့နည်းစေသည်။

(၃) မှိုစားပါ
မှိုတွင်လည်း ပိုလီဖီနောဒြပ် ပေါင်းများပါဝင်ပြီး အထူးသဖြင့် ခံတွင်းနံ့ဆိုးခြင်းမှ ကာကွယ်ပေး သည်။

(၄) သစ်သီးစားပါ
ပန်းသီး၊ ဘယ်ရီသီး၊ နာနတ်သီး၊ ကီဝီသီးတို့၏ သဘာဝအင်ဇိုင်းများက ကြက်သွန်ဖြူ၏အနံ့ဆိုးသော ဆာလ ဖာဒြပ်ပေါင်းများအား ချေဖျက် ပေးသည်။

ဇော်ကို - Source:RD

Health Updates Journal - Vol.2, No.23
အေးချမ်းမွန် Copy & Credit To >Health Updates Journal < Thank

ကျန်ရှိနေတဲ့သက်တမ်းမှာ ဓမ္မအသိဖြင့် အကျိုးရှိအောင် ဘယ်လိုနေကြရမှာလဲ ?။

         

ကောင်းကျိုးချမ်းသာ ရဖို့ဆိုတာ အချက် ၄ ချက် လိုပါတယ်။ အဲဒီ အချက် ၄ ချက်နဲ့ကိုယ့်ရဲ့ စိတ်စွမ်းအားတွေကို လေ့ကျင့်ပေးရပါမယ်။

        (၁)။“ငါ့သန္တာန်မှာ ကုသိုလ်စိတ် ဖြစ်စေရပါမယ်”။ ငါ့သန္တာန်မှာ ဒီလူ့ဘ၀ ရလာတဲ့အချိန်မှာ “ ကုသိုလ်
စိတ်” တွေ များများ ဖြစ်စေရပါမယ်။ ကုသိုလ်ဆိုတာ အဆိုးတရားတွေ ဖယ်ရှားပြီး အကောင်းတရားတွေကို
ဖေါ်ဆောင်ပေးနိုင်တဲ့ စွမ်းအားရှိတဲ့ အလောဘ၊ အဒေါသ၊ အမောဟတို့ ရှိရပါမယ်။

         အလောဘဆိုတာ ကိုယ့်ရဲ့ပစ္စည်းကို အများနဲ့ မျှဝေခံစားနိုင်ဖို့ လောကမှာလူဆိုတာ အပေါင်းအသင်း
တွေနဲ့ နေတဲ့အခါကျတော့ ကိုယ်ရဲ့ပစ္စည်းကို ဆုပ်ကိုင်မထားဘဲနဲ့ မျှဝေခံစား သုံးစွဲနိုင်ရပါမယ်။ စွန့်လွတ်နိုင်
တဲ့စိတ်မျိုး အလောဘစိတ်ကို ထားနိုင်ရပါမယ်။ အဒေါသဆိုတာ အများရဲ့အကျိုးကို လိုလားတဲ့ မေတ္တာဖြစ်
ပါတယ်။ အမောဟဆိုတာ ဘာကိုလုပ်သင့်သလဲ၊ ဘာကိုမလုပ်သင့်ဘူးလဲ ဆိုတာကို သိတဲ့ အသိပညာ ဖြစ်
ပါတယ်။

         အဲဒီ သဘာဝတရားတွေဟာ အဆိုးတရားတွေကို ဖယ်ရှားနိုင်တာမို့ ကုသိုလ်လို့ ခေါ်ပါတယ်။ အဲဒီ
ကုသိုလ်တရားတွေ ကိုယ့်ရဲ့သန္တာန်မှာဖြစ်အောင် လုပ်ရပါမယ်။

         (၂)။ “အလေ့အကျင့် လိုအပ်ပါတယ်”။ ကုသိုလ်စိတ် ဖြစ်ဖို့အတွက် “သမုဒါစာရ” အလေ့အကျင့် လို
အပ်ပါတယ်။ ဥပမာ=မနက် အိပ်ရာထရင် မျက်နှာသစ်ပါမယ်၊ ဘုရားရှိခိုးပါမယ်ဆိုတဲ့အလေ့အကျင့် လုပ်
ထားရပါမယ်။ ဘုရားရှိခိုးလို့ပြီးမှ မနက်စာ စားပါမယ်၊ ဘုရားမရှိခိုးဘဲနဲ့  နံနက်စာ မစားဘူးလို့ ဒီလို အလေ့
အကျင့်မျိုး ထားရပါမယ်။ နောက်.. မေတ္တာပို့မယ် ဆိုရင်လည်းကိုယ့်ရဲ့ အိမ်သူအိမ်သားတွေက စပြီးတော့
သတ္တ၀ါတွေ ကျန်းမာကြပါစေဆိုပြီး မေတ္တာပို့လို့ရပါတယ်။ သတ္တ၀ါတိုင်းရဲ့ အားလုံးအပေါ်မှာ မေတ္တာထား
နိုင်ရပါမယ်။

         မေတ္တာဆိုတာ ရင်ထဲ နှလုံးထဲမှာ အမုန်းတရားတွေကို ဖယ်ရှားပြီးတော့  အကျိုးလိုလားတဲ့ စိတ်မျိုး
ကို ခေါ်တာ ဖြစ်ပါတယ်။ ကုသိုလ်စိတ်ဖြစ်အောင် အလေ့အကျင့်ဆိုတာ လေ့ကျင့်ပေးရပါတယ်။

         (၃)။ “ကောင်းတဲ့ဘက်ကို ညွှတ်နေရပါတယ်”။ ကုသိုလ်အတွက်“ပရိဏာမန” အမြဲတမ်း ကိုယ်ရဲ့
စိတ်ကလေးကို ကောင်းတဲ့ဘက်ကိုပဲ ညွှတ်နေအောင် ထားပေးရပါမယ်။ ဆိုကြပါစို့...တစ်ယောက်တည်း
အေးဆေးစွာနေမိရင် ဘာကိုတွေးမိသလဲဆိုတာ ပြန်ဆန်းစစ်ကြည့်ပါ၊ ကိုယ့်စိတ်လေးဟာ ကောင်းတဲ့ဘ
က်ကို ညွှတ်နေရပါမယ်၊ မကောင်းတဲ့ဘက်ကို ညွှတ်နေမိလို့ရှိရင်ကောင်းတဲ့ဘက်ကို သတိထားပြီး ညွှတ်မိ
အောင် ထိန်းသိမ်းလေ့ကျင့် ပေးရပါမယ်၊ ကောင်းတဲ့ဘက်ကို အမြဲတမ်း ဦးလှည့်ပေးရပါမယ်။ ကောင်းကျိုး
ချမ်းသာ လိုလားသူ ဖြစ်ဖို့အတွက် ဦးလှည့်ပေးရပါမယ်။ မေတ္တာပွားဖို့အတွက် ဦးလှည့်ပေးရပါမယ်။ ဒီလို
လေ့ကျင့် ပေးရပါမယ်။

         (၄)။ “နှလုံးသွင်း မှန်ရပါမယ်”။ “အာဘုဇိတ” ခေါ် နှလုံးသွင်းတရား၊ နှလုံးသွင်းဆင်ခြင်မှုက အလွန်
အရေးကြီးပါတယ်။ အဲဒါကို မြတ်စွာဘုရားက ယောနိသောမနသိကာရ လို့ပြောပါ တယ်။ မှန်မှန်ကန်ကန်
စဉ်းစားတာ၊ အသိဉာဏ်နဲ့ စဉ်းစားတာ၊ နှလုံးသွင်းမှု မှန်ကန်တာ၊ လိမ္မာပါးနပ်စွာ စဉ်းစားတာကို ယောနိ
သောမနသိကာရလို့  ခေါ်ပါတယ်။ ဘယ်ကိစ္စပဲ ဖြစ်ဖြစ်  ယောနိသော မနသိကာရ မထားတတ်လို့ရှိရင်
ကုသိုလ်လုပ်နေတာတောင်မှ ကုသိုလ်မရဘဲ ဖြစ်တတ်ပါတယ်။ ဒါကြောင့် စာပေမှာ “ယေကေစိ ကုသလာ
ဓမ္မာ သဗ္ဗေတေ ယောနိသောမနသိကာရ မူလကာ ” လို့ ဆိုပါတယ်။ “ ကုသိုလ် မှန်သမျှတို့သည် ယောနိ
သောမနသိကာရ ပေါ်မှာ အခြေခံကြသည်။” လို့ မြတ်စွာဘုရားက ဟောကြားထားပါတယ်။

         ဒါကြောင့်မို့လို့ ကုသိုလ်တစ်ခု ဖြစ်ဖို့ရာ ဟောဒီအချက် ၄ ချက်နဲ့ ပြည့်စုံရပါမယ်။ မိမိစိတ်ကို အမြဲတမ်း
ကုသိုလ်စိတ် ဖြစ်စေရပါမယ်ဆိုပြီး သန္နိဌာန် ချထားလိုက်ပါ။ စိတ်ကို  ကောင်းတဲ့ဘက် အမြဲတမ်း ဦးညွှတ်
စေရပါမယ်။ ကုသိုလ်စိတ်ဖြစ်အောင် အမြဲတမ်း လေ့ကျင့်ပေးရပါမယ်။ယောနိသောမနသိကာရ ထားနိုင်ရ
ပါမယ်။ ဒီအချက်တွေနဲ့  ပြည့်စုံရင် စိတ်ဟာ အမြဲတမ်း ကုသိုလ်စိတ် ဖြစ်နေပါမယ်။

         ကုသိုလ်တွေ များလာခြင်းအားဖြင့် ကောင်းကျိုးချမ်းသာတွေ ရလာပါမယ်။ ယခုဘ၀မှာလည်း ကောင်း
ကျိုးချမ်းသာကာ နောင်ဘ၀မှာလည်း ကောင်းတဲ့အကျိုးကို ခံစားရပါမယ်။ ဒါကြောင့်  တရားချစ်ခင် သူတော်
စင် အပေါင်းတို့ ယောနိသောမနသိကာရ တရားကိုကျင့်သုံးခြင်းဖြင့် နည်းလမ်းမှန်စွာ ဘ၀မှာ နေထိုင်နိုင်ကြပြီး
ဆင်းရဲဒုက္ခကင်းရာ မြတ်နိဗ္ဗာန်ကိုရရှိ စံစားခံစားနိုင်တဲ့ ပုဂ္ဂိုလ်မြတ်တွေ ဖြစ်ကြပါစေ ကုန်သတည်း။ ။

 { ၁၃၇၀ ခုနှစ်၊ သီတင်းကျွတ်လပြည့်ကျော် ၄ ရက်၊ ရန်ကုန်တိုင်းဒေသကြီး၊ ကြည့်မြင်တိုင်မြို့
   နယ်၊ ကျောင်းကြီးလမ်း၌ ဒေါက်တာအရှင်နန္ဒမာလာဘိဝံသ ဟောကြားသော “ ဓမ္မအသိဖြင့်
   အကျိုးရှိရှိနေမည် ” တရားတော်ကို ကိုးကားရေးသားပါသည်။ }
  ဦးသိန်းဝေ။
 http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

နှာခေါင်းကင်ဆာ ( Nasal cancers )

နှာခေါင်း ကင်ဆာကလည်း သွေးနဲ့ သွေးပြန်ရည် လမ်းကြောင်း တွေကနေ တခြားတခြား သွားတော့တာဘဲ။ Lymph system သွေးပြန်ရည်စနစ်ကနေ ကူးတော့ Lymph nodes တက်စေ့တွေ ကြီးလာစေတယ်။ ဆိုးတာက အဆုပ်၊ အသဲ၊ အရိုးတွေဆီပါ ရောက်လို့ဘဲ။ ဆရာဝန်တွေဆီ ရောက်လာရင် ၈ဝ% လောက်က ပြန့်နေတဲ့အဆင့် ရောက်နေတတ်တယ်။ အမျိုးသားတွေက ၂ ဆ ပိုဖြစ်တယ်။ အသက် ၄၅ နှစ် ကျော်တွေ ပိုဖြစ်တယ်။

Risk Factors and Prevention ဘာ့လိုဖြစ်နိုင်သလဲ၊ ဘယ်လိုကာကွယ်မလဲ။ သုတေသန လုပ်ထားတာတွေထဲက အချက်တိုင်းကြောင့် ဖြစ်ရတာတော့ မဟုတ်ပါ။ အခွင့်အလမ်း များစေတာသာ ဖြစ်ပါတယ်။ ရေးပြတဲ့ အချက်တွေနဲ့ အတော်ကြီး နီးကပ်၊ ထိစပ်နေသူတွေမှာ ကင်ဆာ မဖြစ်တာတွေ အများကြီးရှိပါတယ်။

၁။ ဆေးလိပ်၊ စီးကရက်၊ ဆေးတံ၊ ဆေးငုံ၊ ဆေးရှူ၊

၂။ အရက်၊

၃။ Human papillomavirus (HPV) ဆိုတဲ့ ဗိုင်းရပ်စ်၊ ဒီအကောင်က လိင်ဆက်ဆံရာကနေလည်း ကူးတဲ့ပိုး။

၎။ Specific inhalants အမှုံအမွှား၊ အငွေ့အသက်တွေ၊ သစ်သား၊ အဝတ်အထည်၊ သားရေ၊ Flour dust ဂျုံမှုံ့၊ Nickel dust (နစ်ကယ်လ်)၊ Chromium dust (ခရိုမီယမ်)၊ Mustard gas မုန်ညင်းငွေ့၊ Asbestos မျက်နှာကျက်လုပ်အမှုံ၊ Isopropyl alcohol fumes (အိုင်ဆိုပရိုပိုင်းလ်) အရက်ပြန်၊ Radium fumes (ရေဒီယမ်) ငွေ့၊ Glue fumes ကော်ငွေ့၊ Formaldehyde fumes (ဖေါ်မယ်လ်ဒီဟိုက်) ငွေ့ Solvent fumes used in furniture and shoe production ပရိဘောဂ နှင့် ဖိနပ်လုပ်ငန်း သုံး ဖျော်ဆေးတွေ၊

၅။ Air pollution လေထုညစ်ညမ်းမှု၊

စဖြစ်တော့ အအေးမိ နှာစေးသလိုနဲ့ စတယ်။ ကြာတော့မှ ရောဂါရှိမှန်း သိရလို့ နောက်ကျ နေတတ်တယ်။ နှာခေါင်း ပိတ်တာ၊ မျက်စိထဲမှာ အရာနှစ်ခုမြင်တာ၊ မျက်ရည် ဆက်တိုက် ကျနေတာ၊ သွားတွေ ချောင်လာတာ၊ ခေါင်းကိုက်တာတွေ ဝင်လာတယ်။ အနံ့မရဖြစ်၊ နှာရည်ယို၊ နှာခေါင်းသွေးယို၊ ကိုယ်ပူတာတွေလည်း ရှိနိုင်တယ်။ ပါးစပ်-နှာခေါင်းနဲ့ မျက်နှာမှာ အလုံးပေါ်တာမယ်။ ပါးစပ်ဟရတာ ခက်တာမယ်။ လည်ပင်း အကြိတ်တွေ ပေါ်လာမယ်။ ကြာလေလေ အားယုတ်၊ အစားပျက်၊ ပိန်လာမယ်။

သေချာအောင် Endoscopy လည်ချောင်းထဲ ကရိယာထဲ့ စစ်ဆေးနည်း၊ Biopsy အသားစဖြတ်ယူ စစ်ဆေးနည်း၊ X ray ဓါတ်မှန်၊ CT or CAT scan စီတီ-စကင်န်၊ MRI တွေ လုပ်ရတယ်။

ဆေးကုတဲ့အခါ အဖွဲ့လိုက်ကနေ ကုပေးရတယ်။ ခွဲစိတ်ဆရာဝန်၊ သမားတော်၊ ကင်ဆာအထူးကု၊ ရောဂါဗေဒပညာရှင်၊ သူနာပြု၊ ဓါတ်ကင်ဌာန၊ စိတ်ရောဂါအထူးကု၊ အာဟာရအထူးကု၊ လူမှုရေးပညာရှင် စသူတွေ ပါနိုင်တယ်။

အများဆုံးက ခွဲစိတ်တာရယ်၊ ဆက်ပြီး ဓါတ်ကင်တာ ၄-၅ ပါတ်ကြာ လုပ်ပါတယ်။ နောက်ကျနေရင် မခွဲခင်ကတည်းက ဓါတ်ကင်ပေးတယ်။ ဓါတ်ကင်ကုသတာက ပိုအဆင်ပြေတတ်တယ်။ ခွဲတာလို ရုပ်သိပ်မပျက်ဘူး။ ခွဲစိတ်တာမှာလည်း ဖြစ်တဲ့နေရာက ရှုတ်ထွေးတဲ့အတွက် ရိုးရိုးခွဲတာအပြင် Laser surgery လေဆာနည်း၊ Cryosurgery အေးခဲနည်းတွေ ပါရတတ်သေးတယ်။ Reconstructive surgery ခွဲစိတ်ထားတဲ့ နှာခေါင်းကို အသစ်ပြင်နည်း၊ Prosthesis နှာခေါင်းအတု လုပ်တာတွေပါ လိုတတ်သေးတယ်။

ဓါတ်ကင်တာမှာ ၂ နည်းလုပ်တယ်။ External-beam radiation therapy အပြင်ကနေကင်တာ နဲ့ Implants internal radiation therapy ရက်အကြာကြီး အချောင်းထည့်တာတွေ ဖြစ်တယ်။ အပြင်နည်းတခုဖြစ်တဲ့ Intensity modulated radiation therapy (IMRT) နည်းသစ်က ပိုထိရောက်တယ်လို့ ဆိုပါတယ်။

နောက်ကျသူတွေကို Chemotherapy ဆေးပေးကုတာ လုပ်ပါတယ်။

တခြားနည်းတွေလည်း လုပ်ကြသေးပါတယ်။ Massage, Meditation, Music therapy, Prayer, Yoga နှိပ်တာ၊ တရားထိုင်တာ၊ ဂီတနဲ့ ကုတာ၊ ဆုတောင်းတာ၊ ရောဂ လေ့ကျင့်ခန်းနည်။

ဓါတ်ကင်တော့ အားယုတ်တယ်။ အစာအာဟာရ ကောင်းကောင်း စားသင့်တယ်။ စိတ်ဓါတ် မကျအောင် လုပ်ရမယ်။ လေ့ကျင့်ခန်း လုပ်သင့်တယ်။ ဓါတ်ကင်လို့ အနာဖြစ်ရင် ကုရမယ်။ ပဋိဇီဝဆေး၊ ချောင်းဆိုးပျောက်ဆေး၊ အနာအကိုက် ပျောက်ဆေး၊ ဗီတာမင်၊ ပျို့-အန် ပျောက်ဆေးတွေ လိုမယ်။ ဆံပင်ကြွတ်တာက နောက်တော့ ကောင်းလာနိုင်တယ်။

ကင်ဆာမှန်သမျှ ဖြစ်ပြီးနောက် ဘယ်လောက် အသက်ရှည်နိုင်သလဲ ဆိုတာကို ပြောရင် ၅ နှစ်ခံနှုံးနဲ့ ပြောတယ်။ ဒီရောဂါမှာ ၅၄% ရှိလို့ အဆိုးကြီး မဟုတ်ပါ။
Dr. တင့်ဆွေ

ဘ၀တိုင်း ဆုံချင်လျှင်

အခါတပါး၌ မြတ်စွာဘုရားသည် ဘဂ္ဂတိုင်း သုသုမာရဂိရိမြို့တွင် သီတင်းသုံးတော်မူစဉ် နကုလပိတာ နကုလမာတာ အမည်ရှိသော သူကြွယ် ဇနီးမောင်နှံအိမ်သို့ ကြွတော်မူသည်၊ သူကြွယ် ဇနီးမောင်နှံတို့သည် မြတ်စွာဘုရားအား ရိုသေစွာရှိခိုးလျက် သင့်လျော်သောနေရာ၌ ထိုင်နေကြပြီးလျှင် နကုလပိတာ သူကြွယ်က ဤသို့လျှောက်သည်-
မြတ်စွာဘုရား တပည့်တော်သည် အသက်ငယ်ရွယ်စဉ်ကပင် ငယ်ရွယ်သူဖြစ်သော နကုလမာတာနှင့် လက်ထပ်ခဲ့ပါသည်၊ လက်ထပ်သည့်အချိန်ကစ၍ ယနေ့အထိ နကုလမာတာကို ကျော်လွန်ပြီး အခြားသော မိန်းမများထံ စိတ်ရောက်ဖူးသည်ဟု တခါမျှ မရှိခဲ့ဘူးပါ၊ ကိုယ်ထိလက်ရောက် ကျူးလွန်မှုကား ဆိုဖွယ်ရာပင် မရှိတော့ပါ၊ မြတ်စွာဘုရား တပည့်တော်တို့သည် ယခုဘ၀၌လည်း အချင်းချင်းတွေ့ဆုံပြီး နောင်ဘ၀သံသရာ၌လည်း အချင်းချင်းတွေ့ဆုံရန် အလိုရှိကြပါသည်ဘုရား။

နကုလမာတာကလည်း လျှောက်ပြန်သည်-
မြတ်စွာဘုရား တပည့်တော်မ ငယ်ရွယ်စဉ်ကပင် နကုလပိတာနှင့် လက်ထပ်ခဲ့ပါသည်၊ ထိုအခါမှစ၍ တပည့်တော်မသည် နကုလပိတာကို ကျော်လွန်ပြီး ယောက်ျားတပါးထံ စိတ်ရောက်ဖူးသည်ဟု မရှိခဲ့ဘူးပါ၊ ကိုယ်ထိလက်ရောက် ကျူးလွန်မှုကား ဆိုဖွယ်ရာပင် မရှိတော့ပါ၊ မြတ်စွာဘုရား တပည့်တော်တို့သည် ယခုဘ၀၌လည်း အချင်းချင်းတွေ့ဆုံပြီး နောင်ဘ၀သံသရာ၌လည်း အချင်းချင်း တွေ့ဆုံရန် အလိုရှိကြပါသည်ဘုရား။

ထိုအခါ မြတ်စွာဘုရားက ဤသို့ မိန့်တော်မူလေသည်-
သူကြွယ်တို့ ဇနီးမောင်နှံနှစ်ယောက်တို့သည် အကယ်၍ ယခုဘ၀၌ အချင်းချင်းတွေ့ဆုံပြီး နောင်ဘ၀သံသရာ မှာလည်း အချင်းချင်းတွေ့ဆုံချင်ကြလျှင် နှစ်ယောက်လုံးသည်-

၁-တူမျှသော သဒ္ဓါ ရှိကြရမည်။
၂-တူမျှသော အကျင့်သီလ ရှိကြရမည်။
၃-တူမျှသော စွန့်ကြဲမှု စာဂ ရှိကြရမည်။
၎-တူမျှသော အသိဉာဏ်ပညာ ရှိကြရမည်။
ယင်းသို့ တူမျှသော သဒ္ဓါ, တူမျှသာ သီလ, တူမျှသော စာဂ, တူမျှသော ပညာရှိလျှင် ထိုဇနီးမောင်နှံ နှစ်ယောက်တို့သည် ယခုဘ၀လည်း အချင်းချင်းတွေ့ဆုံပြီး နောင်ဘ၀သံသရာမှလြည်း အချင်းချင်း တွေ့ဆုံကြရကုန်၏။

ဇနီးမောင်နှံ နှစ်ယောက်တို့သည် သဒ္ဓါတရား ရှိကြ၏၊ အလှူခံပုဂ္ဂိုလ်၏ အလိုကို သိကြ၏၊ ကိုယ်နငတ်ကို စောင့်စည်းကြ၏၊ ထိုဇနီးမောင်နှံတို့သည် အချင်းချင်း ချစ်ဖွယ်စကားကို ပြောဆိုကြကုန်လျက် တရားသဖြင့် အသက်မွေးကြ၏။

အကျင့်သီလ တူမျှကြကုန်သော ဇနီးမောင်နှံ နှစ်ယောက်တို့အား စီးပွားဥစ္စာ တိုးပွားလျက် ချမ်းသာစွာ နေထိုင်ရ၏၊ ရန်သူများ မကောင်းမကြံနိုင်ပေ။

တူမျှသော သီလအကျင့်ရှိသော ဇနီးမောင်နှံ နှစ်ဦးတို့သည် ယခုဘ၀တွင် တရားကိုကျင့်၍ နောင်အခါ နတ်ပြည် လောက၌ နှစ်သက်မွေ့လျော်ကာ မတောင့်မတ လိုရာရလျက် ၀မ်းမြောက်ကြရကုန်၏။

( စတုက္က အင်္ဂုတ္တိုရ်၊ ဒု-ပဏ္ဏာသက၊ ပုညာဘိသန္ဓ၀ဂ်၊ ၅-ပဌမ သမဇီဝိသုတ် )
credit to - မင်္ဂလာသတင်းစဉ်

မေတ္တာဖြင့် စုစည်းဝေမျှသူ
အနှိုင်းမဲ့စာတိုပေစများ
(www.infinitydhamma.com)

တီဗီ ၁ နာရီကြည်တိုင်း အသက် ၂၂ မိနစ်တို

ထူးထူးခြားခြား လေ့လာ တွေ့ရှိချက် တစ်ခု ဖြစ်ပါတယ်။

အမေရိကန် နိုင်ငံ၊ Yale တက္ကသိုလ်မှ ဆေးပညာရှင် များက စစ်တမ်းအရ ရှာဖွေ တွေ့ရှိ ထားခြင်း ဖြစ်ပါတယ်။

တီဗီကို တစ်နာရီ ပတ်လုံး ထိုင်ကြည့်တဲ့ အခါ ကိုယ်လက် လှုပ်ရှားမှုများ မရှိတဲ့ အတွက် အဆီ တက်စေပါတယ်။ ကိုယ်တွင်း ကယ်လိုရီလောင်ကျွမ်းမှု အားနည်းပြီး သွေးကြောပိတ်ခြင်း၊ သွေးကြောကျဉ်းခြင်း၊ Fatty acid တိုးခြင်းတို့ ဖြစ်စေပါတယ်။ တစ်နာရီပတ်လုံး ယင်းဖြစ်စဉ်များ ဆက်တိုက် ဖြစ်ရင် ကိုယ်တွင်း ဇီဝလောင်ကျွမ်းမှု စနစ် အလုပ် လုပ်ဆောင်မှု နှေးကွေးပြီး အကြော အားနည်းတာတို့၊ ဦးခေါင်းသို့ သွေးစီးမှု နှေးတဲ့ အတွက် ခေါင်းမူးတာတို့ ဖြစ်စေပါတယ်။

ဒါကြောင့် ဘာမှ မလှုပ်မရှုက်ပဲ တီဗီ ၁ နာရီ ထိုင်ကြည့် လိုက်ခြင်းဟာ ပျှမ်းမျှ အားဖြင့် တီဗီမကြည့်တဲ့ လူထက် ကျန်းမာရေး ကောင်းမွန်မှုက ၃၀ ရာခိုင်နှုန်းကျော် လျော့နည်းသွားပြီး အသက်နဲ့ တွက်လိုက်ရင် ၂၂ မိနစ်စာ အသက် လျော့သွား စေပါတယ်။ ဒါကြောင့် တစ်ရက်ကို ပျှမ်းမျှ ၆ နာရီ တီဗီ ကြည့်သူဟာ သာမန် လူတွေထက် ငါးနှစ်လောက် အသက် တိုတာကို လည်း လေ့လာ တွေ့ရှိခဲ့ပါတယ်။

ကွန်ပျူတာ အသုံးပြု အလုပ်လုပ်သူတွေထက် တီဗီကြည့်သူများ ပိုဖြစ်ပြီး ကွန်ပျူတာ အသုံးပြု လုပ်ကိုင် သူများကလည်း ကိုယ်လက် လှုပ်ရှားမှု ရှိရန် လိုအပ်တယ်လို့ ဆိုပါတယ်။ ရုံးချိန်ဆက်တိုင် ထိုင်ရာမှ မထ တည်တည် အလုပ်လုပ်ခြင်း ကလည်း တီဗီကြည့်သူနဲ့ မထူးမခြားနား ကျန်းမာရေး ချို့ ယွင်းလို့ အသက်တို နိုင်ကြောင်း သိရပါတယ်။

http://www.myawady.com.mm/

ကင်ဆာ ဆင်ခြင်စရာ တဒါဇင်

မြန်မာနိုင်ငံ စားသုံးသူ ကာကွယ်ရေး အသင်း Consumer Protection Association (Myanmar)

ကမ္ဘာ့ ကျန်းမာရေး အဖွဲ့ကြီးရဲ့ ၂ဝ၁၁ ခုနှစ်ထုတ်ပြန်တဲ့ အစီရင်ခံစာအရ မြန်မာနိုင်ငံဟာ ကမ္ဘာပေါ်က ကင်ဆာအဖြစ်ဆုံး ၁ဝ နိုင်ငံထဲမှာ နံပါတ် ၂ နေရာကိုရောက်နေပြီး ကင်ဆာဖြစ်စေတဲ့ အဓိက အကြောင်းအရင်းတွေကတော့ -

1. ကင်ဆာကြောက်ရင် ပလတ်စတစ်နဲ့ ဖော့ဘူးရှောင်
အလွယ်ကြိုက်တတ်တဲ့ မြန်မာတွေဟာ မုန့်ဟင်းခါးပဲ ဝယ်ဝယ်၊ လက်ဖက်ရည်၊ ကော်ဖီ၊ အသုပ်စုံတွေ၊ ထုံချိုင်းတွေ၊ အကြော်စုံတွေ၊ အကင်တွေပဲ ထုပ်ထုပ် ပလတ်စတစ်တွေ၊ ကြွပ်ကြွပ်အိတ်တွေနဲ့ချည်းပဲ သုံးနေကြပါတယ်။ ပလတ်စတစ်ထဲမှာပါတဲ့ ပလတ်စတစ်ဆိုက်ဇာဆိုတဲ့ ဓာတ်နဲ့တွေ့ရင် စတိုင်ရင်း (Styrene) ဆိုတဲ့ ဓာတု ပစ္စည်းတွေဟာ အပူဓာတ်နဲ့ပဲ တွေ့တွေ့ ဆီပါတဲ့ အစားအသောက်နဲ့ပဲ တွေ့တွေ့ အစားအသောက်တွေထဲကို ဓာတ်ပြုပျော်ဝင်တော့တာပါပဲ။ နောက်ပြီး ကလေးနို့ဘူးတွေ ပြုလုပ်တဲ့ PVC ပလတ်စတစ်နဲ့ ပလတ်စတစ်ရေပိုက်တွေမှာ မိုနိုမာ (Monomer) ဆိုတဲ့ အင်မတန် အဆိပ်ပြင်းပြီး ကြောက်စရာကောင်းတဲ့ ဓာတ်တစ်မျိုးပါဝင်တာ တွေ့ရပါတယ်။ ဒီဓာတုပစ္စည်းတွေ အကုန်လုံး ဆိုးရွားတဲ့ ကင်ဆာရောဂါတွေ ဖြစ်စေနိုင်တာမို့ အရင်တုန်းကလို စက္ကူတွေ၊ အင်ဖက်တွေ၊ ဗန်ဒါရွက်တွေ၊ စတီးချိုင့်တွေ၊ ဖန်ဘူးတွေနဲ့ပဲ အစားအသောက်တွေကို ပြောင်းလဲ ထုပ်ပိုးကြပါစို့။ ဒန်ပေါက်ဆိုင်တွေ စားသောက်ဆိုင်တွေမှာ အသုံးပြုနေတဲ့ ဖော့ဘူးတွေဟာလည်း စတိုင်းရင်း (Styrene) ဓာတ်ပါတဲ့ ပလတ်စတစ် အုပ်စုဝင်တွေ ဖြစ်လို့ ဖော့ဘူးတွေ တစ်ခါသုံး ပလတ်စတစ်တွေ လုံးဝအသုံးမပြုဘဲ တော်လှန်ဆန့်ကျင် ပြောင်းလဲကြပါစို့။

2. အချဉ်ရည်နဲ့ ကင်ဆာရောဂါ
အသုတ်ဆိုင်တွေ အကြော်ဆိုင်တွေ ထုံချိုင်းဆိုင်တွေ၊ အကင်ဆိုင်တွေ၊ တုတ်ထိုးဆိုင်တွေမှာ နေ့စဉ် လူတွေ မြိန်ရည် ယှက်ရည် စားနေကြတာကတော့ အန္တရာယ်ရှိ တားမြစ်ဆိုးဆေး နီနီရဲရဲတွေရယ်၊ အစာအိမ် အူလမ်းကြောင်း၊ ကင်ဆာ ဖြစ်စေတတ်တဲ့ ဆာ(လ်)ဖျူရစ် အက်ဆစ်ပြင်း (H2SO4) ရောစပ်ထားတဲ့ အချဉ်ရည်လို့ ခေါ်တဲ့ အဆိပ်ရည်တွေပါပဲ ဆာ(လ်)ဖျူရစ် အက်ဆစ်က နည်းနည်းလေးထည့်ရုံနဲ့ အချဉ်ရည် အရသာကို ဖြစ်ပေါ်စေပြီး ဘက်ထရီအိုးမှာသုံးတဲ့ အက်ဆစ်ပါ။ ရေရှည်စားသုံးရင်တော့ အစာအိမ်အူလမ်းကြောင်း ကင်ဆာ၊ အူမကြီး ကင်ဆာ အသည်းကင်ဆာတွေကို ကျိန်းသေဖြစ်နိုင်တာမို့ လုံးဝရှောင်ရှားကြဖို့ တိုက်တွန်းလိုက်ပါရစေ။

3. နှာခေါင်းကင်ဆာ၊ အဆုတ်ကင်ဆာနဲ့ အသက်ရှူလမ်းကြောင်းကင်ဆာတွေ ဖြစ်ပွားစေတဲ့ ခြင်ဆေးခွေ
ခြင်ဆေးခွေတွင် ဓာတုပိုးသတ်ဆေးများထဲတွင် အပြင်းထန်ဆုံးလို့ သတ်မှတ်ထားတဲ့ S.2 ပိုးသတ်ဆေး၊ လွှစာမှုန့်၊ ဗိုင်ဒါကော်၊ ဆိုးဆေးနဲ့ ဓာတု အမွှေးအကြိုင်တို့ ပါဝင်သည်။ ထို့အပြင် အပြင်းထန်ဆုံး အဆိပ်တစ်မျိုးဖြစ်သည့် Benzene (ဘန်ဇိုင်း) ကာစီနိုဂျင် တစ်မျိုးပါဝင်ပြီး အာရုံကြောမှ စကာ ရိုးတွင်းချဉ်ဆီအထိ အဆိပ်ဖြစ်စေသည်။ ခြင်ဆေးခွေတစ်ခွေဧ။်အဆိပ်ဓာတ်သည် စီးကရက် အလိပ်ပေါင်း ၁၃၇ လိပ်မှထွက်ရှိသော အဆိပ်မှုန် အရေအတွက်နှင့် ညီမျှသဖြင့် ဝေးဝေးကရှောင်ကြဖို့ သတိပေးလိုက်ရပါသည်။ အမွှေးတိုင်များသည်လည်း ခြင်ဆေးခွေကဲ့သို့ပင် အန္တရာယ်ရှိသဖြင့် လုံးဝမသုံးအပ်ပေ။

4. အချိုရည်နှင့် ဂျယ်ရီများ
အချိုရည်ဘူးများတွင် တားမြစ်ဆိုးဆေး၊ ကင်ဆာဖြစ်စေသော တာရှည်ခံဆေး၊ သကြားထက် အဆ ၂ဝဝ ပိုမို ချိုစေသော ပါဝါသကြားနှင့် ကာဗွန်ဒိုင်အောက်ဆိုဒ်ဖိန်း ဓာတ်များ ပါဝင်သဖြင့် ခံတွင်းကင်ဆာ၊ ကျောက်ကပ်ရောဂါ၊ ဆီးချိုရောဂါနှင့် အဝလွန်ရောဂါ၊ အသည်းကင်ဆာရောဂါတို့ကို ဖြစ်ပွားစေသည်။ ထို့အတူ ဂျယ်ရီဘူးများတွင်လည်း တရုတ်မှ လာသော ဂျယ်ရီပေါင်ဒါ၊ ဆီထရစ်အက်ဆစ်၊ Sodium Benzorate ခေါ် တာရှည်ခံဆေးပါဝင်သဖြင့် ကလေးများကို လုံးဝ မကျွေးသင့်၊ မရောင်းသင့်ပါ။

5. မယ်လမင်း (ဖိုက်ဘာ) ပစ္စည်းများ
ထိုပစ္စည်းများသည် အပူနှင့် ထိတွေ့လျှင် ဓာတ်ပြုသဖြင့် ကျောက်ကပ်ပျက်စီးခြင်းနှင့် ကင်ဆာရောဂါများကို ဖြစ်ပွားစေသဖြင့် လုံးဝ အသုံးမပြုသင့်ပါ။

6. တရုတ်နို့မှုန့်နှင့် ၄င်းနှင့် ပြုလုပ်သော မုန့်များ
တရုတ်နို့မှုန့်ကို ဖျော်ကာ ခွေးပေါက်စ၊ ကြောင်ပေါက်စလေးများကို တိုက်ကျွေးရာ ထိုခွေးကလေး ကြောင်ကလေးများသည် အကြောဆွဲကာ ၁၈ ကောင်ထက်မနည်း သေဆုံးကုန်ကြောင်း တွေ့ရှိရပါသည်။ ထို့ကြောင့် တရုတ်ပြည်မှ တံဆိပ်မျိုးစုံနှင့် တင်သွင်းသော နို့မှုန့်များနှင့် ၄င်းတို့ဖြင့် ပြုလုပ်သော မုန့်ပဲ သရေစာများကို ကလေးများကို လုံးဝ မတိုက်ကျွေးသင့်ပါ။

7. ကော်ဖီမစ်များ (Coffeemix)
ကဖိန်း၊ တာရှည်ခံ ဓာတုဆေး၊ ကော်ဖီအနံ့၊ အုန်းသီးခွံအမှုန့်များနှင့် သကြား၊ အခြားကုန်ကြမ်းပစ္စည်းများ ပါဝင်သည်ကို တွေ့ရသဖြင့် မသောက်သုံးသင့်ပါ။ ၄င်းရယ်ဒီမိတ် ကော်ဖီများကို သောက်သုံးပါက ဆီးချိုရောဂါ၊ သွေးတိုးရောဂါ၊ ကျောက်ကပ်ပျက်စီးခြင်း၊ နှလုံးသွေးတိုးရောဂါ၊ စိတ်ကျရောဂါနှင့် ရင်သားကင်ဆာ၊ ဆီးအိမ်ကင်ဆာ၊ ဆီးကျိတ်ကင်ဆာ၊ ပန်ကရိယ ကင်ဆာနှင့် အမျိုးသမီးများ မြုံခြင်းနှင့် ကိုယ်ဝန်ပျက်ကျခြင်းတို့ကို ဖြစ်စေသဖြင့် လုံးဝ မသောက်သုံးသင့်ပါ။ ထို့ပြင် ကော်ဖီမစ်တွင် နို့ဆီနှင့် နို့မှုန့်အစား အသုံးပြုသော creamer မှာ မလေးရှားတွင် စားအုန်းဆီကို အဆီထုတ်ပြီး ကျန်သော ကြိတ်ဖတ်များကို တရုတ်နိုင်ငံမှ ဝယ်ယူကာ မှုန့်နေအောင် ကြိတ်ချေပြီး Creamer အဖြစ် ပြန်လည်ရောင်းချကြောင်း သိရှိရသည်။ ထို ကြိတ်ဖတ်မှုန့်များသည် သွေးတိုးရောဂါ၊ နှလုံးသွေးကြောပိတ်ရောဂါ၊ လေဖြတ်ရောဂါနှင့် ကင်ဆာရောဂါများကို ဖြစ်ပွားစေသည်။

8. အရောင်ချွတ်ထားသော အစားအသောက်များ
နိုင်ငံခြားတိုင်းပြည်များတွင် သကြားကို မူလသဘာဝအရောင်အတိုင်း ဝါညစ်ညစ် သကြားများကို စားသုံးကြသော်လည်း မြန်မာနိုင်ငံတွင်မူ ဟိုက်ဒရိုဟု ခေါ်သော Chemical ချွတ်ဆေးသုံးကာ ဖြူဖွေးသော သကြားမျာကို ရွေးချယ်စားသုံးကြ၏။ ထန်းညက်သည်လည်း မူလ အညိုရောင် ပျောက်ကာ ချွတ်ဆေးကြောင့် ဖြူဖွေးသွားကာ နေ့စဉ်သုံးသည့် အိမ်သုံးဆားသည်ပင်လျှင် ဓာတု ချွတ်ဆေးသုံးပြီး ဖြူဖွေးအောင် လုပ်ကြ၏။ ထိုဓာတုချွတ်ဆေးများသည် ကင်ဆာရောဂါကို ဖြစ်ပွားစေသဖြင့် သဘာဝ အရောင်ကို ရွေးချယ် စားသောက်ကြပါစို့။
9. ရောင်စုံဆိုးဆေးများနှင့် အစားအသောက်များ
တားမြစ် အန္တရာယ်ရှိ ဆိုးဆေးများ အသုံးပြုထားသော မျှစ်နီ၊ မျှစ်ဝါ၊ ပုစွန်ချဉ်နီနီ၊ အဝါရောင်ဆိုးထားသော ငါးပုဏား၊ ငါးမြွေထိုး၊ ရွှေငါး၊ ကြက်သားများနှင့် အနီရောင်ဆိုးထားသော ငရုတ်သီးမှုန့်၊ ပုစွန်ခြောက်၊ ပတ္တမြားပြောင်းဖူး၊ ငါးပိ၊ ပဲနီလေး၊ ပဲဝါလေး၊ မက်မန်းသီး၊ ဆီးထုတ်စသည်တို့သည် အသည်းနှင့် ကင်ဆာရောဂါများကို ဖြစ်ပွားစေသဖြင့် လုံးဝရှောင်ကြဉ်သင့်ပါ၏။

10. သတိထားသင့်သော အသီးအနှံများ
ဓာတုဟော်မုန်းဆေးများ အသုံးပြုထားကာ အဆမတန် ကြီးထွားနေသော မုန်လာဥအဖြူများ၊ အမြစ်တိုတို အလုံးတုတ်တုတ်နှင့် ပဲပင်ပေါက်များ၊ ပိုးသတ်ဆေး အပြင်းစား သုံးထားသည့် ဂေါ်ဖီထုပ်၊ ပန်းမုန်လာထုပ်၊ မုန်ညင်းထုပ်များနှင့် ဆေးစိမ် ဆေးဖျန်းကာ မှည့်နေသော သရက်သီး၊ သင်္ဘောသီး၊ လိမ္မော်သီး၊ ပန်းသီး၊ ငှက်ပျောသီး စသည်တို့သည် ကင်ဆာ ဖြစ်စေနိုင်သဖြင့် ရှောင်ရှားသင့်သည်။ ထို့အပြင် လူသေကောင် မပုပ်အောင် ပြုလုပ်သည့် ဖော်မလင်နှင့် အသုံးပြုထားသော ပဲပြား၊ မဲနယ်ဆိုးထားသော ပုစွန်၊ ယူရီးယား ဓာတ်မြေသြဇာပါသော ငါးပိရေကျိုတို့ကိုလည်း ကင်ဆာရောဂါဖြစ်မှာ ကြောက်လျှင် ရှောင်ရှားသင့်ပါသည်။ အစေ့မပါတဲ့ စပျစ်၊ ကီလိုမာလကာနှင့် ဆီးသီး၊ မျိုးရိုးဗီဇ ပြုပြင်ထားတဲ့ အသီးမှန်သမျှ ကင်ဆာကို ဖြစ်စေသတဲ့။ ပလတ်စတစ် ပါကင်လှလှ၊ တံဆိပ်မျိုးစုံဖြင့် ထုတ်လုပ်သော ငါးမုန့်ကြော်၊ အာလူးကြော်၊ တိုဟူးကြော်၊ ကြက်သွန်ကြော်များသည် အာဟာရတန်ဖိုး လုံးဝမရှိသည့်အပြင် ပလတ်စတစ်ဆိုက်ဇာဓာတ်များ ပါဝင်သဖြင့် ကင်ဆာရောဂါကို ဖြစ်ပွားစေပါသည်။

11. ပဲဆီ၊ နှမ်းဆီအတုများ ကင်ဆာရောဂါ သတိထား
အခု စားအုန်းဆီတွေထဲကို အနည်ကျအောင် အီလန် ဆပ်ပြာမှုန့်၊ ဒါမှမဟုတ် ဆပ်ပြာတစ်မျိုးမျိုးကို ထည့်ပြီး ဆပ်ပြာထဲက ဟိုက်ဒြောဆိုဒ် ဓာတုပစ္စည်းက စားအုန်းဆီထဲက ခဲစေတတ်တဲ့ အနည်တွေကို အောက်မှာသွားထိုင်ပြီး တခြားစားအုန်းဆီတွေကို မခဲတော့ဘူး။ ဒီတော့မှ ၂၇ လမ်း ၂၈ လမ်းက ဝယ်ထားတဲ့ ၂၅ဝကျပ်တန် ပဲဆီအနံ့၊ နှမ်းဆီအနံ့ ဓာတုဆေးရည်ကိုထည့်လိုက်တော့ ပဲဆီ၊ နှမ်းဆီ အစစ်ထက်တောင် ပိုမွှေးသွားရော။ ဒါပေမယ့် ဆပ်ပြာထဲက ဟိုက်ဒြောဆိုဒ်ဓာတ်နဲ့ အက်ဆစ်ဓာတ်တွေက ကင်ဆာရောဂါမျိုးစုံကို ဖြစ်စေပါတယ်။ မြန်မာ့ဆီဈေးကွက်မှာ ထွက်သမျှမြေပဲဆံတွေကို တရုတ်နိုင်ငံက ဈေးကောင်းပေးဝယ်သွားလို့ မြန်မာပြည်မှာ ကြိတ်စရာ မြေပဲဆံ မကျန်တော့ဘူး။ ဈေးကွက်ထဲမှာ ၈ဝ% သော ပဲဆီတွေက အနံ့ထည့်ထားတဲ့ ပဲဆီ အတုတွေလို့ ဆီလုပ်ငန်းရှင်တစ်ဦးက ကျွန်ုပ်တို့ CPAM သို့ အကြောင်းကြားပါတယ်း

12. အချိုမှုန့်နှင့် ကြက်သားမှုန့်များ
အချိုမှုန့်တွင် ပါဝင်သော ဓာတုပစ္စည်းများသည် ဦးနှောက်နှင့် အာရုံကြောထိခိုက်စေကာ လေဖြတ်လေငန်းရောဂါ၊ လေးဖက်နာရောဂါ၊ နှလုံးရောဂါ၊ ကျောက်ကပ်ချို့ယွင်းပျက်စီးစေသော ရောဂါ၊ ဆီးချို သွေးချိုနှင့် သွေးတိုးရောဂါများကို ဖြစ်ပွားစေသဖြင့် ရှောင်ကြဉ်သင့်ပါသည်။ ကြက်သားမှုန့်တွင်လည်း အချိုမှုန့်နှင့် တာရှည်ခံ မှိုသတ်ဆေးများ၊ ဓာတုပစ္စည်းများ ပါဝင်သဖြင့် အချိုမှုန့်ထက်ပင် ပိုမို ဆိုးရွားစေပါသည်။

စားသုံးသူ ကာကွယ်ရေး အသင်းသို့ ဝင်ရောက်လိုသူများ၊ ဆက်သွယ်အကူအညီတောင်းခံလိုသူများနှင့် လှူဒါန်းလိုသူများ
အသင်းရုံး ၁
စာရေးဆရာ ဗအုပ်ခိုင်(သဘာဝ သမားတော် အသည်းအထူးကု)
မင်းစေတီလမ်း၊ မင်းစေတီ စာကြည့်တိုက်ရှေ့၊ အင်းစိန်မြို့နယ်။ ဖုန်း 01-644090/ 09-421121890

အသင်းရုံး ၂
ပေါက်စေတီ ကျောင်းတိုက်ဝင်း၊ ၈မိုင်လမ်းဆုံအနီး၊ မရမ်းကုန်းမြို့နယ်။ ဖုန်း - 01-661732

ဇီဝိတ ဒါနဆေးကုခန်းတွင် သံဃာတော်၊ သီလရှင်များနှင့် လူပုဂ္ဂိုလ်များကို အခမဲ့ ကုသပေးပါသည်။

တည်နေရာ
ပေါက်စေတီ ကျောင်းတိုက်ဝင်း၊ ၈မိုင်လမ်းဆုံအနီး၊ မရမ်းကုန်းမြို့နယ်။ ဖုန်း 01-661732
(မြန်မာနိုင်ငံ စားသုံးသူ ကာကွယ်ရေးအသင်းမှ လက်ကမ်းစာစောင်)

ကျန်းမာရေးကောင်းစေသော အဖြူရောင်အစာများ .....

အဖြူရောင်အစာတွေကို လျှော့စားပါလို့ ပြောလိုက်ရင် အခွံချွတ်ထားတဲ့ ဆန်တွေ၊ ဂျုံတွေနဲ့ လုပ်ထားတဲ့အစာတွေကို ဆိုလိုတာပါ။ အဖြူရောင်ဟင်းသီးဟင်းရွက်၊ အစေ့အဆန်နဲ့ အခွံမာအသီးတွေမှာ ရောဂါကို တွန်းလှန်နိုင်တဲ့ ဓာတ်တိုးဆန့်ကျင်ပစ္စည်း (anti-oxidants)တွေ များစွာမပါဝင်ပေမယ့် သွေးတိုးရောဂါ၊ နှလုံးတိုက်ခိုက်ခံရနိုင်ခြေနဲ့ အခြားရောဂါတွေ ဖြစ်နိုင်ခြေကို လျှော့ချနိုင်တဲ့ အစွမ်းတွေရှိကြောင်း အောက်မှာ ဖော်ပြလိုက်ပါတယ်။

မုန်လာဥ (Turnip)
ခွက်တစ်ဝက်စာ မုန်လာဥမှာ ၁၈ ကယ်လိုရီသာ ပါဝင်ပေမယ့် ကင်ဆာကို တွန်းလှန်နိုင်တဲ့ Glucosinolates ဒြပ်ပေါင်းတွေ များစွာပါဝင်ပါတယ်။

ပန်းဂေါ်ဖီ (Cauliflower)
ချက်ပြီးသား ပန်းဂေါ်ဖီတစ်ခွက်စာမှာ အရိုးသန်စွမ်းဖို့လိုအပ်တဲ့ ဗီတာမင် K ဟာ သင်ရဲ့နေ့စဉ်လိုအပ်ချက် ပမာဏရဲ့ ၂၀ ရာခိုင်နှုန်းခန့် ပါဝင်ပါတယ်။

ကြက်သွန်နီ (Onion)
Quercetin တွေများစွာပါဝင်တဲ့အတွက် အူမကြီးကင်ဆာဖြစ်နိုင်ခြေကို လျှော့ချပေးပါတယ်။

မုန်လာဥဖြူ (Radish)
ခွက်တစ်ဝက်စာ မုန်လာဥဖြူမှာ ကိုးကယ်လိုရီသာပါဝင်ပါတယ်။ ဗီတာမင်စီ များစွာပါဝင်တဲ့အတွက် ခုခံအားစနစ် ကောင်းမွန်စေပါတယ်။

ကြက်သွန်ဖြူ (Garlic)
သွေးဖိအားလျော့ကျစေနိုင်တဲ့အပြင် ကိုလက်စထရောအဆင့်လည်း လျှော့ချနိုင်ပါတယ်။ ကင်ဆာကို ကာကွယ်နိုင်တဲ့ အစွမ်းလည်း ရှိပါတယ်။

စိမ်းစားဥ (Parsnips)
အမျှင်ဓာတ်နဲ့ ဗီတာမင် C များစွာ ပါဝင်ပါတယ်။ မတ်ပဲ တစ်ခွက်စာမှာ သင့်ရဲ့နေ့စဉ်အမျှင်ဓာတ်လိုအပ်တဲ့ ပမာဏရဲ့ ထက်ဝက်ခန့် ပါဝင်တဲ့အပြင် အသားဓာတ် ၁၄ ဂရမ် ပါဝင်ပါတယ်။

Mg Mandalay

နှလုံးရောဂါ အကြောင်းသိကောင်းစရာလေးတွေ တင်ပေးလိုက်ပါတယ်

၁။ ရင်ဘတ်အောင့်တာမပျောက်ရင်
ခါတိုင်းအောင့် နေကြ ပုံစံ မဟုတ်ဘဲ ရင်ဘတ်အောင့် နေပြီး စက္ကန့် အနည်းငယ် အတွင်း သက်သာ သွားခဲ့ရင် နှလုံး ရောဂါကြောင့် ရင်ဘတ် အောင့်တာ မဟုတ်ပါဘူး။

ဒါဟာ အစာအိမ်မှ အက်ဆစ်တွေ အစာမျိုပြွန်ကို ဆန်တက်တာကြောင့် ရင်ပူတာပါ။ ရင်ဘတ် အောင့်တာ တဖြည်းဖြည်း ပိုဆိုးလာပြီး အနည်းဆုံး မိနစ် အနည်းငယ်ခန့်ထိ မပျောက်မှသာ နှလုံးရောဂါ အတွက် စိုးရိမ်ရမှာပါ။

၂။ အသက်ရှုမဝရင်
လူအများစုမှာ အသက်ရှူ မဝတာဟာ စိတ်ဖိစီးမှု များတာကြောင့် ဖြစ်တာပါ။ အသက်ရှူလို့ မရတဲ့ ခံစားမှုမျိုးဟာ Hyperventilation ကြောင့် ဖြစ်ပြီး သွေးထဲမှာ ကာဗွန်ဒိုင် အောက်ဆိုဒ်တွေ နည်းသွား ပါတယ်။ Treadmill စက်မှာ လမ်းလျှောက် နိုင်ပြီး လမ်းလျှောက် အပြီး အခြေအနေ ပိုမဆိုးရင် မစိုးရိမ် ရပါဘူး။ လူနာဟာ ဒီနေ့မှာ နေကောင်းနေပြီး နောက်တစ်နေ့မှာ လှေကားတက်ရင် လှေကားထစ်တွေမှာ နားပြီး အသက်ဝအောင် ရှူပြီးမှ လှေကား ထစ်တွေ တက်လို့ရတယ်ဆိုရင် စိုးရိမ်စရာ အခြေအနေပါ။

၃။ တစ်ခါမှမခံစားရဖူးသောခန္ဓာကိုယ်အထက်ပိုင်းနာကျင်ရင်
တစ်ခါတစ်ရံ နှလုံး တိုက်ခိုက် ခံရတာဟာ ရင်ဘတ်အောင့်တဲ့ လက္ခဏာ မပြတတ် ပါဘူး။ ရှေးဦးစွာ မေးရိုး မှာနာတာ၊ တံတောင်ဆစ်မှာ နာတာ၊ ဒါမှမဟုတ် သွားနာတာတွေ အနေနဲ့ လက္ခဏာ ပြတတ်ပါတယ်။ ဒါဟာ နှလုံးသွေးကြော ပိတ်တာကြောင့် နာကျင်တာ ဖြစ်ပြီး အာရုံကြောမှ တစ်ဆင့် ဘယ်ဘက်လက် ဒါမှမဟုတ် မေးရိုးကို နာကျင်တာတွေ ရောက်သွား တာပါ။ ဒီလို တစ်ခါမှ မခံစားရဖူးတဲ့ နာကျင်မှု အသစ်တွေ ခံစားရရင် လျစ်လျုရှု မထားပါနဲ့။

ခွဲခြားနိုင်သောနည်းလမ်းနှစ်ခု
အောက်ပါတို့မှာ သင်ခံစား နေရတဲ့ ဝေဒနာကို လျစ်လျူရှုသင့်သလား ဒါမှမဟုတ် ဆရာဝန်ကို ပင့်ရမလား ဆိုတာကို ခွဲခြားနိုင်တဲ့ နည်းလမ်း နှစ်ခုပါ။

၁။ လေ့ကျင့်ခန်းမှန်မှန်လုပ်ပါ။
နှလုံးသန်မာဖို့ လေ့ကျင့်ခန်း မှန်မှန် လုပ်နေရင် ကောင်းတဲ့ နာကျင်တာနဲ့ မကောင်းတဲ့ နာကျင်တာ တွေကို သင်ခွဲခြား သိရှိ နိုင်ပါတယ်။ လှုပ်လှုပ်ရှားရှား လုပ်နေရင်းနဲ့ ခံစားရတဲ့ ဝေဒနာ ပိုဆိုးလာရင် ဆရာဝန် ပင့်သင့်ပါတယ်။

၂။ သင့်မှာရှိသောဖြစ်နိုင်ချေများကိုလေ့လာပါ။
သင့်မိဘတွေဟာ အသက်၉၀ အရွယ်ထိ အသက်ရှင်နေပြီး သင့်ရဲ့သွေးတွင်း ကိုလက်စထရော အဆင့်ဟာ ပုံမှန်ဖြစ်နေရင် တံတောင်ဆစ်မှာ နာနေတာဟာ တင်းနစ်ကစား တာကြောင့် ဖြစ်နိုင်ပါတယ်။ သင်ခံစားရတဲ့ ဝေဒနာဟာ နှလုံး ရောဂါမှန်း မသေချာရင် ဆရာဝန်နဲ့ ပြဖို့ အမြဲ သတိရပါ။


ကျန်းမာသုတ - မြန်မာ့သားကောင်း မှကူးယူဖြန့် ဝေပေးပါသည်

အနှိုင်းမဲ့စာတိုပေစများ

ပစ္စည်းဥစ္စာဆိုတာလည်း ခဏပိုင်တာပဲ ဖြစ်တယ်။
အချိန်ကျတော့ အားလုံးထားပစ်ခဲ့ပြီး တကိုယ်တည်း သွားကြရမှာပဲ။
အချစ်ဆုံးဆိုတဲ့ ခန္ဓာကိုယ်တောင် ထားခဲ့ကြရမယ်။
ကိုယ်ပြုသမျှ အကောင်းအဆိုးကံကိုသာ ယူသွားကြရမှာဖြစ်တယ်။

အရှင်ဇနကာဘိဝံသ
(မဟာဂန္ဓာရုံဆရာတော်)


မေတ္တာဖြင့် စုစည်းဝေမျှသူ
အနှိုင်းမဲ့စာတိုပေစများ
(www.infinitydhamma.com)

“စိတ်ဓါတ်ရင့်ကျက်လာဖို့”

(၁) တစ်နေ့ အရာအာလုံးကို စွန့်ခွာသွားရမှာ..
တစ်နေ့ အားလုံးအားလုံးကို ထားသွားရအုံးမှာ.. ဆိုတာ ခဏခဏ တွေးပေးပါ။

(၂) ကိုယ့်ကိုကိုယ်တောင် မပိုင်တာ..
ငါပိုင်တာ တကယ်တမ်းတော့ ဘာဆိုဘာမှ မရှိပါလားလို့ ခဏခဏ ဆင်ခြင်နေပေးပါ။

(၃) ငါ သေရအုံးမှာ..အချိန်မရွေး ငါသေသွားနိုင်တယ်လို့လည်း ခဏခဏ ရွတ်ရွတ်ပေးပါ။

(၄) ငါဘာတွေတွေးနေလဲ?ဘာတွေခံစားနေလဲ ?
ခုစိတ်ထဲမှာ ဘယ်လိုတွေဖြစ်နေလဲ.. ဆိုတာမျိုး
ကိုယ့်စိတ်ကို ကိုယ်အမြဲတမ်း သတိရတိုင်းရတိုင်း ပြန်ပြန်ကြည့်နေပေးပါ။ ပြန်ပြန်သိနေပေးပါ။

(၅) ငါဘာကိုတန်ဖိုးထားတာလဲ?အပေါ်ယံအရာဖြစ်တဲ့ပစ္စည်းတွေလား?
တစ်စုံတခုလား? တစ်စုံတစ်ယောက်လား? စိတ်ထားမြင့်မြတ်တာလား? ကိုယ်ကျင့်တရားမြင့်မြတ်တာလား?
ငါ့ဘဝမှာ ငါတကယ်တမ်း တန်ဖိုးအထားဆုံးအရာဟာ ဘာလဲ?
ခုလုပ်နေတာတွေဟာ ငါဘာကိုတန်ဖိုးထားပြီး လုပ်နေကိုင်နေပြောနေတာလဲ?
ငါတန်ဖိုးအထားဆုံးအရာဟာ တကယ်တမ်း နောက်ဆုံးတော့ အားကိုးရရဲ့လား?
ဆိုတဲ့မေးခွန်းမျိုးကို ကိုယ့်ကိုကိုယ် မမေ့မလျော့ ပြန်ပြန်မေးပါ။
(ကိုယ့်ကိုကိုယ် မလိမ်မညာပဲဖြေရင် အမှန်တွေနဲ့ အကောင်းတရားတွေနဲ့ နီးလာပြီ)

(၆) ဖြစ်နေတဲ့ အဆိုးတွေရော အကောင်းတွေရောဟာ
ဘာမှ မမြဲဘူး။ ဘာမှ မဟုတ်ဘူး။ တခဏလေးတွေချည်းပဲ။
သင်္ခါရတရားတွေ အချိန်ပြည့် နှိပ်စက်နေတာလို့ အမြဲနှလုံးသွင်းနေကြည့်လိုက်ပါ။

သဘာဝကို သဘာဝ၊ အမှန်ကို အမှန်လို့
ကြည့်တတ် မြင်တတ် လက်ခံတတ်တာ လက်ခံနိုင်တာဟာ သတ္တိရှိလို့ပါ။
သဘာဝအမှန်တရားကို လက်ခံနိုင်ရင် စိတ်ဓါတ်ရင့်ကျက်လာပြီ။
အရှိကိုအရှိအတိုင်း အမှန်တရားကို အမှန်အတိုင်း လက်ခံနိုင်တဲ့စွမ်းရည်ကပဲ
အရာရာအပေါ်ကို balance အဖြစ် မြင်တတ်လာလိမ့်မယ်။
အဲဒီလက်ခံနိုင်တဲ့ စိတ်ဓါတ်ကပဲ ကိုယ့်ဘဝကို တကယ်တမ်း
ဘာရှေ့ဆက်လုပ်ရမလဲ ဘယ်အရာတွေကို မလုပ်သင့်တော့ဘူး။
ဘယ်အရာတွေတော့ ပိုလုပ်သင့်သလဲဆိုတာ လမ်းပြပေးသွားပါလိမ့်မယ်။
နေတတ်ထိုင်တတ်အောင် စိတ်ချမ်းသာနေအောင်လည်း အပြည့်အဝ ကူညီပါလိမ့်မယ်။

ဒါပေမယ့် ဖတ်ထားပြီးရော ပြီးရင်မေ့ မလုပ်ပဲ…
အဲဒီအတွေးတွေကို မမေ့မလျော့ သတိတရ တွေးတွေးနေပေးဖို့တော့ လိုတယ်။
တကယ် တွေးတွေးကြည့်ပြီးတဲ့အခါ လက်တွေ့ စိတ်ချမ်းသာလာတာကို တွေ့ရလိမ့်မယ်။
တချို့အရာတွေက သူများရေးထားတာဖတ်တာထက် ကိုယ်ကိုတိုင် လက်တွေ့ကြုံလာတဲ့အခါ အဲဒီအရသာက ပိုပြီးစိတ်ကိုကြည်နူးကျေနပ်စေတယ်။ တချို့အမြင်တွေက ကိုယ်ကိုတိုင်လုပ်ကြည့်လာမှ မြင်လာတယ်။ ပြီးမှ ဟုတ်ပါလားလို့ပေါ့..။ေ၇းထားတဲ့စာလေးနဲ့ ရပ်မနေပဲ ဒီထက်ပိုပြီးချဲ့တွေးစေချင်တာရယ်ပါ။

စိတ်ကူးပျော်ရာ

ပုဂံအွန်လိုင်းမီဒီယာ

ခင်ပွန်းကြီး ၁၀ ပါး ကန်တော့ခြင်း

ဘုရားတပည့်တော်သည် သံသရာအစမှစ၍ ယနေ့တိုင်အောင်……

၁။ ဂုဏ်ကျေးဇူးကြီးမားကြကုန်သော မြတ်စွာဘုရားရှင် ကိုယ်တော်မြတ်ကြီးတို့အပေါ်၌

၂။ ဂုဏ်ကျေးဇူးကြီးမားကြကုန်သော ပစ္စေကဗုဒ္ဓါအရှင် ကိုယ်တော်မြတ်ကြီးတို့အပေါ်၌

၃။ ဂုဏ်ကျေးဇူးကြီးမားကြကုန်သော အဂ္ဂသာဝက ၊ မဟာသာဝက ရဟန္တာ ကိုယ်တော်ြ မတ်ကြီး တို့ အေ ပါ် ၌

၎။ ဂုဏ်ကျေးဇူးကြီးမားကြကုန်သော ရဟန္တာ အရှင်မြတ်ကြီးတို့အပေါ်၌

၅။ ဂုဏ်ကျေးဇူးကြီးမားကြကုန်သော မိခင် တို့အပေါ်၌

၆။ ဂုဏ်ကျေးဇူးကြီးမားကြကုန်သော ဖခင် တို့အပေါ်၌

၇။ ဂုဏ်ကျေးဇူးကြီးမားကြကုန်သော လိမ္မာစေရန် ကျိုးကြောင်းပြ၍ ဆုံးမတက်သော ဆရာသမား တို့ အေ ပါ်၌

၈။ ဂုဏ်ကျေးဇူးကြီးမားကြကုန်သော သီလဂုဏ်၊ ပညာဂုဏ် တို့ကို ဆည်းပူးဖြည့်ကျင့် လျက် ရှိကြ ကုန်သော လူပုဂ္ဂိုလ် ၊ ရဟန်းပုဂ္ဂိုလ် ၊ အရိယာပုဂ္ဂိုလ် ၊ မိမိထက် သိက္ခာအရွယ်ကြီးမားသူ တို့အပေါ်၌

၉။ ဂုဏ်ကျေးဇူးကြီးမားကြကုန်သော တရားဓမ္မတို့ကို ဟောပြောပြသ ဆုံးမတက်သော ဆရာသမား တို့၏ အပေါ်၌

၁၀။ ထမင်းတစ်လုပ် ၊ ရေတစ်မှုတ်

စသည်ဖြင့် ပေးကမ်းချီးမြှင့် ထောက်ပံ့ပေးဖူးသော ကျေးဇူးရှင်ပုဂ္ဂိုလ် တို့ ၏ အပေါ်၌ ကာယကံ ၊ ၀စီကံ ၊ မနောကံ ၊ သုံးပါးသော ကံတို့ဖြင့် ပြစ်မှားမိခဲ့သည်ရှိခဲ့ပါသော် ထိုအပြစ် တို့ကို ပျောက်ပါစေခြင်းအကျိုးငှါ ရိုသေမြတ်နိုး လက်စုံမိုး၍ ရှိခိုးပါ၏ ဘုရား…။

ဤသို့ ရှိခိုးပူဇော် ဖူးမြော်မာန်လျှော့ ကန်တော့ရသော ကောင်းမှုကံ စေတနာတို့ကြောင့် အလုံးစုံသော ဘေးရော ဂါ အန္တရယ် အပေါင်းတို့မှ ကင်းဝေးပြီးလျှင် မြတ်စွာ ဘုရားရှင် ဟောကြားတော်မူသော သစ္စာေ လးပါး မြတ်တရားကို ကောင်းစွာ သိမြင်၍ နိဗ္ဗာန်သို့ ၀င်နိုင်သော ကိုယ်ဖြစ်ရပါစေသား အရှင်ဘုရား။ လောကီ မင်္ဂလာ အဖြာဖြာတို့သည်လည်း စိတ်ကြံတိုင်း တောင့်တတိုင်း လွယ်ကူ လျင်မြန်စွာ ပြည့်စုံ၍ ၊ နှလုံး စိတ်ဝမ်း အေးချမ်းရပါစေ အရှင်ဘုရား။
==============================================
ခင်ပွန်းကြီး(၁၀)ပါး နှင့် ခင်ပွန်းကြီး(၁၀)ပါးကို ပြစ်မှားမိပါက ကျရောက်တတ်သော ဒဏ်ကြီး(၁၀)ပါး
၁။သမ္မာ သဗ္ဗုဒ္ဓဘုရား
၂။ပစ္စေက ဗုဒ္ဓါ
၃။ရဟန္တာ
၎။အဂ္ဂသာဝက
၅။မိခင်
၆။ဖခင်
၇။အလေးဂရုပြုထိုက်သူ
၈။တရားဟောဆရာ
၉။အတတ်ပညာသင်ပေးသူ
၁၀။ ကျွေးဖူး ပေးဖူးသူ

ဤသူများ ကို ကာယကံ ၊၀စီကံ မနောကံ၊ တို့ ဖြင့်ပြစ်မှား စော်ကားမိပါက ရရှိနိုင်မယ့် ဒဏ်ကြီး(၁၀) ပါး ကတော့
၁။ ဝေဒနာကြီးမား
၂။လျော့ပါးစည်းစိမ်
၃။နေအိမ်မီးလောင်
၎။အင်္ဂါကျိုးပြတ်
၅။နူနာဝဲစွဲ
၆။စိတ်ဖောက်ရူးသွပ်
၇။ မမှန်စွပ်စွဲ
၈။မင်းပြစ်ဒဏ်သင့်
၉။ပြိုကွဲမျိုးဆွေ
၁၀။ရွှေငွေ ကျွဲနွား ယွင်းဖောက်ပြားက ဆယ်ပါးမျက်မှောက် ဒဏ်ကြီးရောက်၍ နောက်၌မသွေ သေပြန်ေ လသော် ငရဲ ကြီးစွာ လားဖို့ ရာတည်း ။
တရား ဗဟုသုတ တိုးပွါးနိုင်ကြပါစေ...။
(ဓမ္မရံသီဆရာတော် ဦးသုနန္ဒ)

မြတ်ဗုဒ္ဓအလင်း

**** ချစ်ခွင့် ****

စွဲစွဲလမ်းလမ်း ချစ်မိတာ သူ့ကို
ဒါပေမယ့် ရူးရူးမူးမူး တမ်းတနေရုံကလွဲပြီး
ငါ ဘာများ တတ်နိုင်ဦးမှာလဲ .....

အဆိုးရွားဆုံး လက်ရှိဘ၀ထဲ
အရိုးသားဆုံး ၀န်ခံချင်တာက
မင်းကို အရမ်းချစ်တယ် ဆိုတာပါဘဲ .....

အသုံးချခံ ကံတရားရဲ့ လှည့်ကွက်ထဲ
အသုံးမကျတဲ့ ငါ့ကိုယ်ငါ အပြစ်တင်ရင်း
အဆုံးဆမဲ့ ချစ်ခဲ့မိတာက ငါရူးဖို့သက်သက်အတွက်ဆိုတာ နားလည်ပါတယ် .....

ဒါပေမယ့် ~~~~~
အိပ်မရညတွေထဲ
ငါ့နှလုံးသားက မင်းနာမည်တွေ ပဲ့တင်ခတ်လာချိန်မှာတော့
စွန်းထင်းသွားတဲ့ ငါ့ဘ၀ကို ပြန်စဉ်းစားရင်း
ပင့်သက်ရှိုက် မရဲတရဲဆုတောင်းမိတယ် ...
~~~ ချစ်ခွင့်ရှိပါစေလို့ ~~~

 

အောင်ကျော်မြင့်(akmyint.kooo@gmail.com)

မြေထဲပင်လယ် အစားအသောက်များက နှလုံးရောဂါ ဖြစ်နိုင်ခြေ လျော့နည်းစေ

မြေထဲပင်လယ်စတိုင် အစားအသောက်များက နှလုံးရောဂါ ဖောက်နိုင်ခြေကို လျော့နည်း ကျဆင်းစေကြောင်း သုတေသီများက ပြောကြားလိုက်သည်။ မြေထဲပင်လယ်စတိုင် အစားအသောက် ဆိုသည်မှာ သံလွင်ဆီများများ၊ မြေပဲများ၊ ငါး၊ ကြက်သား၊ ပဲသီး၊ ဆလတ်ရွက်၊ ခရမ်းချဉ်သီး အချဉ်ရည်၊ ဝိုင်နှင့် အကင်အချို့ကို ခြုံငုံဆိုလိုခြင်း ဖြစ်သည်။ နယူးအင်္ဂလန် ဆေးပညာ ဂျာနယ်က မြေထဲပင်လယ်စတိုင် စားသောက်မှု ပုံစံသည် ကျန်းမာရေး ကဏ္ဍအတွက် အထောက်အကူ ဖြစ်စေမည့် ရွေးချယ်သင့်သော စံနှုန်းတစ်ရပ်ဟု ဖော်ပြထားသည်။ ငါးအဆီ၊ သီးနှံနှင့် အရွက်များ ကြွယ်ဝစွာ ပါဝင်သော စားသောက်မှု ပုံစံသည် နှလုံးနှင့်ဆိုင်သော ရောဂါများကို ကာကွယ်ပေးပြီး အထူးသဖြင့် လေဖြတ်နိုင်ခြေကို သိသိသာသာ လျှော့ချပေးနိုင်ကြောင်း သိရသည်။

အဆီဓာတ်နည်းသော အစားအစာများသည် ကျန်းမာရေးအတွက် အဓိက အထောက်အကူ ဖြစ်စေသည်ဆိုသော ယခင်ယူဆချက်နှင့် ယခုတွေ့ရှိချက်မှာ သိသိသာသာ ခြားနားနေသည်။ ယခုသုတေသန စစ်တမ်းအတွက် စပိန်နိုင်ငံမှ အသက် (၅၅) နှစ်မှ (၈၀) ကြား သက်ကြီးပိုင်း လူပုဂ္ဂိုလ် (၇၅၀၀) ၏ နေထိုင်စားသောက်မှု ပုံစံများကို (၅) နှစ်စာ အချိန်ယူ လေ့လာခဲ့ရသည်။ ယခု သုတေသန တွေ့ရှိချက်အတွက် ဦးဆောင်ခဲ့သည့် ပညာရှင် မာတီနက်ဇ်ဂွန်ဇာလက်ဇ်က ၎င်းနှင့် ၎င်း၏ လုပ်ဖော်ကိုင်ဖက်များသည် မြေထဲပင်လယ် အစားအစာများက နှလုံးသွေးကြောများနှင့် သက်ဆိုင်သော ထိခိုက်မှုများကိုလည်း သိသိသာသာ လျော့နည်းစေသည်ဟု လက်ခံထားကြောင်းပါ ပြောကြားသွားသည်။

Source: Xinhua
BY PLANET

အိမ်တွင်း ဂိမ်းများနှင့် ကလေးများ၏ အမြင်အာရုံ ထိခိုက်မှု

တီဗီရှေ့မှာ ဗီဒီယိုဂိမ်းများကို အချိန်နာရီ အကြာကြီးထိုင် ကစားလေ ကလေးများ၏ မျက်စိအမြင် အာရုံ ထိခိုက်မှုများလေဖြစ်ကြောင်း မကြာသေးမီက လေ့လာချက်အရ တွေ့ရှိဖော်ထုတ်နိုင် ပြီဖြစ်တယ်။ ဆစ်ဒနီ ပြည်သူ့ကျန်းမာရေး တက္ကသိုလ်မှ ၅ နှစ်ကြာ လေ့လာ ချက်အရ အသက် ၆ နှစ်အောက် ကလေးတွေ အိမ်အပြင်ဘက် နေရောင် ခြည်အောက်မှာ အနည်းဆုံး တစ်ပတ် လျှင် ၁၀ နာရီခန့် ကစားခုန်စား လုပ်သင့်တယ်။

သို့မှသာ အဝေးမှုန် ခြင်းမှ နည်းပါးလျှော့ချနိုင်တယ်လို့ ဆိုပါတယ်။ သုတေသနခေါင်းဆောင် မျက်စိ အထူးကုဆရာဝန် ကက်သရင်းရို့စ်၏ ပြောကြားချက်အရ အသက်ငယ်စဉ် ကလေးတွေဟာ နေရောင်ခြည်နှင့် တိုက်ရိုက်ထိတွေ့ပါက မျက်စိဖွံ့ဖြိုး ကြီးထွားမှုဖြစ်စေတယ်။ ထိုအခါ မျက်စိအိမ် (Eyeball) သည် လုံးဝန်း မနေဘဲ ဘဲဥပုံသွယ်လာပြီး မှန်ဘီလူး မှ ဝင်လာသည့် အလင်းဟာ မြင်လွှာ (Retina) ပေါ် ကျရောက်စေကာ ပုံရိပ်ကို မြင်စေပါတယ်လို့ ရှင်းပြပါ တယ်။

အမေရိကန်မျက်စိဆိုင်ရာ ဂျာနယ် မှာ ပုံနှိပ်ဖော်ပြထားတဲ့ သုတေသန အဖွဲ့က အကြံပေးတာကတော့ယနေ့ ခေတ်မှာ အဖြစ်များနေတဲ့ မျက်စိ အဝေးမှုန်ရောဂါဟာ ငယ်ရွယ်စဉ်က ပင် ပညာရေးထိပ်တန်း အောင်မြင်လို တဲ့ ကလေးများ ဥပမာ- စင်ကာပူ၊ တရုတ် (တိုင်ပေ) နှင့် ကိုရီးယားနိုင်ငံ တို့မှ လူတော်လေးများဖြစ်အောင် ကြိုးစားနေတဲ့ ကလေးတွေမှာ ၈၀ ရာခိုင်နှုန်းမှ ၉၀ ရာခိုင်နှုန်းထိ ဖြစ်ပွား နေကြောင်း တွေ့ရှိတယ်လို့ သိရပါ တယ်။ ပါမောက္ခ ရို့စ်ရဲ့ အကြံပေးချက် ကတော့ ကျောင်းတွေမှာ ကလေး တွေကို လေအေးပေးစက်နဲ့ မီးရောင် ရှိတဲ့ အလုံပိတ်အခန်းတွေထဲမှာချည်း စာသင်တာမျိုးမဟုတ်ဘဲ ကျောင်းခန်း အပြင်ဘက် နေရောင်အောက်မှာ စာသင်ပေးကြပါလို့ တိုက်တွန်းထား ပါတယ။
မေ
BY HEALTH DIGEST

ကျန်းမာရေးစာတိုများစုစည်းမှု(facebook)

မိန်းမပျက်အင်္ဂါ(၂၅)ချက်...

ဇာတ်ပါဠိတော်တွင် လာရှိသော မိန်းမပျက်အင်္ဂါ(၂၅)ချက်

၁။ လင်ယောက်ျား အရပ်တစ်ပါးသွားတာကို ချီးမွမ်းတတ်ခြင်း။
၂။ အရပ်ဝေးသွားသော လင်ယောက်ျားအား အမှတ်မရတတ်ခြင်း။
၃။ လင်ပြန်ရောက်လာသည်ကို မနှစ်သက်ခြင်း။
၎။ လင်ယောက်ျား ဂုဏ်ကျေးဇူးမဲ့အောင် ပြောဆိုတတ်ခြင်း။
၅။ လင်ယောက်ျားအပေါ်တွင် ချီးမွမ်းစကား မပြောဆိုတတ်ခြင်း။

၆။ လင်ယောက်ျားအပေါ်တွင် အကျိုးမဲ့ကိုသာ ပြုတတ်ခြင်း။
၇။ လင်ယောက်ျားအပေါ်တွင် အကျိုးရှိသည်ကို မပြုတတ်ခြင်း။
၈။ လင်ယောက်ျားအပေါ်တွင် ပြုလုပ်ပေးရမည့်တာဝန်ကို မပြုလုပ်ပေးခြင်း။
၉။ လင်ယောက်ျားအပေါ်တွင် မပြုလုပ်ပေးသင့်တဲ့အမှုများသာ ပြုလုပ်ပေးခြင်း။
၁၀။ အ၀တ်ကို မြဲစွာဝတ်၍ အိပ်တတ်ခြင်း။

၁၁။ လင်ကို ကျောပေးအိပ်ခြင်း။
၁၂။ ကပြောင်းကပြန် အိပ်တတ်ခြင်း။
၁၃။ အသက်ရှု ကြမ်းတမ်းစွာ အိပ်တတ်ခြင်း။
၁၄။ လင်ယောက်ျား စိတ်ဆန္ဒကို ဆန့်ကျင့်ဘက်လုပ်ပြီး စိတ်ဆင်းရဲအောင် ပြုလုပ်တတ်ခြင်း။
၁၅။ ကျင်ကြီးကျင်ငယ်စွန့်ရန် ခဏခဏ သွားတတ်ခြင်း။

၁၆။ ဖောက်ပြန်သော အကျင့်ကို ကျင့်တတ်ခြင်း။
၁၇။ ကျန်းမာရေးဖောက်ပြန်ချင်ယောင် ဆောင်တတ်ခြင်း။
၁၈။ တခြားယောက်ျားအသံကို နားစွင့်ပြီး နားထောင်တတ်ခြင်း။
၁၉။ လင်ယောက်ျားရှာဖွေထားသော ပစ္စည်းဥစ္စာကို မတရားဖြုန်းတီးပစ်တတ်ခြင်း။
၂၀။ တဏှာကာမစိတ်နဲ့ အိမ်နီးချင်းယောက်ျားများကို အကျွမ်းဝင်တတ်ခြင်း။

၂၁။ အချိန်အခါမဲ့တွင် လင်ငယ်ရှာဖွေရန် လမ်းတကာသို့ ၀င်ထွက်သွားလာတတ်ခြင်း။
၂၂။ လင်ငယ်နေပြီး လင်ကြီးပေါ်တွင် ရိုသေခြင်းမရှိဘဲ မကောင်းကြံတတ်ခြင်း။
၂၃။ အိမ်တံခါးဝတွင် အမြဲလိုလို နေထိုင်တတ်ခြင်း။
၂၄။ ခန္ဓာကိုယ် အင်္ဂါကြီးငယ်တို့ကို ဖော်ပြတတ်ခြင်း။
၂၅။ အရပ်တကာ လျှောက်သွားတတ်ခြင်းတို့ ဖြစ်ပါပေတယ်။ (မဟာကုဏာလဇာတ်၊ ဇာတကပါဠိတော်၊ ဒုတိယအုပ်၊ စာမျက်နှာ(၁၂၁)

အိမ်ထောင်သည်ဘ၀တွင် ယောက်ျားမိန်းမနှစ်ဦးတို့ မကွဲကွာအောင် ဘယ်လိုပြုမှုနေထိုင်ရမလဲလို့ မေးထားတဲ့မေးခွန်းကို မိန်းမသားဘက်က မိန်းမပျက်အင်္ဂါများမှ ရှောင်ကြဉ်နိုင်ပြီး ယောက်ျားသားဘက်ကလည်း မိမိဇနီးမယားကို စောင့်ကြည့်ကာ သတိပေးပြင်ဆင်ပေးနိုင်ဖို့ မိန်းမသားများ ရှောင်ကြဉ်ရမဲ့ အချက်အလက်တွေကို ရေးပေးလိုက်ပါတယ်။ မကြာခင် ယောက်ျားသားများရှောင်ကြဉ်ရမဲ့ အချက်တွေလည်း တင်ပေးပါဦးမယ်။

ဒီအချက်အလက်များကို ရေးသားပေးရခြင်းမှာ မိန်းမများကလည်း မိမိတို့ ဒီအချက်တွေထဲက တော်တော်များများ ဖြစ်နေပြီဆိုရင် မိမိကိုယ်ကို မိန်းမပျက်မဖြစ်အောင် စောင့်ထိန်းနိုင်ဖို့၊ ယောက်ျားများကလည်း မိမိဇနီးမယားဟာ မိန်းမပျက် ဟုတ်မဟုတ်ကို စိစစ်တတ်ပြီး နှစ်ဦးနှစ်ဘက် အကျိုးရှိစေလိုတဲ့ စေတနာနဲ့ ရေးသားပေးလိုက်တာပါ။

မိန်းမသားများကလည်း မိန်းမပျက်ဘ၀မှ လွတ်ကင်းကြကာ ယောက်ျားသားများလည်း မိန်းမပျက်များနဲ့ ကင်းရှင်းကြပါစေလို့ ဆန္ဒပြုလျက်....။

အရှင်ကောမလ ဆန်နီနေမင်း

ဖယောင်းအုပ်ထားတဲ့ ပန်းသီး သတိထား

ပန်းသီးဟာ လူတွေအဆိုအရ တားမြစ်သီးလို့လည်း အမည်တွင်ခဲ့တာပါ။ အာဒံနဲ့ ဧ၀ ကို ရည်ညွှန်းပြီး ဒီ ပန်းသီးဆိုတာ ကို စားသုံးဖို့ တားမြစ်ခဲ့ရာက စခဲ့တယ် ထင်ပါတယ်။

အခုတော့ ပန်းသီးကို တားမြစ်သီးအဖြစ်ကနေ သတိထားစားရမည့် အသီးအဖြစ် ပြောင်းလဲ ခေါ်ဝေါ်ရမယ့် ကိန်း ဆိုက်နေပါတယ်။

ဒါကတော့ ဈေးကွက်ထဲမှာ နိုင်ငံပေါင်းစုံက ပန်းသီးတွေကို တွေ့နေ၊ မြင်နေကြဖြစ်မှာပါ။ အရောင်အဆင်း စိုစိုပြေပြေ နဲ့ လှပပြီး ဆွဲဆောင်မှုအပြည့်နဲ့ စားချင်စဖွယ် ပန်းသီးတွေထဲမှာ တချို့ တံဆိပ်တွေနဲ့ ပန်းသီး တချို့ဟာ သတိထားပြီး စားရပါ့မယ်။

ဘာကြောင့်လည်းဆိုတော့ ပန်းသီးတလုံးချင်းစီရဲ့ အပေါ်ယံပါးပါးမှာ ဓာတုဆေးနဲ့စီမံထားတဲ့ ဖယောင်းတွေ အုပ်ထား လို့ပါပဲ။

အခုလို ဖယောင်းဖုံးအုပ်ထားရတာကလည်း ပန်းသီးကို ကြာကြာခံအောင် ပန်းသီးထဲက ရေဓာတ် မခမ်း
ခြောက်သွားအောင် အထူး စီမံမှု တခုဖြစ်သလို အရောင်အဆင်း၊ အနံ့အရသာ မပျက်ဆီးပဲ ဈေးကွက် မှာ ဈေးပန်းလှအောင်အတွက်ဖြစ်တယ်လို့ သိရပါတယ်။

အကယ်လို့ အဲဒီ ပန်းသီးကို အုပ်ကာထားတဲ့ ဖယောင်းကို စားသုံးလိုက်ရင်တော့ သင့် ကျန်းမာရေးအတွက် ဒုက္ခတွေ ဆင့်ကဲဖြစ်လာမှာပါ။

ပန်းသီးစားရင်း ကျန်းမာရေးအတွက်အထောက်အကူ ကောင်းကျိုးတွေ အများကြီး ရှိတာမှာ သက်လုံ
ကောင်းတာ၊ အဆုပ် အားကောင်းတာ၊ သွေးသန့်တာ၊ ကာမအားကောင်းတာ၊ မျက်လုံးကောင်းစေတာ၊ အသားအရေ စိုပြေလှပစေ တာ စတဲ့ကောင်းခြင်းတွေအပြင် အသက်ရှည်စေတဲ့ သစ်သီးလို့တောင် ဆိုကြပါတယ်။

ဒါပေမယ့် ဖယောင်းအုပ်ထားတဲ့ ပန်းသီးစားတဲ့အခါ ဖယောင်းကိုပါ စားမိရင် ဖြစ်လာနိုင်တဲ့ရောဂါတွေက အူနဲ့ ပတ် သက်တဲ့ ဆိုးကျိုး၊ အစာအိမ်နဲ့ ပတ် သက်တဲ့ ဆိုးကျိုးတွေအပြင် သွေးနဲ့ပတ်သက်တဲ့ ဆိုးကျိုး လည်းဖြစ်လာနိုင်သလို ကင်ဆာရောဂါအထိပါ ဖြစ်နိုင်တယ် လို့ အနောက်နိုင်ငံက ဆေးသိပ္ပံ ပညာရှင်တွေ က ဆိုထားပါတယ်။

ဒါကြောင့် ဖယောင်း အုပ်ထားတယ်၊ အုပ်မထားဘူးဆိုတာ သေချာ မသိနိုင်သလို တော်ရုံဆေးကြောရုံနဲ့ လည်း အဲဒီဖယောင်းဟာ သန့်ရှင်း စင်ကြယ် မသွားပါဘူး။ အန္တရာယ် ကင်းကင်း စားသုံး ချင်တယ်ဆို ရင်တော့ ပန်းသီးကို အခွံနွှာပြီး သေချာ ရေနဲ့ စင်ကြယ်အောင်ဆေးပြီးမှ စားသုံးတာ စိတ်ချရပါမယ် လို့ သတိပေး ရေးသားလိုက်တာပါ။

ပန်းသီးနဲ့ ဖယောင်းအကြောင်းကို www.apal.org.au မှာလည်း အကျယ်တ၀ံ့ဖတ်နိုင်ပါတယ်။

ဧရာဝတီblog

အိမ်ရှင်မတွေအတွက် Digital ဇွန်း

အခု တွေ့မြင်ရတဲ့ပုံကတော့ အိမ်ရှင်မတွေအတွက်တော်တော်လေး
အဆင်ပြေစေမှာ ဖြစ်သလို စားဖိုမှုးတွေအတွက် သင့်တော်စေမယ့် ဒစ်ဂျစ်တယ် စနစ်နဲ့ချိန်ညှိပေးမယ့်ဇွန်းပဲဖြစ်ပါတယ်၊

ဟင်းချက်ရာမှာ ဆီကိုချိန်ဆထည့်သွင်းရန် အခက်ခဲဖြစ်နေသူတွေအတွက် အထူးသင့်လျှော်စေမှာဖြစ်သလို မိမိထည့်သွင်း ချင်တဲ့ပမာဏကိုလည်း ကိန်းဂဏန်းနဲ့ တိတိကျကျဖော်ပြပေးသွားမှာဖြစ်ပါတယ်၊

အလေးချိန် ၃၀၀၀ ဂရမ်အထိ တင်ဆောင်ချိန်ညှိနိုင်သလို အမျိုးအစား
လိုက်အသုံးပြုလို့ရမယ့် ခွက်တွေဇွန်းတွေတပ်ဆင် ချိန်ဆပေးမှာဖြစ်ပါ
တယ်၊amazon.com မှာ ၁၀.၇၉ ဒေါ်လာနဲ့ ရောင်းချပေးနေပြီဖြစ်ကြောင်း
သိရပါတယ်၊

Ref:techblog
Khun Nay(stuff myanmar)

Myanmar Online News(facebook)

မျက်လုံးအတွင်းမှာ ကြိုးတစ်ချောင်းကဲ့သို့ ထင်ရသော ကပ်ပါးကောင်

အဘယ်ကြောင့် ဆိုသော ဒီရောဂါဟာ မျက်လုံးအတွင်း ကြိုးတစ်ချောင်း ဝင်နေသော ပုံသဏ္ဍန်နှင့် တူသောကြောင့် ဖြစ်ပါတယ်။

မကြာသေးခင်က အမျိုးသမီး တစ်ယောက်၏ မျက်လုံးမှာ တွေ့ရှိခဲ့တာပါ။
အဲဒီအမျိုးသမီး၏ မျက်လုံးကို ထိခိုက်မှု ဖြစ်ပေါ်ခဲ့ပါတယ်။
ထို့နောက် သူမ၏ မျက်လုံးမှာ ကြိုးတစ်ချောင်း ဝင်နေသကဲ့သို့ ထင်ရသော ကပ်ပါးကောင်ကို တွေ့ရှိခဲ့ပါတယ်။

ဒီရောဂါဟာ လူတစ်ယောက်ကနေ တစ်ယောက်ကူးစက် နိုင်သောရော
ဂါဖြစ်ပါတယ်။ ဒီရောဂါဟာ မျက်လုံးအတွင်း ပြင်းထန်သော ကိုက်ခဲမှုကို
ဖြစ်စေလို့ တတ်ကျွမ်းသူတွေက ဆိုပါတယ်။

ဒီရောဂါဟာ အာရှတိုက်မှာ စတင်ဖြစ်ပွားခဲ့တာပါ။ ရောဂါကူးစက် ခံရလျှင်
မျက်လုံးကန်းသွား နိုင်ပါတယ်။ မျက်ကပ်မှန်ကို အချိန်အတော်ကြာ ဝတ်ဆင်သော သူများလည်း ဖြစ်နိုင်တယ်လို့ ဆရာဝန်တွေက ဆိုပါတယ်။
ဒီရောဂါကို ကာကွယ်ဖို့ ဆရာဝန်များ ကြိုးစားလျက် ရှိပါတယ်။

Ref - Anuksa
Kyaw Lin Naing (MM Social Sky)

အေးချမ်းမွန် Copy & Cridet To > Myanmar International News

English စာလေ့လာနေကြသူများအတွက် အလွန်အသုံးဝင်သော စကားစုများ

ဒီစာအုပ် ကို ရေးသားတဲ့ " ခိုင်မြဲသာ" ကို ကျေးဇူးတင်ပါတယ်
ကဲ ကျွန်တော် Friends တွေ လည်း အဆင်ပြေပါစေ ဆိုပြီးးး ကျွန်တော်လည်း ရိုက်လိုက်ရတာ လျှာထွက်နေပြီ
NOTE Pad ထဲကို ပြောင်း SAVE လိုက်နော် အဆင်ပြေပါစေ.....H2

Business is business - (စီးပွားရေးက စီးပွားရေးပဲ)

Money talks - ( ပိုက်ဆံ စကားပြောတယ်)

Tall that to the marines - ( တောမှာသွားပြော)

Lead your own way - ( ကိုယ့်သမိုင်းကိုယ်ရေး)

Are you nuts? - ( မင်းရူးနေလား)

You are very talkative - (မင်းအရမ်းစကားများတာပဲ)

Behave yourself - ( ယဉ်ယဉ်ကျေးကျေးပြုမူပါ)

That's the beauty of it - ( အဲဒါလေးတွေချစ်ဖို့ ကောင်းတာ )

ဆိုဒါသောက်ခြင်း၏ ဆိုးကျိုးများ

ဆိုဒါသောက်ခြင်း၏ ဆိုးကျိုးများဆိုဒါကို စွဲနေပါသလား။ ကာဗွန်ထည့်သွင်း ထားတဲ့ ဆိုဒါရည် အများကြီး သောက်ခြင်းသည် မက်သမ်ဖက် တမင်းနှင့် ခရက်ကိုကင်း သုံးသလိုပဲသွားတွေထိခိုက်ပျက်စီးနိုင်ကြောင်း လေ့လာချက်
တစ်ခုမှ အံ့ဩဖွယ်ရာ တွေ့ရှိခဲ့ပါတယ်။ တရားမဝင် ဆေးဝါး များနှင့် ဆိုဒါကို မဟားတရား စား သောက်ခြင်းတို့ကသွားတွေ တစ်စတစ်စ တိုက်စားခံရသလိုဖြစ်ခြင်းဖြင့် ခံတွင်းကို ထိခိုက်ပျက်စီးစေနိုင်ပါသတဲ့။ အက်စစ်ဓာတ်က သွားများပေါ်ရှိြွေကသွားတွေကိုပါ ထိခိုက်ပျက်စီးစေပါတယ်။

ကြွေသွားလွှာကို ကာကွယ်ထားခြင်းမရှိပါက သွားတွေဟာ ပိုပြီးအပေါက်တွေဖြစ် လွယ်ပါတယ်။ ဒီ့အပြင်သွားအက်ကွဲခြင်း၊ အရောင်မလှဖြစ်ခြင်းတွေ ရှိလာနိုင်ပါသတဲ့။

မက်သမ်ဖက်တမင်း သုံးခဲ့တဲ့သူ၊ ကိုကင်းကို အကြာကြီးသုံးစွဲတဲ့သူနှင့် ဆိုဒါအလွန်အကျူးသောက်သူ သုံးဦး၏ သွားနှင့်ခံတွင်းထိခိုက်ပျက်စီးမှုကို
လေ့လာနှိုင်းယှဉ်ကြည့်ခဲ့ရာ ထိုသူအားလုံးမှာ ခံတွင်းကျန်းမာရေးညံ့ဖျင်း လှကြောင်း တွေ့ခဲ့ရပါတယ်။

အဓိက ကတော့သွားဆရာဝန်ထံ သွားရောက်
ပြသခြင်းလည်းမရှိခဲ့ကြပါဘူးတဲ့။ သုတေသီများ တွေ့ရှိတာကတော့ ထိုလူသုံးဦး၏ ခံတွင်းမှာ သွားများတိုက်စားပျက်စီးမှုမှသည် ထိခိုက်ပျက်စီးမှု အတော်လေးဆိုးဝါးတာကတော့ အတူတူပင်ဖြစ်ကြောင်း တွေ့ခဲ့ကြပါ သတဲ့။ လူတစ်ဦးချင်းစီမှာ ပြင်းထန်ဆိုးဝါး တဲ့ သွားတိုက်စားခံရမှုဟာ အက်စစ် ဓာတ်ပမာဏ မြင့်မားမှုကြောင့်ဖြစ်ပြီး ၎င်းတို့သုံးစွဲတဲ့ မူးယစ်ဆေးဝါးတွေ အပေါ်မူတည်ပါသတဲ့။

ပုံမှန်နှင့် အစားအသောက်ဆိုဒါ ထဲမှာ ပါလေ့ရှိသော စီးထရစ်အက်စစ် ကလည်း သွားတွေရှိြွေကသွားကို တိုက်စားရာတွင် မြင့်မားတဲ့ အာနိသင် ရှိပါတယ်။ ဆိုဒါအလွန်သောက်တဲ့လူဟာ တစ်နေ့လျှင် Diet Soda ၂ လီတာနှုန်းဖြင့် ၃ နှစ်မှ ၅ နှစ်ကြာအောင် သောက်သုံးခဲ့သူတွေဖြစ်ပါတယ်။ Diet Soda သောက်တာဟာ သူတို့ရဲ့ ခံတွင်းကျန်းမာရေးကို မထိခိုက်ပါဘူး လို့ ယူဆနေကြသူများအား ဤတွေ့ရှိချက်က တပ်လှန့်လိုက်ပါပြီ။ တာဝန် ရှိသူများက လူနာများအား ဆိုဒါ အနည်းငယ်သာသောက်ရန်နှင့်၎င်း အစား ရေပိုသောက်ပေးရန် နှိုးဆော် ခဲ့ပါတယ်။

ဆိုဒါသောက်ပြီးပါက ခံတွင်းကို ရေဖြင့် နိုင်နိုင်ဆေး၊ ပလုတ် ကျင်းရန်နှင့် သကြားမပါ ပီကေဝါးပေး ရန် အကြံပေးခဲ့ပါတယ်။ ထိုသို့ပြုလုပ် ခြင်းဖြင့် တံတွေးပိုထွက်လာကာ အက်စစ်ဓာတ်လျော့ ပါးစေပြီး ခံတွင်းကို ပုံမှန်ဖြစ်စေ ပါတယ်လို့ ရှင်းပြပါ တယ်။

Health Digest

Myanmar Online News(facebook)

အအိပ်မက်သူများ အတွက် နှိုးစက် နာရီပျံ

ကျောင်းသား၊ ကျောင်းသူများ၊ ရုံးဝန်ထမ်းများ၊ နံနက် စောစောထပြီး အလုပ်သွားရန် ပြင်ဆင်သူများနှင့် နံနက် စောစောထရာတွင် နှိုးစက် အသံမြည် သော်လည်း နှိုးစက်အား ပိတ်ပြီး ပြန်အိပ်တတ်သောသူများ
အတွက် အဆင်ပြေစေရန် နှိုးစက်နာရီပျံကို တီထွင်လိုက်ပြီ ဖြစ်သည်။

နှိုးစက် နာရီပျံသည် သာမန်နာရီ တစ်လုံးကဲ့သို့ အသံမြည်နိုင်ပြီး နာရီအား အရှည် ၁ ဒသမ ၈ လက်မရှိ LCD ဒိုင်ခွက်တွင် ပြသနေသည်။ နှိုးစက်
နာရီပျံအား မိမိနှိုးစက် ပေးလိုသောအချိန်ကို သာမန် နာရီ တစ်လုံးကဲ့သို့နှိုးစက် ပေးလိုက်ပါက သတ်မှတ်နာရီ အချိန်ရောက်လျှင် နှိုးစက် နာရီပျံမှ အသံကျယ်လောင်စွာ အချက်ပေးပြီး နာရီ အပေါ်ဘက်တွင် တပ်ထားသည့် ပန်ကာ ဒလက်သော့မှာ လည်ပတ်ပြီး နာရီမှ ဝေးရာသို့ ပျံထွက်သွားသည်။

၎င်းပန်ကာ ဒလက်သော့အား မူလ နေရာသို့ ပြန်လည် တပ်ဆင်ခြင်း မပြုသရွေ့ နှိုးစက် သံအား တိတ်အောင် မပြုလုပ်နိုင်ပေ။ ပန်ကာဒလက်အား နှိုးစက် နာရီပျံရှိ မူလနေရာတွင် ပြန်လည် တပ်ဆင်မှသာ နှိုးစက်သံ တိတ်သွားမည် ဖြစ်သည်။ အဆိုပါ နာရီတွင် AA အရွယ်အစား ဓာတ်ခဲ ငါးလုံး အသုံးပြု ထားပြီး တန်ဖိုးမှာ အမေရိကန် ဒေါ်လာ ၆ ဒသမ ၄၃ ဒေါ်လာ ဖြစ်သည်။

မွန်ကြီး

မြ၀တီ